The JEJU

呢間韓式燒肉餐廳之前已經bookmark左🩶, 咁岩朋友係外國返黎, 所以同佢一齊黎食, 佢同我一樣都好喜歡韓式燒肉, 呢度裝潢十分型格😎, 座位舒適, 仲有K-pop聽, 好有韓國feel氛圍👏🏻!烤盤又好特別, 第一次見, 原來係特製同專登擺放斜斜地, 多出既油可以漏落下面, 不會好油👍🏻店家提供了幾款秘製醬料和開胃菜小食, 包括醃蘿蔔🥕和魷魚🐙, 仲有笑哈哈調味料, 好得意, 岩哂打卡! 我就最喜歡有店員會幫手燒埋, 因驚自己唔識燒會燒燶, 浪費了食材, 而家幫燒埋, 好開心😆*罈子五花肉🐷 + 炒飯🍚厚切五花肉份量都好多, 店員幫手烤到剛剛好不會老, 再剪成細細件, 有驚喜, 食落外脆內軟, 很香口和juicy, 肉味濃郁, 推介🧡!伴隨有泡菜, 蒜頭, 另外雞脾菇會煮熟埋, 夾埋一起食, 好有口感~呢個餐跟埋韓式炒飯🍛, 炒飯粒粒分明, 帶點微辣, 餸肉都好惹味~*韓式芝士蒸蛋🥚 ~ 芝士放上蒸蛋上面, 蒸得蓬鬆, 入面加了高湯, 蛋香味非常濃, 份量都十足, 建議趁熱食, 會較香濃*蕎麥拌冷麵🍜冷麵配埋牛展, 雞蛋和白蘿蔔, 比一般冷麵豐富, 冷麵食落爽口，配埋特製醬汁, 更加開胃*士多啤梨米酒🥃 ~ 士多啤梨味的韓式米酒，飲落清甜, 有米酒香氣，容易入口, 都好岩女士飲*芒果奇異果沙冰🍹 ~ 芒果和奇異果酸甜適中, 沙冰幼細, 好岩夏天飲又解膩…查看更多

「唔使去濟州，都食到正宗黑豚肉？」旺角呢間餐廳以黑色火山石為主題，入去似走入神秘火山洞穴，環境舒適，播住K-pop，氣氛一流，啱晒同朋友或家人聚會。餐廳由韓國團隊主理，主打正宗韓式燒肉，用特製烤盤，肉質嫩滑多汁，唔會烤老。秘製醬料提升味道，店員幫手燒肉，技術一流，唔使擔心燒燶，坐定定食得，懶人恩物！🐽 Set B-罈子五花肉＋石盤炒飯 ＄396
🐷450g厚切五花肉，油脂均勻，店員烤到外皮金黃脆卜卜，剪成一口大細，外脆內軟，香濃唔膩。配韓式大醬、泡菜同蒜頭，味道層次豐富。套餐附泡菜、菇同橙片，食法教學令口感更特別，3人share都夠晒食！烤肉配多款醬料，其中我至愛「鳳尾魚醬」有啲似越南魚露，鹹鮮微酸，沾上豚肉好開胃，食完肉再食橙片，清爽解膩。🍚 石盤炒飯 用烤肉石盤炒，飯粒微辣，滿載肉香，略脆口感，店員砌成心形，超靚，影相打卡一流！💛 韓式芝士蒸蛋 ＄68
蓬鬆如雲，加咗高湯，蛋香濃郁，芝士拉絲效果滿分，視覺味覺雙贏！建議趁熱食，凍咗影響口感。🧡 芝士大醬湯飯 $58
微辣惹味，入面有蘿蔔、豆腐、洋蔥同芝士，材料豐富，湯底大醬香濃，微甜鹹香，食落好Warm。🍓 士多啤梨米酒 $68
底層士多啤梨果Jam，攪勻飲，甜酸平衡，果香配米酒微醺，好易入口！💛接骨木花柚子梳打 $48香甜嘅柚子梳打可以中和豚肉嘅油膩感!✨呢個黑豚肉脆卜卜超好食，肉質嫩滑，配秘製醬料同泡菜，味道豐富！店員幫燒肉，服務貼心，啱晒想輕鬆食靚嘢嘅懶人。旺角地點方便，係一個同朋友或家人食飯嘅好地方！…查看更多

