The Gallery Bar & Restaurant

今日去咗滑浪，但心情超爽。玩完突然醒起附近有間隱世扒房，之前聽人講過，今次終於有機會試。呢間店有啲型，主打戶外烤爐燒扒，氣氛 chill 爆，客人多數係外國人。收工時間唔太固定，睇人流而定，幾隨性。老闆係嗰種有性格型人，燒扒時超有儀式感。我哋嗌咗個 12oz Ribeye Steak，老闆即場喺戶外烤爐燒，香味四溢，坐室外仲可以睇住佢燒，感覺好 raw 好真。個扒真係好腍好 juicy，味道入晒肉，仲跟兩個 side。我想特別講，薯條真係超好食，炸得香脆又唔會太鹹，配嘅茄汁唔係自家製，好似係用德國牌子，味道濃郁得嚟唔會搶味，好似冇地門牌咁酸，幾有驚喜。滑完浪肚餓到唔夠喉，最後加碼嗌咗個鷹嘴豆中東包。呢個都係驚喜之作，香料味啱啱好，口感豐富，包皮微脆，鷹嘴豆好滑，食完真係勁飽，兩個女仔滿足晒。整體嚟講，呢餐真係好有驚喜，食物有水準，氣氛又舒服。下次如果再嚟，想試埋佢個羊扒，聽講都唔錯。呢啲隱世小店，最啱就係滑完浪、曬完太陽之後，坐低慢慢食，慢慢 chill。…Read More

This is truly a magical place. Located on Lantau Island. Sitting here will instantly make you feel relaxed and want to work up your appetite and enjoy the delicious food. I came here last night with friends - the food was great, especially the steak and garlic bread - actually all the dishes we had were incredible. The boss looked so charming when he was busy preparing the food for every table of guests. Haha. It's a pity that this place will be closed for renovation for a month starting on Sunday. I hope to come back when it reopens!…Read More

特登去大嶼山嘅目的之一就係去試呢間熟成牛！真心唔好彩，上次冇開，今次老闆話Dry Aged 過左龍，只有普通牛扒，唯有再等下次！🔷 Angus Ribeye 12OZ $420★★★★☆老闆親自下廚，見佢係戶外用BBQ炭火燒，見佢落左幾多野下，我估有啤酒！因為始終BBQ燒，所以出黎會較焦黑，但食落有炭火香。已經幫手切開，食落多肉汁Juicy幾軟腍，唔算多筋位。始終火燒，特別有風味，同一般餐廳唔同。🔷 Garlic Bread $75★★★★☆好大個包，食落蒜蓉味唔係話超重，適中。但我好愛佢個口感，麵包外脆，入面好軟熟有空氣感，幾有層次，仲係到有麥味。🌟總括： 牛扒味道唔錯，好可惜食唔到熟成扒，留待下次。…Read More

同朋友到塘福沙灘玩直立版，上晝玩完，下晝已經攰，索性在附近餐廳食一個悠長嘅午餐。在塘福沙灘的士站對面，The Gallery 坐低，先叫啤酒、飲品及dips. Mixed Dips 有兩塊大大塊並且熱辣辣的麵包，及各種不同類型 dips ，及有沙律在旁。唔好以為玩完肚餓，就乜都覺得好食。事實上，係我實在太欣賞他熱辣辣的麵包，而且自己向來喜歡hummus及dips 沾醬食麵包法，所以食得開心及滿足。分量都算多的。之後，加追pita bread 及hummus! 今次碟hummus 仲大碟，好正呀！依家先叫個Main, 叫了12oz Sirloin, medium rare. 牛扒上菜的時候，就是一件牛扒放在一個碟上，薯條及沙律另外碟上。冇花冇假，只有一件12oz 牛扒在一個白色碟上，賣相相當樸實！牛扒肉汁豐富，只是用鹽及黑椒調味。大廚Dave在火爐用大火封住肉汁，把肉汁牢牢的鎖着，而內裏肉質赤紅鮮嫩。牛扒只用基本鹽巴及黑椒調味，就是最能把牛肉本身的味道帶出。不需要奢華的賣相，不需要其他嘅醬汁配料，就只有真材實料及有十足信心的食材才會這樣處理牛肉。如果大家一班人，如果又食牛的，來到塘福，就不妨來The Gallery , 來到The Gallery, 就請務必試吓他們的牛扒，由大廚親自專業及專注主理。最後我們仲多叫了粟米片配牛油果醬。可能因為出汗太多，身體想要咸野補充，很想叫這些脆脆的。老板即大廚很好人，午餐時段過後，客人少了，跟我閒談幾句，知我們首到塘福玩水，還送我們甜品。細細粒chocolate mousses cake但 勁好味囉！唔會太甜太漏！The Gallery 仲有紀念品買，有T shirt, cap 帽，及超級勁辣的hot sauce! Cap帽只有紅色， T恤有多個顏色，在我身上是pink粉色的大碼。Tee 上有塘福及辣椒🌶️做logo，既攪笑又地道，但又幾好睇喎。其實很敬佩一些外國人，包括此店店主。已經把香港當作自己的家，在香港落地生根，亳無懸念。希望此店生意興隆，越做越旺。…Read More

香港嘅扒房多不勝數、但係呢一間都可以話係全香港最有feel嘅，有feel到連我呢個肥仔都可以忍受到36度高溫喺大嶼山塘福呢間餐廳食，冇冷氣、坐出邊、上中下路全部濕晒，可以邊食邊聽Let‘s Get Wet ，咁就觀感和視覺都形成一個正比「笑」咁都忍受得到？無他嘅，位置絕對係一個世外桃源嘅感覺，再加上如果你係FAst and Furious 影迷的話，佢呢種燒牛扒方式絕對係美國佬粗獷的做法肯肯定合你心意，燒到外面卜卜脆，入面啱啱Medium Rare . 有機會的話你可以做 Dom look , 白色背心T，窄身牛仔褲加boot , 剃光埋個頭，咁我就知道你係草莓粉絲「笑」係一個咁RAW嘅環境底下鋸扒、可以揀普通Sirloin / Rib eye , 又可以揀Dry Age 28 days , 跟住老外廚師馬上喺一個炭爐上燒、香氣滿溢、簡單地用上鹽及黑椒粉已經係無懈可擊，佢最後用一個大火槍再燒一燒，成個未來戰士咁，好過癮㗎「笑」其他食物都交足功課，尤其蒜蓉包，即叫即做，啲煙噴到唔知以為有火警，10分辣咀，如果你同個朋友唔係好熟、沿用老人家名句趁熱食啦，佢個嘴一定會變東成西就梁朝偉「笑」呢間餐廳大部份菜式都係濃味做法，唔怕洗腎嘅朋友絕對值得來一試「笑」…Read More