301
62
16
2-min walk from Exit A, Whampoa MTR Station; 德民大廈入口對面 continue reading
All Branches (1)
Telephone
26270766
Introduction
Tenno Ramen provides 4 different kind of Japanese ramen which are distinguished by colors including white, red, black and a limited edition that will change from time to time. The soup base won' t be too salty. Indeed, the price is reasonable compared to other ramen restaurants. continue reading
Opening Hours
Today
12:00 - 22:00
Mon - Sun
12:00 - 22:00
*last order: 21:30
Payment Methods
AlipayHK Alipay Cash
Number of Seats
25
Other Info
10% Service Charge
Spot payment
Review (415)
Level4 2022-03-20
625 views
噚日 (19-3-2022 Sat)同老公喺紅磡周佢男友人歡聚後走人,老公話想坐低食少少嘢.其實我哋都唔餓,我哋行行吓,行入呢條巷,見到齊柏林熱狗店,但要企喺喥食,所以唔食,望到對面見到咁日本風嘅呢間,我即上網睇,係黃店,咁要懲罰啦.入到去,個女仔好有禮貌咁招呼,佢介紹限定天王係神秘嘅,咁老公就揀咗佢,盛惠$95.00,佢揀咗麵嘅硬度為軟,其他嘢都係普通.可要$6.00半隻味蛋,$20.00嘅巨峰乳酸梳打同$38.00有5件嘅燒椒雞.落完單,半隻味蛋同巨峰乳酸梳打即到,巨峰乳酸梳打飲落幾舒服,唔會太甜,不過o衣o家至知原來有乳酸,但飲嗰時唔多覺有.然後限定天王到嚟,見到面上有芝士碎,我哋開動喇,啖湯有啲辣,係胡椒嘅辣,而湯底質感係杰同濃味嘅,即係呢個係胡椒芝士拉麵,三片叉燒都鬆軟嘅.最後燒椒雞嚟到,個女仔提醒我哋小心熱.唧咗檸檬汁後食,外脆內裡鬆軟juicy,原本驚有黑椒會辣,但又唔辣.其他:呢喥每位最低消費係$75.00.抵食係2.7分 continue reading
(The above review is the personal opinion of a user which does not represent OpenRice's point of view.)
Level3 2022-05-09
0 views
相信呢一間拉麵店放假時期都需要排隊食🤣不過入面嘅座位數量都比較多所以其實都唔駛等好耐今次叫咗一碗白天王同赤天王白天王好濃烈嘅豬骨味 赤天王好香就算食唔到辣都會食到不過唔知關唔關我揀咗淡味 所以食落去先會覺得唔辣 佢嘅溫泉蛋都非常之好味😋 最特別嘅地方就係,可以揀選你鍾意淡、普通/濃味 真係好適合我同我男朋友去食因為我係鍾意好淡嘅味道 佢係鍾意食超級濃嘅味道 麵嘅口咁選擇都好多食呢一間我哋就可以兩個都食得咁開心😚 continue reading
(The above review is the personal opinion of a user which does not represent OpenRice's point of view.)
Level3 2022-04-01
282 views
琴日去咗紅磡食拉麵,試咗呢間拉麵天王。今次試咗白丸,黑丸,同埋燒椒鳥。今日去嘅時候因為已經過咗食飯時間,所以都冇乜人坐得好闊落好舒服。先講吓白丸先啦,白丸係豬骨湯底,湯底味好濃,正呀!跟住就黑丸啦,原來都係豬骨湯底,黑丸只係加咗黑蒜油落去。雖然兩個都係豬骨湯底但係加咗黑蒜油之後就有另外一番風味啦。再講下個燒椒鳥啦,原來燒椒鳥係冇燒焦到嘅,佢只係落咗胡椒嘅炸雞姐。原本以為鳥係雞翼但原來係炸雞粒,都幾好食咁啦。 continue reading
(The above review is the personal opinion of a user which does not represent OpenRice's point of view.)
Level4 2022-03-21
144 views
拉麵天王睇個名就知勁嘢店舖裝飾好有人情味好多勵志嘅句子黑天王即係叉燒豬骨濃湯拉麵配蒜油~有:椰菜、木耳絲、蔥花、半隻味蛋~叉燒薄片比較肥~蒜油好香令成個叉燒豬骨拉麵味道昇華赤天王湯底一樣~麵上面有一層厚厚嘅辣椒油~食落唔辣~但係真係比較肥膩口感麻麻~下次都係食返原味豬骨濃湯豚角煮係烤醬汁豬肉粒~細細碟5-6粒~有肥有瘦一啖一粒~好香口好有炭燒味烤餃子同煎餃嘅分別係烤出嚟皮乾~配以日本醋~裏面D餡半生熟麻麻哋拉麵真係值得一試 continue reading
(The above review is the personal opinion of a user which does not represent OpenRice's point of view.)
