The Harmony

Open Now

Now Closed

今日在尖東漆咸道找到懚世Fusion餐廳The Harmony，見佢裝修舒適溫馨又不失玩味，仲有大箱房適合和親友一聚。我們見5道菜套餐菜式豐富，便點了$568，2人用的溫馨洋食居酒屋二人餐。佢有如高級餐廳，是一道一道即做即上，很適合慢慢邊吃邊談。先嚟一個沙律SALAD：本鮪拖羅蓉尼哥斯沙律1大客，分享用。拖羅蓉好新鮮，想不到配上薯仔沙律味道好夾，而配蔬菜沙律嘅汁都好清新。小食先上一個湯SOUP：蟹肉親子味噌湯2客，有好多白蘿蔔及鮮蟹肉，好鮮甜。再嚟一款小食一品料理CUISINE：法國鵝肝多士伴黑松露醬2客，厚切鵝肝煎得好香。主菜MAIN方面有 美國安格斯牛小排伴燒汁及香燒三文魚扒 伴牛油汁各1客。主菜均會配原條秋葵及南瓜番薯天婦羅及薯條沙律，牛排好鮮嫩味濃，份量雖只有4件，但配合配菜及其餘多道小吃，也是非常滿足的。三文魚扒煎得好香脆，份量比牛大很多是可以分享的量。配天婦羅嘅特色美奶滋亦非常夾。最後嚟甜品DESSERT：日本芝士蛋糕x2客，非常香甜鬆軟，是非常完美的一餐，是拍拖又或聚會之選。

🧡 今晚去到日式西餐廳The Harmony。 裝修很有西式感覺，嘢食就係日西fusion~🧡 唔係好知揀咩食，所以就叫咗一個幸福盛合，有九款嘢食咩都可以試下😊🧡 菜式有機會根據當造食材而改變，所以未必每次都一樣~🧡 上菜嘅時候就係一個九宮格一齊上🧡 盤籽沙律，開胃菜🧡 鮭魚刺身🧡 黑松露鮮帶子估唔到黑松露同帶子又幾夾🧡 海膽刺身海膽都幾新鮮，唔會太腥
🧡 蒜茸燒扇具上面仲配咗飛魚子，用咗牛油煎好香🧡 磯煮南非鮑🧡 豚軟骨大根煮煮得幾入味🧡 迷你 TORO 蓉杯Toro蓉都算肥美，油脂感重🧡 大崎蟹柳黑豚肉串豚肉包着蟹柳，一口一粒

出尖沙咀行街街，行下TheOne，又行下美麗華。行到有點累又有點肚餓，就找間餐廳坐下休息下去到街尾都没找到什麼好吃，就從街角7-11和漢堡包店轉入內街，向前行就見到有一間柔和燈光的餐廳Harmony。看似幾舒服就入去坐下。店員很親切有禮，為我們奉上温水，再介紹今天有什麼好吃的。因為太累不想想了，就點二人餐吧。先來一個吞拿魚薯仔沙律，碟子很美，有柚子汁和調味豉油，好開胃再來蟹肉味噌湯，蟹肉好鮮味，好味牙。。黑松露鵝肝多士，好濃黑松露味，多士好脆主菜有牛油三文魚扒和小牛排，好味還有甜品日本芝士蛋糕，正環境真係坐得很舒服，店內亦播住輕鬆音樂，好適合約朋友一齊在這裡gather下。之後一定會再來

位於香港繁華嘅尖沙咀，「The Harmony」唔單止係一個用餐嘅地方，更係一個能夠令人放鬆身心、享受美食嘅綠洲。環境優雅舒適，一入到去餐廳，優雅嘅裝潢同埋溫馨嘅燈光都能夠令人感到放鬆。木質嘅桌椅同精緻嘅裝飾畫，營造出一個舒適嘅用餐環境。服務員態度親切有禮，令人覺得賓至如歸。香濃而不膩嘅牛肉鍋物湯底係靈魂所在，經過慢火熬煮嘅湯底，濃郁而不膩，帶有豬骨嘅甘甜。湯底入面食得出足料，每一口湯都充滿層次感。順帶一提，湯底都有幾款不同選擇，包括魚湯、味噌，我今次揀嘅係豬骨湯底。牛肉新鮮，分量啱啱好。牛肉碌幾秒就食得，口感鮮嫩多汁，帶有豬骨香味。除咗主打的牛肉之外，配菜都好豐富，包括新鮮蔬菜、豆腐、洋蔥、金菇等，仲有我就唔食嘅大蔥。呢啲配菜用湯底煮熟之後，吸收晒湯汁嘅精華，成個鍋物嘅口感都豐富晒。

