5
1
0
Telephone
26578899
Opening Hours
Today
11:00 - 22:30
Mon - Fri
11:00 - 22:30
Sat - Sun
08:00 - 20:30
Public Holiday
08:00 - 20:30
Payment Methods
Visa Master Cash
Number of Seats
180
Other Info
Alcoholic Drinks
Parking
Phone Reservation Details
Delivery
10% Service Charge
Outdoor Seating
TV Broadcast
Above information is for reference only. Please check details with the restaurant.
Review (6)
Level3 2018-01-15
4100 views
座落於康樂園會所內的中餐廳,由於朋友是會員,得以進入享用了一頓豐盛的晚餐。與友共聚,𣈱談暢飮,有私房空間,而無外間繁雜之感。😘😘😘😘大廚用心的烹調,食物中完全能感受其煮食一絲不苟的誠意;席間殷殷的款待,全是高級酒店的禮數。仍是冷冷冬日,於是我們先來一客時令蛇羹,菊花、檸檬葉的清香夾伴薄脆和細切蛇絲,用料足而與配料恰當調合。波士頓龍蝦伊麵則無太大驚喜,好處是伊麵沒外間一般食肆的油膩,但龍蝦鮮味則平平,這是本質問題!熱騰騰的羗蔥桶蠔,上桌時已香味四溢。美國桶蠔以大為主,雖然鮮味稍遜,但肥美香口,以羗蔥煀煮是最佳之選。技竹斑膈煲亦是勝在夠熱,枝竹把斑腩的汁液吸收,只嫌汁液中含醬油太濃,魚味不足。本來是臘味煲仔飯,上時已經每人分碗,臘咪上碟,看不到原貌。且臘腸及閠腸亦一般,提不起拍照慾望:)倒是最後,侍者提出上湯浸飯焦。雖然飯焦香脆不足,但碧綠青翠的芫荽浮動湯面,伴隨飯粒,效果極為不錯😍😍😍這是飯後免費送贈的紅豆沙。陳皮味香濃,不因是送贈而馬虎,吃到最後還是一個圓滿美好的,令人回味! continue reading
(The above review is the personal opinion of a user which does not represent OpenRice's point of view.)
Level3 2015-11-04
4095 views
因朋友係會員,所以我先有幸入去會所食嘢。其實康樂園食嘢係有三部分架,中菜廳、咖啡室同酒吧。今次入左去酒吧!入酒吧除左飲酒同吹水之外,今次朋友叫左個蘋果批送酒。呢個蘋果批除左有好香嘅蘋果味之外,佢仲做到好薄,好脆。值得推介!個人味精指數: 唔多覺 continue reading
(The above review is the personal opinion of a user which does not represent OpenRice's point of view.)
Level4 2015-01-25
3733 views
同事是康樂園會所的會員,索性來到行嚴格會員制的The Country Club,開個午餐會議,一定唔會撞到唔應該見既人。其實,在公司驅車前來,十分鐘也不用,相當方便。這類會所,預左佢唔會好多客,如這天就只得三數檯,在這裡靜靜嘆個午餐又好,傾國家機密也好,都是很合適的。跟呢位同事食嘢,都幾夾,因為大家都係食肉獸,尤其是牛,幾乎是必然之選。因此,縱然食物款式唔少,佢仍是點了一份西冷,而我則來一客牛柳,Medium Rare。看看色水,火候控制相信亦到家。我嚐的牛柳,肉質比西冷自會更為軟腍,當然肉味是相對沒那麼濃郁,但已令人滿意。炸薯條新鮮熱辣好吃,可競逐最佳配角獎,而伴碟的各式菜蔬,我也完全清掉。除了每人一份扒之外,亦再多點一隻春雞,超誇張。雖然春雞不會很巨大,不過兩條友要將之消滅,總有一定難度。幸而,這出品的水準蠻高,皮薄而脆,肉質嫩滑,即使是雞胸的位置,亦沒半點嚡口的感覺。慢慢邊食邊傾,不經不覺竟然可以完成大部份,成績總算唔錯。樓上是中菜廳,不過大家都應該知道,這類會所,是頗具彈性的,要在西餐廳食樓上的點心,無問題。就蝦餃、燒賣各一籠,前者蝦肉爽口,只嫌澄麵皮有點黏牙。燒賣反而不俗,粒粒企身又飽滿,豬肉餡不會過肥,吃得過。飯後,當然要有杯香濃的熱咖啡,充充電,下午才有精神繼續搏殺。喝光咖啡,到處逛逛,呼吸下新鮮空氣,清晰下思維,再返回戰線。 continue reading
(The above review is the personal opinion of a user which does not represent OpenRice's point of view.)
