39
24
7
Exit F, Central MTR Station, Exit A2, Hong Kong MTR Station
continue reading
Telephone
28254001
Additional Information
兒童政策：若賓客為 6 至 17 歲的青少年，則 The Aubrey 僅供應食物和非酒精飲品，且於晚上 7:00 後停止接待。
衣著要求：請穿著時尚休閒服裝。敬請賓客避免穿著短褲（不論長度）、破洞牛仔衣褲、背心、人字拖及男女裝涼鞋。
Opening Hours
Today
12:00 - 01:00
Mon - Sun
12:00 - 01:00
Above information is for reference only. Please check details with the restaurant.
About Reward Scheme
Recommended Dishes
今次造訪位於文華東方酒店25樓嘅西日酒吧The Aubrey🏨裝修精緻典雅 帶點復古嘅韻味🗝有少少似歐洲古堡風格🏰亦可以選擇窗邊座位 望向維港景色🌊而呢間酒吧餐廳亦入圍Asia's 50 Best Bar🍸而我就book咗weekend brunch set 慶祝朋友生日🥪菜色超豐富之餘 仲可以加配free flow cocktail🤩The Aubrey Brunch $728 pp🍴Snacks & Starters✨️Roasted Cauliflower✨️'Not' Crab Korokke✨️Edamamc | Yuzu & Chili salt✨️Daikon｜Black sesame✨️Tsukemon✨️Oysters✨️Sushi Platter分數：🌕🌕🌕🌕🌗頭盤已經有7款小食/前菜 有葷有素🤫個人認為生蠔,蟹肉餅, 魚生壽司拼盤都係比較出色😋生蠔鮮甜肥美🦪口感屬於有少少爽口嗰種 而調配嘅柚子汁清新而開胃😉而蟹肉餅香脆熱辣辣 包住有一絲絲滿滿嘅蟹肉🦀魚生方面 鰤魚同油甘魚油脂都十分豐富🐟白身魚同帶子就帶爽口清甜☺️而壽司除咗魚生新鮮肥美 同醋飯嘅配合都相當恰到好處🍣🍴Free-flow Sandos✨️Pork & Prawn分數：🌕🌕🌕🌕🌕三文治內餡選擇了豬肉同蝦肉 亦都係網上最多人推薦嘅口味💁♀️面包烘得香脆 帶濃郁嘅牛油香氣🥪而自家製嘅免治豬肉超級juicy 煎到好香口惹味🐽而蝦肉餅都打至起膠 肉質彈牙鮮嫩🦐加上少少沙律椰菜配襯 帶點清新解膩🌿真係沒有令人失望😊雖說係可以free flow 但已經十分飽肚了🤤🍴Salads✨️Sunomono Asparagus✨️Tofu Salad分數：🌕🌕🌕🌗🌑沙律方面點咗露荀同豆腐🥗兩款沙律都係用醋同鹽呢類簡單嘅調味🧂直接帶出蔬菜嘅新鮮爽脆🥬味道中規中矩 算係清清淡淡咁解一解膩🍀🍴Robata Skewers✨️Miso Pork Neck✨️Wagyu Meatball✨️Miso Glazed Baby Eggplant分數：🌕🌕🌕🌕🌗爐端串燒方面分別揀咗豬頸肉, 和牛肉丸 同茄子🍢串燒當然係即叫即燒 熱辣辣上碟🔥當中和牛肉丸係鎖住肉汁🐮牛味濃郁 口感帶點彈性 超好食🤩而味噌豬頸肉調味恰當 油脂豐富 肉質都非常爽彈🐽🍴Rice & Noodles✨️BBQ Ribs Fried Rice分數：🌕🌕🌕🌕🌖原本沒有太大期待 只係諗住果腹嘅炒飯🍚估唔到頗有驚喜😋一嚟炒飯好有鍋氣 粒粒分明😉二嚟牛嘅油香係滲入飯粒當中 好香口濃郁🐂而且飯粒係用珍珠米 比較飽滿Q彈🤏但係都係炒到好乾身 每粒米飯喺口中好彈牙嘅感覺😳🍴Dessert Bento Box✨️Japanese