一個星期前先同同事去過，環境靚，服務好，食物質素高，性價比真係超乎預期。今次去主打食串燒同揚物，餐廳仲做緊優惠，食到超飽都竟然係咁抵，從來冇諗過尖沙咀星期五晚會有可能，好快又要去多次。。。食物除咗好食，擺盤亦都係花心思，份量亦比一般嘅大，同閨密兩個人share都好足夠。以前成日埋怨尖沙咀嘅餐廳限時交枱，呢度完全冇問題，啱哂一班朋友吹水聚會，如果飲酒嘅就更加啱哂。雖然北上消費係好吸引，但我覺得留港都一樣好開心😀

用餐個陣, 有一男2女, 加 個小朋友企左係度😂😂😂, 我估係Either 餐廳經理/ 老闆。 其實係好影響客人用餐。 一係你地入去個間細房度傾行政既野, 一係坐定定... 行黎行去好煩... 😂😂 個小朋友仲要係餐廳kick親仆左地下... 真係搞唔惦...lunch time 叫左一個蔥爆牛盛，用上蔥、菇炒起嘅嘅牛肉。加啲日式醬汁。 類似中式既菜遠炒牛肉, 不過就改左做用蔥。 食落去feel到佢好夠火喉。呢個lunch set有麵豉湯（不過沖得好鬼咸）、一碟細細地嘅芥末章魚（芥末章魚係好食, 唔會有"聲"味）。 個餐唔包嘢飲, 可以半價價錢叫野飲。廿幾蚊一杯latte應該OK啦諗住;但杯野上到檯個陣真係嚇親, 係好樣衰😂  (請見圖) 平時出去cafe仔飲杯有拉花既coffee頂多係拉得唔靚, 而唔係咁樣一PAT野囉~ 笑左~ 好似比人撞過黎一樣😂😂😂 侍應態度唔差，不過可以再醒少少 🤏🏼同埋用心去聽人講野 , 因為: 隔籬個枱都話咗杯咖啡要後上「我咪叫咗話後上，太早上咪會凍曬囉」 如果唔係佢個牛炒得好, 佢咁嘅價錢, 我唔會想再黎第2次囉~ 

位於尖沙咀呢一間The harmony呢間餐廳好有氣氛，我平日去都見到唔少喺附近返學嘅學生喺度食午餐。去食之前，最好喺OpenRice book定位，好多時午餐Walk in可能會冇位。嘢食正正常常，幾好味。我點既牛肉烏冬，個湯底都唔算話好濃。 價錢百零蚊左右

🤑價錢約$200-400🪑可以係openrice book 有d時段會有88折 （但九宮格盛合例外）幸福盛合 $488每日ge mix and match都可能唔同 今次有：🔸八爪魚刺身🐙🔹黑松露帶子🔸蒜蓉燒生蠔🦪🔹千葉赤牡丹蝦 🦐🔸安格斯牛小排 🥩🔹大崎蟹柳里豚卷🔸豚軟骨大根🔹海膽刺身🔸蟹籽拖羅迷你丼整體性價比唔算好高 海膽、帶子、拖羅唔算好高質 海膽好似有d出水ge感覺🥲熟食質素較好 當中蠔同牛小排係比較好

親切的老闆：細心的介紹，會配合客人的口味和需要貼心的服務：因店舖位於小巷，見到客人便立即安排座位，貼心的問：要先飲杯水 或茶嗎？休息一下再看想餐牌 或可為你介紹的。窩心安靜的環境：帶著文青小店卻提供精心的日本料理加上好友相聚，怎不會是一個幸福美滿的晚上？由第一道的麻醬豆腐沙律，炸物和串燒，到黑豚肉泡菜鍋物，另加上一板海膽為火鍋加上亮點，第一次嘗試用海膽作火鍋食物，感覺有點新鮮特別。可惜未有機會嘗試甜品正如老闆再見時說了一句：下次再見。說了再見一定再見。惟星期五晚上鬧市中的不景氣經濟環境，下次會再來支持的小店。

