2
Hiring
Apply
$15,000-$17,000
Monthly
Apply
$14,000-$17,000
Monthly
152
8
0
Exit E, Causeway Bay MTR Station continue reading
All Branches (7)
Telephone
29509535
Opening Hours
Today
11:00 - 22:45
Mon - Fri
11:00 - 22:45
Sat - Sun
10:00 - 22:45
Public Holiday
10:00 - 22:45
Public Holiday Eve
11:00 - 22:45
*Last Order: 21:45
Payment Methods
Visa Master Cash UnionPay
Other Info
Cake-cutting Details
10% Service Charge
Review (161)
Level4 2021-06-15
1552 views
之前喺唔同地方都幫襯過文青至愛嘅「牧羊少年咖啡館」,原來最近佢仲喺港島區插旗添⛳️。銅鑼灣店位於Fashion Walk商場地下層,即係喺正LOG-ON樓下。星期五晚上嚟到餐廳,預期中要等位先有得食。攞籌嘅方法係自行影低屏幕個預約頁面,到時再顯示比店員睇,慳返啲紙,係一個環保之舉♻️。題外話,呢度嘅店員幾好禮貌,特別係門口嗰位男士。餐廳座位唔算特別多,但感覺似有兩層,因為店內有樓梯級。呢度嘅裝修設計幾靚,行型格路線😎,但印上竹林圖案嘅牆身又帶點小清新嘅味道。由於唔太肚餓,所以就唔係嗌咗好多鹹食🍽。菜式選擇豐富,有沙律、小食、薄餅、意粉同肉扒等,定價算合理,但如果有提供套餐就更佳😬。留意返,有部份食物唔係全日供應㗎。黃金鹹蛋苦瓜忌廉雞肉意大利粉($98),🍝意粉好大碟,熱辣辣送上。我揀呢款係貪佢夠特別,但出到嚟發現原來唔太啱我味蕾🙈。因為苦瓜偏甘苦,唔似涼伴嗰啲變清爽;而鹹蛋就有流沙嘅質感,但味道偏淡。整體略嫌唔夠鹹同笠身咗啲,不過口味嘅嘢因人而異,可能係我重口味吧😜。照燒汁煎乾蒜牛柳粒($78),呢個小食一啲都唔小,粗略估計牛柳粒有超過廿粒!🐮牛柳粒配上照燒汁食勁夾,而且仲加埋炸蒜,真係惹味香口到不得了。牛粒嘅牛味濃郁,係得個別幾粒近筋位嘅比較韌,其餘嘅都好軟嫩。咖啡館又點少得甜品呢🍮️?其實你當呢度係甜品店都得。甜品製作需時,你預食到咁上下就同店員講可以準備定。法式黑糖薑汁梳乎厘配雲呢拿雪糕($88),梳乎厘超級正😋,即焗即上,完美脹起,動L效果強勁。梳乎厘鬆化輕盈,外皮微脆,內層食落並唔似一陣風或者過濕。再者,黑糖薑汁調味恰到好處,將兩者嘅精華提煉出嚟。薑汁微辣暖喉,黑糖唔太甜,又有中和嘅作用。🍨伴旁嘅雪糕則錦上添花,為甜品製造一冷一熱嘅對比效果。卡魯哇咖啡酒提拉米蘇($68),作為提拉米蘇專員嘅我當然唔會錯過食Tiramisu嘅機會☕️。甜品以杯裝上,大大杯,層次分明。但佢嘅口感同平日食開嘅唔同,芝士層似打溶再製,中間亦加入咗朱古力粒,同傳統嘅有別🤔。佢有自家特式,但尚未能吸引到我。蘋果蜜桃鮮打紅茶($52),第一下望到紅茶嘅時候,我以為係咖啡,由於係鮮打,所以不乏泡沫🍹。茶味清香唔苦澀,🍎蘋果味較蜜桃味突出,味道完勝用濃縮果汁沖製嗰啲。總括嚟講,牧羊少年確係有佢嘅賣點👍,雖然今餐未必每款食物都好合我心意,但並唔代表佢質素有問題。價錢方面,佢分分鐘比起旺角樓上Cafe還要平。喺同價嘅情況下,我諗唔到有乜原因會唔揀佢。最後,我上載埋餐廳嘅完整餐牌以供參考,佢本餐牌都特別過人㗎,成本雜誌咁📚。 continue reading
(The above review is the personal opinion of a user which does not represent OpenRice's point of view.)
