Video
1-min walk from Exit N2, Tsim Sha Tsui / East Tsim Sha Tsui MTR Station
continue reading
Telephone
37217788
Introduction
Reminiscent of a 1920 Chinese tea house, The Chinese Restaurant offers delicious dim sum and authentic Cantonese delights, including many must-try dishes for guests in town for the first time.
While the a la carte menu serves a range of Cantonese culinary traditions, the restaurant’s seasonal menus will tempt any devoted fan of excellent Chinese fare. In the summer, dishes are light and feature fresh, robust flavours; while rich, warming dishes dominate the winter menu.
The main dining hall of the restaurant is filled with natural sunlight coming in through floor-to-ceiling windows, while two private rooms with eight and 12 seaters are also available, with the former housing a private bar.
continue reading
Good For
Business Dining
Group Dining
Additional Information
Lunch Available Time:
1st round: 10:00 – 12:00
2nd round: 12:30 – 14:30 Dinner Available Time:
18:00 – 22:00
Opening Hours
Today
10:00 - 14:30
18:00 - 22:00
Mon - Sun
10:00 - 14:30
18:00 - 22:00
Public Holiday
10:00 - 14:30
18:00 - 22:00
Public Holiday Eve
10:00 - 14:30
18:00 - 22:00
Above information is for reference only. Please check details with the restaurant.
About Reward Scheme
Offers
Review (263)
呢個夏天，唔知大家冇食過涼瓜？聽講涼瓜今年都好當做，清熱解毒、下火消暑就最啱。凱悅軒呢個夏天推出涼瓜為主題的限定菜單，主廚黃師傅匠心用上了中國、日本及泰國的優質涼瓜，當中有唔少苦瓜更加係第一次，如果你係苦瓜粉絲，一定不能錯過。前菜話梅桂花浸杜阮涼瓜用左有隻叫雷公鑿之稱的杜阮涼瓜，肉質最爽最脆，以鹽醃過後完全無左涼瓜的苦澀嘅味，加上以話梅桂花醋來浸過，吃到的是很開胃而又包羅苦酸甜味的涼菜，夏日一流。個人當然最愛白玉涼瓜雲腿扣花膠，個樣非常高貴，無諗過中國白玉涼瓜味道強勁，皮厚多汁，切成厚片與花膠一同放入雲南火腿與雞件熬製的濃湯中慢煨入味，之後花膠同涼瓜之間夾著片厚厚的雲南火腿提鮮，淋上濃烈的南瓜芡汁，非常完美。