朗豪坊The Jeju一定要試！由韓國團隊主理, 佔地成2000呎大, 裝修勁有充滿濟島元素~~環境又舒服, 播住K-pop好有氣氛, 同班friend或者屋企人聚會一流佢哋主打韓式燒肉, 個烤盤係特製嘅, 啲肉點燒都唔會老, 燒出嚟既肉又嫩又多汁仲有秘製醬料添~~最正係店員會幫你燒埋, 唔使驚自己燒燶, 坐定定就有得食前菜小食+醬汁調味料小食有沙律, 醃蘿蔔&魷魚~調味料整個哈哈笑樣好可愛呀!!!Set B - 罈子五花肉 + 石盤炸醬拉麵/炒飯 $376罈子五花肉厚切五花肉足足有450g, 油脂分布均勻~~店員會幫手烤到外皮脆卜卜, 再剪成一口size:)五花肉外脆內軟, 甘香可口, 肉味香濃點埋韓式大醬食, 肥而不膩~~最正係跟埋泡菜同蒜頭, 夾埋一齊食, 味道層次豐富店員會連埋泡菜, 雞脾菇 & 菠蘿一齊燒呢五花肉燒到金黃剔透~~壘埋成座燒肉山咁石盤炸醬拉麵係韓劇成日見嘅黑嚕嚕炸醬麵呀~~ 石盤保溫效果好, 食到尾都係熱辣辣麵條粗身有咬口, 每條都掛滿醬汁, 味道剛好石盤炒飯 $58用返烤過肉嘅石盤炒, 飯粒帶微辣且沾滿肉香撈勻後形成微脆效果, 店員仲會砌成心形添丫, 打卡一流！韓式芝士蒸蛋 $68係我暫時食過最好味既韓式蒸蛋呀!!!平時食既韓式蒸蛋好多都得個樣, 味道淡而冇味~但今次簡直有大驚喜!! 蒸蛋蓬鬆到好似雲咁!!蒸蛋入面加咗高湯, 蛋香味濃得黎好入味, 芝士又有拉絲效果, 視覺同味覺都俾滿分呀!!建議趁熱食, 凍咗會冇咁正架喇....漢拿峰百香果沙冰 $48百香果酸甜平衡得啱啱好, 沙冰打得幼細, 口感非常清爽~~芒果奇異果沙冰 $48芒果既甜香加上奇異果微酸, 味道好有層次~~面頭仲有奇異果裝飾, 飲完成個口都係果香…查看更多

今次我地去左朗豪坊呢邊行街，我地睇岩左一間韓國餐廳而黎既，佢係一間我之前食過幾出色既叫bingo & cook既姊妹店黎，而主打野食係兩間唔同，我地就約埋朋友試下呢間係咪都咁掂🇰🇷餐廳以岩石做主題，由門口到裡面環境，甚至韓燒塊板都係岩石黎，我覺得幾有特色，呢間餐廳既主打食物係食韓燒，仲有專人過黎幫手燒，服務方便真係幾好👏🏻The Jeju set B（$376）我地叫左個set B，佢韓文字名，睇唔明叫乜，識睇既可以教番我，個餐2-3人用，首先會送上韓式六格前菜，其中有兩款係調味料😗罈子五花肉 450g呢個五花肉佢仲有跟一大盤泡菜，同埋菇，仲有個橙都係食材黎，呢度食肉有個教學跟住食就有唔同風味，450g肉其實3個人食都夠，燒完切細件有勁多件，燒完佢肥得黎又唔會好油膩既感覺🐷綜合蔬菜（+$30）個套餐唔包生菜既，我自己加份綜合蔬菜整個生菜包，食韓燒配生菜食先係絕配，我覺得一定要加，生菜包埋泡菜同d菇勁正，齋食肉食到咁上下會覺得好heavy，有菜包住食真係兩回事黎，即刻成件事升左個level咁🥬炸醬拉麵當我地食曬石板上既五花肉同泡菜就可以叫店員上個拉麵，個麵比我個感覺就似好味加強版既撈麵，麵質彈牙，個炸醬又香又好食🍜蕎麥拌冷麵（$88）呢個冷麵係韓式水冷麵黎，冷麵好爽口，佢唔止係淨麵，仲有幾塊牛展，令到個麵唔會太齋😋Jeju Yeah Yeah（$70）我地仲有叫左個甜品，佢個賣相好過癮，成個石像佛咁，個石像係芝麻味mousse黎，個碟仲舖滿朱古力碎，另上仲有球雪糕，好滋味☺️漢拿峰百白果沙冰（$48）金柑百香果梳打（$48）兩杯飲品百香果味都好出，我就鐘意夏天飲沙冰勁冰爽，梳打就可以慢慢飲，唔怕冰會溶，兩款都唔錯🍹呢間餐廳我覺得野食價錢唔算貴，個set B既肉夠3個人食，係麵就可能得3碗細既，我地叫多個冷麵岩岩好，佢好在有專人幫手燒，唔怕自己燒得差影響食物質素，所以味道真係掂👍🏻…查看更多

