Video
2-min walk from Exit B2, Kwun Tong MTR Station
continue reading
Telephone
23600188
Introduction
This upper floor restaurant is near Kwun Tong MTR Station and it is convenient. The shop is designed in light pink color which is very girlish. It offers Thai dishes with a la carte and set menu that are good to pair with cocktails.
continue reading
Opening Hours
Today
11:30 - 15:00
18:00 - 22:00
Mon - Sat
11:30 - 15:00
18:00 - 22:00
Sun
Closed
Public Holiday
Closed
Public Holiday Eve
11:30 - 15:00
18:00 - 22:00
Above information is for reference only. Please check details with the restaurant.
About
About Reward Scheme
嚟到觀塘發現想食嘅餐廳執咗，喺OpenRice睇到呢間樓上鋪菜式幾多，於是嚟咗食晚餐。老實講唔search根本唔會留意到呢間樓上鋪，估唔到之後都幾多大枱客人嚟食。餐廳座位闊落，亦都有VIP房，環境安靜舒服。🍽️大蝦柚子沙律伴無骨鳳爪 $118柚子沙律份量唔少，果肉甜中帶微苦，配上蕃茄及沙律菜等泰味十足。無骨鳳爪酸酸甜甜再帶少少辣味好開胃，亦都好爽口彈牙，配上沾滿泰式醬汁嘅芹菜、洋蔥等食落好清新。🍽️鳳尾蝦金邊粉 $128金邊粉色澤好靚，好夠鑊氣炒得好乾身，好似置身喺泰國食咁！金邊粉集甜酸鹹辣於一身，鳳尾蝦爽口鮮甜，配上大量韭菜、芽菜、蛋絲等配料，真心好食！🍽️泰式醬香蹄膀 $388稍微俾蹄膀嘅份量嚇親！醬香蹄膀雖然大件，但肉質相當軟腍易切，食落相當滑嫩而且唔肥，醬香味非常濃郁。包上生菜、九層塔等配料再搭上兩款酸辣醬汁非常惹味！係我哋好滿意好鍾意嘅一道菜！🍽️彩虹椰汁糕 $50彩虹椰汁糕賣相吸引，伴碟亦都寫咗字非常有心思。椰汁糕幾煙靭，椰香味濃郁但唔會好甜。🍹龍眼冰 $48充滿住濃郁嘅龍眼味，亦有幾粒龍眼果肉，真材實料。🍹菠蘿冰 $48杯上面有一片用新鮮菠蘿片製成嘅冰菠蘿，非常鮮甜。菠蘿配上梳打水好清新解渴，食完辣嘢飲都幾爽！滿足嘅一餐！~
continue reading
今日收工同朋友食咗一間樓上舖嘅泰國餐廳🙈雖然係樓上舖 不過位置都唔算難搵餐廳環境寬敞 比起平時去開嘅泰式餐廳…感覺上溫馨啲 唔知係咪因為樓上鋪嘅關係呢😹呢間餐廳除咗單點之外 多咗啲套餐嘅選擇如果我冇記錯好似係有10人餐 一大班人聚餐都冇問題🙌🏻炸蝦餅蝦餅外脆內嫩😋😋呢個我超級推薦平時泰式餐廳配嘅都係泰式酸辣醬但係呢間店配嘅醬超好味👍🏻👍🏻非常驚喜!!