THE COFFEE ACADEMÏCS (朗豪坊)

同friend去咗旺角The Coffee Academics食晚飯，位於朗豪坊，地理位置方便估唔到咖啡店嘅晚餐都可以咁有驚喜！成間店嘅裝修好有格調，木系傢俬配暖黃燈光，坐低即刻覺得自己文青咗幾個level，勁啱打卡同傾偈。 落單掃QRcode就得**跟餐沙律** 雖然係基本嘢，但佢哋做得幾有誠意。沙律菜新鮮脆口，車厘茄爆多汁，個黑醋汁調得酸酸甜甜好開胃，完全唔係hea做。 重點嚟啦！個**粟米芝士卡邦尼意粉**真係正！意粉煮得剛剛好，煙煙韌韌，個芝士醬濃郁得嚟又唔會膩，加埋啲粟米嘅甜味，口感同味道都好有層次，好岩素食者甜品係**斑蘭蛋糕**，雖然細細件但好精緻！斑蘭味好出，蛋糕質地濕潤，甜度控制得啱啱好，食完意粉再食佢真係完美ending。 飲品叫咗**熱Matcha Latte**，抹茶味夠濃又唔會澀，奶泡打得綿密，飲落好順滑，仲要拉花靚到唔捨得搞亂佢！ 總括嚟講，Cafe 食物質素高，環境又舒服，同朋友傾到閂門都唔會趕客。一定會再encore，下次想試埋佢哋嘅招牌咖啡！…Read More

今次同朋友去咗朗豪坊呢間The Coffee Academics，環境幾chill，適合同朋友傾偈。首先叫咗個帶子大蝦喇沙意粉，個汁幾濃郁，意粉煮得啱啱好，彈牙有咬口，蝦同帶子都好新鮮，好鮮甜。另外個太陽蛋和牛漢堡真係超正，塊和牛juicy得嚟又唔會太油，肉質嫩滑，仲有陣牛油香，個太陽蛋一切開，蛋黃緩緩流出，撈埋啲醬，每一啖都口感豐富，塊包都烘得夠鬆軟，旁邊嘅沙律菜仲可以平衡吓油膩感，簡直滿分。飲品方面，叫咗杯西柚羅勒梳打水，清新解膩，西柚嘅酸甜同羅勒嘅香氣好夾，好解膩。香濃朱古力味道十分濃郁，朱古力味好醇厚，好絲滑，對朱古力情有獨鍾嘅朋友一定會鍾意。總體嚟講，呢度出品好有質素，環境同服務都唔錯，順帶一提，呢度有超多款咖啡，如果鍾意特色咖啡同埋fusion菜，呢度係唔錯嘅選擇！…Read More

在朗豪坊的The Coffee Academics用餐是一個愉快的體驗。這裡的氛圍輕鬆舒適，非常適合聚會或獨自享受一杯咖啡。我點了套餐A+B，首先上桌的是羽衣甘藍沙拉，搭配新鮮的生菜和色彩繽紛的蔬菜，清脆可口，讓人感覺健康。接下來是香濃的蒜香起司卡邦尼意大利麵，意麵煮得恰到好處，搭配豐富的奶香和香蒜，讓人一口接一口。此外，還有金黃酥脆的蟹餅，外脆內嫩，搭配特製醬汁，增添了層次感。最後，我還點了一杯英式早餐茶，茶香四溢，完美平衡了整頓餐的味道。整體而言，這裡的食物質量上乘，服務也相當周到，值得再次光顧。總消費約195.8元，對於這樣的美味體驗來說，性價比相當不錯。…Read More

其實可以明白，而家經濟好差商家需要維繫佢嘅成本但係其實嗰間餐廳都冇人坐喺度點解仲要set最低消費呢？我買杯咖啡$49 如果入去堂食位置需要最低消費$70?如果坐喺門口吧枱位置、需要+1服務費？連舖頭入邊都唔俾坐要坐街外都要收加一服務費？難怪香港人都唔鍾意喺香港消費。…Read More

做媽媽都要me time一下，今晚放工來到朗豪坊4樓，一上到去就係The Coffee Academics，雖然周圍人來人往，但餐廳入面算靜私隱度亦算高，裝修簡約燈光柔和，坐得舒服，可以慢食chill一下。性價比最高係套餐組合，有前菜、主菜、小食及甜品，不過今晚唔算太餓就單點意粉同一杯飲品就算，如果肚餓或比較大食建議都係點set穩陣，唔係唔夠飽~三星蔥油蒜香意粉 + 慢煮雞胸 $148意粉口感煙韌，加上蔥油及蒜香炒超惹味，本身唔算餓點知越食越有胃口！不過份量唔算多，好彩我額外加埋慢煮雞胸，肉質嫩滑多汁，高質。宇治燕麥奶抹茶 $48唔飲牛奶但又想試matcha latte可以揀呢款，茶味濃郁，口感順滑，帶陣陣麥香味，好飲。餐廳出名咖啡，見餐牌有款新出澳門葡撻漸層咖啡幾特別，下次可一試。…Read More