23
8
35
Introduction
設施: 草地滾球場一個; 泛光照明一個; 桌球室一個\r\n附設: 酒吧;燒烤區;停車場;餐廳;桑拿室;可供傷殘人仕使用 continue reading
Opening Hours
Mon-Sun
19:00-03:00
Payment Method
Cash
Number of Seats
200
Other Info
Open Till Late
Alcoholic Drinks
Parking
Phone Reservation
Outdoor Seating
Signature Dishes
法包 咸牛?
Review (72)
(Non-member) 2011-04-01
1339 views
一班年青朋友一行十數人, 諗住聚下, 燒下野食, 諗住貪方便近近地book左"菲律賓會 - 無國界食點", book 位要先付$500訂金, 點知去到, 只有一班人開始緊, 成個場有成差不多廿幾個爐, 只有一個爐係用緊, 真係明白晒佢地點解要收訂先, 如果到左現場望一望都有掉頭走嘅諗法!!點解!?佢地食物選擇少的可憐, 食物處理有欠衛生(完全無用冰塊保持食物溫度), 完全唔多覺有 refill 食物, 都唔在講, 服務態度差到爆就真係接受唔到.話說佢地營業到深宵1:00am, 佢地職員12:05am左右過嚟要我地結賬, 我地好理解, 都好快付款結賬. 之後大概12:45am我地有其他朋友過嚟接我地同行中朋友回家, 朋友見我地都差唔多走, 諗住坐埋一邊等我地食埋D食物唔好浪費, 閒聊間講左句"我地坐埋一邊等埋你地一齊行啦, 我地唔食野, 佢都吹唔漲啦.", 點知佢地職員咁啱行過, 即刻大大聲回左句 "我唔係吹你唔漲架, 我地計人頭收費, 我點會吹你唔漲". 仲話我地朋友說話囂張嘩大佬呀, 我地自己朋友間閒聊吹下水, 洗唔洗咁大反應呀!!!黑名單!! continue reading
(The above review is the personal opinion of an user which does not represent OpenRice's point of view.)
Level1 2010-11-26
873 views
好後悔冇上黎openrice睇過d comments先book, 原本一個開心既聚會, 點知貼錢買難受!野食種類少.大路野一定會有, 只係雞翼豬扒嗰d全部都係得一隻味道.,雞翼唔錯, 好入味.有秋刀魚燒, 不過好可惜, 佢哋並無清秋刀魚個肚, 所以食既時候好多人都覺得唔好食~~~ 其實秋刀魚個肚d野係要拎出黎先比人食, 唔知佢哋係懶定係咩呢,,,蒜蓉包都算好味. 不過呢個應該唔關佢事~~~hehe... 其他野就唔需要講..一個字....劣...劣..劣....任飲: 樽裝可樂同忌廉相信係好多人覺得抵既地方.其他罐裝就係d大陸飲品(包括啤酒 )服務不敢恭維, 差到爆果個短髮女人, 疑似負責人, 全程黑口黑面唔在講, 我地行一步都望實你,,驚死你偷佢d野...重有bbq係有3個鐘時間...當我們夠鐘時..個女人.即刻在我地枱面拎返我地較早前未開的飲品走...我們當時枱面只有3罐啤酒....個女人需唔需要咁計較呢?最重要一樣野..就係我地唔係在夠左鐘先再拎架!!總知..如果真係有人會去食..記得拎左d野飲後..全部開晒佢先....!!因為差不多夠鐘,,係沒有事前通知的!! continue reading
(The above review is the personal opinion of an user which does not represent OpenRice's point of view.)
Level1 2010-11-25
567 views
原本朋友仔生日好開心.,去左呢間菲律賓會 bbq ..點知中招,環境不過不失,但食物質數同佢收費唔成比例,雖然都有d款色可以食下,但唔係全部都係一個味ma ,,,就係無味,,成晚最有質數都係d燒賣..最好食,,最嬲係我地原本11點就散,,有2個朋友仔10:30 黎諗住切蛋糕,但個員工話唔得喎,總之一入就要比錢先,跟住仲好好咁比左個意見我地,就係加鐘,,加左鐘可以諗下唔收佢地錢,,咁我地就好開心咁同佢88 ,,跟住去左旺角cafe度切cake ..........呢間我唔會有機會去第二次, continue reading
(The above review is the personal opinion of an user which does not represent OpenRice's point of view.)