配咗一個食落有香茅味嘅沙律醬 我估係店舖自調嘅醬汁因為喺出邊未食過呢個味完全俾個香茅味迷到～～～好食到😻燒牛沙律呢個沙律份量好足 份量多到當佢係main咁食都得🤣牛肉燒得啱啱好 牛味好香 搭配埋蔬菜青瓜車厘茄 口感豐富 食落好fresh 香葉炒青口非常惹味嘅一道菜 青口大大隻 口感嫩滑多汁 入口唔覺得乾爭爭不過整體嚟講都係偏辣 😳🫣🫣鳳尾蝦金邊粉Pad Thai真係食唔厭🙈雖然蝦嘅份量唔算好多 不過肉質都彈牙 整體做得幾好 一上枱都聞到好香嘅Pad Thai味 酸酸地好開胃🤤泰火雜菜食落同個菜名一樣夠晒火啊🔥有椰菜西蘭花粟米仔 全部配菜我都好鍾意不過!! 超級無敵辣 同行嘅朋友食得辣佢覺得還好 但係對我嚟講太辣…啦🫣甜品就揀咗彩虹色嘅椰汁糕除咗本身鍾意食椰汁糕之外 都想打吓卡嘅😹呢個甜品係店舖招牌 我見好多枱都有order除咗個樣好靚之外 口感軟糯 帶有淡淡的椰香 食咗兩件好滿足😌芒果椰奶椰奶香濃 搭配芒果蓉 口感滑順 好飲～凍青檸柑桔蜜飲嘅第一啖勁似飲緊鹹檸七(冇氣版)😮😮反而青檸味就唔係太出 不過整體鹹鹹酸酸 用嚟調和吓今餐🌶️泰菜都唔錯嘅
continue reading
樓上泰式餐廳 溫馨裝潢近門口有2張半圓卡位 半獨立空間 應該要提早預約要求其他坐位都幾舒適廁所係店外 溫馨提示要自備紙巾青木瓜沙律 小 $68微辣 清脆爽口香蒜甜酸汁蝦肉餅 4件 $88炸至外脆 蝦餅口感實肉斑蘭灸鳳 全隻 $368灸鳳 烤雞料理用斑蘭葉烤雞 製作需時雖然食唔出斑蘭味 但雞肉嫰滑 調味剛好烤雞底部鋪滿沙律菜 旁邊亦有滿滿沙律碗黃咖喱海鮮炆公仔麵 $128海鮮有 3大隻青口 2隻冇殼蝦 切粒魷魚微辣黃咖哩配料巨多 切條洋蔥 芽菜 每啖都唔會只食到淨公仔麵斑蘭椰奶 $48上枱時 店員有提醒飲品需要攪拌均勻椰奶比例偏重 微弱斑蘭味芒果沙冰 $58兒時熟悉既芒果糖香甜味沙冰磨成細小沙粒彩虹椰汁糕 4件 $509層色彩繽紛既椰汁糕 打卡able~仲有自家畫碟椰汁糕口感煙un
continue reading
週末同好朋友聚會，我哋揀咗呢間充滿泰式風情嘅餐廳。餐廳環境非常舒適，設計簡約，配以柔和嘅燈光，令人感覺溫馨放鬆，加上寬敞嘅座位安排，非常適合朋友聚會或家庭聚餐。食物質素一流，炭燒豬頸肉烤得香口多汁，入口嫩滑，配上特製醬料，味道更加突出。鳳尾蝦金邊粉炒得乾身唔油膩，蝦肉鮮甜彈牙，令人一試難忘。柚子沙律清新爽口，酸酸甜甜十分開胃，而蝦醬通菜鹹香味濃，係一道十分惹味嘅配菜。魚餅外脆內嫩，搭配酸甜醬汁更加美味。飲品方面，百香果沙冰酸甜適中，消暑又解渴；泰火特飲色彩繽紛，帶有淡淡花香，味道清新。最後嘅彩虹椰汁糕，用鮮艷嘅顏色收尾，口感細緻滑溜，甜而不膩。餐廳服務人員態度親切，效率高，整體體驗非常滿意。如果經OpenRice預訂仲有優惠，性價比相當高，下次一定會再嚟！
continue reading
觀塘🚇呢間樓上泰國私房菜 Thai Fire 裝修雅緻，👍菜色幾創新又有水準，所以係區內都算🤩少有名氣。最近天氣轉熱🔥， 飲佢哋嘅泰牛沙冰🧊就啱曬喇，喺大大杯嘅泰奶茶沙冰🧋上邊仲有隻泰茶冰牛，打卡啱曬。☀️夏日芒果特飲酸甜度啱啱好，🥭解辣一流。青木瓜沙律 🥗即叫即舂，分量十足，加埋🍋青檸汁，爽脆酸甜好開胃🤤。冬陰功鮮菌🔥烤魚係每日限量出品，🐟魚皮脆卜卜魚肉好鮮美嫩滑，🌶️冬陰功湯底落足香茅同檸檬葉，😍味道好香濃，酸辣度啱啱好👌，加上大量鮮雜菌🍄，真係勁好味啊！黃咖喱海鮮炆公仔麵 🍜絕對係邪惡之選！咖喱汁🍛掛滿每條麵勁濃郁惹味，入邊仲有蝦🍤、青口同埋小柱，十分鮮味。食完重味嘢😆，食返個清清地嘅薑汁🫚芥蘭苗就啱曬喇，薑汁炒到帶焦香，🥬芥蘭苗幼嫩清爽，係唔錯嘅解膩菜👍。🌈彩虹椰汁千層糕上枱仲係♨️熱辣辣，椰香滿滿又唔會太甜，🥥煙韌得嚟又唔黐牙，加上彩虹賣相🥰一絕呀！
continue reading