位於銅鑼灣的牧羊少年咖啡館,是本港第一間以旅遊為主題的咖啡店。上次跟朋友來吃過午餐,覺得質素相當不錯,因此今天相約媽媽來吃晚餐,菜式的味道和質素,同樣令人滿意。 我們準時七時到達,門外已排著長長的人龍,果然深得無數年輕人歡迎呀。由於餐廳有限時,每枱客人只有90分鐘用餐時間。特別是有點選窩夫的客人,會吃得有點趕急。 香草青醬雞肉蘆筍意大利粉 $98 賣相不俗的香草青醬雞肉蘆筍意大利粉,味道也相當不錯呢! 每條意粉都被青醬包裹,鹹香並重,雞肉軟腍,不會乾柴,下次也可以試試其他口味。 千島海鮮薄餅 $138 香噴噴的千島海鮮薄餅,海鮮整齊排列,有大蝦、墨魚和蟹柳,色彩鮮艷豐富。薄餅香脆可口,猶如餅乾,吃多幾片也不會太飽呀。 提拉米蘇 $68 京都春日 草莓窩夫 $108 我要大力推薦牧羊少年咖啡館的草莓窩夫呀! 不論是 賣相、造型、味道、香氣也屬出色之作。大大份的窩夫,焗至完美焦啡色澤,外層酥脆,內層軟綿,配上雪糕、忌廉和草莓,好好吃呀~ 藍莓乳酪 $56 continue reading
(The above review is the personal opinion of a user which does not represent OpenRice's point of view.)
Level4 2021-04-23
4562 views
牧羊少年咖啡館喺2012年開業以嚟已經有超過五間分店, 可以話係街知巷聞, 但我從來都未食過🤣 知道開咗港島區第一間分店, 地點就腳, 放工約朋友食飯就啱晒! 大約7pm, 餐廳已經開始有人等, 但餐廳安排入座流程都幾順暢, 唔駛等好耐。蒜蓉牛油炒鬼佬雜菜 $68時令雜菜種類多, 清新之選燒汁焗八爪魚丸 $68本身以為係章魚小丸子, 原來真係放湯嗰種八爪魚丸, 成粒即炸彈牙, 燒汁開胃!炙燒荷蘭汁豬肉排 $78餐廳採用嘅部位脂肪少, 肉質嫩滑juicy。荷蘭汁入口creamy唔膩, 無諗過呢個配搭咁夾!千島海鮮薄餅 $138比起茄醬或燒烤醬, 我更鍾意千島醬做底嘅Pizza, 餅底厚薄適中, 隻蝦大隻又爽口士多啤梨窩夫配雲呢拿雪糕 $108健康關係特別吩咐餐廳走糖霜同jam。窩夫外脆內軟, 口感鬆化, 食完都唔會覺得好濟, 難怪有啲客人喺晚飯後嚟食甜品! 另外叫咗兩杯茶(洋甘菊, 生薑檸檬)解渴。服務員態度有禮, 又好主動執枱換餐具, 整體晚餐非常滿意, 每道菜都好高質! continue reading
(The above review is the personal opinion of a user which does not represent OpenRice's point of view.)
