玉桃軒酒家 (利舞臺廣場)

Open Now

Now Closed

餐牌選擇少，菜式唔吸引，份量少，價錢貴。如果有小孩更加唔建議黎，小朋友唔夠高要求bb櫈，但侍應竟然回答“唔知啱唔啱你坐”，叫得bb櫈當然有呢個需要，但需要俾無視，真心嬲。餐牌實在揀唔落，再問侍應有什麼食物推介，講到一半，另一枱叫餐，個侍應竟然走左去另一枱，完全無視我地什麼服務態度，呢個時勢仲要做到咁差做餐廳，真係祝佢地早日關門。唔會再有下次，亦唔推介，希望想食呢間既朋友考慮清楚，一定後悔。公眾假期都預約到，都估會中伏

已經很久沒有去這里飲茶。以前是經常來這邊飲茶！放寬4人限聚令就約朋友在平日去食lunch傾吓偈。環境都仲係坐得舒服，但食物質素已經不如從前！蝦餃- 難食，皮和餡一啲都唔彈牙，以前不是這樣。腐皮卷- 好油和攞到嚟都唔熱鳳爪- okay麻花酥- 冇食到，不太吸到。叉燒腸粉- 個腸粉皮不彈牙，淋啤啤。雞扎 - okay當然還肚餓， 原本朋友想叫炒飯麵，但實在質素太不穏定，其他菜式巳冇期望。所以決定埋單去第二度食下午茶！本人覺得在銅鑼灣利舞台咁好位置的餐廳，出來的質素還沒有普通酒樓好食，暫時不會再回來用膳！

反反覆覆都要來這玉桃軒酒家午餐噢！原先收到過期消息👉以為這間玉桃軒有職員或客人確診新冠肺炎疫症：原來以上消息已過期（7月或之前）,現在是正常的，無感染。於是放下心頭大石照舊光顧這玉桃軒呢！兩位親戚已早到並為我們清洗碗杯，很窩心噢。首先我点了玉桃軒最出名的桂魚餃及千層榚還有芋角，親戚点了一個二人餐當中有一碗米粉，油菜及腸粉，後來我們又点多一碟肉絲麵及一碟桂魚餃。先講桂魚餃：名牌点心一点沒錯，我們四人就点了兩碟魚餃👉餃內魚肉豐富很軟身，配上一碟小醬油很好味又鮮，不錯；至於另外一名牌👉千層榚更不用說：蛋黃十足，甘香，有点甜但我們都喜歡呢！那芋角我親戚一嘗很歡喜，她說很鬆軟味道好。肉絲炒麵分一碗肉絲及一碟炸麵上，很有心思。部長及服務員很落力，我們感覺是良好的。

多謝朋友的生日午飯食了出名千層糕。原來千層糕有奶黃，蛋黃。我感覺似食緊奶黃月餅點心質素高無影到蛋散，好味，炸得香脆，唔太甜叉燒蘇香口，叉燒料充足四色點心，有晒蝦餃燒賣，正

Extremely poor service, it's like the customers owe them a living. Looks quite understaffed. I asked about a dish on the menu, the staff was very unwilling to explain, simply read what was written on the menu and walked away.Food is average at best. Usual dim sum items, nothing special at all.Not sure what the hype is about, have been to far better restaurants in Hong Kong.Average price, spent about HKD 400 for 2 adults and 2 kids.Extremely forgettable, don't waste your money here.* * * * * * *

疫情之下，D員工將食物派錯第二張枱，竟然若無其事送返俾你，提議佢下次D點心cup 返個蓋先lah, 仲要鬧返你。態度真係無得頂。食物亦不遑多讓，蝦腸有蝦殼，雞包個包底係全濕淋pat pat 嘅。油炸野亦有油"益"味。

😡😡😡呢個係我人生第一次寫post，要將呢個不愉快嘅經歷同大家公開。如果唔想做下午茶可以出聲。我人都未坐低，黑住面的長髮馬尾waitress不停催我落單，我劃完佢就不耐煩扯張點心紙走，佢個人都未離開我張枱，同時有個男嘅waiter行過，問點解仲有客坐低？長髮waitress企緊響我隔離就話：「佢詐型」，我話：「你講嘢好過份」，佢冇理我就行咗去。好過份係駛唔駛當住我面前講？我做錯咗啲乜？阻住妳收工？我有向男經理反映，佢話會處理，但沒有任何抱歉之類的說話。所以花我時間都要將件事寫出嚟。講埋食物方面，蝦餃帶子餃菜苗餃，所有白色餃類啲皮係實嘅，燒賣啲肉係實嘅，所有餃類都好鹹。本來開開心心去食嘢，搞到成肚氣。😡😡😡

食物同價錢都冇問題，只係佢有個一黑面部長 (佢有兩個部長，矮D啲嗰個ok嘅，高小小嗰個有問題) 態度極之惡劣。其他員工都ok嘅，係佢咁衰。埋單時問佢有冇邊張credit card 有discount，佢立即報以一臉鄙視的眼光兼黑面，並反問我”乜嘢Discount呀？冇喎”。

這家位於利舞台20樓的酒家，靠近窗邊坐挺舒服的。蝦餃的蝦肉彈牙，味道不錯，但蝦餃皮較爛，若能有點嚼勁就更好了。牛柏葉味道不錯，又嚼勁。我們叫了一個川貝淮山杞子燉鱷魚尾脊骨湯，味道香濃，裏面有很多豬肉，用料不錯。海皇瑤柱蛋白炒飯，但粒粒分明，配有蛋白粒，瑤柱絲，很美味呢。錦鹵雲吞， 新鮮炸出來的， 10分脆，點了酸甜汁，就更美味了。馬蹄糕，糕內甜甜的馬蹄香味，加上有馬蹄粒在內，增加了口感，而且兩邊也煎過，外脆內軟，味道不錯。

