森林麵包

Open Now

Now Closed

回頭度🍪8.5/10｜人均消費💰~$10-25-🤍香芋麻糬包 $13一拎上手已經覺得好有重量😍果然一咬開 滿滿芋泥同麻糬拉絲😋包體都軟熟 表面仲有少少香芋粉💜$13認真足料抵食🥳味道🌕🌕🌕🌕🌗-🤍奶皇沙翁 $7炸得好香口 表面都有滿滿砂糖咬落奶皇醬都好多🤤味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌕🌑

本身都係住喺附近 之前都有睇過呢間麵包舖 因為上網睇又話咩隱世乜乜 好似好犀利咁 好啦就去試試 認真既 吹到隱世又誇張咗 喺我眼中佢只不過係比較有良心嘅麵包舖姐 我自己就好鍾意食吞拿魚包 不過吞拿魚包就不得不讚 佢個吞拿魚包入邊嘅吞拿魚含量 等於我落淘大買個啲 我夠膽講 起碼多三四倍 呢個真係要一讚 我食完佢個吞拿魚包真係返唔到轉頭👍🏻

回頭度🍪7.5/10｜人均消費💰~$10-30-🤍黑松露忌廉芝士軟包 $16/3個一打開膠袋 已經聞到好重嘅松露香🥰咬落幾軟熟 仲有殼物粒 口感豐富🤤餡料係芝士雜菌醬🧀但略嫌醬料有啲少不過$16有三個包 認真抵食🤩-味道🌕🌕🌕🌗🌑抵食🌕🌕🌕🌕🌑

脆脆扁牛角包-森林麵包之前去到麵包店先發現原來要pre-order，無得即場買🥲今次意外發現觀塘東廣場有pop up store😀即刻買左幾款扁牛角包黎試，試左開心果扁牛角包、雙層雜莓扁牛角包同雙層榛子扁牛角包🥐3款都好香脆，表面好似有層砂糖咁，甜甜地，個人覺得單層比較好食🤤不過開心果味唔太突出，唔係幾覺係開心果😅雙層中間有醬夾住架😊好rich

一開始對住張餐牌問清楚，“雜果忌廉蛋糕”入面係新鮮水果還是罐頭雜果呢？佢地三個店員都一齊回答：“係新鮮水果！”有一位再加詳細回答：“不過會睇返當日嘅水果才知道用邊一款水果，所以話唔到俾你知會用邊一款水果。”我話：“係新鮮水果就得啦！無問題。”點知到興祝生日當天切蛋糕時，才發現入面只係用罐頭雜果！！😡真係非常憤怒！估唔到佢地會講大話！令到全屋人都十分失望！沒有人去食d罐頭雜果。所以我決定以後不會再次幫襯～

可以話係我最鍾意嘅港式麵包舖成日團購佢啲麵包，無論新式定傳統麵包無一次失望，真係好用心做包，連個包都好香麵粉味！次次去都一定會買雞尾包同呑拿魚包可以用爆餡黎形容！

一直覺得呢間好嘅老闆好用心經營，不斷喺出邊擺啲Pop up Store，又係咁搞團購，對於佢哋個巨大化蛋撻好有興趣，所以買咗嚟試吓，呢個巨大化蛋撻足足有15cm直徑，曲奇皮較厚身，但食落又會有好香嘅牛油味同好鬆脆！而且師傅更加採用咗獨家秘方，令到個蛋撻餡料好香濃蛋香且好滑，除咗味道好食之外，同埋個賣相都好吸引！

之前聽過好多人介紹，今日終於試到佢既千層吐司，有咖啡同埋布甸味，我試咗布甸味，裡面係流心布甸，好似吉士咁，好好有奶香味，仲要好大量既醬，而外層有朱古力脆皮，增添咗層次感😀最好食係個千層酥，一層層酥皮好鬆化，下次可以再試埋咖啡味！另外買咗藍莓芝士包，望落好吸引，外觀好靚，有好大粒嘅藍莓，仲有紫色既粉，但係切開裏面芝士味冇想像中咁濃郁，而麵包本身都比較普通，相比起千層吐司稍為遜色，但係整體都好好食！

鍾意食蛋撻嘅我收到巨型蛋撻蛋糕，真係勁開心。"森林麵包"係一間懷舊餅店，專做巨大化蛋糕，除左有巨大蛋撻，仲有黃梅醬蛋糕同黃金菠蘿蛋糕。蛋撻足足有15cm直徑，曲奇皮較厚身，但鬆脆及有牛油香！另外師傅採用左獨特製法，餡料質感滑溜，有濃郁奶香味，以及造型攞滿分，打卡一流

