The Luxe Seafood Bar & Resto (Closed)

老公鐘意食蠔，呢間又平又有蠔食就最適合了。在table map一早訂了7:30兩位，7點早到了，侍應小姐都俾我地入座。一入去就見到左手邊擺滿生蠔。生蠔都幾新鮮，好肥美，不過少了些海水味。侍應不停refill生蠔，不怕攞唔到。 冷盤還有青口和蝦兩種，閒來還有長腳蟹，雖然每人只限拎兩隻，但是侍應會貼心地奉上剪刀，方便進食。 壽司種類不多，刺身亦只有三文魚一種，數量亦非常有限。不過來這裡食自助餐都係為了生蠔，少一點三文魚或者其他刺身，其實亦不是問題。熱盤有炒飯、黑椒豬手、炆羊腩、蘿蔔清湯牛腩、炸饅頭、鴨胸等等。最吸引的是即場切的豬仔肶，喇沙湯米。 個南瓜湯都好好味，夠濃。甜品款式也不少，tiramisu,蛋糕仔，細細件，可以多試幾款。不過我個人最喜歡吃豆腐花，滑滑的，豆味十足。yummy! 每人二百幾蚊，平日星期一至四更平，可以再來食。

生蠔出得夠快，都幾鮮甜。但係都系有D碎殼。小心D食就ok。😀但係三文魚好少，要同凍蝦輪住出，無甘好😣😣😣野食種類ok啦，吾多吾少，基本一小時就飽啦😀美中不足就係只有橙汁，咖啡，朱古力飲，多D就好啦總體就中中等等啦，會再去，但都係一次or兩次 more

是咁的，旺角朗豪坊果間平時排到痴線，啲人攞野食好似去搶咁，但呢間完全無人排就去食。好喇黎得當然食蠔，蠔回得快，人排隊有規矩（太好了），野食多過旺角果間，不過點解咁多都係羊，羊腩，燒羊扒，羊架。。。有熱食有飯麵，也有甜品，凍食呢就係門口果堆沙律菜同沙律。熱食普通（預左啦），沙律ok，凍食有三文魚刺身（一瞬即逝），青口、螺肉、蝦幾好既，反而一心黎食既蠔呢就普通，啲碎殼多到呢，同埋蠔唔甜無乜味，好在叫新鮮，如果要求唔高旨在在食係抵食既，不過我同男朋友仔食左半個鐘（佢只係食左兩碟就坐左響度唔郁）已經玩電話，一個鐘未夠已經埋單走人，隔離枱碌大眼望咁快停手哈哈，人地唔個點解有平但我地無，埋單兩人好似$570（唔係我埋單乜都唔知）

朋友之前食過, 都覺得幾抵, 於是今次建議我嚟食, 明知百零蚊價錢, 唔會有d咩貴嘢食, 但都叫做係buffet, 算係抵食啦~一早book咗位, 所以唔駛急, 但都早咗到, 响門口等朋友時, 見到門口地下, 用磚仔砌成佢鋪頭個外, 都特別~入到去, 限時食, 咁一坐低, 當然出去行個圈, 視察下環境, 呢度地方唔大, 拎嘢食的地方都唔算好大範圍, 但款式算係唔少, 以呢個價錢, 算係好多嘢食, 當然唔會係好貴的食物, 連刺身都冇~熱食主要有炒飯、炒麵、炆豬手、雞翼、薯角、紫薯茸、豬肋骨、焗千層麵、炒什菜、炸饅頭、鴨胸、豬脾、奄列(即叫即做)~而冷食有凍蝦、青口、壽司、沙律、火腿、生果~飲品方面, 選擇冇乜, 只有茶、咖啡、橙汁~甜品都係得幾款杯仔, 再加豆腐花、焗布甸~湯就更加得一款, 一係飲, 一係唔飲~基本上食物唔算太好味, 只有一般, 唔難得就可以接受, 最like佢地係不停refill, 經常見到廚師走出嚟望下夠唔夠食物, 有時經理都會望下, 見有d差不多冇, 都會通知refill~都限時前15分鐘左右, 就會叫你埋單, 到夠鐘時會再提提你, 一般人都好識做, 唔會賴死唔走~

