Video
Telephone
66622126
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
近排食過幾次嘅 #陳鵬鵬潮汕菜館 原來蟬聯多次¹必吃榜😎曾獲得²中華鹵鵝大賽金獎🏆³法國鵝肝大賽亞洲首獎🥇～極力推薦 #餓腎～真係超好味～👍👍👍👉鵝腎、鵝掌、鵝翼、鵝舌～必食～餓腎最正～👍😍😘🤤😋👉南澳蠔仔烙～好味～👍👉金獎老鵝拼盤～必食～😍🤤😋👉打冷馬友魚～必食～👍🤤😋👉汕頭白菜魚丸煲～一般👉胡椒酸菜豬肚煲～一般👉金不換焗文昌雞煲～味道一般、雞未淋～👇👉鴨屎香檸檬茶👉南山荔枝冰#潮汕菜#沙田美食#七不收
continue reading
今天晚上帶家人到沙田店食飯，其實我亦都唔想再嚟㗎啦，只是媽媽鍾意食佢個蠔餅，所以我哋先至會再嚟嘅啫。放工到達菜館根本不需要等位，就知道有問題架啦。今次的經驗比上次更差，上次好似被監視的，當你一放下碗就問你：仲要唔要？就立即拿走你的碟碗。今次完全什麼服務也沒有，除了有服務員上菜，那些完全沒有眼神接觸的伙記叫我們自己斟水，攞醬料要自己攞！我爸八十歲走出走入拿水，原来可以order 一壼菊花茶$28的，没有服務而收咗服務費！去麥當勞、大快活和一粥麵的快餐店都有人送水送餐，而且不收服務費的啊趕客的菜館⋯⋯
continue reading
年廿九唔係間間餐廳開，咁諗起沙田陳鵬鵬平時都有食過，就同屋企人話不如團年飯嚟呢啲食啦。嚟到見到過年有套餐食，但係係按位計，每位$188咁，我地一共有四位，咪嗌四位份量嘅套餐。點知一上到枱，已經見中伏啦，我地四個人份量嘅滷鵝拼盤，盡然係同隔離枱三人份嘅係一樣？？？我地即刻搵侍應嚟攞去問廚房，廚房話出錯餐，跟住求其切嚿魚片補返數，就攞返上嚟。喂，唔係呀？畀多$188食多一個人份量，拼盤就係多嚿魚片呀？就算滷鵝唔補啦，連滷蛋都唔補多嚿呀？於是我地去問著西裝嘅唔知係咪經理啦，攞去廚房問「你地四人份量嘅拼盤就係比三人份量嘅拼盤多嚿魚片呀？」，呢個時候廚房佬反口啦，話出嘅就係四人份量嘅餐，唔會補畀我地。原來咁嘅玩法都得，既然四人份量套餐嘅菜量同三人份量係一個size，咁你地憑咩收我$188×4=$752？原來食嘅嘢同人地畀$188×3=$564係一樣嘅，咁你地明掠我$188咋喎。咁我地問個唔知係咪經理嘅西裝友啦，如果第一道菜已經係咁，咁你地保唔保證到之後我地四人份量套餐上嘅菜，係應該比起隔離枱三人份量嘅多返三分之一？原來都係話保證唔到，廚房話係咁就係咁。嘩，原來呢間店啲定價同份量冇標準架？即係要我地食客硬食啦。最後問埋staff，如果五位、六位嚟食你地呢個三位起嘅套餐，你地係咪又諗住淨係上呢一碟拼盤打發人？又係回應唔到。定係其實你地expect，年廿九我地一家人團團圓圓嚟食餐飯，反而應該分開兩枱食先有得唔會中你地嘅伏？最後我地決定唔食了，你地留返個三人份量嘅套餐畀啲四人五人六人客啦。新年流流要人地食餐咁唔開心嘅飯，最識做生意真係非你地莫屬。
continue reading
星期五的晚上，餐廳裡熙熙攘攘，人聲鼎沸，等候座位的顧客站滿了餐廳門口，我們足足排了18張桌才終於輪到。我們點了五個菜式，味道中規中矩，沒什麼特別出色的地方。值得一提的是，這裡免收服務費和茶水費，相比其他餐廳，性價比確實高一些。然而，享用完這頓晚餐約半小時至一小時，我和老公便開始感到肚痛，吃藥上厠所後還是痛，肚痛了好幾個小時😵💫，食物的衛生問題讓我們感到懷疑。這次的用餐經歷讓人有些失望，雖然價錢實惠，但食物質量和衛生方面有待改善。希望餐廳能夠重視食材的新鮮與清潔，提升顧客的用餐體驗。
continue reading
小食拼盤不錯，拼盤上有唔同嘅小食，每樣都好有潮州特色，味道正宗，食落去令人回味無窮。我點咗碗蠔仔粥，味道都唔錯，粥底熬得夠滑，蠔仔雖然唔算多，但係新鮮，仲有啲香菜提味，整體感覺好舒服。不過，炸蠔餅就唔算特別，口感有啲軟，味道都一般般，可能我期望太高。另外，仲試咗佢哋嘅海鮮砂鍋粥，呢個真係幾好，砂鍋煲得夠入味，海鮮新鮮，特別係蝦同蟹，食落去有種海味嘅鮮美，配埋啲香菜同蔥花，簡直完美。 服務方面，職員都幾有禮貌，態度好，餐廳環境乾淨整潔，坐落得幾舒服。總體嚟講，呢間潮州餐館值得一試，雖然有啲菜式有改善空間，但係整體體驗都幾好，尤其適合同朋友聚餐！
continue reading