25
1
3
Exit C1/ D1, Kowloon MTR Station/ Exit B5/ D1, Austin MTR Station continue reading
Telephone
2302 0222
Introduction
The first overseas branch of the famous Japanese fine dining restaurant. Owner and chef Yamamoto San selects the best seasonal ingredients for every single dish. Their signature kaiseiki is acknowledged as one of the best in town. continue reading
Awards and Titles
Michelin 2 Starred Restaurant (2013-2017)
Opening Hours
Mon to Sat: 18:00-21:30; Sun: 12:00-15:00; 18:00-21:30
Payment Method
Visa Master Cash
Number of Seats
48
Other Info
May Bring Your Own Wine Details
Cake-cutting Details
VIP Room
Phone Reservation
10% Service Charge
Review (30)
Level3 2017-02-03
1362 views
去年生日,老公訂咗隔離田舍家今年老公天空龍吟,價錢差唔多,不過感覺好好多聞名不如見面《天空龍吟》環境非常、食品如飾品、賣相非常、味道非常咁多個國家嘅菜式我最愛日本菜而日本菜裏面我最喜歡係懷石料理懷石料理嘅每道菜都只有三兩口份量所以每餐可能有八至十道菜樣樣都有得試而且款款精美,睇到嘅食物都估唔到味道好神奇嘅係你餐前已經知道食乜(有晒Menu詳細介紹)每每店員一送到食物上檯日藉職員會用日文英文國語廣東話甚至手語用唔同嘅方法務求令你更了解菜色但一放到落口先至知道乜嘢係真正嘅驚為天人簡單至糯米飯、蕎麥面、甚至一塊紫菜微小至杯碟嘅溫度、厚薄、盛載食物器皿嘅顏色全部都配搭得剛剛好係完全、剛剛好好細緻呢個米之蓮二星完全唔係浪得虛名呢一餐好貴不過絕對值得一試兩個人埋單5700 continue reading
(The above review is the personal opinion of an user which does not represent OpenRice's point of view.)
Level4 2016-03-29
17491 views
環境「天空龍吟日本料理」乃日本「龍吟」首間海外分店,位於ICC 101樓,有騰雲駕霧嘅氣勢!因為地點獨特,所以叫做「天空龍吟」。將架車交俾代客泊車後轉電梯上101樓,話咁快就到。今晚安排咗窗口位,但可惜又落雨又大霧,望出去白濛濛乜野都睇唔到,真係唔荒唔騰雲駕霧... 總店嘅靈魂人物山本征治先生希望可以「從日本料理中不斷尋求可能性及潛在價值」,所以除咗保留懷石料理不時不食同埋精緻賣相嘅同時,亦都會用新奇嘅方法去烹調食材,將懷石料理再升呢。