泰越南

Open Now

Now Closed

中午放食飯個個打工仔都趕時間可以等三十分鐘催無數次原來想一次過收多些order 先炒泰式金邊粉真係想人來一次便算送到來只可以是充飢沒有質素試問五十元想要什麼質素？相信食兩餸飯感覺更開心。

上環返工諗唔到食咩，好多時都諗起街市同呢個熟食中心。呢間餐廳既lunch大概$50，又幾多選擇，基本上你諗到既泰越菜，餐牌上都有。因為係同同事一齊出去食飯，大家分別叫左:青咖喱肥牛飯  - 青咖喱好稀無乜椰漿煮出黎既味海南雞飯 - 雞都算幾滑，不過個油飯真係好油豬頸肉飯 - 份量比其他細牛肉飯 - 牛肉原來用左肥牛，味道不太差另外，加$2有飲品，我自己叫左杯熱龍眼水，入面落左4粒龍眼，唔算太甜以$50仲有特飲黎講，算係咁，可以話係經濟午餐。

#泰越南friday night, a resto without any ppl.boss sitting with desperste face, staring right to me and hope i can sit down to give him a chance.i didnt check on google and openrice. the mark is soso. not good and not bad. my gf stop me to choose it but i didnt.i said to her : all the resto deserve one chance.so i gave it a chance. that boss is happy seeing us sit down. becoz im the first customers, they made the food even harder. i can feel it the warm and the enthusiastic. the taste is good. porti

星期日中午嘅皇后街熟食市場，真係水靜河飛(可能附近有個上環市政熟食中心)，基本上只得兩間食肆開門，一間泰越菜一間北京菜，本身諗住食印度菜，可惜無開，只好退而求其次試有開果兩間。🥢泰式炒金邊粉+椰汁紅豆冰 $52 ⭐️⭐️⭐️午餐都算幾多選擇，叫咗個穩陣嘅泰式炒金邊粉，賣相同味道都ok，係料同份量都比較少，畢竟呢個親民價，而椰汁紅豆冰就唔ok，椰汁味淡之餘，同紅豆好似唔識咁，椰汁還椰汁，紅豆還紅豆，大x樂仲好味過佢。一人共消費：$52

五十幾蚊，有冬陰功河加紅豆冰，你還想要什麼呢？ 湯底應該係俾咗心機去煲的，水準在中價餐廳之上，但食物的用料和份量就因價就貨。工薪階層能在中午食到咁樣價錢的河粉，算係可以接受，但下午茶就又要破費了。河粉係一般水平的廣東河粉，蝦的賣相可以，瘦削了一點，蝦肉唔彈牙，可能係雪得太耐。其他的配料份量較少，味道不過不失。唯一可讚係個湯底，讓大家不用百元以上亦可喝到這樣的水準。紅豆冰亦係等價交易，偏淡。瘦小的紅豆在溝淡的椰汁水中浮浮沉沉，顯得格外可憐。食客們，想要高級的⋯ 可以！ 早啲返公司努力工作，搏升職加人工吧。

又一次喺上環午餐諗唔到食咩就去左好多人既熟食中心☀️ 價錢比起其他舖頭真係平好多🤣 不過環境同衛生就唔可以要求太高🌝接受程度見人見智 本身想食呢間泰越菜以為好正宗 但係口味有D令我失望🌚 唔值得再試⭐️ 香茅牛肉凍米線 🍜香茅牛肉調味幾香🥩但係食落唔入味🌿 最大問題以為凍米線會好似撈麵咁入味同清爽😚 但係米線會出水越食越淋 口感唔掂⭐️ 椰汁三色冰 🍡椰汁味太稀🥥 以為好似珍多冰咁有口感 但係糖水味道好人工 😅

午市想吃泰式炒紛絲，遠遠路行去買個外賣。在上環MTR附近出門時打電話，去到可以取。紛絲有6件雞，3件豆乾，一些蛋絲及芽菜。味道有些酸味，不辣。紛絲乾身，不會油淋淋，但紛絲沒有炒散，貼在一起的。奶茶幾滑及已有甜味。總括，只是普通，沒有什麼泰式風味，不過要讚賞紛絲乾身，不會吃到一口油。

☀️夏天既時候最鐘意食泰國野, 越南野, 因為酸酸辣辣, 特別開胃😋今日中午非常焗, 又係悶悶熱熱, 就梗係去食個泰式炒粉絲, 開開胃喇😋平日中午有午餐, 選擇仲有好多.. .. 湯粉麵, 炒粉麵飯, 撈粉麵.. 有差唔多 50款😅 仲可以加錢飲透心涼既椰汁珍多冰, 龍眼冰等等.. .. 真係揀都有排揀🤣講番個炒粉絲, 望落好似好細碟, 但其實都幾飽, 有雞肉, 豆乾, 芽菜, 花生碎, 加啲新鮮青檸汁.. 甜甜酸酸少少辣, 好開胃, 好味😋