以前曾經食過牧羊少年嘅分店🤩,感覺唔錯價錢又唔係貴👌🏻,最近知道佢喺銅鑼灣都開咗新店好似反應都唔錯🙌🏻,特登搵埋朋友去食下。🤤.📍黃金鹹蛋忌廉鳳尾蝦意大利粉($108)估唔到新分店會有鹹蛋味嘅菜式🍴,以為食落會好鹹好濃,點知奶香味較為突出🥛,唔算太鹹✨。醬汁充分咁包住麵條🍝,味道唔錯👌🏻,仲有幾隻大蝦做配料🦐,好食✌🏻。.📍千島海鮮薄餅($138)見到好多人都有食pizza🍕,我哋都點返個👅。薄底pizza唔好咁易膩🥳,睇落落咗好多芝士好吸引🧀,不過味道唔夠豐富👉🏻👈🏻。配料嘅墨魚仔同蝦都好爽口🐙🦐,只係調味略為不足🤦🏻‍♀️。.📍日落巴黎-香蕉朱古力窩夫配朱古力雪糕2人用($108)基本上每個人嚟到都會點呢道嘅窩夫,冇諗到會如咁大份🤩,有4大件而且非常厚身👏🏻,食落蛋香味濃郁夠鬆軟🐣,再配上旁邊嘅香蕉、朱古力雪糕同朱古力醬真係好好食🍌🍫🍦,必點!.Menu continue reading
(The above review is the personal opinion of a user which does not represent OpenRice's point of view.)
牧羊少年咖啡館相信好多香港人都食過,最近佢哋嘅分店開到銅鑼灣FashionWalk,裝修型格富時尚感,平日夜晚堂食人流好多,餐廳外長期排着隊。再要加上佢係黃店💛,就算多人都要幫襯下啦。📍黃金鹹蛋忌廉鳳尾蝦意大利粉($108)Tiger Shrimps Spaghetti in Salted Egg Yolk & Cream Sauce 意粉未上到枱已經好香奶味,醬汁非常濃厚,仲落咗少少鹹蛋黃碎,有沙沙哋嘅口感🐣,唔會過鹹但有強烈嘅鹹蛋味。意粉冇煮得過腍,有咬口再加上翠玉瓜粒,另外旁邊有四隻大蝦🍤,質感爽口彈牙調味適當,非常不錯👍🏻。.📍千島海鮮薄餅($138)Seafood Pizza呢度嘅Pizza薄身餅皮🍕,口感偏硬脆,加上幾款芝士🧀、墨魚仔🐙、蟹柳同蝦🦐做配料。墨魚薄脆、蝦肉彈牙,可惜兩者冇做調味,未能夠融入Pizza之中☹️,整體味道比千島醬所主導。老實講草根偏向鍾意煙韌嘅餅底,另外海鮮份量比較少,有改善嘅空間。.📍炙燒荷蘭汁豬肉扒($78)Grilled Pork Chop served with Hollandaise 豬肉厚切, Juicy又唔油膩,豬扒表面煎香中間肉質柔軟有彈性🐷,完全冇嚡口嘅感覺,而且有少量香茅味🌿。表面再淋上荷蘭汁,荷蘭汁做得挺身滑溜,顏色好靚💛,最後再用火槍燒過🔥,估唔到個醬同豬扒有幾夾🥰,而且豬扒有兩塊,食得過啊!.📍日落巴黎-香蕉朱古力窩夫配朱古力雪糕2人用($108)Sunset in Paris - Banana Waffle with Chocolate Ice-cream)窩夫有四件🧇,旁邊配有兩球朱古力雪糕🍨,香蕉🍌同Cream🍦 ,窩夫厚身,食落鬆軟有蛋香🥚,唔會令人覺得飽膩。雪糕朱古力味濃郁,再淋上朱古力醬🍫,好好食啊!份量唔少,兩個女仔share就啱啱好啦❤️!.📍雜莓芝士蛋糕($42)Berries Cheesecake 蛋糕上層鋪上雜莓🍓,酸味突出,中間夾住嘅海綿蛋糕比較嚡口🍰,同時Cheesecake嘅比例較少,突出唔到Cheesecake軟滑嘅感覺,味道一般。.📍朱古力芝士蛋糕($42)Chocolate Cheesecake 朱古力Cheesecake就出色好多🍫,朱古力濃郁而且質感滑溜,絕對能夠滿足到朱古力迷嘅喜好,呢個值得去食!.呢間分店都保持到水準,鹹點甜點都味道唔錯,去開銅鑼灣都不妨試一試🥰。. continue reading
(The above review is the personal opinion of a user which does not represent OpenRice's point of view.)