98
8
8
5-min walk from Exit A2, Tseung Kwan O MTR Station
continue reading
Telephone
36188212
Introduction
This Japanese Teppanyaki restaurant is managed by Chef Mihara, the previous Chef of Japanese Consulate in the USA. The restaurant is stylishly decorated and features Omakase with the finest seasonal ingredients and exquisite food.
continue reading
Opening Hours
Mon - Sun
12:00 - 15:00
18:00 - 22:00
Public Holiday
12:00 - 15:00
18:00 - 22:00
Public Holiday Eve
12:00 - 15:00
18:00 - 22:00
Above information is for reference only. Please check details with the restaurant.
Recommended Dishes
相信當大家看到這篇食評的時候，餐廳已經搬離將軍澳這個原址。但作為這兩年自己也頗喜歡的一間日本料理食肆，我也想為它的暫時終結，作一個美好和滿足的紀錄。記得大約兩年前，從社交媒體看到有一間高級的鐵板燒料理開設於住宅區內，感覺很有趣，於是便前往一試。第一次的惠顧，被食物的性價比、職員親切的服務、還有現代和風的裝修所吸引。因此，其後也試過帶其他朋友及親人光顧。到了最近，同樣在社交媒體，卻看到餐廳會在稍後搬遷到銅鑼灣的消息。而在最後的一星期，會有全單七五折的「感謝祭」（最後一天在3/5/2023）。所以毫不猶豫，便在網上訂了位，回味一下。到達餐廳坐下後，點了兩客lunch set。之後有一小驚喜，竟然在臨別餐廳之際，由一位來自日本的廚師負責燒煮。廚師十分細心和親切，透過英語及剛學懂的少量廣東話和我們溝通。我也嘗試練習我懂得的少許日語和廚師聊聊，一瞬間有身在日本的感覺。😅 聽說這位新的日籍廚師，日後也會到銅鑼灣新店工作。和往日的一樣，中價的lunch set，已很豐富，有沙律、茶碗蒸：北海道帶子：時令海鮮（今天的是甘鯛魚，做法更是立鱗燒，連同魚鱗一併煎烤，外脆內軟，很美味。😋）：每位波士頓龍蝦半隻：熊本和牛厚燒：另外看到鄰座顧客的南非鮑魚好像很鮮美，忍不住額外多點一隻兩人開心share:最後當然不能欠缺炒飯:作為暫別的一餐， 很滿足，亦帶着少許不捨的心情。一邊吃着甜品，一邊想起在這裡數次和不同親友用膳的回憶。鄰座的顧客說，餐廳的裝修仍然是這麼新和漂亮，更令人感到不捨。會期待稍後於銅鑼灣復業的新店，希望到時也能繼續製造依舊親切、漂亮和美味的飲食回憶。
continue reading
697 views
將軍澳南一眾私人屋苑中，最親民嘅基座商場應該都係 Savannah 及 Parkside，但偏偏將軍澳南的最貴餐廳【三原】卻隱藏於 Parkside。用隱藏這個字眼並沒有誇張，【三原】門口並非面向大街，如果不是走入臨時露天停車場旁邊的狹窄行人通道，根本唔知道有間餐廳。【三原】於疫情期間的2021年初開業，當時已經懷疑將軍澳區是否可以支持一間高級日式鐵板燒。估唔到兩年過去了，當年旁邊同期開業的日式居酒屋已結業，反而【三原】仍然可以生存，出品質素一定有返咁上下。趁着周年紀念兼情人節前夕，今晚就來奢華一晚。有三組鐵板區及幾張散枱，坐鐵板區雖然油煙稍大，但食日式鐵板燒梗係要坐喺鐵板前，欣賞廚師席前炮制。鐵板燒價位高正因為包括埋呢啲表演項目，一面睇一面食，分外賞心奪目，食物也格外美味。況且，鐵板嘅抽氣系統設計多年前已大大改善，低位抽風、低位補風，油煙味彌漫情況已不復見。晚市只有三款套餐，揀了 Premium Dinner Set (二人前) ($2,560)，想試齊 A5 熊本和牛薄燒同厚燒，補了一半差價 $150。另外追加了宮崎A4 和牛薄燒(2片)($488)。 