新正頭朋友仔約我出來，派利是給我，她喜歡吃片皮鴨，我們去了利舞台的玉桃軒吃晚飯！酒樓的小菜選擇不少，我覺得吃套餐都幾經濟，而且有北京片皮鴨套餐，正好！另外的晚膳三寶也很豐富的樣子，下次會考慮試試！我們還點了素鵝，千層的脆腐皮包住醃過的冬菇粒，口感層次豐富，有豆香，餡料又惹味！主角北京片皮鴨出場！$188這個價錢確實優惠！還可以加$78有二食，我們選了涼瓜炒鴨件！片皮鴨真的沒有偷工減料，都是即燒的，侍應原隻拿出來即片皮，見到鴨皮色澤光鮮，油光滿滿，拿一片放在餅皮上，見到皮下沒有那層厚厚的肥膏，一咬下去，非常之鬆脆，油脂甘香，連帶的鴨肉也很嫩，出色之作！涼瓜炒鴨件也不錯，鴨肉嫩滑，用豉椒炒好香，涼瓜的苦度亦適中！這裡的菜式都好適合一家大細，價錢又適中，不錯！

今日下午兩點去玉桃軒飲茶。由於以前未嚟過，唔知道佢地原來三點就收，門口個部長亦都冇講。我地叫左6個點心。除左蛋撻即到之外，其他5個點心等左成半個鐘先嚟，而當時祇有幾枱客。我地問個女侍應幾時先有點心到，佢就話蒸緊㗎喇，加埋黑口黑面。終於等到點心嚟，食左晤夠5分鐘，個女侍應就叫我地埋單。再過多5分鐘，連燈到熄埋。我真係以為自己去左大陸二三線城市嘅酒樓飲茶。其實如果呢間嘢係唔想做兩點後嘅生意的話，祗需同啲客講清楚就得。實在唔需要兩點收客而又用的咁嘅服務態度去趕客。

收工過銅鑼灣行街買Xmas party嘅禮物，行完街經過聽講玉桃軒嘅片皮鴨好抵食，就同朋友一齊試試佢！入面都幾闊落，都坐得好舒服～率先上菜嘅係金牌脆皮燒腩仔🤩呢個個皮燒得好香脆，配埋燒腩仔嘅油脂香氣，超！好！食！然後上嘅係黑椒西芹腰果牛柳粒，牛柳粒炒得唔會un，味道十分香濃，絕對係送飯之選👍🏻最後就係片皮鴨🤤份量真係好多，佢寫係一隻份量，會跟份皮同其他配料俾你，你仲可以加錢選二食架！但我冇加到😝鴨肉質好嫩唔會鞋，而且脂肪比例適中，鴨油香氣撲鼻，依家諗返起都好想再食👅用個皮夾一片鴨，加上京蔥、青瓜，再加少許特製醬料。包起整塊放入口，多種味道混合，鴨嘅肥腴，剛好被大葱嘅清新中和。屬有誠意之作👍🏻兩個人食完超滿足，捧住一大堆禮物同個快撐爆嘅肚腩返歸嚕🥰

工作經過銅鑼灣，約朋友—起飲茶，利舞台這家玉桃軒人較少，不用定位，亦方便傾講，酒樓裝煌夠格調，埸地四正景觀開揚，除茶聚外亦合婚宴及喜慶聯歡聚會。香煎鮮蝦腐皮卷腐皮煎得金黃香脆，饀料中蝦肉亦很爽口，好味有水準。燒鵝瀨粉燒鵝與瀨粉是分開上，燒鵝份量足，味道尚算可以。懷舊千層糕今時今日有此特色比較少有，糕身內裹還有蛋黃，甘香好食又杯舊。風味臘腸卷要回味少時美食此中尋，用麵粉包住臘腸，甘香又不太油。川弓百子蒸魚雲湯底足料，食魚雲連湯都飲埋曬。

大年初一同屋企人去銅鑼灣利舞臺玉桃軒飲茶，可能因為武漢肺炎疫情嚴重，所以飲晏晝茶1pm都唔使等位😂，人流好少。叫左勁多點心，鮑汁凰汁煲到好林好味👍🏼千層糕都好好食，奶皇味好香👍🏼燒腩仔個皮好脆👍🏼不過蛋撻仔差左少少，酥皮唔鬆化👎🏼蘿蔔千絲酥個皮都勁厚👎🏼。

今早到了銅鑼灣利舞臺剪頭髮、見時間尚早跟友人到了那裡的玉桃軒吃過午餐才離去。 中午時份坐在窗邊景觀開揚挺舒服的。簡單點了幾款點心～鮮蝦菜苗餃飽滿大隻、皮不算薄、勝在蝦肉爽滑！很喜歡吃百花釀魚肚、魚肚吸收了醬汁和蛋白、滑嘟嘟好食又養顏～懷舊千層糕倒是第一次吃、千層糕幾鬆軟、裡面是奶皇蛋黃餡。鳳梨义燒酥 春風得意滑腸粉 皮較厚、但餡料是脆脆炸両、又軟又脆口感不錯。很久沒吃這擂沙煎堆仔 、包著流心黑芝蔴👍🏻