牧羊少年咖啡館 (Closed)

長沙灣要覓食從來無難度，要乜有乜！本身打算去想試好耐嘅 Holy Chef, 雖然只有兩 pair 人等緊，我同朋友又住附近，所以都唔急試！於是轉去呢度，食個 tea , hea 吓傾吓計！呢度嘅環境、裝飾都好有心思，樓下滿座，到樓上又另一天地，由於人唔多，傾計最好！由於我唔係好餓，又見人點左 waffle 好靚，於是唔須多諗就點左英式窩夫（由於係 tea set ,更唔怕太 heavy) 我揀左 my favorite 焦糖醬 一見到個 presentation 已心心眼，好靚！味道呢？都好唔錯呀！Waffle 又香又硊，配焦糖醬、雪糕、cream 一次過品嘗！感覺超幸福！仲有蘋果薄片，既作裝飾，又可清清甜 Lou 感，雖然我覺得一 D 都唔 Lou  跟 set + $10其中 可點 cappuccino ,個心心拉花好靚！泡沫好豐盈好綿細！👍👍👍會為waffle 再來！

媽媽一直想試牧羊少年afe,今天俾自己放下假，有機會同媽媽去。行過去，排左一陣隊都2點了，等三個字，2.15就是他們的下午茶時間。呢個下午茶餐menu同我兩個月前來的是一樣的，我就揀左上次無叫的黑椒牛柳絲青椒炒意粉，New York Cheese Cake同 Cappuccino.先來的Cappuccino響觀塘返工之後，去地舖，樓上cafe食lunch n dinner既次數簡直係無數，cafe最緊要並唔係只係碟沙律，意粉, 意大利飯，牛排等幾好味， 而杯咖啡同環境係較緊要的。呢度杯咖啡可以話係我呢兩年來最好飲的一杯 cappuccino. 它除了有“美貌”外，還有內涵：超細滑的的泡沫，泡沫，奶及咖啡都乎合 cappuccino各三份一的條件，奶的温度和味道都剛好，咖啡味都唔太濃“搶”個奶味，值得俾多幾個讚佢。黑椒牛柳絲青椒炒意粉牛柳絲無用梳打粉“嗱”過的，牛柳絲與青椒絲切得一樣大小，意粉煮得煙靱，雖然話係黑椒，但唔辣，黑椒味香濃。New York Cheese Cake失望在面上沒有sour cream,點解會咁嫁而且魚膠粉落重左，所以唔會有軟感，只係實“的的”咁，但味道還可以，可

本身覺得All-day Breakfast夠醒神，有機會實揀。蘑菇用黑椒調味，但黑椒又不會太搶，炒蛋嫩滑，幾好茄汁豆及蕃茄不過不失多士真係無驚喜，其實可用薄薄橄欖油烘焗或提供特別果醬等。百香果特飲味道清新，值得一讚

是日跟同事再光臨此食店，set lunch 選擇多，我選了拿破侖雞肉長通粉配羅宋湯．先上餐湯及餐包，餐湯顏色就呃到人，但味道淡而無味；餐包太硬而且唔熱，凍冰冰，同事想轉餐包，由長方包轉芝麻包，但侍應說係隨機抽樣出包，所以冇得轉，呢個係一個敗筆，因為呢餐午餐價錢唔平，但少少要求都唔可以配合客人，今時今日咁既服務態度實在不能接受．到主菜，隻碟就大大隻，食物份量偏少，但味道出色，拿破侖好好味，雞肉都好嫩，長通粉軟硬度剛剛好，整體配合得非常好．特飲點了荔枝啤梨綠茶，入面有好多啤梨肉，味道正常．

公眾假期前決定和同事食餐好小小既Lunch，便想起公司附近都頗有名氣既Café。室內環境尚算舒適，牆上放滿很多特色杯及書籍，配上自然木橙及充滿懷舊感既枱布，營造一種文青既感覺。至於食物方面有點兒令人失望，我點了鮮忌廉白菌煙三文魚闊麵$67，set Lunch包括餐湯和飲品，是日餐湯係紅湯，味道淡而無味，像水一般，只有酸味和小量蔬菜；意粉份量偏細，女仔尚算夠食但男仔一定唔夠，闊條麵都幾彈牙，白汁好香洋蔥味，每條闊條都掛都汁，三文魚超鹹！鹹都好難入口；至於餐飲，我點了熱Cuppucino，奶泡打得好細滑，奶和咖啡既比例拿得很好，飲完好醒神！我覺得整體食物質素比以前差了小小，仍有很多地方可以改善，但這間Cafe仍是區內質素比較好的。

上星期日終於試到牧羊既早餐大概12點左右到餐廳,基本上吾需要等位就可以入去好快就點左個All Day Breakfast早餐有杯雜果乳酪, 有三文治, 白蘑菇, 蕃茄, 炒蛋和茄汁豆而飲品都包左2杯,有橙汁和咖啡值得一讚既係炒蛋炒得非常香滑，番茄亦都香甜多汁雖然早餐份量十足,不過我都忍吾住叫左個甜品就係New York Cheescake如果可以日日都甘悠閒甘食番個早餐就好喇

