泰Grill (天晉匯)

做訪家住將軍澳天晉匯朋友仔後，順道到樓下商場地面既泰Grill輕食個晚餐，劃分有outdoor同indoor用餐位，燒烤菜式有好多選擇添BBQ Skewer 6pcs烤肉串燒半打，可以點齊牛、豬、雞三款，肉串即上即食好juicy，陣陣香茅氣味之外，配汁沙嗲醬香都好有驚喜。Fried Shrimp Cake蝦餅一碟六件，超厚身口感脆香，內裡滿滿蝦蓉餡，配上令人回味甜酸醬料，惹味開胃。Omelet Pad Thai w/ Tiger Prawns泰式炒金邊粉配鮮味虎蝦，蝦身油炸過金黃香酥，肉嫩鮮甜。哇！金邊粉個蛋網好靚又香，粉條texture幼滑配料豆腐乾、韭菜條連裸條都炒透茄香，食前調和少量花生碎、乾辣椒碎，幾滴Lime汁，咸鮮美味🥭Mango Sticky Rice餐後甜品點我最鍾意既芒果糯米飯，黑白雙色糯米砌出心心圖案幾有heart，加上香滑椰奶喺糯米飯上，軟軟糯糯又香熱，跟一口清新肉芒甜入心。

最近星期日嚟咗將軍澳呢一間泰國菜食個假日午餐每一個lunch set都會包括有冬陰功湯，主菜同埋飲品海南雞飯🐥雞肉鮮嫩，多肉做到正常海南雞嘅質感菠蘿海鮮炒飯🍍睇得出菠蘿好有心思咁樣燒擺盤好靚海鮮好足料有唔同嘅青口同埋鮮蝦仁仲有魷魚炒飯亦都好有鑊氣粒粒分明額外加咗馬莎文海鮮咖喱🍛馬莎文咖喱汁係好重椰香，食落甜甜地唔辣嘅！用嚟送飯一流而且仲有好多蔬菜喺入邊🥦冬陰功湯非常開胃😄飲品方面叫咗青檸梳打同埋青檸可樂🍋‍🟩青檸梳打建議要叫少甜因為會落咗糖漿最後加配咗一個椰青糕 只係需要$18就已經有六小塊！食落清清甜甜為一餐泰國菜作總結💕💕泰Grill (天晉匯)地址: 將軍澳唐俊街12號天晉匯地下G06號舖

將軍澳依家真係多咗好多間有格調既餐廳，呢間仲好近地鐵站，過條天橋就到😳有分室內同室外，勁有氣氛，外面仲有一個火爐，充滿泰國風情🍗泰式燒雞（半隻）$148燒雞夠惹味，仲好厚肉，燒雞肉好嫩又多汁，啖啖肉食得好過引😋🍍原條泰式菠蘿海鮮炒飯 $98飯炒到粒粒金黃色，有肉鬆、魷魚、蝦、腰果和菠蘿粒。魷魚彈牙爽口，菠蘿多汁又甜😋🧄蒜蓉包（5塊）$35表皮烘烤夠香脆，麵包內層軟又帶牛油香，啖啖蒜蓉香味🫔春卷 $28炸得脆卜卜，軟硬身🍹珍多冰 $38估唔到係咁大杯，夠大好抵飲，食泰國菜必試

將軍澳開咗一間泰國餐廳🇹🇭，鄰近地鐵站行路過去，只要5分鐘非常方便。食物水準好好😋，份量頗大，如果係將軍澳嘅朋友可以去試吓👍🏻飛天通菜🥬佢有得揀小辣 味道啱啱好份量都幾大兩個人share啱啱好豬頸肉🐷豬頸肉燒得啱啱好 一啲都唔韌醬汁酸酸甜甜 幾特別串燒 (半打) (雞,牛,豬)🍗沙嗲汁幾惹味 我叫咗雞牛豬每款兩串肉質唔會話太韌 亦都唔會太腍 熟度啱啱好海觧冬陰功湯金邊粉🍲如果鍾意飲酸少少嘅冬陰功湯 咁呢款金邊粉就啱你金邊粉煮得啱啱好 而且海鮮份量都唔少整體嚟講係非常滿意嘅湯粉青檸梳打🍋‍🟩幾大杯 兩個人share都ok甜度酸度都啱啱好推薦叫一杯試吓💰~100pp@fabulousfoodieshk