星期六同妹妹兩個人到尖沙咀～預約下午1點～結果大約12點40分到餐廳🤣我地係第一檯客職員表示可以隨便揀坐邊到我地揀左安排靠𥦬邊嘅檯（有盆植物之餘又有光線 方便影相📸當我地坐低一陣～就接二連三咁入客！好快差唔多全場爆滿！但只見到一位職員在樓面工作雖然好忙，但係好有禮貌坐底後 職員會先每檯客人問想要茶或水然後放底menu時表示只需選擇主食號碼每個主食都係套餐有味噌湯、前菜、沙律、主食、甜品。最後兩個人揀左1.和諧盛盒 HKD1882.吉烈魔鬼赤雞 HKD128（85折後$108.8未計加一）# 和諧盛盒和諧盛盒入面9個格仔放左唔同嘅前菜、小食、主食，擺盤精美打卡一流嘢食包括有蟹子沙律、豬軟骨、芝士炸雞、溏心蛋、蘿蔔、鯖魚、章魚小丸子、芝士年糕每一款嘢食都唔錯其中兩粒章丸子入面真係有粒章魚、但表面個醬汁偏酸個人推薦豬軟骨（入味、而且肉質好軟唔會韌同痴牙）、蘿蔔（味道好似關東煮、超入味唔多根唔老，得兩三舊覺得唔夠喉🤣）# 吉烈魔鬼赤雞炸雞配上芝士醬汁～炸雞外皮香脆咬落去唔會皮肉分離而且肉質嫩滑仲有最後嘅甜品～好滿足嘅一餐～～其實有留意到有「幸福盛盒」（即係甜品版9盒格）但實在太飽啦！下次再試優

今次嚟到呢間近佐敦嘅日式居酒屋，The harmony。環境舒適，裝修佈置有心思。呢間除左係餐廳，仲係一個workshop，平時會搞活動。呢間餐廳因為唔係係大街。嚟嘅人客多數都係訂左位嘅。無特別限時，所以可以慢慢食，坐得幾舒服。🦐小川河蝦仔 $78蝦仔細細但係脹卜卜，好香好脆口。🍴鹽燒白鱔 $78魚皮燒到好脆，肉質嫩滑。🐄澳洲和牛牛舌心 $68燒得岩岩好，爽口又好味。🦀蟹肉忌廉薯餅 $48忌廉薯餅入邊有一絲絲嘅蟹肉。出邊又炸到好脆，好好食。🍱幸福盛盒 $438-皇帝蟹柳黑豚卷幾新鮮，未試過呢個配搭。-蒜蓉燒扇貝-海膽迷你丼細細嘅迷你丼都非常足料，有拖羅蓉仲有海膽。飯都用左醋同芝麻去撈，非常高質。-蟹籽沙律-八丈島活赤貝新鮮-黑松露鮮帶子Yummy-日本海膽刺身-豚軟骨大根煮全部都煮到好淋好入味。-磯燒鮑魚新鮮爽口。🍨抹茶心太軟配豆腐雪糕 $88等得比較耐，豆腐雪糕好特別。同平時食開嘅唔同。味道濃郁得黎好似真係有啲豆腐係度咁。🥤Passion Fruit Soda $48不會太甜，唔錯。🧋Baileys Caramel Latte $78有特色，好似食緊雪糕咁，好飲。總括而言，呢間餐廳嘅

位於尖沙咀漆咸圍的「The Harmony」，係一間裝修精緻，充滿和風味道的日本餐廳🇯🇵餐牌上主打沙律、佐酒小食、天婦羅、烏冬拉麵、串燒及甜品等等晚市時段更設有Dinner Set，當中包括前菜小碟、沙律、味噌湯、主菜、白飯及是日甜品。定價$150起，相當超值燒秋葵新鮮翠綠燒秋葵，一客有五小條，爽脆黏潺薩摩赤雞海鹽燒配薑蔥油定食內容好豐富嘅晚市定食！日式前菜小碟兩款，精緻小巧。鮮帶子刺身甜美鮮嫩；櫻花蝦牛油果柚子醋沙律，酸酸的，清新開胃。日本薩摩赤雞加咗海鹽燒，皮脆肉嫩，啖啖肉，好好食幸福盛盒餐廳招牌九宮格「幸福盛盒」，賣相一流，影相打卡就啱晒📸當中包含九款每天不同是日精選食物：蟹籽沙律青瓜絲口感爽脆，與蛋黃醬混和在一起，好好食海膽迷你丼吞拿魚蓉海膽迷你丼，滿載鮮味，吞拿魚蓉肥美香滑，味道濃郁日本海膽刺身新鮮空運日本海膽，非常鮮甜，一啲都唔腥鵝肝多士厚切鵝肝多士，香脆又肥美，滿口油香八丈島活赤貝日本八丈島活赤貝，外表呈橙紅色、帶光澤，食落肉質爽厚，鮮味十足黑松露鮮帶子新鮮刺身帶子配上黑松露，不得了啊皇帝蟹柳黑豚卷蒜蓉燒扇貝新鮮扇貝加咗大量蒜蓉一齊燒，每啖都充滿蒜香豚軟骨大根煮蘿蔔炆煮得

