1
4
1
3-min walk from Exit A, AsiaWorld-ExpoStation
continue reading
Opening Hours
Mon - Sun
08:30 - 18:00
Above information is for reference only. Please check details with the restaurant.
煎蛋泰式辣肉碎飯，舖租貴加人工貴可以理解的，吸血鬼天價 $118 蚊﹗心算食材成本有雞蛋$3蚊、辣椒肉碎豆角$6蚊、白飯$5蚊、盒包裝餐具$2蚊、蒸餾水$2蚊、香蕉$2蚊，合共$20蚊。煎蛋看似全熟過老，食落驚喜地還有一絲甘甜蛋汁，整隻蛋跟飯塞入口，滿意的味道。豆角辣肉碎份量也不少，真的可以送飯送到尾。肉鬆彈彈濕潤堅辣多汁，搭埋豆角爽爽索索聲，撈埋酸辣泰汁送飯一絕。海鮮冬蔭功湯金邊粉，預先烚定浸定分定金邊粉，有訂單就落湯直接出貨，滾都不用滾﹗湯底無味淡如水，免強食幾啖都要放棄，真心難食，我都唔想浪費食物的啊。無味蝦仔爽爽、味濃秀珍菇滿滿，忙到車厘茄原粒唔切掉落去浸，生到不了﹗完全煮都無煮過。泰式滷水豬髀飯，滷水豬大腸搭咸酸菜蠻不錯，油膩中夾雜點酸味及厚杰芡汁，羶味重重的彈滑大腸，滷味濃加汁食較舒服。膠感十足全熟滷蛋，老老的烚蛋。無骨啖啖肉，乾爽夠嚥韌。膠滑豬皮不油膩，結實豬肉有嚼勁，微羶淋上蒜蓉酸汁可掩蔽一丁點。肉質非常硬淨不軟棉，皮膠黏彈滿意的。酸辣汁醒胃醒臘，全部一齊塞入嘴仔都幾好食，只是係肉質硬了一點點。拍青瓜，酸爽清甜其實撈飯也不錯，如果冰凍一點更舒服可口。泰式海南雞飯，肥美、香甜、嫩滑，靈魂所在的泰式酸辣汁，辣濃酸濃汁醒神，結實雞肉味淡只靠汁添味，不過倒晒落飯全部食晒勁頸渴﹗肥美雞髀肉香甜嫩滑，彈滑雞味濃甜美，胸肉就有點乾鞋，皮薄不肥滑嘟嘟。雞油芳香無比，不過隱約食到隔夜嗅雞味，新鮮度不足。百幾蚊個隔夜嗅味海南雞撈上黃薑雞油飯，再讓雞肉躺上滾進舌尖，在齒舌間打轉滋味無窮，肥美剛剛好﹗泛著濃濃雞肉天然甜味，肉彈嫩、皮滑溜，併在一起攞滿分﹗乾爽雞油黃薑粉好好味﹗趙落乾爽清香暖暖嚥韌。唔想食百幾蚊個劣質博覽館地獄飯盒，就唯有揀最近既泰潮。有雞鴨豬飯食，最穩陣係海南雞，精髓在於泰式酸辣汁，微辣香噴噴夠酸就非常開胃，倒晒落去撈飯就最正，飯粒嚥韌乾爽，陣陣斑蘭葉及南薑香味，味道十分濃郁，個汁使人好頸渴？食完頸渴正常不過。好食就好食，但太少雞。偷工減料越賣越少，越賣越貴越細份，比以前飯多左三份一，雞少左三份一，取消送菊花茶。冬蔭功湯腸仔，咸到自盡吃不宵﹗索價兩條 $30蚊好貴。~ 雞絲湯金邊粉，我要冬蔭功湯但變成清湯底，最嚴重錯誤係無走蔥﹗即叫即煮熱騰騰湯濃粉彈極之好味，雞絲嚥韌汁，跟金邊粉及濃湯齊齊掃入口格外醒神﹗價值 $88 蚊雞絲湯金邊粉好很貴呢！不是雞碎是雞絲，加落大量辣椒粉超好味！泰式咖哩牛腩，咖哩幼滑極濃散發非凡椰奶味，香而不辣。牛腩邊皮位散碎乾鞋勁討厭，牛筋多而牛腩少。千里送條尾，我實在太眼利。咖哩汁跟白飯終始千年以來的絕配，越食越開胃﹗鮮蝦冬蔭功湯金邊粉，成舊粉餅黐到實沉係底，明顯烚定等生意﹗早就煮定，落湯泡都唔泡開唔挑散就出貨比食客，給點誠意好嗎？湯底微暖唔夠熱，唔熱湯汁略咸，蝦嚥韌不爽，菇爽茄酸夠醒胃。 