Video
2-min walk from Exit A1, Sai Ying Pun MTR Station
continue reading
Telephone
62924152
Opening Hours
Today
12:00 - 00:00
Mon - Sun
12:00 - 00:00
Above information is for reference only. Please check details with the restaurant.
About Reward Scheme
Offers
放工去咗位於西營盤嘅《The Bottle & Steak》，一間人氣超高澳洲扒房，主打「100分鐘 Free Flow Steak」套餐，星期日至四晚市只需$258，CP值幾高💫SET DINNER WITH FREE FLOW STEAK $258頭盤 (每位贈送一容)🍴忌廉蘑菇湯｜蒜蓉牛油包忌廉蘑菇湯香濃滑身，蒜蓉牛油包微脆帶香，和忌廉湯係絕配任食牛扒🍴美國安格斯牛板腱扒店員建議五成熟，熟度剛好，表面有清晰燒烤紋路，肉質香濃帶嚼勁，烤得夠juicy，香氣十足任食配菜🍴澳洲雞鹽薯條｜黑醋橄欖油沙律菜｜焗香草車厘茄澳洲雞鹽薯條 - 厚切炸得夠香脆，吃不停口黑醋橄欖油沙律菜 - 爽脆清新，食完好開胃焗香草車厘茄 - 灑滿香草，淡淡香草香氣，清新解膩任食小食🍴墨西哥脆辣雞翼鎚｜卡真炸雲吞｜脆脆魚手指｜帶頭吉列虎蝦｜吉列酥炸生蠔小食種類豐富，全部都外層金黃酥脆，每件都香口惹味當中最喜歡：❣️帶頭吉列虎蝦 - 蝦身大大隻，炸漿薄脆，咬落去肉質彈牙又鮮甜，每啖都好滿足❣️墨西哥脆辣雞翼鎚 - 外皮香辣，雞肉嫩滑多汁，咬落啖啖微辣香料味，非常惹味甜品🍨是日雪糕配焦糖醬吃過主菜後，每人還有一客雪糕，大滿足！🍻🍻飲品🍹🍹另外餐廳亦提供100分鐘任飲汽水或酒精類飲品，每位只需加$68 - $198就可盡情享受
continue reading
朋友好鍾意食牛, 成日都會拉我周圍去食牛, 今次就搵到一間超抵嘅牛扒任食, 牛扒任食真係第一次, 仲要只要$298(星期五,六)就可以任食安格斯牛板鍵扒，除左任食牛扒，連小食及配菜都係任食，超抵食💯, 唔怪得之咁多人! 餐廳裝修是美式簡約風格, 夠feel 夠輕鬆, 而且店員都好主動熱情,超nice!💫100分鐘任食美國安格斯牛板腱扒💫🌟湯品: 是日濃湯‧忌廉蘑菇湯、蒜蓉包濃濃忌廉蘑菇, 好creamy, 配埋蒜蓉包, 絕配!🌟任食牛扒: 美國安格斯牛板腱扒店員建議5成熟, 廚師前得剛剛好, 牛扒有淡淡炭燒香味, 外層煎得剛好,充份鎖住肉汁, 邊位帶焦脆, 5成熟保留口感之餘, 而且肉汁豐盈,肉味濃郁, 配上燒烤汁已經好正! 仲要任食, 我同朋友都忍唔住encore 多一次, 再添依然保持水準!☀️任食配菜: 雞鹽薯條|黑醋橄欖油沙律菜|焗香草車厘茄牛扒當然要配薯條, 厚切薯條即炸即起, 熱辣辣勁好味, 外脆內綿密, 灑上雞更惹味。大大盤車厘茄大加分, 酸酸甜甜又juicy, 清新解膩🌟任食小食:墨西哥脆辣雞鎚|卡真炸雲吞|脆脆魚手指|帶頭吉列蝦|吉列酥炸生蠔估唔到連小食都係任食,而且每款都好好味,食完忍唔住再encore!真係超級抵!原隻虎蝦大大隻, 蝦肉爽彈, 香脆非常!卡真雲吞, 炸得脆卜卜, 而內餡餡料充足, 我至愛!生蠔炸得剛剛好, 內裏保持軟嫩多汁, 朋友指定encore🍨是日雪糕 配焦糖醬食完仲有雪糕食, 超滿足!🍻飲品: Duvel Tripel/ LoveCraft King餐廳另外亦可加($68-$198)享受100分鐘任飲汽水或啤酒或葡萄酒, 我地肚量有限, 所以另外點了啤酒, 由店員介紹, 都非常不錯!
