手作之店

Open Now

Now Closed

好耐冇嚟手作之店，以前用卡儲印仔，而家已經變咗用Apps喇。最近2個星期都有嚟元朗分店食雪糕，地點方便、易搵，但商場的公共空間不設座位。買完雪糕只可以行前少少，喺商場圍欄前立食。前星期食咗水豆腐同牛乳麥芽雪糕，2種都係以前食開的經典口味。水豆腐依然清新，味道似豆漿，好啱夏天。牛乳麥芽即係好立克味，食落有奶的厚重質感。上星期打風，天氣焗熱，於是點咗2款生果口味消暑。荔枝係以前食開的味道，較甜，有荔枝味；啤梨味以前未見過，有驚喜，味道似「吽」熟咗、質感腍pat pat的啤梨/荷蘭啤梨，略甜，感覺清新。而家有時會食貴啲的雪糕，佢哋的用料當然比較講究，不過，手作之店始終喺我心目中佔一席位，佢價錢平，味道像真，可揀杯裝/筒裝，有得儲印，提供誘因食完再食，加上款式多，可以創造出好多唔同的組合。下次會試埋佢尊貴版的咖啡雪糕，上次想試味，店員話冇得試，佢補充話係用咖啡沖，所以不設試食。雖然唔明呢個係咩道理，但如果真係由espresso製作，就好想試一試~

⭐ 評分：★★★★☆ (4.3/5) 夏日消暑首選！---🍨 必試口味 ✅ 金椰皇味→ 驚喜爆燈！雪糕裡面有 粒粒椰皇肉，咬落爽脆有口感，椰香濃郁但唔會過甜，真材實料～ ✅ 桂味荔枝→ 超適合夏天！清香荔枝味好Refresh，甜度自然，食完成個人涼浸浸❄️ 🍦 特大雙球 $29→ 性價比超高！每球Size都夠大，兩個人Share食啱啱好，唔會太飽又試到多款口味。 ---🏪 環境 & 服務 - 試食服務：店員態度友善，主動提供試食，揀啱心水先買，超貼心！ - 抵食之選：比起連鎖雪糕店，呢度價錢平一大截，但質素絕對唔輸。 - 位置方便：元朗廣場3樓，行街中途食個雪糕休息下就最Perfect～ ---📌 總結 「元朗隱藏雪糕小店！」 - 金椰皇同桂味荔枝必試。- $29雙球大大份，Share食最抵，夏天消暑必備！ - 員工服務態度加分，試食服務好貼心，唔會硬Sell。

經常幫襯嘅雪糕店，店面啲妹妹好有禮貌，雪糕好好食，佢哋啲雪糕比較煙韌，有咬口，而且唔怕係得甜味，加大同加一球又抵，買家庭裝走又有額外折扣，我今次食咗水豆腐味同牛乳麥芽味水豆腐味好清新，真係好似食緊舊豆腐咁，牛乳麥芽好香牛奶味，整體個味似好立刻，好好食，真係好抵，幾乎每次經濟都會忍唔住幫襯

元朗人既童年回憶，由細食到大既手作之店。兩球筒裝。必食提子冧酒，原本想叫水豆腐渣已經賣哂，麥香奶味冇水豆腐咁好味。 同以前味道差唔多，不過而家就冇得試味同新年要加1蚊。個筒既牛油味幾香可以食埋。

椰子雪糕在這天去完euro吃意粉餐後就去手作雪糕店點雪糕吃,在廚窗外看到有一個品質比較優良的名叫椰子雪糕,於是點下去,並叫女店員給我試吃不同品質優良的雪糕,當我試到椰子雪糕就沒錯了,這是我想吃的味道了,於是點下來吃,椰子雪糕到手後當然拍兩張,感覺良好,味道也不錯!!!

朱古力雙重奏在這天吃完飯後突然想起這裡的甜品不錯,於是去了這裡吃甜品,在這裡吃了一個名叫朱古力雙重奏的軟雪糕,點下了後給錢時是23元正,因為有儲印仔集齊五個便有多一個同價雪糕球吃!!,忌廉加上朱古力濃郁的味道簡直絕配,價錢在現在的消費物價指數來說算便宜了!