見到一盤新鮮海鮮食材：波士頓龍蝦、南非鮑魚及甘鯛，尤其那隻南非鮑魚仍然活生生地蠕動，食指大動！至於活龍蝦，已經在廚房處理好，開邊去腸臟，甚至蝦鉗也去了半殼，方便烹調及享用。季節沙律冇驚喜，都係鬼佬沙律菜、車厘茄、粟米粒配搭日式柚子醋麻醬沙律汁。不過，作為開胃頭盤也合適。茶碗蒸加入三文魚籽，賣相夠靚，引人垂涎三尺。味道方面中規中矩，有蛋香、鰹魚高湯味道亦調校得啱啱好，但口感稍嫌未夠滑溜。二人套餐有兩款頭盤選擇：法式鵝肝多士及北海道帶子，每款要一客，試齊味道。廚師同時炮製煎鵝肝及煎帶子，兩款食材的烹調時間各有不同，一心二用，烹調技巧高！煎鵝肝尤其出色，望見鵝肝表面慢慢變成金黃色，鵝油又沒有明顯溶化，仍然保留在鵝肝內，不會流失鵝肝滋味。法式鵝肝多士係經典配搭。煎香後的香草牛油法包表面鬆脆，咬落鬆軟，吸收了鵝油後味道更濃；至於煎鵝肝就更加冇挑剔，表面香脆，咬下去就入口即溶，鵝油鵝脂膻香溢滿口腔。再配搭意大利黑醋汁中和肥膩，一塊鵝肝多士兩個人分享，實在唔夠喉。北海道帶子煎至少許焦燶，香氣四溢，之後加入牛油慢煎，產生焦糖化效果，表面更加多了香脆口感。帶子中心保持7成熟左右，肉質仍然彈牙軟綿，鮮甜多汁。配搭牛油煎茄子墊底，又腍又多汁，好吃！貴一級嘅 Deluxe Set 二人套餐會配搭更大隻嘅澳洲龍蝦，但波士頓龍蝦也不錯呀，多了兩隻蝦鉗，肉質同口感又有點似蟹鉗肉，多了另一番滋味。師傅煎熟龍蝦後，鋪上芝士用氣體火槍燒炙，造成類似芝士焗龍蝦的效果。龍蝦肉爽甜彈牙，又有芝士香味；龍蝦鉗就鮮甜爽滑多汁，配搭師傅即場用龍蝦濃湯、牛油及龍蝦膏炮制的醬汁，味道又提升到更高層次。Deluxe Set 配搭一大隻活日本青森鮑魚或活澳洲黑邊鮑魚，Premium Set 就一人一隻南非鮑魚。師傅話，如果單純講鮑魚味，日本鮑魚一定首屈一指，其次係南非鮑，澳洲鮑魚更次；但澳洲活鮑魚勝在夠大隻、有睇頭。望著活生生的鮑魚放在鐵板上受熱，感覺有點殘忍 ⋯⋯ 師傅將鮑魚起肉之後，將平時不會吃的鮑魚肝臟也慢慢煎香，記憶中上次食鮑魚肝也是日式鐵板燒。鮑魚味濃郁，肉質綿實柔軟、彈牙、又有少少煙靱；配搭即時烹製的牛油蛋黃醬汁，好吃。但更好吃的卻是煎鮑魚肝臟，表面煎得香口，咬下去味道較鮑魚更鮮更濃，口感軟糯起沙；配搭味道同樣濃郁的炒醬，有酒香、又有點帶甜的日式風味。鮑魚肝臟雖然其貌不揚，但實在好吃！甘鯛嫰滑多油，魚肉固然鮮味，更好吃的卻是魚皮。雖然只是用鐵板煎，但非常香脆、接近油炸效果；尤其保留了魚鱗（煎甘鯛是不會去除魚鱗的），咬落更甘香更脆。A5 熊本和牛薄燒配硬豆腐及日本大蔥 和牛薄燒入口軟滑，只需輕輕細味已瞬間化作滿腔油花；至於赤肉部份則牛味鮮美、充滿肉汁，不用什麼咀嚼已連同油花一起溶化。A5 熊本和牛厚燒配炒雜菜 A5 和牛厚燒同薄燒比較，可以吃到更濃的牛味。表面香口，內裡鬆軟，有更明顯的肉味及赤肉比例，但肉質同樣很軟腍，只需輕嚼已肉汁油花濺滿口腔。至於炒雜菜，雖然賣相細緻，但份量略嫌偏少。薄燒及厚燒同樣令人回味，兩者各有特色。炒飯材料有雞蛋、蔥花及鮮白飯魚，炒得夠香身、乾爽而沒有流失水份；粒粒分明、咬落軟身不乾硬。比得上質素高嘅廣東炒飯。甜品係紅豆綠茶布甸及麻糬。日式麻糬表面沾滿花生蓉，甜甜地、煙煙韌韌。布甸少甜，表面的紅豆漿同樣少甜；綠茶味稍淡，唔算係出色嘅甜品。食日式鐵板燒除了優質食材，有海鮮、有和牛之外，廚師水準也要夠高，事關很難掌握鐵板熱度及烹調時間，過生過熟都會影響味道。【三原】基本上滿足優質日式鐵板燒要求，加上廚師健談，與客人溝通同一款食材在不同產地的特點及分別，增長了不少識飲識食的小知識。價位？係貴，但物有所值 ⋯⋯ 日式鐵板燒從來都係高級日本洋料理。
continue reading
原本嚟呢間餐廳，因為個廚師嘅名銜好勁，睇報道話喺日本駐美國芝加哥領事館擔任首席廚師，所以滿懷期望。可以食到日本領事質素嘅食物喎，唔係講笑😂但入到去，發現間舖頭嘅衛生程度，就一般啦，未去到日本人所謂嘅乾淨。另外，我哋個主廚係一個女人，其實佢煮嘢食都有工架，但係就好似好趕時間咁，非常嚴肅，整完一樣就一樣，同客人之間完全冇交流。整完就直接收工。味道方面，食材係新鮮嘅，而且以份量黎計算幾抵，但調味就一般，主要都係鹽、黑椒、牛油。其實一般鐵板燒都係呢哋，但呢度d食物就唔係好入到未。由於廚師又嚴肅，又非常趕，所以餐飯都食得我好緊張，唔係好放鬆到🫠一餐飯放鬆唔到嚟食，其實都幾冇癮～
