4
0
0
3-min walk from Exit D2, Central MTR Station
continue reading
Introduction
This French restaurant is near Lan Kwai Fong and is designed with black color. The dishes are served at reasonable prices to bring you a new French dining experience.
continue reading
Opening Hours
Mon - Sat
12:00 - 21:00
Sun
Closed
Above information is for reference only. Please check details with the restaurant.
應朋友邀請來這小店飯聚。門面裝修得有點低調，從外面不容易察覺它的存在。舖面分兩層：下層要留位置給廚房，只放得下一張六人桌子，閣樓寬一點，眼見可以坐十多人。食物款式不算很多，勝在小店在食才上有所堅持，不新鮮、不靚，寧缺無濫 。 以「高蛋白」餐作招來，合「肌肉男女」的口味。一行六人也不多費神，請主廚出主意：先有熱騰騰的開胃磨菇湯，再來雞、牛、羊等肉食，配以意大利雲吞及意大利麵為主食。雞肉嫩滑、牛肉肉味濃郁、羊腿香而不羶。 上盤擺設精緻，入口更感受到廚子的心機與投入，絕非一般「酒吧菜」之流。有酒、有肉，喝飽吃醉，人均消費才三百多港幣！性格比超讚！
continue reading
黎開中環，見到有間新嘅西餐廳。 門面裝修幾靚，仲有條樓梯上一層，幾有feel。不過今日一個人就叫外賣算。 外賣有三款，價錢都合理。有健康雞胸藜麥沙律，紅酒燉牛肉飯。我叫左個最邪惡嘅芝士肉醬千層麵，包埋杯凍果茶$78一打開盒，香味撲鼻而來，好香濃芝士蕃茄牛肉醬味。見佢層次分明，麵皮唔會太厚，軟硬適中，每一層都鋪滿厚厚嘅肉醬。個餐配有沙律菜中和番個口味，唔會食到太濟。份量都算大， 食完大滿足。果茶酸酸微甜口味，開胃解膩，唔錯。另外見餐廳有款高蛋白低糖餐單，包杯蛋白粉，適合懶得自己沖話者唔方便帶出街飲嘅gym L。
continue reading
到處探店，偶遇一間5月21日新開嘅平民化西餐；位於和安里近街尾、馬祖台灣麵館旁邊，幾乎俾隔離舖門外候位嘅人流所掩遮蓋。門口感覺似係gym/yoga studio，睇到左下角細小嘅餐牌先知係食肆，主要客戶群針對打工仔，套餐由$78 - $138，以＂西法料理＂定位而言絕對划算。🍽餐廳除地下幾張大枱，樓上亦有個小閣樓，旋轉梯級較窄，上落要好小心，樓上隱密度高，又係一種不同嘅用餐氣氛。店員非常熱情，主動且熟悉地推介餐牌上招牌菜及特色，俾到客人明確鮮明嘅建議去篩選。🤵🏻套餐價錢已包含餐湯附餐包、檸茶，如想轉咖啡就要另外加錢。我地一行二人揀咗一款海鮮RISOTTO同餐牌價格最高嘅油封鴨腿。餐湯為玉米濃湯，質感偏向稠密，帶粒粒大粟米，中意有嚼勁嘅會好中意。餐包口感有啲似PIZZAHUT個蒜蓉包，軟硬適中。開業初期，相信為咗應對堂食禁令，餐廳用嘅係外賣盒（嚟梗會返新餐具），不過非常高質，硬挺嘅木製盒反而俾咗人一種親切嘅感覺，食唔哂想打包蓋返個蓋就可以即刻帶走。油封鴨腿性價比非常高，雖然外觀偏乾，但烤製過程將油份逼出，皮如紙薄兼夾香脆，腿肉瘦削但又唔柴，係純瘦肉嘅口感；薯蓉無落多餘鹽調味，能夠食到原始薯香，又唔會太重味或過膩。RISOTTO不過不失，米粒可能為咗就返港人口味，個人認為煮得太稔，無咩咬口。墨汁味道唔算突出，海鮮份量正常，有squid/mussel/scallop。可能新店開張，店員非常熱情，完餐後仲送咗Ｍadeleine俾我地。岩岩烘熱過，上枱已經聞到蛋香及牛油香，食落外脆內鬆軟，略甜，但可口。難得用打工仔午餐價可以食到法國料理，良心小店值得支持。
continue reading
下雨天收工來到蘭桂坊諗住睇下有咩好食, 行到和安里見到一間未裝招牌ge 新開西餐鋪頭, 員工禮貌接待我們進內一試lunch, 就膽粗粗試下新野!打開睇menu見佢有賣雞胸沙津賣得雞胸做main course 一定有返咁上下水準同自信,我就試一試佢一嚟到見到個雞胸煎得非常靚,大大份食落又唔韌,嫩滑中一點juicy,果然係有質素加埋沙津真係健康之選!另外個餐前蘑菇湯都十分出色,十分足料同惹味下次再嚟要試下佢個香橙油封鴨腿先得!
continue reading