再次一食既泰國菜今日經開將軍澳，見到之前食過既高性價比泰國菜，就入咗去再食多次下午茶。燒豬頸肉船麵大大碗船麵，豬頸肉嘅份量一啲都唔手軟，蝦片亦到炸到脆卜卜。泰式海鮮炒飯海鮮炒飯微辣，炒飯有咬口，乾身唔油。海鮮亦都好足料，有蝦，魷魚，青口等。泰式醉貓炒公仔麵炒公仔麵香辣惹味，夠晒鑊氣。春卷(+18), 炸蝦餅(+38)，芒果糯米飯(+38)下午茶跟餐可以加錢試埋佢啲小食。炸物香脆可口，尤其炸蝦餅，圓碌碌，蝦肉亦都十分彈牙。芒果糯米飯一拎上嚟賣相又係比到驚喜，用咗白糯米同紫糯米砌成一個心形，已兩款糯米有唔同口感，白糯米口感黏糯，紫糯米粗硬有咬口。芒果亦都十分甜。餐廳即使下午茶時段，食物份量都比得好足，員工亦非常友善。呢間分店仲有室內同室外座位，依家天氣涼涼哋，坐室外吹下風都幾舒服。餐廳晚市時段，好多都訂咗位，睇得出呢間餐廳都好高人氣。

呢間泰菜已經開咗幾年，之前嚟過坐入面食，今日天氣稍涼，見室外座位放咗部暖爐，幾好feel，決定坐出面。QR code落單，環境唔錯，但價錢又唔算高喎，點咗主食同甜品，都係$300零蚊！泰式海南雞(半隻)油飯半隻雞份量足夠2個人，雞肉質地算滑，味道唔太咸，泰式辣醬就自行加入，視乎食唔食得辣，另追加了一碗油飯。西蘭花炒蝦仁炒得比中式酒樓好，有驚喜。蝦仁爽彈，正👍🏻芒果糯米飯好可愛嘅賣相，黑白雙色糯米呈心型，口感軟糯。泰式青檸茶現代人追求健康，泰式飲品都可以走甜走冰架。🧸評分：🧸🧸🧸🧸4/5

放假想帶毛孩一齊用餐呢間泰式餐廳都幾出色😍不過留意番坐戶外需要用即棄餐具～但整體食物質素好有驚喜 份量都好多😋✨冬蔭功湯金邊粉酸辣嘅冬蔭功湯為湯底 唔會太辣搭配金邊粉 口感滑順湯裡面有唔同嘅食材 既清爽又開胃～✨蟹肉炒飯一上枱已經聞到勁香濃嘅蟹肉味香氣撲鼻 米飯粒粒分明 炒得好有鑊氣✨炸蝦餅蝦餅好厚 混入香料😳加埋甜酸醬一流呀‼️✨西蘭花炒蝦仁菜色清新 以西蘭花同鮮蝦嘅配搭炒出黎健康又美味蝦仁超級大隻新鮮 好有咬口👐🏻✨燒豬頸肉每次泰菜必食☺️豬頸肉經過烤製 外皮酥脆 肉質鮮嫩 搭配泰式醬料 香氣更加十足～

住在將軍澳又有養狗的人，最開心不過…呢度有好多餐廳都是寵物友善餐廳呢間又係之前喺IG見到朋友帶過狗去同埋重點係CP值高好多餐廳假日都唔會有lunch set 呢度12-5pm 都有holiday lunch set 供應👍🏻聖誕假期最後一天，帶埋狗狗過來試雖然帶狗狗只可坐室外，但已感恩🙏店員都有講明, 坐室外只會用外賣盒, 都有問我地介唔介意, 好nice 室內位置都唔錯，有個打卡corner🥰起身第一餐，加上前一晚好早食飯，所以點多咗少少🤪但我地食淨都有拎走架，唔做大嘥鬼Holiday Lunch Menu 最平$75 就食到，仲要無加一架我地點咗兩份set, 再單點咗個豬頸肉，好豐富海南雞飯套餐啲雞好嫩滑，又唔會好肥份量絕對唔少，配埋鮮黃色嘅油飯，香而有味，飯粒又有咬口另一份是特盛海鮮冬蔭功金邊粉套餐同樣都是很大碗，真係好配合到「特盛」呢個詞語，海鮮都是特盛，除了一般的蝦、鮮魷魚之外，仲加碼咗帶殼青口和帶子，入面仲有啲菇類金邊粉嘅份量都很多，我覺得兩個女生share 食都夠飽而冬蔭功湯底應該貼合返港人口味，唔辣但好惹味，會不自覺地吃多咗呢個套餐仲配埋木瓜沙律做前菜（免費的）酸酸甜甜