食自助餐，通常最期待海鮮生蠔，The LUXE 算有驚喜。最受歡迎既生蠔入口肥美，海鮮有青口、翡翠螺同蝦，都幾鮮味。冷盤位置仲有沙津、刺身同壽司，加上各式各樣熟食同甜品，應該都有四十款以上食物選擇。個人推介燒牛肉同喇沙，燒牛肉有專責師傳即切，肉質夠嫩，味道濃郁。喇沙就即煮，辣辣地幾惹味。甜品款式就有麵包布丁、西米布丁、豆腐花，同埋幾款精緻甜品，味道還可以，畢竟小弟唔係甜品控。總結款式唔算超多，但勝在精緻美味，以$200多仲有蠔食算超值!

原本就諗住食隔泥嘅芝士火鍋嘅，但經過見到呢間夜晚自助餐咁扺，只係208加一，都忍唔住去食😍唔洗講最吸引梗係生蠔啦，都算幾大隻，而且佢refill嘅速度快，唔會話等好耐先有，有得生蠔任食係呢個價錢泥講真係算唔錯😎一開頭以為無三文魚有啲美中不足嘅感覺😢但原來佢間唔中都會轉下refill三文魚😍不過都會極速俾人攞哂😭但係壽司款式唔多😢有少少失望嘅反而個喇沙米粉岀乎意料地唔錯😍湯底好重椰汁味😍有少少辣但又好香好濃😍甜品嘅款式都算多，除左圖入面嘅仲有幾款嘅😚個朱古力蛋糕雖然有啲苦，但佢係好濃嘅朱古力味，唔會話太甜太流😍相反有個奶凍就麻麻，未雪夠仲未凝固就擺岀泥🙄不過整體泥講啲食物都唔錯，仲要價錢唔太貴，真係扺食嘅😎

2016．1．27朋友推介「性價比OK既Buffet Choice，價錢抵食物水準亦不錯」小妹第一次食，咩都想試所以份量小D。必食既生蠔肥美鮮甜，員工會keep住refill，朋友們都encore左幾次。凍盤仲有翡翠螺、蝦、青口、沙津、Cold Cut等等。熟食選擇包括，專人即切燒牛肉、即煮喇沙、其他豬雞羊魚款式都有。甜品精緻，最驚喜係豆腐花，確係滑嘟嘟。

因為好早去到, 所以唔洗等好耐就入得啦~今次係第一次試呢間, 之前係朗豪坊都見到, 不過好多人等位所以無試到其實佢間餐廳放食物位唔係好大, 不過麻雀雖小, 五臟俱全, 都算有好多種唔同嘅野食目測係有至少30種嘅!我地入到去, 第一時間當然係拎海鮮啦! 拎左生蠔, 蟹腳, 大蝦, 全部都好新鮮, 又洗得乾淨無乜沙~啲生蠔無乜腥味，都好creamy, 蟹腳仲有陣海水味有啲咸，大蝦啲肉唔會好梅，夠爽跟住就拎番D熱食, 佢得一種燒牛肉, 肉質唔係好硬唔會話咬唔開, 又唔會多血水, 質素OK~另外佢有即整嘅奄列火腿~因為係即整所以夠哂熱, 我自己都食左兩碟 之後試左佢個湯, 應該係南瓜忌廉湯~好好味好CREAMY~佢仲有其他小菜, 有燒雞，不過啲肉好乾好硬另外食左 SALAD, 同埋水果。水果有好多款揀，有菠蘿，哈密瓜，密瓜，全部都好新鮮好甜👍🏻整體黎講, 呢個價錢食BUFFET, 都合理