Choux✨️Yuzu Cheesecake✨️Seasonal Fruit｜Cantaloupe分數：🌕🌕🌕🌕🌘最後奉上甜品便當盒子作結🍨有泡芙 柚子芝士蛋糕 同哈密瓜🍰甜品味道偏輕盈清香🍊而我亦提前向餐廳備註 慶祝朋友生日🎂所以附上生日朱古力牌同蠟燭 仲有一封手寫卡🕯🍴Drinks✨️Earl Grey Martini $148分數：🌕🌕🌕🌖🌑我就點咗一杯cocktail 試試酒吧嘅調酒🍸整體味道係比較強烈 同dry一啲🤔起初會嘗到淡淡嘅Earl Grey香味☕️而Citrus嘅柑橘帶些許清新果甜🍊最後帶比較強烈嘅回甘 主要來自angostura嘅苦精🥂總結：一間裝修環境好精緻典雅嘅西日餐廳💃食物出品方面屬於中上水平 沒有到超驚豔嘅感覺🍽不過brunch嘅菜單的確十分豐富滿足😊而且亦好適合同朋友喺呢個環境下閑聊兩三個鐘 慢慢品嘗食物👭最令我impressed嘅係 當日其實係掛咗8號風球 而餐廳係回覆無論天氣如何 都會照常營業🏬令我嘅生日行程不必要取消或改期😉而店員嘅服務都十分有禮友善💝整體用餐體驗係十分完整 令人難忘💗
continue reading
Aubrey除左係亞洲Top50酒吧，仲係一間精品日式居酒屋，環境反而係傳統英式設計，優雅高貴，對正維港同怡和大廈，唔怪之得咁多人黎朝聖打卡。今次就先試下週末Brunch，總共有21款菜式超豐富啊！成個menu 設計好有心思，款式多得黎都係上等之作👍🏻—— 𝑺𝒏𝒂𝒄𝒌𝒔 & 𝑺𝒕𝒂𝒓𝒕𝒆𝒓淨係前菜已經有6款😍各有特色，炸蘿蔔看似一般食落又特別酥脆過口癮；蟹餅蟹肉滿滿；每人仲用一隻生蠔🤤你以為壽司剌身係main? 佢地都係前菜黎㗎🤣鮮美軟甜，材料靚就食翻原本嘅鮮味 —— 𝑭𝒓𝒆𝒆-𝑭𝒍𝒐𝒘 𝑺𝒂𝒏𝒅𝒐𝒔 4款三文治分別有：蝦堡、雞扒、豬扒同火腿芝士。麵包外脆內軟，個餡都好足料，蝦堡夠哂厚，蝦滑綿嫩彈牙，最開心係4款都可以refill！—— 𝑺𝒂𝒍𝒂𝒅沙律就冇特別驚喜，分別上左薯仔、菠菜同蕃茄，比較似小碟當係過渡清一清味蕾—— 𝑹𝒐𝒃𝒂𝒕𝒂 𝑺𝒌𝒆𝒘𝒆𝒓𝒔嚟到燒物係最期待🤩11款入面挑選3款，今次就揀左味噌三文魚、和牛肉丸同豬頸肉。三款都超級好食！！！三文魚調味鹹鮮，燒得啱啱好；和牛肉丸我最愛😍牛肉味超濃!!!!入面仲係半生熟，肉嫩多汁；豬頸肉燒到油脂出哂黎一啲都唔膩👍🏻—— 𝑹𝒊𝒄𝒆其實食到依到已經飽飽地😂我地4人仲上左2碗蘑菇溫泉蛋炒飯，味道比較清淡，主要以菇味加黑椒調味為主，飯粒飽滿圓身—— 𝑫𝒆𝒔𝒔𝒆𝒓𝒕 𝑷𝒍𝒂𝒕𝒕𝒆𝒓食埋依個超滿足！好有心思好似啲tea set咁係三層甜品架；綠茶雪糕甘甜，朱古力千層蛋糕香濃滑身，每層做得好細薄；最後有埋生果解膩完美為成個brunch劃上句號💰$728pp🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 The Aubrey (中環)中環干諾道中5號香港文華東方酒店25樓
continue reading
2507 views
暑假大肥爸爸不慎受傷，行動有點不便，哥哥牛一細佬請食飯，就揀咗去中環近爸爸公司嘅「香港文華東方酒店」，一嚐新店「The Aubrey」。步出酒店升降機門，必先行經一條畫廊通道方才達到接待處，有點兒神秘。掛出嘅藝術品原來同十九世紀歐洲牽起嘅日本主義「Japonisme」有關，熱潮其中一個關鍵人物正正為店名來源之英國插畫藝術家「Aubrey Beardsley」。傍晚時份，酒吧區域早已坐滿貴客，熱鬧忙碌得很，因此更顯得人手短缺。細佬於門前等咗成八分鐘都未有人招呼入座，當負責嘅妹妹仔出現時，其黑面冷漠嘅態度直令原本高漲嘅心情蓋上烏雲，真心感覺自己不太受歡迎！