continue reading
西營盤第一街的轉角澳洲扒房，出名性價比極高，店中主打100分鐘任食牛扒，除此之外亦有其他高質之選。今次實測2人A-la-carte ，人均都只係$200幾，仲要不設加一服務費，真係超級親民。餐廳有幾個冰凍大酒櫃，客人可以自選酒類飲品再請店員幫忙開瓶，唔飲酒精飲品都可以選擇冷泡茶同果汁，食物整體都不錯✨🥩 美國安格斯牛板腱扒（8安士 ） $138五成熟安格斯牛板腱扒，有明顯grill mark，切開牛扒肉色粉嫩，肉味香濃，肉質比較紮實，配以自家制烤汁、粗薯條同沙律，性價比極高。🐔 法國蜜糖香草烤雞半隻 $158烤雞外皮金黃酥脆，非常香口，雞肉嫩滑多汁 ，充滿香甜及香草氣味。同樣配以自家制烤汁、粗薯條同沙律。🍄🟫 黑松露芝士溫泉蛋大啡菇 $48焦香的芝士🧀下隱藏著溫泉蛋，加上黑松露醬，絕對是配搭豐富的大啡菇，推薦🌟🍫 海鹽朱古力布朗尼蛋糕 $48布朗尼蛋糕朱古力味濃郁，內有果仁碎，口感鬆軟，鹹甜交錯，建議配雪糕$15/球，減低蛋糕鹹味。♡ 自家製冷泡茶 冷泡山楂洛神花茶 $28冷泡普洱冰菊 $28🍽️ 餐廳：THE BOTTLE & STEAK🌐地址: 西環西營盤第一街5號地舖 #cowing吃在西營盤#hkkol #852kol #hkinfluencer #hkfoodie #hongkongfoodie #852food #852foodie #hkfood #hkfoodblogger # #西營盤美食
continue reading
最近同朋友去咗依間主打牛排嘅餐廳，結果係一次極之失望嘅經歷。首先講隻牛扒，完全唔合格。一入口就知唔係即煎，應該係早早煮好之後再翻熱，搞到成塊牛扒又乾又韌，根本咬唔開。最誇張係仲有一條粗到誇張嘅筋，成個人喺度咬筋咬到火都嚟，完全唔明點解會有人覺得可以拎出嚟賣畀客人。跟餐薯條都係凍嘅，食落去完全唔脆，似係焗完擺咗好耐。仲有一舊又大又冇味嘅麵包，完全唔知加嚟做咩，只係令個餐更令人失望。最激氣係服務態度，明明全場都冇幾多客，店員好似趕住收工咁。我想加杯飲品，佢竟然一句「weekend冇得加㗎」就轉身走人，連基本尊重都冇。成餐飯食到一肚氣，味道唔得、服務唔得，連基本誠意都唔見有。老實講，以後都唔會再去，亦唔會介紹畀人。要食牛扒，香港有太多好選擇，呢間真係可以直接劃走。
continue reading
今日打算去餐廳慶祝同事生日飯因為知道用餐人數10人都比較多，所以透過WhatsApp就向餐廳訂位。溝通上都有來有往，我哋每人都各自揀埋自己食咩餐同幾多成熟，同咗餐廳講，請佢哋預備。點知今日去到餐廳，佢竟然黑面又寸嘴話我地邊有訂枱，好彩有文字記錄，原來佢睇錯咗我哋訂枱日期冇預備到。冇都唔緊要，但係當要求返佢準備10人座位嘅時候，女服務員態度極差，對睇錯訂枱日期一事完全冇道歉，一句「唔好意思」都冇，亦冇打算調動餐椅，淨係黑面叫我哋「坐入去啦」，問題係餐廳座位不足，我哋又點樣點坐入去食飯慶祝呢？其實如果就過錯道歉嘅話，都唔會咁嬲，頂多等多一陣，又或者搵第二間餐廳，但係女服務員真係完全毫無歉意，唔會再去呢間餐廳食飯，冇下次！
continue reading