今日難得約左4個女仔去食聖誔餐，最後選擇去左isquare luxe食自助餐，今日星期一去9點鐘，待應同我地講原來LIKE佢地FB仲有4送1!～我地5個人剛剛好，勁開心入去。野食吾可以講好多，但起碼每款如凍盤（沙律，生蠔，青口），生蠔其實都吾錯，但可能因為吾係即開關係，就冇咁鮮甜，但起碼易入口同有蠔味，最後食左1打！～青口就一般偏乾身。沒想到佢鮮果沙律好味道，可以再加粟米，豆或菜。佢湯類就只有喇沙，但一點都吾求其，有一隻蝦，魚蛋，同少許粉，食落喇沙味重同椰汁味都好香，推介要食。熱盤大約10款不叫好多但KEEP住有同熱度夠，雞翼味道不錯甜甜的，洋蔥圈都新鮮又夠熱。九菜包肉果款最好味道，但南瓜冇味不好吃。湯只有1款，淡又冇味，似水…失望。仲有人切西冷比你，切左出黎邊比較難咬，但可接受同有肉味，燒汁偏淡。壽司大約4-5款，只可說正常味道同吾乾身。三文魚刺身比較少有，成日都冇，但拿了返黎係冇味係有失望。甜品都大約10款，飲品橙汁同熱野飲。甜品大部份都吾錯，特別係面包布甸，粟子蛋糕和紫薯！～白色果個係楊枝金露但講真吾覺同味道吾好食。生果只有2款但都新鮮同大粒，好味道！～夠甜。最後食個1.5小時就

這天老婆例牌要開OT，剛好我也出了TST工作，所以就外出吃飯又想不到吃甚麼的我們來到iSquare看看，經過了這家店早前已經經過這家店跟朗豪坊分店很多次，其實已經想試很久，但老婆不批准，所以都沒試今次老婆竟然批准試食，我這個buffet控當然急不及待的去拿位當時店內大約半滿，坐下後我馬上沖出去拿生蠔生蠔是我其中一樣最愛的食物，而我又很喜歡食buffet，所以有生蠔的buffet真的令我不受控制一開波先拿了一打生蠔生蠔是一盤的放在出面，不是即開的，所以一定不及即開的鮮生蠔不算肥美也比較細小，味道上還可以雖然不是很creamy，但比吃美國蠔算是好海水味當然也不重，不過自己比較喜歡吃creamy的，所以鹹味不重也OK不過蠔內有很多蠔殼，所以吃得很辛苦但自己不爭氣，還是吃了兩打餐廳refill蠔的速度正常，每次出去都有得拿，不會空等魚生方面只有三文魚，正正常常的啦本來入來時還見到有甜蝦的，但坐下放下袋子後出去已經沒了，之後也沒再出現老婆喜歡飲湯，所以拿了這個雞湯我說不錯啊，老婆笑我傻說當然不錯，因為是罐頭雞湯啊熟食方面大約有數十款，試過幾款算是正常麵方面有喇沙，湯底辣辣的椰汁味重，不錯甜品方面

今日嚟到尖沙咀The Luxe都幾多人，門口大排長龍，等咗半個鐘到先入得。呢到野食款色唔少，嚟到梗係要先試佢個生蠔同海鮮。最期待係個生蠔，好新鮮，有海水味，滑一滑咁，而且無苦味。海鮮就囉咗翡翠螺同青口，翡翠螺彈牙厚身，有咬感，而青口都幾好食。熟食麻吉燒、炸芝士豆腐、薄餅都幾好味，幾鍾意佢地嘅炸物，炸到金黃色又唔油唔膩。薄餅味道唔錯，薄而且脆。壽司款色都好齊，而且refill得快。三文魚係頭號必食，好新鮮，入口肥美，而D飯亦唔會好易散開。熟帶子醬汁多，而帶子亦啖啖肉。甜品就試咗個麵包布丁，外表金黃色帶少少燶，外脆內軟，仲有好香的奶味。桂花Jelly同布甸都好好味，特別係桂花Jelly，落足桂花，每啖都食到好香的桂花味。布甸奶味重，入口即溶，亦係唔錯的選擇。