座落於尖沙咀的一間隱世小店，日式的居酒屋感，好有家庭feel的warm gathering聚腳點~🍱幸福盛盒以廚師發辦形式，所以每次去到都可能款式有所不同架❣💕 海膽Toro蓉迷你丼💕 芝士年糕💕 黑松露鮮帶子💕 鯖花魚海鹽燒💕 蟹籽沙律💕 汁燒帆立貝💕 鮭魚💕 芥辣八爪魚💕 豚軟骨大根煮一上枱已經見到9格好幸福感~~然後成班女仔就已經拎晒手機出黎~打卡係超級靚嘅~而且仲可以慢慢食慢慢傾計都唔錯😂特別要講下吸睛嘅海膽Toro蓉迷你丼份量絕不馬虎，滿滿的海膽Toro，飯底都是有日式汁底的❣另外再叫店主推介多款小食🍢鹽燒白鱔好香口，令人一食再食~火喉調味控制得幾好💕🍙日式燒飯團焦焦感加飯素，有思鄉的風味~🍍焦糖菠蘿當甜品咁食幾fresh~表面薄薄焦糖加清脆咬感，酸酸甜甜🤤💕黑松露鵝肝多士💕明太子玉子燒

差唔多早一個月已經book咗位，去到門口已經feel到入面嘅客人由開門望住我同朋友，行到去同店員講book咗位，點知餐廳員工話佢睇漏左我哋個booking，今日有其他客人包場，所以唔可以俾我哋去食。餐廳店員敷衍了事，淨係講咗對唔住，可唔可以改期，根本無得唔改，其他客人包咗場，然後淨係話額外俾翻多幾款食物我哋下次試食，叫我哋再約翻另一個時間，但事後不了了之，淨係要求我哋諒解，又唔跟進，毫無悔意，我哋老遠過嚟，我同朋友花咗唔少時間同車費服務態度真心差👎🏻👎🏻👎🏻希望可以改進下😔😞😞

尖沙咀一向多野食，今日同朋友經過，見到呢間餐廳裝修得好特別，同埋都幾多人介紹，所以試試餐廳裝潢簡約雅致，空間感充足，座位都多，讓人坐得舒服。另外中提供一間包房，私隱度高，最啱十幾個朋友一齊聚會食串燒。經過店員介紹，我哋叫咗餐廳其中一個signature嘅菜式：幸福盛盒（HK$398)，食材大多是廚師發辦，既時令又充滿驚喜。我地當日叫嘅幸福盛盒有：甜蝦刺身飯、深海池魚、鯛魚、三文魚、蟹籽沙律、芥末八爪魚、芝士年糕及豬軟骨燜白蘿蔔。每款味道都好唔錯，尤其是係刺身，非常新鮮，豬軟骨燜得非常入味，令人回味無窮。另外，我哋叫咗黑松露鰻魚丼（HK$168)，鰻魚肉質鮮嫩，加上黑松露以及醬汁的調味非常恰到好處。值得一提嘅係，鰻魚丼份量比較多，性價比高。食日本餐廳，點可以唔叫串燒。我哋叫咗精選嘅澳洲黃牛牛舌心，肉質鮮嫩，入口即化；汁燒牛肉秋葵卷，滋味香濃，口感豐富；雞軟骨脆軟多汁。雞皮都十分出色，炸得恰到好處，以及口感鮮嫩的雞腎，每一款都令人垂涎三尺。餐廳唔單菜式種類豐富，而且會聘請聾人做員工，係一間有社會責任嘅餐廳，大家要多多支持💪🏻