泰國廚師主理 抵食泰菜午餐.軟殼蟹蟹肉炒飯套餐食剩指數:10/100炒飯都算乾身食到一絲絲蟹肉軟殼蟹多肉如果個炒飯冇三色豆到就perfect啦😆.海南雞飯食剩指數:0/100海南雞無骨肉質夠滑.午市套餐有湯/沙律，仲送熱飲冬蔭功湯唔會太辣幾開胃可以加配小食同特飲春卷炸得好脆炸蝦餅好彈牙.芒果糯米飯食剩指數:0/100有兩款糯米口感煙靭芒果都幾甜配埋椰漿都唔錯.泰Grill地址：將軍澳唐俊街12號天晉匯地下G06號舖

星期六lunch去左將軍澳食泰國野，呢間餐廳嘅午市套餐前菜／湯連主食同飲品都只係$75起，價錢十分實惠，而且口味都好正宗，真係好正！我地一行3人分別叫左3個餐。海南雞飯套餐，套餐入面有冬蔭功湯、海南雞飯同粒粒菠蘿梳打。冬蔭功湯酸酸辣辣，好夠味；海南雞飯嘅雞肉嫩滑多汁，油飯粒粒分明而且夠香又夠味；而粒粒菠蘿梳打就清新又解渴，真係一好正！手打青咖哩雞肉米線套餐，有冬蔭功湯、手打青咖哩雞肉米線同珍多冰。青咖哩雞肉米線啲湯底香濃，咖哩味道超正，雞肉夠嫩，米線彈牙，每條米線都吸滿青咖哩嘅味，好食；珍多冰唔會太甜，好香椰汁味同時啖啖都飲到啲料，解渴又解辣！香葉肉碎炒飯配煎蛋套餐，入面有青木瓜沙律、肉碎炒飯同埋龍眼冰。青木瓜沙律清脆爽口；肉碎炒飯十分之香口，而且唔會過辣，仲配埋煎到脆邊嘅蛋，簡直係絕配；龍眼冰甜而不膩，十分之清潤解渴。另外套餐可以加錢配小食或者甜品。我地就揀左春卷、炸蝦餅同椰汁糕。春卷外脆內嫩；炸蝦餅外酥內嫩，蝦肉鮮甜；椰汁糕滑溜溜，椰香四溢。總括嚟講，呢餐泰國菜真係超抵食，無論係主菜定小食甜品，都好好味，絕對推薦大家去試下！

放假同朋友嚟將軍澳海濱長廊行下，吹吹海風，順便喺附近搵食。友人想食泰菜，帶左我嚟天晉匯地下呢間「泰Grill」。餐廳由泰國廚師主理，店內地方不大，設有室內和露天區域，環境舒服自在，令人心情愉快。餐廳午巿有 Set Lunch 供應，定價親民，跟餐送熱飲，另外仲可以用優惠價加配小食及甜品等。點左個泰式海南雞飯 ($70)  雞件份量十足，上桌時已經全部去晒骨，入口皮爽肉滑，配泰式辣醬吃。十分惹味。油飯水準亦不俗，粒粒分明，爽身又唔膩口。加配左一份小食 (+$38)，蝦餅即叫即炸，外皮酥脆，每一啖都可以咬到爽口蝦肉，食完再嘆番杯泰式奶茶，超滿足。另外仲點左客蛋包虎蝦炒金邊粉 ($128) 同 西蘭花炒蝦仁 ($78)，虎蝦兩大隻，外層炸至脆身，肉質爽彈，蝦頭藏有甘香蝦膏。金邊粉炒得好夠鑊氣，入口酸甜適中，與花生碎拌勻同吃，更添滋味。西蘭花翠綠爽脆，味道清新，蝦仁鮮嫩彈牙，而且份量都幾多，加上少油少鹽，相當合我倆口味~