之前喺旺角朗豪坊試過「The Luxe Seafood Bar & Resto」嘅自助晚餐，今晚我們去尖沙咀isquare見到他們嘅分店，所以就去試吓！結果都係無令我們失望！生蠔非常新鮮同超大隻厚身，味道相當鮮甜，極之肥美！原隻甜蝦刺身嘅味道超鮮甜嫩滑！已熟嘅原隻凍蝦嘅肉質相當爽口彈牙！翡翠螺嘅肉質好爽滑彈牙，味道亦好清甜！燒火腿嘅肉質好嫩滑，味道唔會太鹹！羅宋湯嘅材料好豐富，味道亦好濃郁！甜品有多款選擇，不過本人比較喜歡焦糖粒蛋糕，焦糖粒蛋糕嘅焦糖粒非常香甜同香脆，蛋糕亦好鬆軟！總括：呢度嘅生蠔比朗豪坊大隻！但係就無我們最喜愛嘅燒牛肉！只有燒火腿！所以各具特色！

一直也想吃Buffet，無心插柳柳成蔭，前天朋友說看到The Luxe有Early Bird優惠，價錢非常實惠，下班後就與小妹一同前來試試。餐廳位於iSQUARE 3樓，不太難找呢。為免太多人，未夠6時已經來到，一來到當然要爭取時間拼吃!準備起動了……餐廳設有多款海鮮，這裡除了有任食生蠔外，亦有小妹愛吃的翡翠螺。生蠔海水味濃，確實是肥美兼原汁原味。翡翠螺非常鮮味，螺肉質滑厚身彈牙，口感豐富。青口及鮮蝦都不俗，青口肉質夠實淨，鮮蝦亦爽口。熟食亦不乏多款食物選擇。吃了太多不能盡錄，而多轉熟食之中，味道較佳的是蛋黃醬焗扇貝及秘製豬手。焗扇貝吸收濃郁的蛋黃醬，像芝士味並帶點甜，非常惹味；秘製豬手真的值得一試，豬手炆得好淋，入味之餘，外皮亦彈牙，而滷水雞翼不會太鹹，雞翼鮮嫩。同場亦設有即切西冷扒，即點即切，西冷扒中央位置呈粉紅嫩色，不會太乾身，肉質细嫩，不錯呢!到尾聲總要來個甜品，除了有小蛋糕外，同場亦有麵包布丁、豆腐花，而豆腐花用上大型木筒盛載。豆腐花熱騰騰，滑不溜口，灑上黃糖後，略帶甜，味道更佳。至於蛋糕小點，細細件款色多，有芒果綠茶蛋糕、紅桑子慕絲蛋糕等。其中小妹較愛紅桑子慕絲蛋糕，酸酸甜

二百幾蚊自助餐，仲有生蠔，諗住試下啦去到覺得環境都唔錯但係野食種類好少……的確係有啲失望……等生蠔要排好耐隊先放一盤出黎，仲要有殼碎極度失望……唔想食……估唔到連橙汁都要等……一有大家即刻出去排隊，我覺得咁樣唔係自助餐，亦是對客人不尊重。所以我唔會再去

之前睇到食評話手掌咁大隻生蠔，咁就黎試下啦，今晚人都幾多，野食款式都唔少，有西冷牛，庵列，黑椒炒蟹，豬手，豬頸肉等.....而海鮮就有一轉嘅生蝦，青口，蝦，翡翠螺，三文魚，及甜品等，由於本人最期待就係生蠔，但係餐廳對於生蠔嘅安排非常有問題，平均十五分鐘先出一轉，每轉都係三十至四十隻，慢少少就又要等十五分鐘，以九十分鐘的用餐時間來食蠔是非常高難度，本人有幸食到一打，ｄ蠔唔係好大隻，但係都幾好食，唔重海水味，都幾鮮，甜品方面就完全無特別，以$298黎講都算係咁，但係奉勸大家唔好太高期望，期望唔係太高都會幾好！另外唔好太focus係蠔度，如果唔係好似我咁食唔夠要返屋企煮麵食啦！