放假黎到元朗廣場，想食雪糕就揀左手作行過去之前好想食呢個豆腐味雪糕，去到發現，佢出咗椰皇味雪糕。如果遇到心儀嘅味道可以叫店員俾你試，佢哋都好歡迎你的 試完之後發現佢會有椰子肉係入面，二不説叫豆腐味和椰皇味。店員會問我哋要唔要加$1轉中球size 會較小的大50%。 當然要加🔸豆腐味 評分 9/10🔸椰皇味 評分9.5/10兩款雪糕都不會過甜，豆腐味食到足料大豆感覺，啖啖清香，會令人一口接一口椰皇味就唔洗講，勁足料，每一啖都有椰肉，又香又甜。整體兩款雪糕都值得encore

非常抵食既雪糕 大大球又好平 最中意食新出既阿華田味雪糕 非常濃郁 另外新出蜂蜜檸檬柚子都好吸引 入面有一啲柚子條 好新鮮 size方面一球就夠大 可以加$1再大一個size 好抵食

本時食黎食黎去都係個幾款味，一向對新口味都冇抱太大期望，今日見到出左新蜂蜜柚子味，排隊前兩個試完都揀左，我又試下先，咦真係唔錯！岩岩食完晚餐，驚太飽所以冇叫筒裝叫左杯裝，本身叫左大size，例牌加一蚊再大小小一食落去已經好香柚子味，甜甜地，本身仲怕太甜驚太膩，好彩唔會。不過雪糕上面仲淋左小小蜜糖，早知唔要而雪糕口感好滑，唔會有冰粒，不過就比較快溶。依隻味係近期幾出色好味既新口味！希望擺係固定味道到啦

食完元氣壽司，一出門口格離就係手作之店，囡囡見到已經扭話要食啦，我地都幾鐘意以間雪糕店，因為成日有唔同味雪糕，有提子冧酒，薄荷，阿華田，朱古力，純芒果，飄雪曲奇，桂味荔枝，香芋，士多啤梨，仲新出左牛奶麥芽，桃味，金椰皇，仲可以試你想食既味好唔好食，先決定買咩味，我地最後決定買朱古力，牛奶麥芽，味道好似好立克，好好味，仲要大大球好抵食，$19蚊就可以3個人食啦，因為真係超大球呢，$13蚊一球，如果加多球加$5，再加多$1蚊個雪糕球就再大D。

突然想食雪糕，本身係想食買一送一嘅Haagen Dazs，除番即係兩球雪糕$3x。但同行朋友呢個時候就話，不如上多兩層食手作之店，平啲、雪糕又大球啲😂🙈咁我又不嬲唔係HD fans，咁就食手作😛.手作之店雪糕分幾個size，但次次店員都問你「加唔加x蚊轉大球啲嘅？」，我永遠話好好好，最後兩球雪糕真係超 級 大 球😂😂我鐘意食冇咁冰嘅，所以慢慢食，食到一半開始，融融哋嘅texture就最啱我口味😋豆腐味雪糕一食落真係同朋友所講一樣係豆腐花味😆而曲奇味雪糕就永遠係我至愛😍

Cheapest Ice Cream In Hong Kong! Two extra large ice cream scoop only costs $16!! Every Flavor is good ! Fruit Flavor worth to try ! But I love green tea And rum ice the mostbut there is no seats , can only takeaway

食完lunch就食下甜野中和番d咸味今次我就嗌左個芒果味,要cone的以雪糕黎講呢度一球既size算係正常唔算多亦唔算少呢個芒果味係我第一次叫黎食食落覺得有d過甜食到最後會覺得有少少頂唔順佢太甜我建議可以將個甜度降番底如果唔係會似食糖水多過雪糕

對手作之店ge雪糕印象停留:味道真實,價錢相宜。今日再次購買,印象依然如一;每一次小妹都只係買"提子冧酒"味雪糕,但每次都係喺千色匯嗰間買ge多,元朗廣場呢間今次只係第二次買,第一次因想試其他口味,於是買左最愛ge金榴槤,食落又香又滑,榴槤味十分濃郁,食完對榴槤ge渴望得到大滿足,但對雪糕ge需求卻好似得不得滿意的回應;所以今次即使企在眾多選擇ge雪糕櫃前,即使賣雪糕ge妹妹推介試食都好,小妹都係揀返提子冧酒今次又係要左特大球,影左2張相後,即急不及待先咬一口雪糕,但......咦~~今次冧酒味道淡左d,冇前幾次食落有一陣好濃ge酒味,而且因為係雪糕,食多2啖 味覺漸漸冇咁靈敏,所以會更加食唔到冧酒味道,而"提子冧酒"中ge"提子其實係"提子乾,每食幾啖就會食到提子乾,粒粒都好大粒,而且比雪糕仲要甜美,每次食到都好似係額外豐收咁

天氣好熱，無想到元朗廣場入面都係無冷氣超熱，行到三樓發現有手作之店，即刻買返杯雪糕降下温先。對住雪糕口味三心兩意個陣，店員主動拎左幾個味黎試食，試過個芒果幾好味喎，就揀呢款先，友人則揀左清淡啲嘅水豆腐。大球要筒或要杯裝熱係十二點半，可加一蚊變加大球，但我覺得咁嘅size已經夠了。芒果味甜甜地，間中有疑似果肉嘅野，水豆腐較淡，兩者都好夠滑，消暑一流。