呢間係牛頭角屋村商場入面嘅一間麵包小店，雖然睇落唔起眼，但名副其實係一間隱世小店，每次我經過都一定會入去買1、2個麵包聽朝做早餐😁如果冇經過嘅話，就會上網訂佢嘅麵包，尤其是每次都一定會訂嘅千層吐司！今次呢個係咖啡千層吐司，面頭係朱古力，撕開會見到一片片，入面有爆漿咖啡cream，一邊食一邊覺得幸福感滿滿❤️

一路都覺得呢間餅店嘅老闆好努力，不停係社交平台出post，又去唔同地點擺pop up store，又攪團購，比佢地嘅努力感染我試左第一盒朱古力牛油曲奇，認真係食到心機，香得黎又好鬆化，仲要上面有朱古力，配合得黎又冇左市面上嘅機械廠製感，之後又嘗試左佢個梅子漿海綿蛋糕，平得黎又好食，仲要有嗰種兒時回憶。話雖如此，我都唔會一味hard sale, 佢嘅麵包的確味道好一般，凍左之後又硬又實，冇咩麵粉同蛋嘅香味，本人唔會encore。**整體而言，有努力，但都需要繼續追求食物的素材質素，加油！

見到成日喺荷里活廣場同淘大商場擺booth，經過樂華特登去試屋企人鍾意食豬仔包，但係見到喺櫃嗰啲有啲乾又扁扁地，應該唔係新鮮出爐。咁啱收銀附近有另一個櫃，應該係新出爐既，就多口問左句可唔可以要兩個。其實俾唔俾都冇所謂，我都係隨口問下，語氣都係客客氣氣。但係收銀嗰個一野睥上黎，話外面冇咩。我繼續有禮貌問佢嗰啲係咪新出爐，點知後面有個店員行過，對住地下講買就買啦⋯⋯全鋪4個店員就開始吟吟沉沉，兩個有咩分別、唔買就走啦、個個都黎貪新鮮出爐、咁唔洗做生意啦⋯⋯我自問全程都係有禮貌咁問，亦都冇話佢唔俾我就發脾氣，但係咁既服務態度真係不可恭維。街坊生意起家，做到有啲名氣就一副狗眼看人低既樣，仲要價錢唔係平。慶幸樂華冇乜幾多麵包舖揀，如果唔係憑你咁既做生意方式⋯⋯

買個蛋糕話一係用膠袋一係用膠盒，價錢寫18收錢收20，係咁問要唔要呀！後邊冇阻住人排隊唔知咁惡做咩呢？用個膠盒將個蛋糕夾硬塞入去塞到扁晒爆曬啲肉鬆出嚟。其實你賣得呢個蛋糕都知道佢需要一個妥善啲嘅包裝，夾硬用橡筋再箍實個盒，條橡筋掂到晒裏面個蛋糕 。仲要眼超超，態度不得了 。

聽朋友介紹下第一次食森林麵包嘅朱古力麻糬包同埋千層吐司, 要食到佢嘅包都唔容易, 首先佢係位於牛頭角只此一間, 所以為左方便大家, 可以WhatsApp預訂, 係唔同日期, 時間, 地點交收麵包團, 等大家都可以容易食到師傅用心出品嘅蛋糕/麵包/曲奇🍞🍪朱古力麻糬包有驚喜！！裡面嘅煙韌麻糬好似芝士咁拉絲, 非常大方😛😋Mocha咖啡千層吐司比我預期中迷你, 我以為好似一袋方包咁嘅size😂面層鋪滿朱古力醬, 裡面一層層layer都是滿滿朱古力醬, 食落有隱約嘅咖啡香味, 但唔太突出, 反而朱古力相對較明顯🤤想充斥味蕾同埋喚醒嗅覺嘅享受, 真心真心建議焗熱佢黎食, 180度3-5mins❤️

一間位於一個屋邨商場既麵包舖。做出好味道同用心製作既麵包同甜品蛋糕等。其實森林麵包本身係一間細細間屋邨麵包舖。佢哋啲麵包真係好好味。重點係有啲麵包裏便係有麻糬。麻糬仲要煙煙韌韌。甜品種類都好多款式選擇。有啲款要係佢做pop up store 先有限量供應。所以我上次已經買咗一啲比較特別嘅味道。同埋每個月佢都會做地區團購。所以對於我哋住得遠但又想買呢間麵包舖既麵包係好好既幫助。真係多謝森森麵包舖悉心照顧。