呢個鴛鴦涼瓜子薑豚肉卷樣子相對遜色，不過味道就最複雜，豬腩肉同來自中國白玉涼瓜，加上子薑、甘筍條和唐芹條，炸完再同日本涼瓜片及濃郁的豆豉汁同炒，食到兩款涼瓜嘅口感之餘又可以比較，不過個人都係鍾意日本嘅苦瓜多啲，唔知下次師傅會唔會用日本嘅涼瓜去整扣花膠，日本嗰種鮮甜味道似乎更能突顯出其他菜式嘅味道。除左苦瓜menu外，朋友推薦脆皮茶香雞，師傅將原隻龍崗雞慢油炸熟，加上香片及普洱混入白飯，將原隻龍崗雞燻製十分鐘，加入左白飯的茶葉令雞肉吸收完全的茶香，之後再將全隻龍崗雞炸至金黃，皮脆肉嫩，而且個皮同雞肉都食到茶葉薰香味，好精彩。唔記得有冇試過呢度嘅燒味，就算平時自助餐有嘅話都未必食，頭先食完嗰脆味茶香雞意猶未盡，今日嘅蜜汁叉燒，睇得出師傅嘅燒嘢功力。Menu入面仲有魚湯浸竹笙蘆筍，呢個又係超級出色，非常簡單，蘆筍完全吸收晒魚湯嘅鮮甜，一定好食。單尾朋友點嘅鮑魚汁炆粗麵，濃烈嘅鮑魚汁非常掛麵，又係色香味俱全，簡單嘅菜式都做得咁出色就知道點解我一班朋友一路都咁鍾意去呢間餐廳。甜點都係涼瓜，以冬蜜及杜阮涼瓜汁製成的蜂蜜涼瓜凍糕，翠綠色的涼瓜凍糕，內藏細碎涼又脆的涼瓜肉，中層是絲滑的奶凍，夏日炎炎，再送一口甘涼的涼瓜甜品，清新口腔最好。加上呢度最愛嘅蛋白杏仁茶，好完美的weekend lunch 。如果大家都有興趣食呢個涼瓜Menu，記得七月底前一定要去啦。
continue reading
涼瓜又名半生瓜懂的愛之不喜敬而遠之！半百的我自小已經非常喜歡吃涼瓜，此物更是我跟已故嫲嫲的親密聯繫所以很有特別的感覺。尖沙咀凱悅酒店凱悅軒主廚黃皓勤師傅又有新作！嚴選中國、日本及泰國的優質涼瓜來炮製合時的涼瓜菜式，喜愛吃的我當然要第一時間去潮聖啦。話梅桂花浸杜阮涼瓜$148！又名雷公鑿杜阮涼瓜肉質厚實顆粒感滿滿，經過話梅桂花醋的洗禮後爽口Juicy甘甜可愛，配點神石榴籽共嚐更能添加清新味道。陳皮脆鱔$328！白鱔依舊烹得皮脆肉彈口感豐富，甜蜜中滲出絲絲誘人的陳皮甘香非常可口。梅辣汁涼瓜脆鱈魚粒$388！用上泰國涼瓜薄片包裹著鱈魚粒和日本涼瓜片炸至金黃酥脆，裹上恰到好處的梅辣汁，吃下外脆內滑味道酸酸辣的兩件下來也沒膩感超級惹味。白玉涼瓜雲腿扣花膠$298！皮厚多汁的中國白玉涼瓜及花膠以濃湯煨至入味，花膠的軟滑加涼瓜的腍拼出完美口感，配搭鹹鮮的雲腿及清甜南瓜芡一起品嚐好享用。脆皮茶香雞$328/半隻！新鮮龍崗雞以茶葉及白米燻製後再炸至香脆，幽幽的煙燻香氣引人入勝皮脆肉嫩百吃不厭。魚湯浸竹笙蘆筍$268！竹笙厚身爽口索滿了魚湯的鮮香更加迷人，配襯的翠綠嫩口的蘆筍清甜不已，最後別忘嚐一口奶白濃郁的鮮味魚湯喔。鮑魚汁炆粗麵$238！濃香鮑魚汁為爽口的粗麵帶來黏嘴的快感大滿足的單尾。這天的甜品也逃不過涼瓜！大廚為我們帶來蜂蜜涼瓜凍糕$68，用上本地冬蜜及杜阮涼瓜汁炮製而成，翠綠色的是涼瓜凍糕內藏滿涼瓜肉碎中層是爽滑香甜的奶凍，涼瓜凍糕口感非凡清甘香甜很有特色。一系列涼瓜主題限定菜單由即日起至2025年7月31日供應，涼瓜迷真的萬物錯過這時令之味。
continue reading
第一次黎食，因為見到有7折，試吓新嘢。餐廳環境舒適，服務都幾好。見佢哋推介今期新菜式苦瓜，咁啱我又好中意食苦瓜，試左話梅苦瓜，苦瓜凍糕，微微嘅苦味，先係苦瓜嘅精髓，清新又開胃。小食炸山藥，蟲草花，香脆可口，食到停唔到口。再試埋傳統菜式燻雞，雞滑得黎啖啖有煙燻香味。欖角骨，酸酸甜甜，肉質鮮嫩。最後食埋甜品蛋白杏仁茶，紅豆沙，芒果布甸，三個之中我最愛杏仁茶，因為食到自家製的味道。酒店嘅中菜果然有啲水準。如果長期有7折就真係好抵食。酒樓既價錢食到酒店嘅質素。下次可以再試埋其他菜式。
continue reading
