60
2
0
Good For
Group Dining
Opening Hours
Mon - Sun
11:00 - 15:00
18:00 - 00:00
Above information is for reference only. Please check details with the restaurant.
大食妹今日約咗一大班朋友仔去燒烤，香港好少有燒烤場係鬧市附近朋友仔介紹左呢間位於伊利沙伯醫院附近嘅皇后燒烤，佐敦站出行多大概5分鐘就到喇，位置算係十分之方便<日間燒烤$228>一間燒烤加埋一都係$250一個，嘢食任燒，飲品任拎，仲有雪糕做甜品，晏晝12點可以燒到5點鐘，價錢都算係好抵食物種類算係好多，牛、豬、羊、魚、海鮮樣樣齊，仲有唔少丸同埋蔬菜揀至於飲品，除咗有汽水果汁之外，仲有啤酒紅酒任飲雪糕就係雀巢雪糕，雖然唔係話咩高級品牌，但係勝在有唔同嘅味道可以揀鬧市中有個咁樣嘅燒烤場，環境又唔錯，得閒會再同朋友仔再嚟㗎
continue reading
抓緊冬天的尾巴去bbq，圍爐取暖🤪原來油麻地都有bbq，唔洗去到大尾篤咁遠☺️.入面有飛鏢機、足球機、街機玩~.Bbq一定要燒雞翼，呢度提供錫紙比你，如果唔想用叉，可以用錫紙放晒d野上去，懶人恩物🤣.海鮮有生蠔，扇貝，海蝦，青口，多春魚，真係加晒分，值回票價啦！.值得推介嘅係燒菠蘿🍍，呢個要直接放爐上面燒，燒焦一面加蜜糖再燒一陣，有少少坑紋勁正！🤤.飲品比預期中多，除左基本罐裝汽水，綠茶烏龍茶啤酒之外，仲有白酒紅酒任斟，正😛.因為圍數唔多，有私人空間又唔怕迫😍 望住🌙燒嘢食好浪漫好relax❤️
continue reading
在鬧市中都可以約朋友BBQ， 位於油麻地京士柏衛理道， 昨晚我們揸車去，地點方便。 星期五大約八點到達， 燒到九點半就要走了，因為要趕住去睇戲。 晚上大約$295 一個， 唔知係咪有加一或者開爐費？ 因為我見到星期五至日價錢應該是$268， 平日價錢是$228。食物方面有豬頸肉， 金沙骨， 雞扒，一口牛，煙肉，脆皮腸，芝士腸 ，生蠔，青口，扇貝，蝦，雞翼，番薯，栗子，茄子，菇類和不同種類的丸。 但當晚沒有羊架，有點失望。雞扒醃得好入味， 燒起來嫩口好味， 一口牛味道都唔錯， 大蝦新鮮好味。 飲品有很多選擇， 汽水，啤酒， 還有紅酒和白酒，好齊全，最後記得留肚食雪糕啊！燒烤其實好多工序， 如果沒有時間準備食物和燒烤用品， 到這些任飲任食的燒烤場都幾方便。
continue reading
朋友之前黎過，話呢度燒野食每人$228，可以任飲任食，勁抵呢到以市區黎講，燒烤場都算幾闊落，仲可以係室內打機同休息，算係幾高質！一開始職員會幫手開爐，幾nice。食物方面，呢度既種類都有好多，差唔多成百款，質素都幾高。個人最推薦海鮮類，超級回本，係必食！海蝦雖然係急凍，但燒出黎都好彈牙！另外蠔同扇貝都好有鮮味！燒烤必食既雞翼有好多味可以揀，有辣有唔辣，味道都唔錯。另外仲有漢堡扒、牛脷等等都幾好食！總括黎講，去自助燒烤場乾走淨腳真係好正，又唔駛透爐，又唔駛買野搬野，食完唔駛執野就走得！下次想燒野食一定會再黎～
continue reading
聖誕節當天，大家一大群人到衛理道菲律賓會的皇后燒烤lunch BBQ自助放題，優點係的確有哂青口、羊架、一口牛、生蠔、扇貝和豬頸肉，但海鮮們都比較細小，味道一般，但牛、豬、羊都鹹，金沙骨和豬扒正常點。但花甲和蝦卻不錯，而且size不細。又有任飲韓國罐裝飲品、啤酒，環境雖小但勝在集中，又有梳化位。當然，假日268元看來只試一次就夠。沒有風景和走動地方，但一家人只為燒烤，圍著燒都不錯，因食物、用具已備。
continue reading