😱三五知己約出嚟食飯，永遠都係揀一間座位勁多嘅餐廳好坐，最近知道旺角朗豪坊新開嗰間濟州豬燒肉店，非常特別成個裝修好似去咗石洞設計，而且好傳統嘅韓國罌裝住濟州豬，所以訂咗六個人去食生日飯！☺️喺門口見到設計已經係非常適合打卡，入到去更加係洞穴，岩石設計裝潢，連燒濟州豬嘅燒盤，都以岩石設計非常特別，而且好夠熱，濟州豬放上去真係不停打卡，賣相已經勁流口水！👀我哋六個人叫咗一個c set，罈子五花肉450g，豬頸肉300g 豬肉非常入味，因為煎盤夠熱，煎兩煎已經好香口，再配炸醬拉麵！韓式芝士蒸蛋呢個真係唔食set，都要單點，超好食，曾經食過幾間嘅韓國蒸蛋，都冇呢個咁好食！除咗蛋香之外，仲好有鬆軟口感，芝士唔流真係要必叫！加涼拌蔥絲必配，石板炒飯，食之前可以放上去熱盤炒兩炒，唔炒都可以就咁食，勁多泡菜嘅炒飯！石板炸醬拉麵，店員會將拉麵炒一籌，收少少水更加好食！濟洲黑毛豬肩肉而係必叫，一定要加埋配料食，生菜或者大蒜韓式大阪醬一同食，成口都係豬肉嘅香味！口感亦都唔鞋，必叫必叫！！🍜蕎麥拉麵梨嘅香味好重，而蕎麥拌拉麵比較偏向甜，我自己鍾意食伴😚！自己覺得食肉類要配沙冰，漢拿峰百香果沙冰超好食，唔算太甜，但好配濟酒豬嘅重肉味，好推薦🥰…查看更多

濟洲島火山石主題成間餐廳都以沈實嘅黑色同大地色系做主調牆身同裝飾都用咗唔少嗰隻獨特嘅黑色火山石摸上手粗糙嘅質感好原始真係有種去咗濟洲島旅行嘅感覺，幾有格調最正係連個烤盤都係用火山石造成個空間嘅燈光較到暗暗哋同外面旺角嘅喧鬧完全係兩個世界好啱收工之後同朋友嚟chill下，慢慢傾下偈牛肋骨肉200g＋牛板腱肉100g    -今次試咗兩款韓牛，真係各有千秋 兩款牛一濃一醇牛肋骨肉肉質軟淋到差唔多係入口即化個種濃郁牛香係會喺個口入面停留好耐牛板腱肉就係另一種享受雖然無肋骨肉咁肥美，但勝在肉味更加集中同濃郁咬落去個質地好柔軟得嚟帶少少咬口每啖都係純粹嘅牛肉精華生拌牛肉    -刨到滿滿嘅帕馬臣芝士碎，鹹香濃烈同凍冰冰嘅鮮甜牛肉形成強烈對比蔥蒜嘅辛香唔會太霸道，反而帶出牛肉嘅甜味蕎麥水冷麵    -麵質冰涼彈牙，湯底清甜帶微微酸爽韓式芝士蒸蛋    -脹卜卜好似座小火山。面頭鋪滿融化緊嘅芝士拉絲效果一流‼️入口超嫩滑，蛋香濃郁仲有淡淡鰹魚湯底嘅鮮味烤糯米糕    -咬落外皮脆卜卜，入面煙煙韌韌，口感一流點上少少煉奶，甜而不膩，帶出糯米嘅天然米香接骨木花柚子梳打     -接骨木花嘅幽香同柚子嘅清新果甜撞得啱啱好士多啤梨米酒    -入口係天然士多啤梨嘅清甜米酒本身嘅醇香同生果甜完美融合…查看更多