每日只會供應一款有十道菜嘅懷石套餐,雖然客人唔可以揀選食物,不過可以喺訂位嘅時候講低有邊啲食物唔食,職員亦都會好貼心咁記低晒,仲會專登print多一個menu出嚟酥炸香脆海苔裹北海道頂級海膽外層係晶瑩剔透嘅炸米紙,包住一層脆卜卜嘅紫菜,再包住一塊新鮮紫蘇葉,內層充滿北海道函館最頂級海膽,整個食物放喺熱辣辣嘅石碟上,有薯蓉墊底。平時唔鍾意食炸物因為覺得好熱氣,油味又重,但呢個食物炸得非常出色。首先炸米紙非常薄,薄到可以睇到下面嘅紫菜,而且炸得鬆脆唔油膩,一咬開會有 '索索聲',海膽係多到會跌晒出嚟;下一層嘅紫菜香脆卜卜,味道香口;再下一層嘅新鮮紫蘇葉質細軟,味道比較重,重到蓋過海膽鮮味,所以我冇放返跌咗嘅海膽入去,就咁齋食海膽會更加食到海膽鮮味。最後仲發現原來一齊食海膽及薯蓉係咁好味...春季野菜配鮟鱇魚肝日本總店每年都會做呢個食物一次,有幸喺香港分店試到!有日本蘿蔔、蔥、柚子皮,下面嘅「海底鵝肝」鮟鱇魚肝來自北海道余市。先用水低溫煮魚肝一個鐘,再用加咗酒嘅清湯去煮,咁就可以辟晒魚肝嘅腥味,之後用木魚豉油高湯煮完再浸返一晚,令魚肝盡吸鮮味,所以魚肝油香誘人,入口即溶,半點腥味都冇;橙紅色光澤亮麗嘅赤貝口感爽脆。第一口先食到柚子嘅酸酸甜甜,繼而有海鮮嘅鮮味,最底就係黃芥末及味噌醬嘅鹹鹹辣辣,整道菜都充滿層次螢烏賊佐墨魚汁熱茶碗蒸每年3月左右,日本富山灣都會被一片奇異嘅藍色螢光覆蓋,佢哋就係螢烏賊。比起平時食開嘅魷魚,螢烏賊就細好多,而茶碗蒸又係細細碟,用佢嚟入饌就最好不過啦。呢道菜用九州雞蛋做,每一口都充滿雞蛋香味,隨後螢烏賊嘅濃郁鮮味及經過烘烤後嘅美味會湧入喉嚨,真係好味到不得了。利用水蒸氣嘅熱力令食物變熟係最能保留食物鮮味,所以大廚用螢烏賊嚟做茶碗蒸真係諗得好啊!一來唔會破壞鮮味,二來喺蒸嘅期間螢烏賊汁會滲入蛋汁,真係好味到不得了... 螢烏賊仲要肉質鮮嫩,完全冇渣,仲夾雜少少膏... 食完之後整個口腔都仲係充滿住螢烏賊嘅味道,直到食下一道菜為止,不得了... 一路打食評諗返起都要吞口水,好想再食...Matsuba gani crab and shiitake mushroom dumpling in Ichibandashi soup松葉蟹被日本人稱為「蟹后」,長居於零污染嘅海底,捕蟹期短(每年只有11月至3月先可以捕捉有牌嘅松葉蟹),所以係非常珍貴㗎。一打開碗蓋已經聞到清新嘅柚子味,湯最頂係一堆蟹膏及蟹腳肉,下面係一堆鮮蟹肉,最底層係冬菇蟹肉茸。蟹肉綿密緊實,有濃厚嘅鮮甜芳香,蟹膏肥美豐腴。建議先飲一啖湯,夠晒清澈。之後將蟹肉撈勻清湯,再飲多一啖,有蟹肉嘅鮮味、清新嘅柚子味及冬菇撲鼻嘅香氣(但好得意,冬菇蟹肉茸竟然有燒賣味),口感非常豐富,飲到一滴不漏龍吟精選刺身三式刺身好新鮮,由淡至濃,每一片刺身都充滿海水味道。左口魚厚度十足,柔軟彈牙;北寄貝肉質鮮嫩肥美煙韌,輕輕用火燒過後香味層次更多,點少少海鹽食味道會更突出;鰤魚粉紅嫰滑,比左口魚嘅肉質更結實,仲夾雜一點甘甜,魚肉滲出淡淡嘅魚脂香,清雅低調得嚟又不失濃郁,非常特別;旁邊嘅紫菜堆香味濃郁;浸住豉油嘅腐皮豆味極度香濃,食完之後整個口腔都充滿豆香,好似一口氣倒咗好多豆入個口度咁樣Charcoal grilled and simmered Alfonsino用備長炭燒過嘅紅金木鯛魚皮脆脆,有濃郁嘅火炙味道,燒嘅過程中將魚油盡情釋放出嚟,每一啖都充滿油香。新鮮甜美嘅魚肉上有柚子皮、乾海帶及白菜茸。柚子皮及白菜茸將整個濃湯嘅鮮味大大提升,飲到咁上下除咗有魚香及柚子香外,仲有少少胡椒辣,層次分明。