泰國凍咖啡  +3元   3/5分輕微帶有苦澀味的泰國咖啡,冰量太多依然是泰國人的特色,可能叫了少甜的原因令味道輕淡,但卻會健康些~PADTHAI    47元   3.8/5分份量略比上環另一街市的泰國小店少,但味道卻會正宗一些,油份及茄汁都會輕手好多,個人認為會稍微好吃~最近剛好有疫情,所以就來到這個較細的街市,選擇不算好多,但一定有座位及不用等太耐,所以不失為一個好選擇,如果可以的話下次值得試這間泰國小店,或者有另一間中式茶記也不錯。

近來大部分時間都wfh, 今天終有機會回公司。當然要發掘下公司附近的餐廳(我所住的區域是美食沙漠)今天選了泰越南, 未到午飯高峰時間, 人流不算多, 可慢慢看餐牌, 最後決定叫香茅牛肉凍米線, 不包飲品, $43。等了10分鐘左右就有, 尚算合理。打開外賣, 有點失望, 像廣東菜似的。牛肉算新鮮, 但沒有任何越/泰式調味。菜名聲稱是凍米線, 但吃起來是暖的, 而且調味一般。雖然附上”越式撈檬”醬料, 但也挽救不了這道菜, 失望!今餐雖然浪費了一餐quota, 但都提醒自己以後不要到這間餐廳光顧。

順道去皇后大道中熟食街市搵食,【燒豬頸肉飯 $(47)】＋【龍眼水 ($3)】〔齊頭 ($50)〕埋單～～～～～～～～～～～～～～呢個街坊價錢食一個好味和環境舒服的午餐,睇黎只有這裡先至有..

這間泰國菜真的讓人百吃不厭，最不能錯過當然是泰式奶茶。香濃的茶味，比起港式奶茶還要甜、還要細滑，熱呼呼的。就算是在夏天，我仍會點一杯熱奶茶，免得冰塊沖淡茶味。蝦醬炒飯同列在我的must order list裡。蝦醬的香氣，就連隔離坐的客人都會嗅到。炒飯加入四季豆及煎蛋，增加口感。唯等待的時間較長，大家要有心理準備，無論上菜還是等位。因為坐無虛席，更加證明它的實力!至於衛生，街市食肆有多衛生大家心裡有數吧！

經過西環，順道去皇后大道中熟食街市搵食。早幾年係呢頭返工，都有幫襯過呢間泰越南，食物維持到一貫水準，價錢更係超水準！我食既午餐A餐（湯河）連凍飲都係$40咋！叫特色飲品都唔需要額外加錢👍🏾講下我食既豬排湯河，湯底夠味，河粉又薄又滑。豬排係薄切後再煎香，係味道就比湯河失色一點；龍眼冰可以再濃味點。但呢個價連飲品，我都滿意嫁啦！肥仔波指數：3.5/5

平時返工都係帶飯/同同事出去食好少少，呢排不斷落雨，想行遠啲食都唔得，唯有近近地來熟食中心解決個lunch。今日叫左個菠蘿炒飯（$45），鐘意佢有豬肉鬆係面，仲有落菠蘿同提子乾，食落口甜甜地。只係大家唔好expect 會有多雞肉😂。我叫左碟少飯嘅，OL來講少飯就剛剛好食得晒。再加$2要多杯熱龍眼水，唔怕食到口乾乾。佢入面落左4粒龍眼乾，當係寧神啦👍。如果平時lunch time想買外賣，又怕人多要等好耐，可以先打電話落單，再自己落去自取，慳返啲時間。

今日好大雨，速食完就返屋企，好驚行雷 劈死我來到皇后街街市，第一次試呢間泰國野叫左個海南雞飯同豬頸肉飯老闆應該係泰國人，速度相當泰國海南雞飯啲雞是我最唔喜的胸位，心諗一定鞋到母親都唔認得，但又出奇地唔算鞋，唔錯唔錯個醬汁唔係我杯茶。啲飯好Q油，食到最底，油到我唔敢食。豬頸肉飯等左好耐，豬頸肉唔香，仲以為佢會即燒好正添咪住，因為個咀太油臨走飲一飲我男朋友杯凍檸茶解油，有驚喜！！！原來係泰式茶底，仲要好好好好味，好後悔自己叫左熱0水，有下次！！！