The JEJU位於旺角朗豪坊，餐廳設計型格，非常有特色😉🔎罈子五花肉🔎罈子豬頰肉職員會幫手燒肉，完全不用自己動手👍🏻五花肉的油脂已經逼了出來，所以吃起來不會覺得油膩，非常香脆😙😙豬頰肉這個部位比較少見，肉質較為緊實👅🔎牛肋骨肉牛肋骨肉帶少量油花，鮮嫩多汁💦🔎石盤炒飯炒飯經石盤炒過後，入口帶少少焦香～🔎濟州爺爺甜品時間🍮我們點了造型可愛的濟州爺爺🩵外層是以黑芝麻製成 中間則是柑橘泥🍊🔎漢拿峰金柑雞尾燒酒漢拿峰金柑雞尾燒酒整體酒精濃度不高，非常適女士飲用🥂🔎接骨木花柚子梳打接骨木花柚子梳打喝起來酸酸甜甜，清爽解膩❄️～🔱 另收加一服務費…查看更多

今次去咗朗豪坊呢間韓式燒肉店，環境闊落仲有專人幫手燒肉，前菜任裝，性價比唔錯！ 🟡 罈子五花肉套餐招牌必試！厚切五花肉用傳統韓式陶罈上枱，儀式感滿分～店員幫手燒到外皮勁脆口😍！五花肉肉香爆棚，配韓式辣醬一齊食，食到停唔到口！ 🟢 炸醬炒麵麵條彈牙掛汁，撈勻肉碎同青瓜絲，同五花肉夾到爆！食完想encore～🤩 🟣 韓式冷麵湯底冰涼酸甜，麵質爽滑彈牙，加上青瓜絲，瞬間降溫🌬️.🟤 濟州特飲沙冰柚子+檸檬味超清新，配燒肉一流～😙 🔵 前菜任裝泡菜、醃蘿蔔、薯仔沙律等無限refill，未食主菜都半飽😂！款式多仲夠入味，誠意十足～ …查看更多