而白色嘅乾海帶同平時食開嘅有啲唔同,一浸湯口就會變軟,口感有趣好似食緊腐皮咁,不過冇海帶味道,但整體配合得天衣無縫Charcoal grilled Pure breed Iberico pork "Premium Pluma"慢煮4小時嘅黑毛豬肉表面係啡色,中間呈粉紅色,豬肉味香濃,點少少菊花汁鮮甜可口;旁邊係被譽為「菇中之王」嘅舞茸,菇形完整而且炒過後充滿鮮味;普遍餐廳都會用菜莖,但呢度用菜花,菜花新鮮鮮甜細嫩香炸櫻花蝦 佐 櫻花茶米飯飯面有炸昆布、櫻花蝦天婦羅及櫻花瓣。櫻花蝦體形小巧,外層炸得金黃香酥;每一粒米由日本進口時都係未去殼嘅米糠,嚟到香港之後先會磨去啡色嘅米殼,所以每一粒米都會充滿稻香,之後用櫻花泡成嘅茶去煮飯,每粒飯都散發櫻花茶香;旁邊嘅漬物有蔥、蘿蔔等,仲有少少jelly,逐粒逐粒咬爆後啲酸甜味道會溶入口腔,非常突出;麵豉湯以一隻又高又瘦嘅杯盛載,未飲已經聞到濃郁香菇味,飲完之後香菇味久久不散-196度蜜柑糖果 配 99度的蜜柑果醬點樣係-196度?就係利用分子料理嘅技術,以-196度嘅液態氮將蘋果急速冷凍,變成粉末,然後再將啲粉末放返入去蘋果形嘅外殼。一開蓋就係一個-196度嘅糖衣蘋果,先影相之後用匙羹敲碎,職員仲話我敲得唔夠狠,再敲!敲碎後加入99度嘅蜜柑果醬,糖衣蘋果即時溶化並發出紗紗聲,視覺效果十足非常吸引。通常蜜柑加熱後會變酸,但呢個果醬並冇因為加熱後而變酸,反而十分清甜仲充滿柑香,配合脆脆嘅糖衣及有爆炸糖口感嘅粉末一齊食,又甜又爆炸又熱又凍,真係充滿唔同口感,層次非常豐富,難怪係招牌甜品啦RyuGin Truffled Roppongi pudding第一層係法國黑松露醬,下面係椰子焦糖布甸。黑松露味道恰到好處唔會過濃,同甜甜嘅焦糖布甸造成強烈對比,完全刺激味蕾!食完之後整個口腔又係會充滿黑松露香味,每味菜都咁餘震...真係不得了食完晒所有菜式仲有一杯超濃抹茶,濃到入心入肺,既腥又苦,鍾意濃抹茶嘅朋友一定會鍾意!呢度不論環境服務都非常好,而且每一道菜都充滿驚喜。老實講如果要寫食評,係真係要帶本簿仔仲要用上好多頁先可以寫低晒所有野。雖然價錢不非,但絕對係一個難忘嘅經歷....... continue reading
(The above review is the personal opinion of an user which does not represent OpenRice's point of view.)
Level3 2016-01-23
12007 views
我噶最愛絕對係日本料理無之一吖,所以我成日會search好多好好味噶日本料理店食野,試下果度特別噶刺身 龍吟刺身,刺身好新鮮,而且都係即做嘎,再加上些少調味料就已經好好食啦不過可能唔鍾意食生野嘎朋友就比較難接受啦 招牌鰻魚,雖然淨係得幾舊,不過真係燒得好好食,燒噶時間啱啱好,所以色澤好均勻好靚,而且味道鮮甜,食材新鮮 北極貝佐西柚雪芭,外表晶瑩剔透,口感爽滑,好特別,不過就細碟左少少 杏仁雪糕,有好香噶杏仁味,而且雪糕噶口感非常細膩,唔會有粒粒gan continue reading
(The above review is the personal opinion of an user which does not represent OpenRice's point of view.)