對食客而言，入門口嗰刻嘅印象對接下來嗰餐飯好唔好食其實影響好大，酒店適逢六十週年慶典似乎忽略咗重要嘅一環。網上訂座時提及到席上有傷殘長者，感激餐廳安排四口子入座空間感足嘅厚墊梳化位，豪華得猶如置身於英式小偏廳內。花燈及窗旁可觀賞25樓望落去嘅海景。餐桌上擺有自用嘅餐具，唯一張枱矮咗少少，用餐時難免會覺得唔就手。慶生當然係要開香檳搞吓氣氛先啦！酒吧餐廳以「日式居酒屋」打響旗號，調酒師就好配合地以燒酎作為核心，設計出一系列嘅燒酎雞尾酒，酒牌仲好有心思地編制成燒酎的故事。XO仔一向唔受溝，結果壽星仔最俾面試咗杯。食物餐牌只有英文版一大頁，客路似乎以酒店住客為主。Tea-Smoked Salmon Salad（$218）：沙律嘅生菜新鮮爽脆，量足嘅三文魚肉亦厚潤肥美，大小雙肥最欣賞就係舖面塊炸三文魚皮，巧脆鬆化，送酒一流！Charcoal Chicken Karaage（$158）：意外地，黑實實貌似石頭咁硬嘅唐揚炸雞毫不油膩之餘更極其香脆，炸皮下嘅雞肉熱力非凡，肉汁豐沛，一啲都唔嚡唔乾，黏上柚子秘醬惹味得分外清新。Wagyu Maki（$388）：和牛卷一口一件極易入口，無奈外層嘅紫菜韌皮且蓋過哂當中嘅和牛香，有點兒失色。Agedashi Tofu（$158）：日式揚出豆腐乃居酒屋名物，文華嘅版本單睇豆腐奶白色嘅炸皮已大打折扣，食落不單厚身同好腍，仲黐住啲牙仔，汁汁又唔夠熱，不吃也吧！A4 Kagoshima Wagyu Sando（$678）：層次分明嘅A4鹿兒島和牛三文治一客四件，大啖咬落去，底面嘅兩層麵包鬆軟帶脆，中間炸過嘅厚切和牛件外脆內潤，肉厚汁盛，香濃美味，冇得頂呀！A3 Kagoshima striploin（$528/125g）：雖同為源自鹿兒島，但相比起下，已預先切開嘅A3和牛片明顯並非所點嘅medium rare，過熟嘅肉質偏實同嚡，講真個人會請願食多件肥少少同貴少少嘅和牛三文治代替。Wagyu Oxtail & Bone Marrow Fried Rice（$278）：和牛牛尾炒飯嘅骨髓油香好濃郁，如果入面可以加多少少肉或者係菜粒，相信肉味會出啲，效果會冇咁溜。Seafood Udon Noodle（$278）：滑嘟嘟嘅長壽烏冬煙韌有嚼口，雜錦海鮮配料就有少少參差，大部份都好鮮甜，係有幾隻蜆腥同有沙。Tempura Kuruma Prawn（$378）：尚算金黃嘅天婦羅車海老夠就夠乾身，可惜炸得唔夠酥脆，層皮腍到有少少韌，好在入面隻蝦都仲好爽彈。網上訂座時填咗慶祝生日一欄，酒店於飯前確認訂座時就問及壽星仔個名，原來飯後好有心地送上生日甜品及賀卡，實在溫馨！文華東方酒店新開辦嘅「The Aubrey」格調高雅，歐陸風采尤甚，主打嘅日式料埋帶點新派，簡單啲講係一間洋化咗嘅居酒屋。普通對五星級酒店嘅要求係會高啲，因其價格高人一等嘛，但平心而論，新店食物質素有得亦有失，人手不足嘅服務團隊都一樣，接待處由黑面神看守，幸好用餐大堂有落力嘅外籍經理及Nichole妹妹招呼，先成功挽回不少分數，XO仔請哥哥食嘅生日飯先冇咁掃興！
continue reading
全個二月都係一直食生日飯，朋友今次就推介左呢間位於中環的日本餐廳，睇相已經覺得環境超靚，每一處裝修都好有心思。去到現場雖然燈光好昏暗，但好有情調，座位與座位之間空間感夠大，好適合節日慶祝同朋友聚會。食物方面，點左壽司拼盤同卷物，覺得壽司入面係三文魚最出色，其他都普普通通。生蠔點了三味拼盤，每隻味有兩隻，好鮮甜👍🏻飲品menu只有酒，因為我唔飲酒嘅關係就問了侍應有無mock tail，侍應就講左兩款比我揀，Pineapple同Berry，我同朋友各揀一杯，兩隻味都唔錯，甜甜地又唔太酸。
continue reading