第一次來這裡，嘢食ok，價錢合理，服務態度良好，算唔錯，兩個人嗌了冬陰功素食湯金邊粉，青咖喱豬肉湯米線餐（包青木瓜沙律和嘢飲），還有串燒，真的不差，特別推薦給喜歡吃辣的朋友，值得一試。串燒不辣，但青木瓜沙律和兩個湯粉都是辣的。原本以為素食湯粉會求求其其，但比預期中好，份量夠啊～嘢飲嗌了凍泰式奶茶，好飲。環境算舒適，也乾淨，坐得舒服。價錢方面，真心唔太貴，已推薦給屋企人了。今次第一次來吃，是畀原價的，冇任何折扣，但埋單時出乎意料送了我兩張現金券，下次有機會會再來吃。

朋友仔帶路 將軍澳都有抵食泰菜😉呢間餐廳好近地鐵站舖位唔算好大 但係熱門泰菜選擇都有供應😚-🔹肉碎生菜包（$82）私心推介💕泰菜必點之選肉碎可以揀走蔥走芫荽啱晒唔鍾意食青嘅朋友仔😆調味微鹹 配生菜一齊食啱啱好🥰-🔹豬頸肉（$78）估唔到幾大份😯豬頸肉表皮烤到微脆啖啖肉肥瘦適中😉什至用黎配生菜包食都正🤗-🔹燒虎蝦（$58）/扇貝（$75）/燒蠔（$68）燒海鮮 配酸辣醬非常開胃扇貝燒蠔size適中☑️開邊虎蝦肉質爽彈🦐-🔹蒜蓉包（$35）一碟有五塊🍞新鮮撈起脆卜卜 多士兩邊都沾滿蒜蓉醬非常香口惹味🤤-🔹海觧冬陰功湯金邊粉（$78）冬陰功湯底唔算好酸 黑洞揀咗少辣啱啱好🤭金邊粉吸收湯汁好滋味海鮮配料豐富🤩有青口蝦魷魚如果鍾意食辣嘅朋友仔可以揀多辣😬-🔹凍泰式奶茶/凍泰式咖啡($22）兩款飲品甜度冰度都有得調黑洞第一次試泰式咖啡🥤飲落幾有奶味至於泰奶少甜就夠🙊有味得黎又唔算好淡

今日心血來潮想食泰國嘢，就帶埋小朋友過嚟呢一間餐廳。首先，叫咗份蒜蓉包$35呢間係我食過最脆嘅蒜蓉包😙每一塊都勁脆口，脆得來唔會硬，配合適當的蒜蓉味超正！再叫咗三串牛肉串燒$48🔥🔥🔥牛肉燒得啱啱好👍唔嚡口，小朋友超鍾意食。煮食叫咗海南雞半隻$138雞肉超滑，而且起晒骨，食起上嚟超方便啖啖肉 😝重頭戲係蛋包虎蝦炒金邊粉$128超級超級有泰國地道風味嘅金邊粉，好耐冇喺香港食過咁有泰國風味嘅金邊粉，夠酸夠辣！炒得又夠乾身😍而且隻虎蝦嘅size超大👏👏嘢飲我哋叫咗個椰青$38超大隻又甜😚食泰國菜，最後一定要嗌佢甜品🍨芒果糯米飯$58即時新鮮熱辣辣嘅糯米飯整出嚟，係心形㗎😍😍🫶🏻倒滿椰漿，配以凍芒果肉一齊食🥭冷雨熱的交融😛🥳😋😋真係超好味！餐廳有室內同室外，冬天坐室外都唔怕，出面有個熱辣辣嘅火柱🔥🔥🔥

和朋友去食飯。店員放下menu 及QR Code 指示我們手機落單。朋友唔太食得辣，同埋有d 嘢唔食得，所以想向店員查詢。我哋向店員示意，但店員行都唔行過嚟，只係叫我哋手機落單。下？！你過都唔過嚟問下咩事，就認定我哋係叫你落單？我哋係想問你嘢wor… 你忙咪叫我哋等等，唔係你一嘢得埋嚟叫我哋自己手機落單wor. 入嚟食飯俾到嘢你做真係唔好意思，無下次ga la!叫了雞牛豬串燒、泰式炒金邊粉。串燒好普通，金邊粉直情好難食。除了油益味，食唔到其他味，汁料好淡，無咩肉，碟嘢仲要成百幾蚊，離哂譜。除非你很喜歡試伏，否則不建議來這餐廳。