天空龍吟今年繼續穩守香港2016米芝蓮二星,可以說是高質素且穩定的高級日本食肆。雖然開幕三年左右,卻一直未能有機會品嚐,最近終於有機會上101樓天空龍吟品嚐。凍鮑魚冷麵配黑魚子:當中有白蝦、黑魚子、鮑魚、冷麵仲有鮑魚肝汁。先說賣相已經十分至吸引,鮑魚片亦很有彈性,而且醬汁亦都好濃郁同埋好美味,整體味道十分之清新,作為一個頭盤十分好。波爾多酒薰鵝肝:用波爾多紅酒薰過既鵝肝食下去會有酒香味,加上放了和三盆黑糖(日本一種黑砂糖)及 用了秋天當造的無花果,上面沾上芝麻醬,兩者提供甜度及酸度的平衡,而且豐富了鵝肝的味道,鵝肝質感亦順滑,雖然只有一口份量實在品嚐不了太多真正的味道。上面放了些少微甘的茗荷,外貌更美觀了。鱧魚松茸高湯 :魚製的高湯依然清澈,魚肉無骨而且魚肉柔軟,而魚肉那一小梅子醬,那小小酸味提起魚總體的鮮味,松茸不只有珍貴,而且自身都散發獨特幽香,為湯更有豐厚味道。秋天之森:很配合整個秋天的意境,顏色很美,配料亦很精緻,有鮑魚粒、意大利牛肝菌、松子及日式燉蛋,整體吃起來很清爽,味道清淡,整個擺盤都很有秋天的氣息。五色刺身組合:基本上用不同種類嘅海鮮做呢個刺身,有魷魚、帆立貝、北寄貝、扁口魚及鰹魚。魷魚刺身每一邊到手喔了27次,質感十分柔軟彈牙。帆立貝是北海道來,肉身清甜而且口腔亦感受到些許海水的味道。北寄貝經過輕輕燒過,加上海鹽,帶出新鮮的味道。鰹魚有非常柔軟的質感,蘸青芥辣會更有鮮味。扁口魚肉身厚度一般,表面光澤,食一口有層油感,味道不膩輕滑。和牛壽喜燒配溫泉蛋:這個從宮崎來的A4和牛薄薄幾片不可抗拒,比半熟稍高的粉紅色澤,口感如牛油差不多,溶在口內,加上流心溫泉蛋,蛋漿令牛肉質感更滑口更柔軟。而洋蔥及柚子醋酸酸地,清爽得來可以稍減油膩。燒鯛魚:經過燒製後再焗,表皮更香更脆身,但魚肉不會顯得過實口,反而有彈性,跟岩盤上的還有蘿蔔泥或有海鹽,蘿蔔泥可以清膩,另外亦可以加少許檸檬汁可以提鮮。零下196度冰晶蜜柑蘋果:這個是招牌甜品,外面是負零下一百九十六度的糖衣蘋果,只要用匙就可以敲碎,內有加熱到99度的蘋果餡,外冷內熱,十分有噱頭的甜品,而且外形精美,作為甜品類十分吸引。蘋果餡溫度足夠熱,所以味道不錯,而餡旁的碎粉粒口感像爆炸糖,多少有種特殊口感,總體有不同層次。101樓的高空環境,有高空海景,加上地方天空龍吟有3000呎,總體裝潢相對簡約,而且擺設都來自日本,餐具亦是日本陶瓷,沒有多餘浮誇裝佈,有輕描淡寫日本京都味道。天空龍吟這裹要訂位,而菜單亦會配合時令而作轉換,店內服務亦很周到,更細心介紹每道菜式,作為高級日本食肆不論環境或食物質素都十分出色。天空龍吟 Tenku Ryu GinOpenrice :貪食階磚仔 continue reading
(The above review is the personal opinion of an user which does not represent OpenRice's point of view.)
Level2 2015-11-24
5643 views
在Sky Dining 101用餐。居高臨下,美景與美食,相得益彰。天空龍吟提供的是按季節時令所定的懷石料理套餐。職員十分貼心,於訂座時已詳盡了解我們對各類食材的喜好。置身醉人的夜空,呷著香檳,細嚐廚師精心炮製的每一道菜。鮑魚蝦肉魚子冷麵,食材新鮮,冰涼爽甜。鵝肝無花果,配合得天衣無縫,一點都不覺得油膩。無花果入口即溶!(食鵝肝實在太殘忍,早知道我會要求不要這道菜!)鰻魚...魚肉很腥,湯怪味,失望之作...魷魚新鮮到吃起來不像魷魚,極之鮮甜!北寄貝是烤過的,好香!燒鰻魚裡面夾著韮菜花,很特別,濃淡得宜。海膽蒸蛋,水準一般。(可能是我個人不特別喜歡海膽吧!)因我不吃牛肉,廚師特別安排黑毛豬。(不過他們忘記了,我不吃菇菇... )麵豉味道不濃,豬肉味也不濃...魚子飯,配搭漬物是山藥。魚子入口清甜,沒有腥味。這個外表像桃桃的招牌甜品"糖蘋果",由我負責敲碎它!-196度"蘋果",加上+99度的蘋果肉果醬,冷暖滋味在心頭。最後這道是蜜瓜甜品。甜品上面的蜜瓜是經過十多個小時風乾,但吃起來並沒甚麼特別。 continue reading
(The above review is the personal opinion of an user which does not represent OpenRice's point of view.)