【尖沙咀必試】凱悅軒夏日限定涼瓜宴🌿苦盡甘來嘅味覺盛宴🍈.🔥夏日消暑首選
夏天熱辣辣，尖沙咀凱悅酒店「凱悅軒」由即日起至2025年7月31日，推出以涼瓜為主題嘅限定菜單💖由主廚黃皓勤嚴選中國、日本、泰國三地頂級涼瓜🎊玩轉苦味變奏，打造六道「苦中帶甘」嘅創意粵菜🤟🏻.由前菜到甜品，每道菜都盡顯涼瓜嘅清涼魅力，仲要配合「不時不食」養生哲學，食完包你暑氣全消😌.🍽️ 涼瓜盛宴逐道試1. 話梅桂花浸杜阮涼瓜 🥗杜阮涼瓜肉質爽脆如青瓜，師傅先用鹽醃走苦澀，再浸入話梅桂花醋，酸酸甜甜完美中和苦味，仲加咗爆汁嘅石榴籽！入口先有甘香涼瓜味，隨後係話梅嘅酸甜同桂花香，層次超豐富！2. 白玉涼瓜雲腿扣花膠 🍲中國白玉涼瓜皮厚多汁，苦中回甘，同花膠一齊用雲南火腿雞湯慢煨，吸盡精華！中間夾住一片金華火腿提鮮，淋上南瓜芡汁，入口綿滑又滋補。花膠膠質滿滿，涼瓜嘅甘苦同火腿鹹香碰撞，味道高級又和諧！3. 梅辣汁涼瓜脆鱈魚粒 🐟泰國涼瓜薄片包住日本涼瓜片同鱈魚粒，炸到金黃酥脆！鱈魚外脆內嫩，涼瓜嘅苦味被梅辣汁完美平衡～入口酸甜微辣，仲有開心果碎增加口感，食落爽脆又惹味！
4. 蜂蜜涼瓜凍糕 🍮甜品竟然有涼瓜？上下兩層係杜阮涼瓜汁製成嘅翠綠凍糕，中間夾住牛奶凍，涼瓜碎增加咬口，本地冬蜜帶出自然甜味，苦甘交織，呢個配搭出奇地夾，食完一啲都唔膩！5. 脆皮茶香雞 🍗龍崗雞先炸後燻，用香片+普洱燜飯燻製，雞皮脆到不得了，茶香超濃郁！食落肉質嫩滑多汁，茶香滲入每絲纖維，食落有炒米焦香，回味無窮！
6. 魚湯浸竹笙蘆筍 🥬竹笙吸盡鮮甜魚湯，蘆筍爽脆無渣，湯頭清澈但味道濃郁，清新健脾之選！7. 鮑魚汁炆粗麵 🍜粗麵掛滿鮑魚汁，彈牙有嚼勁，醬汁濃郁唔會膩，飽肚又香濃～8. 桑寄生蛋茶 傳統養生糖水，桑寄生茶微甘帶甜，蛋香滑溜，飯後飲一碗滋潤又解膩！🍽️ 凱悅軒（尖沙咀凱悅酒店）
📅 供應期：即日起至2025年7月31日
🚇 地址：尖沙咀河內道18號🔥 溫馨提示* 菜單期間限定，想試要趁早！#凱悅軒 #涼瓜宴 #夏日限定 #苦盡甘來 #尖沙咀美食 #粵菜 #不時不食
continue reading
已有一段日子沒來凱悅軒了，聽說近日有人蔘主題菜式，夠晒滋補養顏。餐前先來個三式點心，分別是「腿蓉遼參燒賣」、「鮑魚燒賣」及「星班百花卷」。遼參泡浸得軟稔，入口滑溜，配以豚肉的味道，相得益彰。鮑魚燒賣是常見，但鮑魚Q彈入味，豬肉吃得出的鮮味，我喜歡。以星班片來包裹蝦膠，來種截然不同的口感，清淡怡人。前菜的「紅棗人蔘豬手凍」，真是佩服大廚的心思，晶瑩剔透的人蔘雞湯凍，內裡是嫩滑的豬手，連皮切片後，與鮮人蔘粒、紅棗和蜜豆籽表面放上黑醋啫哩，不單平衡了油膩感，更有提鮮的作用。再來是帶懷舊菜氛圍的「杞子人蔘花膠鴿吞素翅」，靈感源自懷舊手工菜「仙鶴神針」，用上了體型較大的頂鴿，去除胸骨後釀入已煨煮入味的金華火腿、關西遼蔘絲及素翅，全鴿與花膠人蔘湯同燉。鴿肉厚實多汁，咬落酥軟，湯底清澈鮮甜，入口一陣醇香，喝起來舌底生津。「梅欖骨」又是一道潮州的家常菜，師傅先將排骨蒸三小時至軟糯，再炸至鬆化，配以Homemade梅膏醬及潮州菜常用的欖角，酸甜開胃，用來送白飯一流。菜蔬是「豉汁蘆筍炒帶子」，其實好簡單，食材新鮮已經贏了一半，帶子炒得恰好，肉質粉嫩，配以掛上豉汁的蘆筍，好味。單尾是「窩燒麒麟鮑魚人蔘雞飯」，概念是源於經典菜式「金華玉樹雞」，鮮美的鮑魚片、三黃雞件、甘筍片及北菇片舖在加入人蔘鬚粒的米飯之上，拌和了香濃的人蔘鮑魚醬汁焗製而成，冒著熱氣上檯，非常誘人，但飯粒依然是粒顆分明，狀態大勇。仗著人多，甜品是叫了好幾款大家分享，蓮蓉西米焗布甸、楊枝甘露、蛋白杏仁茶及桑寄生蛋茶。畢竟可以一齊share最開心。P.S：部分菜色供應期至4月30日。
continue reading