continue reading
Teppanyaki Night at Tseung Kwan O! Recently there have been many new restaurants in Tseung Kwan O area. Though this place is not new, I only knew about it until I walked past it one day. The service was great with good hospitality. The restaurant was very comfortable and we had a great time there. We went as a party of four, and was lucky to book the teppanyaki side so we were able to interact with the chef as we appreciate his cooking. As each dish was being served, the chef and the staff will explain the dish to us in detail. From their explanations, we knew the origin of the food ingredients, and different methods to taste the dish in order to taste the best out of it. The order of the dish was also very well planned. We started with some appetizers such as salad and steam egg, then slowly we were being served th e main. All of them taste great and I really valued the interaction with the chef. While he was cooking, he would chat with us and we had a very good time there. For the price, I think it was more or less the same as other teppanyaki places outside of Tseung Kwan O. However, I would say this place isn't very unique and the food they served are similar to other teppanyaki stores. Overall experience was great, but I would recommend trying other teppanyaki places too!
continue reading
將軍澳開咗好多新餐廳，上星期就同朋友去咗三原食鐵板燒٩(˃̶͈̀௰˂̶͈́)و Grand Dinner Set 一人前 $1280 ❤️黑松露牛油北寄貝第一道係黑松露牛油北寄貝。北寄貝好大隻，師傅加咗松露牛油汁令北寄貝更加香😋 北寄貝爽口彈牙，好鮮甜。🥹🐟銀鱈魚朴葉燒第二道係銀鱈魚朴葉燒。銀鱈魚肉質嫩滑，油脂豐富。師傅另外煎香魚皮，魚皮香脆，層次豐富。醬汁用咗帶有甜味嘅赤麵豉，唔會好鹹。😋🦐原隻虎蝦天使麵 第三道係充滿西日風味嘅原隻虎蝦天使麵，蝦肉爽口彈牙。蕃茄香草天使麵加咗洋蔥同煙肉一齊炒，好惹味。🥹🥩A5熊本和牛厚燒 A5熊本和牛可以揀薄燒/厚燒 我地就叫咗厚燒。和牛三成熟，內裡嫩滑，入口即溶。🥹仲可以點海鹽 、黑椒、山葵同炒蒜片。🧡炒飯炒飯乾身，粒粒分明，加咗白飯魚增加口感，好食。😋🍮甜品甜品有我至愛嘅抹茶布甸同自家製朱古力🤤 抹茶布甸夠滑，自家製朱古力唔會好甜，出面係脆皮有驚喜。😆
continue reading