🧡有專人燒嘢食！食物質素唔錯！嘢食、環境好適合打卡！ 想睇真實食評防伏? 👇🏻👇🏻👇🏻👇🏻👇🏻即睇🧡詳細食評🧡👇🏻👇🏻👇🏻👇🏻👇🏻 有日，朋友問不如試呢間韓燒好唔好，OMW即刻心心眼～ 因為屋企附近間和牛燒肉執咗之後，OMW已經一排冇燒肉喇～今次難得朋友主動問，一定要去食啦😍！ 當日一入到去餐廳，已經見到人地燒緊肉，成個石板presentation好靚😍。我哋枱面一開始就有笑哈哈調味料 同埋 6個前菜（最impressed係魷魚口感好好、好好味；另外，醃蘿蔔酸甜酸甜，夠爽脆，不錯） 而燒肉嘅石板上面有泡菜、雞髀菇（個菇超好食，勁juicy）、蒜頭、橙（濟洲柑橘？）、燒肉汁。 我哋呢日嗌咗：The Jeju Set Meal SetB $376+$20（有罈子五花肉450g + 炸醬拉麵加芝士加蛋 ）、濟洲黑毛豬肩肉150g $218、韓式芝士蒸蛋$68、綜合蔬菜$30、濟洲爺爺$78 （有加一） ❤️服務OMW欣賞呢度有店員幫忙燒嚟食，咁就唔怕未煮熟啦！勁讚！！我淨係負責望住啲燒肉滋滋滋咁燒，感覺很治癒。而且其實店員都好識做，燒到咁上下就會行開，畀我哋放心傾計。到時間差唔多又會走埋嚟翻面，又提示嘢食熟咗可以食～ ❤️The Jeju Set Meal Set B $376❤️罈子五花肉佢個豬味唔錯，冇怪味，五花肉多脂肪勁邪惡，好好食啊😍，連埋泡菜一齊食會更解膩。如果計返平時喺出面食呢啲，個份量同價錢都差唔多。呢度包埋有人燒埋畀我幾好，感覺更抵咗！ 🧡原味炸醬拉麵加芝士加蛋 因為朋友唔食得辣，我哋叫咗原味。店員會將個拉麵放上石板熱一熱、炒一炒先再上，芝士同蛋剪碎咗，唔係好食得出，我覺得加呢兩樣嘢應該會為拉麵增加層次，不過實際上冇，算係可有可無（但如果辣拉麵，我覺得一定要加芝士、蛋，會令佢冇咁辣）。拉麵口感保留到彈性。因為我地肉還肉、拉麵還拉麵分開食，感覺有啲單調，齋食拉麵有點少鹹，最後我同朋友夾咗落生菜一齊食～整體嚟講都幾好食，係個合格嘅炒韓式拉麵。 🧡濟洲黑毛豬肩肉150g $218食完五花之後仲有啲意猶未盡，於是追加咗個豬肩肉。如果同五花比，豬肩肉放落口都一樣會爆油但肉質鞋啲（唔肯定係咪因為煮耐咗定因為本身豬肩油花少啲）。Um 我frd投豬肩一票，而我投五花，大家試完可以話返我知鍾意邊樣多啲～～～ ❤️綜合蔬菜$30 呢個蔬菜其實好重要，可惜係我哋就嚟食晒啲肉先記得叫菜🙈 店員話係生食嘅，但我哋頂唔順凍冰冰，放晒上石板整熱（不過關咗火所以都唔係好整得暖）。整體嘅蔬菜都算新鮮，唔苦。生菜正常發揮，蘿蔔比較粗有啲難咬，青瓜好食好清甜。建議一開始坐低就叫呢個，可以同肉肉一齊食。 🧡韓式芝士蒸蛋$68佢係一個可打卡嘅蒸蛋，打卡一百分，一上枱啲煙係咁湧出嚟😍 味道就係麻油味蒸蛋，帶少許煙熏味，唔過淡唔過鹹，味道適中，係個可接受嘅蒸蛋。質地唔會太老，但唔會用嫩嚟形容佢。 💛濟洲爺爺$78OMW見倒黑芝麻乜乜乜+柑橘醬就嗌咗😂 食完唔知自己食咗咩，感覺係落多咗魚膠粉嘅嘢😂 千祈唔好叫😂😂😂 啲錢用嚟嗌嘢飲應該開心啲👍🏻 💜邊個Set好？食完Set B再睇返Menu，再睇吓我哋嗌嘅嘢食，Set C其實正啲，可以食倒兩款肉，仲有埋拉麵同蒸蛋，其實幾正！三個人可以都食得晒！💜溫馨提示：呢間燒肉淨係得豬食😂 唔食豬嘅食其他好啲😂 📍The JEJU（🧡堂食-旺角） >旺角亞皆老街8號朗豪坊11樓13號舖✨亮點：有專人燒嘢食！食物質素唔錯！嘢食、環境好適合打卡！ 🙇🏻‍♀️特別嗚謝：主動提出一齊食韓燒嘅朋友！…查看更多

The JEJU以濟州島為主題，選用韓國定製火山石烤盤，烤煮濟州直送食材，及168小時低溫熟成黑毛豬🤩 而且全程店員/Oppa代烤，解放雙手~ 爽呀！前菜的六宮格是免費小菜，有醃蘿蔔、醬油醃章魚、生牛肉、沙律、麻油、韓式烤肉醬。Set B $376/ 2-3位Pork Belly 450g + Fried Rice綜合蔬菜 $30涼拌蔥絲 $25罈子五花肉肥瘦層層相隔，烤得微焦飄香，肉嫩多汁！配搭蔬菜，再夾些涼拌蔥絲，或者石盤上的泡菜、雞髀菇、蒜粒等，韓式風味Get！石盤炒飯香噴噴，配料有太陽蛋及芝士，既豐富又美味可口！韓式芝士蒸蛋 $68蛋香十足，配拉絲芝士，勁邪惡呀🤤🤤🤤濟州爺爺 $78甜品每日限量供應。「濟州爺爺」外層是黑芝麻朱古力，內裡是柑橘果泥，配搭雪糕與柑橘醬。其賣相精緻，打卡一流。…查看更多

