THE BOTTLE & STEAK

$258，免加一，任食牛扒，任食小食。呢間位於灣仔嘅THE BOTTLE & STEAK，做緊一個任食牛扒優惠，星期日至四，任食牛扒、小食等，只需$258一位。呢度嘅格局有啲似美式餐廳，亦都播住一啲輕快嘅美國歌，係咁樣嘅環境食牛扒真係有一番風味。美國安格斯牛板腱扒當然佢嘅牛扒都唔係揸流攤，煎出嚟嘅牛扒有格仔紋，份外有炭香。成熟度方面明顯佢係想盡量medium rare，亦都因為咁佢嘅牛扒咬落去都好腍。最重要係可以任食，好滿足！任食配菜跟埋牛扒嘅澳洲薯條、黑醋橄欖油沙律菜同車厘茄，冇錯都係任食。呢幾樣配菜令到牛扒唔會咁膩，可以食多幾塊😆。任食小食呢度有幾樣小食，同樣係任食。當中包括墨西哥脆辣雞翼鎚卡真炸雲吞脆脆魚手指吉列虎蝦吉列生蠔其實數量上真係唔少，雖然全部都係炸物，但食落都會有新鮮嘅味道，好似雲吞、魚手指我哋都覺得好食，虎蝦係好有蝦味。每位送一客雪糕今日嘅雪糕係椰子雪糕配焦糖漿，個人就好鍾意了。餐湯麵包每位一客呢個正常發揮啦，但有就會令到個餐再平衡啲。任飲非酒精飲品(+$68)只需加$68就可以有任飲，非酒精飲品，包括有汽汽水，同無汽嘅果汁等等。佢有幾種有汽汽水係無糖，好啱我心水。發現而家餐廳真係唔易做，二百幾蚊已經要任食牛扒之餘，仲要免加一 (呢度好多嘢都可以自助做到，包括斟水)，仲包飲食小食同沙律雪糕，唔使好貴，已經可以好滿足。…Read More

最近我去咗灣仔的 THE BOTTLE & STEAK，試咗佢哋的任食牛扒，時間限100分鐘。頭一輪上咗一啲炸食物同埋沙律，仲有一碗湯，要求我哋食晒先可以再嗌牛扒。其實如果你鍾意炸物，可以隨時再叫，非常自由。牛扒的質素嘛，老實講，唔算特別出色，感覺有啲似 AEON 買嗰啲 $60 的牛扒，基本水平。雖然唔係特別高級，但我覺得只要你食到三至四塊牛扒就已經可以回本，對於想食得開心而唔想花太多錢的人來講，算係划算。服務方面，店員都幾友善，會主動幫我哋加湯或查詢需要。整體來講，雖然牛扒唔係最頂尖，但如果你想同朋友聚餐，享受任食的樂趣，琴日紅日就$300唔使+1，平日嚟食會再平啲。…Read More

🍚🦵🏽：「今晚我諗食咩啦。」🦥: (點頭)🍚🦵🏽：「今晚食好啲啦。」🦥: (大大力點頭+拍手掌👏🏼)最後，鐵飯腳帶咗我去𝗧𝗵𝗲 𝗕𝗼𝘁𝘁𝗹𝗲 & 𝗦𝘁𝗲𝗮𝗸🍴有free-flow steak，不過我唔想食得咁meaty，所以一人一份就夠喇💁🏽‍♀️ ➿ 美國安格斯牛板腱扒 ($138)➿ 澳洲慢煮鴕鳥肉扒 ($188)➿ 𝑯𝒐𝒖𝒔𝒆 𝑾𝒊𝒏𝒆 𝒃𝒚 𝒈𝒍𝒂𝒔𝒔 ($68)扒類質素都唔錯，炭香味突出😋 牛板腱扒好有牛味，肉質帶嚼勁～ 慢煮鴕鳥肉扒我都係第一次食，肉質又幾似牛喎，幾juicy，係個低脂又低卡嘅好選擇！…Read More