Level4 2022-01-21
285 views
這間拉麵店已是我在很早期收藏了的一間餐廳,今次平日的晚上終於有機會來用餐了。舖頭在大街邊有幾間食肆的橫巷內,舖裡比想像中細,基本上一眼就看完。程長型的店鋪以近門口的前半部份用作開放式廚房,看到師傅們忙碌地製作食物,而廚房出面有些比較窄的吧檯座位,想要大少少的空間就可以選一般的檯凳座位,亦不算坐得很舒服但起碼檯的長度會深一些。看到黑天王($85)就立即吸引了我。初次到來,我們因不清楚此店食物的狀況,例如麵究竟是粗還是幼、拉麵的基本配料有甚麼等等,令我們有點困惑。店員留意到我們的疑問,主動過來向我們提供協助。除了麵選了硬一點之外,其他項目例如濃度均選了普通。食拉麵當然要先飲它的湯底,而這裡的湯底令我喜出望外。上菜時的確聞到很香的黑蒜油味,喝起來味道沒有聞起來那麼濃;但是豬骨湯的味道香濃,不是很鹹的那種,而是有豬骨香、不會濃得搶去所有味道的那種,黑蒜油的角色是輔助帶出豬骨味,兩者互相合作令味道幾夾,把豬骨湯的口味提升了一個層次這裡的拉麵是幼身的,我選的硬麵浸在熱湯裡也很容易吸收湯底,味道濃郁美味帶點爽口質感,在凍凍的天氣下吃起來特別滿足配料方面叉燒切得很薄、有點肥,肉質都是滑的;木耳絲、椰菜增加拉麵的爽脆口感,只是份量偏少;半隻糖心蛋普通,跟其他拉麵店的相比則遜色了,蛋味不突出。另外我們加錢跟配了更多拉麵裡面有包括的配料,味付竹荀和黑木耳各一,每款都是加$7。眼看這兩碗額外加配的配料份量普通,原來碗是很深的,所以配料疊在一起其實是很多的,加一份配料是足夠兩個人分享的。我們二人的拉麵都是黑天王,而麵的硬度點了「硬」和「普通」各一。兩碗同款的拉麵同時上菜,同樣為我們點菜的店員沒有特別解釋哪碗的麵較硬就分別直接在我們面前放下,由於店員顯得熟練,我們也沒有特別詢問我們各自面前那碗是否真的屬於自己的。吃著吃著,家人說麵有點硬,有點難吃得下,我就讓她試試我的麵,她說我的明顯較淋,最後我們自己換回了真正屬於我們的拉麵。離開結帳時,我們跟店員反映一下剛才的情況,希望他們可以多加留意,店員聽到後只有呆了望著我們,沒有說任何話或者給予我們任何反應,令我們覺得很奇怪。正常的反應,不是應該會說他們會多多留意、改善嗎?至少,也應該作出一些跟進反應,但他只是看著我們,那究竟他有沒有接收到訊息幸好今次是我跟家人的拉麵調轉了,我們才自己換回食物,如是朋友就不能做到了,那食物是不是會浪費了?雖然一般人的角度來說拉麵未必會很硬,但是家人本身是不能食太硬的食物,如勉強進食胃部會有幾天不適,因而我們才跟店員反映,而不是我們想要甚麼,卻得不到回應。最初因店員的主動性令我感到服務細心,但臨走時的態度又令我很困惑,希望可以留意一下吧!食物來說是不錯的,湯底有驚喜,亦是我近期食過最出色的湯底。我覺得拉麵份量偏少,男仔應該要直接加底,而加底後需要$100一碗拉麵並不便宜,但想一下或許一碗普通的拉麵比這裡便$10至$20,湯底卻說不出有甚麼特別,那這裡的湯底就是貴$10至$20的精髓所在;因此特別推薦喜歡豬骨湯底的拉麵愛好朋友來試一試 continue reading
(The above review is the personal opinion of a user which does not represent OpenRice's point of view.)