(Non-member) 2010-04-03
285 views
簡直無法相信會有人去過之後唔鬧鬼,自助燒烤本來不會有太大期望,但都無諗過食物質素可以差到咁!假日毎人138元,要加一,開爐費20元,泊車費40元。雖然唔算貴,但亦唔算平。食物種類少得可憐。肉類方面,只有豬牛雞扒及不知名肉塊(似乎係鴨胸,但太樣衰唔敢試),相信用了大量發粉,因為毫無肉味,近乎令人分唔出咩肉打咩肉。雞中翼用了奇怪醃料,味道好騎呢,咖喱雞全翼沒有味道可言;牛脷.......唔能夠comment,因為正常人見到果個樣都唔會有勇氣試。蔬菜,只有蕃薯、車厘茄、粟米及冬菇。粟米係用糖水浸過的,有好明顯的人造甜味但沒有粟米味,亦沒有牛油提供;冬菇好明顯洗唔乾淨,因為有沙。蕃薯我地比較食得多,因為算係正常味道,雖然其中一件係酸的。最基本的腸仔及丸類,丸只有兩三款,質地非常「純正」,因為係全粉團,不含任何肉質,以致根本無法分辨咩丸打咩丸,同食麵粉無分別,好明顯係批發貨之中最低價的一類。想找一點調味料自行「較味」,亦好困難,因為只有兩款唔知乜汁,外加一堆好明顯潮濕的粗鹽。想點?勉強算係最入得口的,是唯二兩種海鮮:秋刀魚及魷魚,以及叉燒。環境欠佳,因為空曠又無遮無擋,大風吹到頭痛,中途下起雨來,亦沒有人處理,再加上燈都唔多盞,黑到連燒燶都睇唔到。雖然一向都唔特別要求食肆環境,但亦覺得無法接受。雖然任飲,但啤酒只有低價菠蘿啤及珠啤。唯一可取係市區郊外BBQ選擇不多,以及可抽煙。但不足以彌補太多的缺點。結論是千祈不要去,雖然並不氣憤,但比人搵笨的感覺揮之不去。 continue reading
(The above review is the personal opinion of an user which does not represent OpenRice's point of view.)
Level4 2010-04-01
194 views
天氣乍暖還寒,朋友們想趁夏天前來個燒烤聚會,最後定好三月尾的星期六晚上。由於其中一位朋友為警察,所以地點方面我們選了交通便利的警察會,但結果因滿座而要再作周章。不想走太遠,價錢又要相宜,而且又要有位,最後在網上找到任飲任食,每位 $138 的菲律賓會。菲律賓會位於京士柏衛理道,雖是市區但交通也不算太方便。由於燒烤時限為三小時,所以我們等齊人才入場。踏上梯級,可見面積不大的一個燒烤區,但卻空無一人,原來沿梯再上,在草地旁才是我們燒烤的位置。那是一列狹長的走廊,一邊是流動的簡便桌椅,另一邊是一個個的方型燒烤爐,而中間則是唯一的通道。燒烤型式不是每人手持燒烤叉的自助燒烤,而是用鉗把食物在爐上燒,需站立之餘,且缺乏風味。我們曾問店員可否轉為傳統燒烤,答案是可以的,但每位要另外加 $20,而且燒烤時間不會延長,店員提醒我們時間未必足夠,似是不想我們轉換般。由於我們連大人小孩共十二人,每位加 $20 似乎不太划算,最後唯有維持原判吧。 另外,食物飲品則位於入口一邊的走廊盡頭,所以出入均要經過其他客人的位置,擠迫得來兼且在漆黑環境中很容易碰撞。 說回食物,這裡食物的選擇很少。肉類只有最普通的牛扒、豬扒及雞翼,還有不知是火雞還是鴨的奇怪肉件;海鮮則有咖哩魷魚、秋刀魚及多春魚;而蔬菜就只有冬菇及粟米;再加上廚師腸、芝士腸、一兩款丸類及蒜蓉包等等,比起一般任食燒烤的款色實在少得可憐。 除了款色少外,食物的質素也乏善可陳。雞中翼淡而無味,其他肉類不嫩滑,而且只有清一色的醃料味,連最普通的腸仔、丸類也差得很。最可取的算是秋刀魚、咖哩魷魚、粟米及蒜蓉包了。有幸飲品除了有低價啤酒外,還有玻璃樽裝可樂及忌廉任飲,我們唯有狂飲汽水補數! 百多元的價錢雖不算貴,但卻絕對不抵。開爐費要 $28,附送的超小號蜜糖一下子就用完,另添的話每枝 $10;如果時間超過三小時要補鐘,又要每位另加 $20,總之樣樣也要加錢! 味道、環境、服務、價錢,沒有一樣是合格的,這種任食燒烤,真是一次就夠了。 P.S. 因環境太暗,沒有為僅有的食物拍照哩。 continue reading
(The above review is the personal opinion of an user which does not represent OpenRice's point of view.)