來到星期日最好就是叮一頓懶洋洋的早午餐, 今日選擇長沙灣的牧羊少年咖啡．茶．酒館, 因為兔女想吃 "全日早餐 , 有牛角包, 白蘑菇, 雞肉腸, 原個蕃茄, 薯餅, 炒蛋及茄汁豆~ 薯餅脆得黎無咩油, 讚! 牛角包亦香酥好吃! 炒蛋如果加才許奶同炒相信更香滑, 而蕃茄略嫌乾煎得太少, 煎耐D應該更甜更好吃~兔仔就選擇左肉醬闊麵, 闊麵軟硬度適中, 不過肉醬就炒得唔散, 吃落有D一舊舊既感覺, 同埋比較乾身, 要加埋早餐既茄汁豆一齊吃先至無咁乾~飲品就叫左藍莓乳酪同埋凍 cappuccino, 較食品來說, 飲品的質素較好! 藍莓乳酪酸酸地好開胃, cappuccino 咖啡味好香, 今次唔記得講走甜, 好彩糖水只落了一丁點, 唔錯~

以前來都要等位，今次星期六中午來竟然唔洗等，仲有頗多空位，心知不妙。打開餐牌，全日早餐由半年前六十元加至八十元，並減少了一杯橙汁同yogurt. 等了十五分鐘食物都未到，追佢佢話廿全日早餐要廿分鐘，我反問點解唔一早講，佢覆話唔好意思。三十分鐘過後仲未黎，問佢佢話要等多五分鐘，我地話唔等就走了。浪費了我們的時間。總括來說，杯水幾清，絕對係清水的味道。

好耐之前幫襯過葵三(葵芳劇院分店)一次, 覺得餐廳佈置得好有氣氛, 食物又唔錯所以今日去開長沙灣, 知道呢度都有分店, 就一定要黎再嘗牧羊滋味!長沙灣分店無葵芳分店咁大, 座位會窄D, 但係因為空間細, 令成個環境更加有氣氛密密麻麻咁放置以旅行為主題既裝飾佈置傍晚6點, 都有唔少客人坐低享受咖啡!因為呢間分店係連住君凱豪庭 所以都應該幾多君凱豪庭既住客黎幫襯主食方面有6款選擇, +15配湯同麵包, 不過是日餐湯係雜菜湯, 我同朋友都麻麻 所以無加到朋友揀左 鮮忌廉白菌煙三文魚意大利粉 $68三文魚有少少腥, 同埋無平時煙三文魚既香味白汁味道出得黎又唔會過多, 成個意粉份量都好夠, 好多三文魚如果三文魚再多D煙熏味就完美(冰)椰香摩卡咖啡 $42只放了椰絲係面, 所以根本無乜椰子味, 而且朱古力味亦太重, 可以改善漢堡包同三文治各有兩款.. 一過左晚上6點就當晚市, 所以飲品都係要散叫 無餐跟我叫既係 法式芥茉雞腿至尊漢堡包 $69漢堡旁既薯條好香脆, 加埋七味粉 更加惹味! 隔離既沙律係配麻醬, 好好味~~ 漢堡內既雞扒好香滑, 不過可以再多D醬~~漢堡包配雞一樣可以做得好吸引好味~~

之前睇PND已經好想去呢間試下，畢竟呢區既CAFE真係少之又少呀。適逢小妹生日，幾位朋友終於帶左我尼呢間餐廳食飯喇。餐廳樓高兩層，個人感覺地下比較嘈，而樓上真係完全隔晒音，比較靜。而朋友今次BOOK左樓上  佈置都好靚，主要係暖色系。今次點餐後好快就送上餐湯(忌廉湯)同埋蒜蓉包~三文魚闊條麵。朋友讚好食，三文魚超級多，食晒d麵都仲有好多不過單食有d咸，但加埋闊條麵就岩岩好中和左陣咸味。我點的墨魚仔意大利麵。底下全部都係油，可能係我唔太鐘意呢種煮法。不過墨魚仔真係好好味整體味道偏淡。朋友點的韓式燒鵝烏冬。佢話分開食既話好好味，但合埋一齊食就有d奇怪。我試左一條烏冬，感覺OK的。炸魚薯條。等候時間比較耐，但係岩岩炸好既魚同埋熱辣辣的薯條真係好好食!! 魚柳炸到外脆內軟，令人忍唔住食完又食。建議真係要趁熱食，擺耐左就冇咁好味喇。朋友跟餐點既是日特飲，如果冇記錯係啤梨百香果綠茶~聽落去好似好伏，但其實原來陣味都幾夾，驚喜地好飲喎。芒果綠茶。好清新，甜甜地又唔會太膩，我好鐘意呢種味道，同埋個器皿都好靚。卡布奇諾。我唔飲咖啡的，但係兩杯拉花拉得好靚，係唔同圖案既XD呢個價錢呢種食物，真係物超所