位於旺角朗豪坊嘅The Jeju，位置真係好方便，就喺隻扭蛋機同怪屋對面，食完或者行街之前都係一個好選擇。今次我哋叫咗一個set同埋幾樣小食，整體體驗都好好。首先，店員非常友善，似乎真係韓國人，所以我哋用英文溝通😂佢哋會幫你燒肉，真係省心又方便，唔使自己動手。值得一提嘅係，佢哋嘅盤係斜斜地，咁啲油會流走，食得更健康。我哋試咗炸醬拉麵，味道真係好juicy，拉麵彈牙，搭配香濃嘅炸醬，簡直係一絕。此外，芝士大醬湯飯都好好食，濃郁嘅芝士味道同湯底融合，食到最後一口都想再來一碗。座位方面，張凳設計得好好，可以擺袋，甚至外套都可以放入去，咁樣就唔使擔心整件衣服有味。不過，餐廳通風都幾好，所以用完餐之後，身上都冇咩油味，令人感到舒適。至於甜品，我試咗濟州爺爺，味道有啲驚嚇，雖然佢話係每日限定，但我覺得一次就夠，唔係每個人都會鍾意。不過，總體而言，The Jeju係一個好玩又好食嘅地方，無論係同朋友聚餐定係自己來，都非常推薦！下次再來一定要試下其他菜式！…查看更多

👧🏻😋👅🍽✨出色韓食：低溫熟成五花肉🐷 -🇰🇷 朗豪坊濟州燒肉專門店，以火山石做主題，牆壁同燒肉石板都係型格黑色火山石🇰🇷 裝修靚、服務好，包埋豐富前菜，店員全程幫燒，但價錢都非常相宜！▪️套餐🐖 Set B 罈子五花肉 450g + 炸醬拉麵 $376✔️ 選用168小時低溫熟成罈子五花肉，個罐睇落好細但攤出嚟竟有十大塊超厚身五花肉，燒到油份逼晒出嚟外脆內軟超好食✔️ 炸醬拉麵 +$20 加煎蛋芝士炸醬唔會太重味，加上菇粒口感更有層次，撈芝士蛋一流▫️單點🐟 明太魚乾海帶湯（跟飯） $88 魚乾唔死鹹，以蒜粒調味清清哋但好鮮甜，仲有幾塊麵疙瘩更飽足🫕 韓式芝士蒸蛋 $68 蒸蛋濕潤，加埋拉絲芝士香濃嫩滑🍡 年糕芝士 $40 用年糕包住芝士好煙韌，冇多餘調味，就係食到米香同芝士香▪️飲品🍹 Hallabong Passionfruit Smoothie $48 用鮮果打smoothie，唔會太甜又冇乜碎冰入口好順滑🍸 Suntory High ball $48…查看更多