最近鐘意約埋朋友發掘下啲小店今次去咗一間勁抵食嘅澳洲扒房 🍽️ 不設加一‼️叫到成枱野食 人均竟然唔洗❌$2️⃣0️⃣0️⃣‼️除此之外 呢度仲係一個好啱老友相聚傾計嘅地方因為座位區設於2樓 自成一角✨除咗送餐外 店員基本上都唔會點打擾客人😉感覺好cozy 安心傾計 仲唔洗驚俾人趕走😆雖然餐廳近期推嘅$2️⃣9️⃣8️⃣✨任食牛扒放題好抵玩但我哋都唔想食太多肉 反而想試多啲小食 所以揀咗單點💖三重芝士中東包 大家一致認同嘅本日MVP‼️勁想encore😍中東包非常軟熟 有濃郁嘅香草味中間夾住大量芝士 好香口好好味😋🍄‍🟫黑松露芝士溫泉蛋大啡菇 燒過嘅芝士呈熱溶狀態🧀 香味提昇了大啡菇夠Juicy 溫泉蛋亦好流心🌹挪威煙三文魚玫瑰 三文魚"花"賣相優雅最意想不到醬汁竟然帶有辣味 不過我覺得辣得嚟又幾正😆🥦橄欖油炒西蘭花苗 確定係西蘭花‘’苗‘’⁉️ 全部苗都發育得好健全啵😂餐廳用橄欖油炒得好香好入味🥨啤酒洋蔥圈 即叫即炸 外皮好脆 洋蔥保留到好多汁大盤到不得了 要多啲人先搞得掂🙂‍↔️🧇黑松露蝦多士蝦多士卜卜脆 調味同口感都算係唔錯🐷美式慢煮烤豬肋骨配脆辣雞翼 烤豬勒骨係美式做法 烤過令肉汁稍為收緊口感就介乎軟腍同厚實中間雞鎚調味濃郁 食落都辣辣哋仲有埋粗雞鹽薯條 咸咸哋 味道啱啱好🦆法式油封鴨腿肉質鮮嫩 外皮醃料充足 屬於比較濃味嘅一道菜又有大大份粗雞鹽薯條 正😆🥧朱古力布朗尼蛋糕Brownie 個皮焗到好脆 蛋糕質感鬆脆朱古力味真心勁濃 有啲果仁碎提昇香味 加$15可以有埋一球雪糕上甜品時 Staff仲會將music偷偷換成生日歌yeah🙌🏻 成功製造咗個低調版嘅生日小驚喜(覺得啱晒啲怕太高調又尷尬 太低調又話冇儀式感嘅麻煩I友=me😂)🍸Neonotic Just Peachy少少甜味配合酒味 易入口🍹Fresa Apple Soda酸酸甜甜嘅飲品 可以解膩🍷Dragonfruit Brut Blond Ale點嘅朋友認為比較重啤酒味坐到差唔多11點先走 包晒成層場超正😆呢個價錢 喺利東街附近食到 真係冇得彈了如果想搵一間平平哋又飽肚又有啲私人空間嘅餐廳呢度絕對好適合你🙌🏻 最近仲開咗西營盤分店 西柚們都可以去呀…Read More

上環食過一次，原來灣仔都有分店！💡一直以為佢係普通西餐，今日認真睇menu先知佢係澳洲菜，有駝鳥扒食！唔怪得份量咁大啦..... 本來都係諗住落街食個飯，上菜嗰刻呆咗 🫨🍗「法國蜜糖香草烤雞」出色！雞皮查完蜜糖再燒，有少少焦糖脆脆口感，但又唔肥膩，半隻份量剛好。🐷我叫咗「美式慢煮烤豬肋骨配脆辣雞」，半肥瘦豬肉嫩滑，真係大塊過我塊面，食完我都食唔落炸雞，由男友清枱。🥗 MAIN 最正係可以揀「走薯條轉全沙律」，大大碟🍄「黑松露芝士溫泉蛋大啡菇」大大塊芝士，中間隻蛋係流心與凝固之間，好食到叫咗兩個，一人一隻唔洗爭；💚「橄欖油炒西蘭花苗」爽口，應該係用牛油炒；🦐「黑松露蝦多士」係兩塊多士夾蝦滑，我覺得可以再肥啲 (?!)我見佢有100分鐘任食牛扒，都好吸引，希望減完肥呢個套餐仲有！🥹…Read More