今天阿姐請食飯，難得的好機會當然要她好好破費拉，一於约她到附近馳名的牧羊少年咖啡吃甜品餐一間書卷名相當重的咖啡屋，幽雅的佈置令人感到心情放鬆餐湯是白汁忌廉湯，湯水不濃不淡，非常適合我的口味主菜(其實是甜品)名稱是京都春日， 熱窩夫加冰凍雪糕令人的味覺視覺有雙重享受，厚切窩夫口感脆脆的，配上朱古力醬後是一個極級享受。吃完熱辣辣的窩夫再吃冰凍綠茶雪糕，温差令人有冰極五重天的感覺，雪糕綠茶味道非常香濃，極品之作。可惜價錢偏貴，没有阿姐請或是男友BB在，我的LV銀包會有點吃力

2個人12點來到，不用等位。點了兩份午餐-炸魚薯條及煙三文魚白汁闊意粉。午餐還有餐湯，面包及飲品一杯~餐包有3款-香草，芝麻還有一款不知是什麼。芝麻那個味很香，很好吃，香草那款也不錯，很軟熟~飲品點了是日特飲-士多啤梨芒果綠茶~不是太甜，士多啤梨味很濃，芒果味好像被搶了。主菜方面，煙三文魚意粉的醬汁很好吃 ，不會太芝士（我不喜歡吃芝士），又不會太膩~至於炸魚薯條~十分好吃！很大塊炸魚，而它不是像我們平時在快餐店吃到的炸魚那樣很多炸粉，外皮薄薄脆脆的 很金香~薯條真的很好吃，不蘸茄汁也已經夠味~比在m記吃到的更脆更香！

去元州村影完粉紅隧道就過黎tea一tea, 選擇多而且價錢都係$20-$4x就有，抵食~~叫左蕃茄蛋雞絲長通粉$30+貢菊蜂蜜綠茶(另加$10) ，個長通粉熱辣辣，份量亦唔細，蕃茄味濃，非常好味，而綠茶既貢菊味就唔多覺，似普通蜂蜜綠茶，但可以refill一次熱水~~服務唔錯，主動加水，非常好hea既地方~~

我們旅行，我們回家，我們儲蓄，我們揮霍。在工廠商廈中找一處停歇。從長沙灣地鐵站 C2 出口經過長沙灣體育館轉入商廈林立的福華街找一個格格不入的地舖，就是了。和友人到達是已經是下午一時四十五分，今天風大，店內依然人滿。要等，侍應說，兩人檯第一張，有人埋左單。其實沒有等，看一看牆上的掛飾，想拍個照，還未掏出手機，她就說：樓上有位。穿過走廊，一條狹長的樓梯印滿了世界風景，就如穿越時空。上面的風光不同。檯上已經放好兩份 menu。有 whole day breakfast有 set lunch有 tea，沒辦法我們來的時間比較尷尬，也好。點了兩個 set lunch，一份拿玻里闊麵一份香腸薯蓉。是這樣的名字嗎？和友人剛通霄工作只是想找過坐得舒服的地方醫肚。忌廉湯造得不錯，用了些牛油，香、滑、不算膩，餐包是軟軟和暖暖的。他的闊麵很精緻，味道不知如何我沒有問，希望他夠飽。我的香腸薯蓉做得很好，上檯是夠熱，腸衣一咬即破，腸肉香又有口感，薯蓉很大份，好味不過食唔晒。伴碟的豆很好，不像是伴碟。飲品他點了花茶我要了 cappuccino。他很快就喝完了，我們一直說話。 cappuccino上面拉了花，我看

難得經過附近，1小時的空檔便走來探探路小休一下，已是下午4時，不是繁忙時間光顧，卻已滿座，等待約十分鐘便可安排入座。裝修格調感覺不錯，但座位及走廊空間有點狹窄。看著餐牌上有很多不同的選擇，每樣也想試試看，可是剛吃飽的緣故，只點了一杯Cappuccino，而友人就點了1份多士下午茶。咖啡真的很一般，在未試味的情況下，跟平時一樣下了一包黃糖，味道偏甜了，而且咖啡味不濃，說是去台灣深造後來開店，結果令人有點失望。因為時間太趕，沒有為友人的多士拍照，因不足1小時的用餐時間並不多，在點餐過了30分鐘，我們將快要離開，多士也沒有上枱，眼看其他比我們遲點餐的也上枱的時候，心急追問一下是很正常。店員收到查詢卻沒有跟進，我們再追問是否漏單，卻回覆要排隊製作，而且態度不算好。在沒有太多新客進來的情況，烘多士要30分鐘已經算了，既然是排隊，為什麼其他比我們遲點的也來了卻只欠我們，這個答案也未算太牽強，直接告訴我們漏單，說句對不起會更容易接受。其實店員也不算少，眼見也有4-5個，但到查詢/點餐時，人卻不見了，而且也常圍在一起談天，服務水平尚需改進。