朗豪坊開咗間韓式燒肉店裝修行黑色岩石風 鋪頭主打經過168小時低温熟成嘅豬五花肉🐖入面仲擺咗個專用嘅熟成雪櫃熟成過嘅五花肉比起一般的五花肉會更有肉味 而且肉質會更軟嫩✨仲有個石盤造型嘅烤盤成個打斜放可以sir啲燒出嚟嘅多餘油脂落去同朋友叫咗個B set $ 376有成450g嘅肉份量夠晒兩個人🤰🏻套餐仲包咗主食/泡菜/大大條杏鮑菇主食可以揀炒飯/炸醬拉麵/炸醬拉麵(辣)店員會喺你啲肉食得七七八八時再幫你上擺上石盤炒再畀你食🤌🏼餐前仲提供咗個橙畀你擺埋上盤燒店家話係想畀客人食完較油膩嘅肉類後食返個橙平衡吓😂我們叫咗款叫漢拿峰梳打嘅嘢飲漢拿峰係濟州的特色橘子🍊味道飲落清新爽口解膩另一杯就叫咗士多啤梨米酒🍓原本怕佢士多啤梨糖漿太多會好甜但米酒味都幾出 一飲係好強烈嘅酒味士多啤梨嘅甜反而中和返米酒烈飲落味道都幾平衡士多啤梨同米酒嘅組合比想像中夾而泡菜係套餐包埋嘅 份量都頗多🫶🏻覺得佢上係個烤盤而唔係啲前菜碟上係有畫龍點睛之效✨泡菜嘅酸味經高温翻炒後被中和咗 仲帶著炒過的香氣 夾住豬肉食好爽😋😋唔會太濃味搶咗肉本身嘅油香同時令到成件事昇華咗🤌🏼🤌🏼個菇就好新鮮汁水好多 但覺得杏鮑菇無咩調味個你覺得好似燒完加埋黑胡椒同鹽會再正啲而豬五花肉肥瘦相間🐖佢其實係切得相當厚但食落口一啲都韌比起平時食開嘅豬五花更軟嫩、肉味濃郁我諗個168低溫熟成真係有啲料😋啖啖肉超級滿足主食方面：套餐個麵反而啲小失望🥺石板炸醬麵嘅味道唔太似韓國傳統嘅炸醬麵麵嘅口感係幾彈 但無咗炸醬麵嘅甜口苦香調味單一有機會都係想在地化啱返香港人口味因為炸醬麵的確唔係嗰個都啱食不過我哋仲加咗$20加蛋同芝士落個麵到食落真係似平時啲即食麵😂除咗套餐包嘅麵外我哋仲叫多咗個芝士大醬湯飯🧀🍲呢個味道比較重口味同單一都係大醬味為主但勝在用料豐富 菇粒 瓜粒同牛肉 一啖食落去幾有咬口令原本軟腍腍嘅湯飯 口感多咗個層次同埋有芝士喺面係幾爽幾邪惡嘅😁甜品方面：我哋仲叫咗個限量供應嘅「濟州爺爺」甜品雖然外觀好吸睛 係濟州島石造型嘅慕絲加雪糕🍰但黑芝麻配橙嘅組合食落有啲奇怪🤨而且濟州爺爺嘅質感也不太討喜🥺雖然店家話係朱古力慕絲嘅口感似係魚膠粉落得太多 無咁細滑似啫喱嘅感覺多啲😂可能因為要維持個造型挺身啲吧但整體嚟講用餐體驗好唔錯有桌邊服務仲有韓國店員一直幫你燒可以專心傾計而且裝修都闊落 坐得舒服最緊要係個二人餐份量都幾多我覺得三個女仔食都好夠飽性價比得宜幾啱朋友聚餐😽…查看更多

真係可以重回濟州感覺😍濟州豬肉🐽真係好出色👍🏻👍🏻完成同濟州食既一樣，仲要有service成程幫你燒肉，享受俾人照顧🤓仲要有多款前菜❤️❤️魷魚🦑好好食🤤佢地既醬料同味鹽，都同濟州一樣仲有濟州燒甜柑橘🍊😚😚環境又舒適，價錢又合理～～(⁎⁍̴̛ᴗ⁍̴̛⁎)✨ 항아리 삼겹살 SET享受超值既罈子五花肉 450g搭配炒飯或炸醬拉麵！呢份五花肉既份量足夠三位女生share絕對讓你們吃得過癮🐽🐽在鐵板上用豬脂肪油煎至香脆肥瘦均勻，每一口都充滿滿足感🤩🤩✨ 濟州黑毛豬五花肉 150g 🐷呢款五花肉更加鮮嫩，口感柔滑，更香肉味令你一口接一口，欲罷不能🤤🤤搭配微微既鹽味，令肉既本味得到充分展現✨漢拿山百香果沙冰🍧 食完豐富既肉肉宴後～～黎一份清爽既漢拿山百香果沙冰真係岩岩好！沙冰口感細膩👍🏻👍🏻百香果既酸甜味在口中環繞瞬間帶來一股清新，refresh味蕾😙😙…查看更多

朗豪坊8樓以上一直都有各式各樣嘅美食今日去到朗豪坊11樓theJEJU 食燒肉呢度嘅燒盤好特別 係斜嘅 應該係方便啲肉類嘅油分向下流 避免油份一路積聚喺肉入面👍🏻👍🏻呢個燒盤一早已經放咗杏鮑菇 泡菜 蒜頭 仲有半個橙三個人叫咗一個二至三人餐 入面有一份 #罈子五花肉 450g 加一份炒飯 燒起上嚟 肉嘅份量都幾多最好就係有專人燒俾你食 可以解放雙手🤣🤣另外仲叫咗一份 #黑豚五花肉 果然係黑豚肉 味道都唔同啲！佢呢度有六小碟 除咗有沙律 韓式醬仲有生魷魚 洋蔥 醬油 等我哋食燒肉任意配搭 當然要叫返杯嘢飲啦 #金桔百香果梳打 好清新喎🍎🍐🍊🍋…查看更多