Level4 2014-10-13
2661 views
是晚囍宴 menu,阿姐嫁女喇。我淨係掛住食架乍 ﹗一坐低梗係研究有咩好野食啦,哈哈。酒就唔多想飲,留肚食好野。幾十年來應該係第二或第三次入到黎康樂園,甚少踏足之地。時間晚上約七點半,好多賓客還未到場。九點大家都坐停定預備開餐,之前都係先欣賞一對新人既結緍片段啦 ﹗好肚餓呀 ﹗大家都非常聚精會神欣賞片段,不過一路個心諗住幾時先開飯架。大紅乳豬全體,掙左對眼喎,無左啲車厘子或燈膽唔係好慣 ﹗皮脆肉嫩,豬味濃而咸香適中,啖啖肉又不會肥,燒得層皮卜卜脆,靚豬 ﹗好味 ﹗一見豬腳仔梗係要即食啦 ﹗啖啖肉,彈牙嫩口。大家都餓喇,搶呀!翡翠腰果蝦球,由細到大我都食唔到西芹陣青味架呢 ﹗蝦球啖啖肉但欠爽口,腍中帶霉,失敗 ﹗味道唔錯,香口就夠香口喇。百子千孫柱甫,有乾瑤柱、冬菇、小棠菜同炸蒜子,我最最最喜愛既一道菜 ﹗瑤柱蒸得軟腍又充滿海味味道,冬菇香甜爽滑菇味濃。小棠菜撈埋蠔油芡同吃,鮮爽。樣樣都好,正 ﹗超水準,唔好停,食多啲。煙肉百花帶子,掛住食唔記得影相喇!帶子棉滑、蝦膠鮮味彈牙,加上煙肉既咸香而帶嚥韌既口感,味道好豐富!好味道!如果可以再熱啲就更正!紅燒海皇鮑翅,最初見到紅燒翅諗住係普通野,但發現鮑翅係一梳梳架,足料無欺場。高湯甜美,厚薄剛好,混入蟹肉、蝦肉、竹笙,更添鮮味 ﹗加係浙醋好醒胃,正呀 ﹗鮑片扒時蔬,南非鮮鮑都係咁上下啦,鞋鞋地又有點嚥靭,帶點點鮑味。反而個鮑汁生菜好正啊!爽甜鮮嫩又多汁!整體都滿意既。清蒸老虎斑,侍應哥哥特別地會將整條斑完全起骨,Good ﹗大部份酒樓只會用匙羹急急刮晒啲肉出黎就算。簡單的蔥絲、豉油同熟油烹調,魚味香濃。啖啖肉,味道同質地穩陣大路。最好食既部份係魚肚、魚鰭、魚尾、魚三角,又滑又膠,好味。魚身肉質厚而有咬口,最爽滑彈牙既,當然係臉珠登啦 ﹗整條魚,大家合力完全消滅,連渣都無剩 !南乳脆皮雞,先試試原味既脆皮雞,味濃滑溜香脆,皮脆肉嫰,非常好 ﹗隻雞無癡肥,肥瘦適中,皮夠薄而肉質結實有彈性。再加南乳醬試試,南乳醬係溝稀左既,淡淡南乳味,不太嗆。點唔點南乳醬無咩分別,要用重味南乳醬先能夠突出到炸子雞同南乳吊燒雞既不同之處架麻。鮮蝦荷葉焗飯,濕淋淋既飯,最討厭 ﹗仲有股濃烈唔知係芫茜定係芹菜味道,我好怕依種味。金菇瑤柱伊麵,濕腍散碎,講完!食唔到瑤柱味,亦見唔到瑤柱絲,其實係咪瑤柱汁伊麵乍?只食到金菇、牙菜同韮皇,差 ﹗過埋最後既恐怖雙殺後,今晚既喜宴就完滿結束喇 ﹗祝永結同心、白頭到老!大紅乳豬全體、翡翠腰果蝦球、百子千孫柱甫、煙肉百花帶子、紅燒海皇鮑翅、鮑片扒時蔬、清蒸老虎斑、南乳脆皮雞、鮮蝦荷葉飯、金菇瑤柱伊麵、百年好合、永結同心、環球果盤,完滿結束。 continue reading
(The above review is the personal opinion of a user which does not represent OpenRice's point of view.)
Level1 2013-10-05
1589 views
中秋訂了朋友推介的康樂園中菜,確實有點遠,但一嘗之後覺得遠一點也值得。來到之前已訂了兩個菜,龍蝦粉𢇃煲,焼鴨,都是朋友提及過的。這兩味的確出色,尤其是龍蝦煲,色香味齊全,粉絲將龍蝦鮮味吸收十分可口,龍蝦又是波士頓新鮮運到,鮮甜到極!燒鴨又香又嫩,最出色原來是當晚經理介紹的大班炒球,魚肉鮮嫩,西芹爽口,真令人回味再三!再者,平平的例湯清補涼煲豬𦟌也叫人驚喜,全無味精,清甜得很!至於小菜也好,鐵板牛枊粒牛枊一點都不老又冇筋,亦是香嫩好吃,加上當晚又有家人生日,也在那裡的西餐廳訂了蛋糕,廚師製作認真,Cream是自家打做,味道又香滑,唔錯唔錯,所以值得推介! continue reading
(The above review is the personal opinion of a user which does not represent OpenRice's point of view.)