滷水雞髀，售價 $30 蚊不算過份，但奀滋滋發育不良勁細隻，浸到皮開肉掟賣相肉酸，咬落又咸又霉，髀邊位放到又乾又硬，芡汁味道質地都似碗仔翅。泰式滷水鴨飯，隻半熟滷蛋呢？我見張相靚先買乍喎，依家變左普通滷水蛋！個滷水汁勁甜又杰，好采撈埋白醋及泰式酸汁食好好多。鴨肉粗糙似鹽水炆鴨，大路唔難食，我全部食晒。有個貌似大媽主管黑面一路做一路鬧，鬼殺咁嘈！晨早留留靜少少好無！聽見40 個飯盒訂單，淡淡定有錢剩，寬容啲、開心啲、做野都會快手啲、準確啲！早餐泰潮、午飯又泰潮！唔見今朝鬼殺咁嘈個長髮大媽呢？
continue reading
於8月27日去完宮古島旅行回港，回到香港已經下午2點半，好想食返自己鍾意嘅食物，一行5人，打算於機場內食完午餐才回家，見到原來香港機場都有 泰潮 米芝蓮推介過，當然唔好錯過啦，而且哩個時間無乜人，好多位，就決定走入去品嚐海南雞飯 豬手等美食，坐入座位等了又等，最後等了45分鐘，為什麼還未到餐? 詢問之下才回覆沒有下單給廚房，這裡的員工真係好犀利，咁嘅服務，就算幾好食都無用啦！因為太攰，最後大家都決定唔再等，離開了食店，最可惜是因為員工的失誤，令我哋無法品嚐美食！
continue reading
帶父母去機場睇展覽，早去到就醫下肚先，就揀左呢間泰國菜。初初見佢menu好似好多野揀，點知行到去收銀樣樣都無😅父母就揀左湯粉，我自己揀咖哩飯。因為睇落有三色咖哩又好似幾抵。等左一陣就有得拎嗯？圖片只供參考？😂得返一色咖哩，我自己就無乜所謂既畢竟黎得機場附近都唔期望有好高質既野食，但多少有被誤導到。講返味道，咖哩就唔特別，但有d surprise佢比好多牛筋，牛筋多過腩。而牛腩我覺得唔錯，肥瘦比例岩岩好，又炆得夠淋唔洗點咬，牛腩質素係有驚喜既。至於蝦餅，我就覺得一般，無醬點都幾dry，或者我應該問下會唔會有泰式醬😅總括而言，質素唔算好高，但填飽肚都ok既。
continue reading
👉🏻菠蘿海鮮炒飯🍍🦐💲60都幾多海鮮 有三隻蝦一舊青口 不過冇咩菠蘿😕好多提子乾、腰果同肉鬆 好似好足料但食落硬係冇咩味🤔〰️〰️〰️〰️〰️〰️〰️〰️〰️〰️👉🏻泰式雞肉炒飯🐔💲54泰式個位係邊💩根本就係雞肉炒飯 好少雞又冇咩料 冇色水又冇咩味🌚個飯炒到好油〰️〰️〰️〰️〰️〰️〰️〰️〰️〰️仲叫過pad thai💲62不過冇影相 但都係唔夠香冇咩味 啲粉痴到一patpat都唔知點食🌚食咗三次叫三道唔同嘅菜都唔好食🌚九龍城求其一間都好食啲 分分鐘仲平啲🤡呢間仲要係米芝蓮架 失望到爆 宜家啲米芝蓮係咪好易拎其實 食過好多米芝蓮嘅食肆都唔好食
continue reading
到亞洲國際博覽館欣賞喜歡的韓國天團演出，心情固然興奮，肚子亦都餓起來。亞博選擇寥寥可數，不外乎連鎖式三文治店、炸雞店及咖啡店甚或至飯糰店。友人喜歡吃濃味食物，所以便提議來此。價格物超不所值是意料中事！味道雖則不過不失，但試一次便足夠。泰式滷水豬脾飯 - 滷水汁味道偏鹹，豬脾肉質真心嫩滑，皮亦十分彈牙同時又可補充骨膠原。不過食物不熱，僅是微暖。凍菊花蜜{隨餐附送} - 冰粒很大顆，已佔了整個杯的七成比率。菊花蜜甜得很，彷如飲糖水般。渴了數啖便宣告放棄～
continue reading