Video
Above information is for reference only. Please check details with the restaurant.
Signature Dishes
泰式海南雞飯，老實講，我真係覺得雞肉比以前淡口左又鞋口左囉，如果唔係有個油味飯加秘製泰式酸辣汁，齋食白切雞的話就麻麻地喇。無骨海南雞水準依然，皮香肉嫩，唔會肥騰騰。雞髀肉非常滑溜彈牙實淨有咬口，雞胸肉軟腍腍，滿意 ﹗隻雞一定日日做運動，薄薄一層嫩滑雞皮而且完全無肥膏喎 ﹗自家秘制酸汁有保證，獨門泰式酸汁非常醒腦開胃，飯都食多幾啖。個酸汁好濃郁，非常惹味香口，不過淨食個酸汁就有點偏咸呢 ﹗係要跟飯跟雞併埋一齊食先有美味既化學反應。雞油飯不黏不韌，只覺得係普通白飯加雞油略炒，各自精采，味道略淡。泰國米既雞油飯，不過不失，中規中矩，可以再乾爽一點，再香濃一點 ﹗為何今日油味飯又濕又淡又一舊舊又唔夠熱架？因為 Happy Friday？還是師傅失戀呀？我要乾爽嚥韌飽滿，香濃熱騰騰既油味飯呀 ﹗誰知當三樣食材合體加埋一齊食的話，會變得非常十分之美味非凡喎，好神奇呢 ﹗我都係較喜歡用青瓜做伴碟，味道同香氣非常清新，依家用白烚椰菜好似死氣沉沉咁囉。我黎泰亞萊真係獨孤一味海南雞，我最鍾意就係雞架喇，要多幾個同事一齊黎食，先有機會試多幾款不同出品呢。泰式海南雞半隻，一碟海南雞飯點夠喉喎，叫多半隻嘆先！冬陰功湯細，好搞笑，用爐上但無跟火呢，無緊要照飲。侍應阿姐話已經夠熱可以飲架喇，洗咩火喎 ﹗好似心情勁靚喎，笑面迎人又好口又風騷添，Good ﹗一定要趁熱飲，凍左變得好咸呢。夠酸帶微辣有蝦味有茄膏味又有椰香，見到有 1 隻半蝦咁多喎，蝦肉爽彈雖然無蝦味。琴晚鏢賽成班飲到醉醉地，險些兒即興零晨飛埋去泰國食海南雞呀，好采無機票乍 ﹗今日好鬼想食澱粉質，見咁耐無叫雞，lunch 衝去整返隻先。隔離個大嬸遲黎先上岸搶我碟雞飯 ﹗有無搞錯呀，我落 order 先架，碟飯係我架 ﹗離晒譜囉，仲要靚過我依碟好多 ﹗
continue reading
今日放左工，冇約到人加埋屋企又冇煮飯，於是就一個人求其搵間野食下，見到呢間餐廳都有一半位坐左人(平日呢區好多餐廳夜晚都係死寂)，咁就入去諗住黎1個quick dinner。一坐低睇餐牌，嘩...幾平下wo，根本係荼記價錢 ge 泰式餐廳，一個人食好難叫到小食，咁就only叫左個香葉辣椒肉碎飯試下，但等左成20分鐘先黎，一放上table，已經聞到好大陣獲氣，所以等耐小小都ok ge，好過好多荼餐廳d 炒野食係完全冇獲氣，但其實我本身諗住佢係肉碎+白飯底，估唔到係炒飯。一食第一啖，嘩....差d 熱死，真係岩岩新鮮炒起，超級熱辣辣，個飯真係唔錯，d 飯炒得夠乾身﹑加埋d泰式調味料炒﹑令到味道好濃，但可能佢加左好多辣椒炒﹑所以我覺得太辣，而我自己本身鍾意食辣野，所以都覺得好好味，但美中不足係肉碎唔夠多，感覺上辣椒同露筍仲多過d肉碎;而旁邊2塊青瓜唔係一個裝飾，其實係用黎解辣，當你太辣ge 時候食一啖，會幫你refresh 返。呢餐承惠38大元，整體黎講，性價比好高，因為真係幾平，下次我lunch 黎試下先。
continue reading
至從在這家吃過之後～一直鍾情於這裡。每次跟老公去吃，都會點咖哩炒蟹和冬陰功。以前冬陰功裡面的蝦，好多的，這次去吃，覺得大大縮水，一共只有3個半只的蝦，然後裡面的蘑菇也不多。有點失望～現在點咖哩炒蟹也沒有了我最愛的薄餅，話說薄餅跟炒蟹真的是絕配的。現在整個換了外觀，用麵包當容器，如果剛上的時候吃還不錯。不過如果時間長了，麵包吸收太多湯汁，在吃口感真的是和薄餅差太多了。哎～還是中意我的薄餅配炒蟹啊。這次點了乾炒牛河，剛吃的時候口感會有一點點特別，但是不會是必點之物。以後還會去的，希望變回以前那樣吧。
continue reading
今日在紅磡開工,呢到有間泰國餐廳，平，靚，正， ，我好多時經過都會食佢地海南雞味飯，留意，是味飯 ，加杯龍眼冰，佢海南雞味飯有咩特色 ，當然是雞滑有味 ，但其實佢雞雖然靚，但最突出是佢地d飯，是好有心機攪成，粒粒飯都有一種香味，似椰香，比雞更出色 另外送的冬瓜湯都ok,入面有雞 ，龍眼冰跟餐不用加錢 ，夠甜，龍眼味重 無骨雞配香飯 大大粒龍眼
continue reading
每次經過這裡都會被那香噴噴的串燒味吸引,但總是來去怱怱,沒有時間去試下! 今次終於有機會同黃兔試試 店內比較細,坐得擠迫我地叫了:馬拉盞炒通菜 - 份量多夠鑊氣,味道不錯,略嫌咸了少許串燒雞翼,豬肉,雞肉 - 串燒好香,燒得不會乾身,還保留肉質軟熟,再加上串燒汁更加惹味泰式海鮮濕炒河 - 濕炒茨汁太多,海鮮料份量一般,但河粉軟滑,味道可以咖哩軟殼蟹 - 雖然咖哩沒有辣味,但咖哩汁非常惹味,撈飯食更一流,軟殼蟹味道也不錯,略嫌薄餅比較燶椰汁珍珠涼粉冰 - 珍珠同涼粉令到槨汁冰好有口感,椰汁味香濃好味
continue reading