唇茶 (灣仔電腦城) (Closed)

我灣仔返工咁耐有個習慣☺就係同同事灣仔Lunch完，會行去地鐵站附近嘅唇茶飲返杯桃膠特色飲品😋再慢慢行返公司❤Menu上飲品名稱好特別👍根本上睇完個名都唔知係飲乜野🤣所以每個飲品旁都會貼心寫住製作材料🤤不過萬變不離其中嘅係每樣飲品都一定！一定！一定！有超多桃膠😋👍今次我飲嘅係B4 六月飛雪(中size)$30😚係由雪梨乾、無花果乾、南棗、南北杏同埋壽眉茶沖配而成！酸酸甜甜又消滯😋岩晒岩岩食飽Lunch嘅我幫助消化😝仲有養顏又養生嘅桃膠😚每杯都真材實料裝滿滿😝岩晒我哩啲又要懶又要靚嘅港女🤣Menu有好多款桃膠飲品😋一日一款都唔覺得厭倦😚👍好味推薦

星期四特登由中環落去買茶首先問女店員有無OpenRice pay佢話只可以order唔可以齋payOk, 咁叫左杯烏龍 & 十月殤花叫no.一睇，點解杯底係奇異籽男店員：「係呀，我地無桃膠」勁嬲買既時候又唔講，又無貼告示通知人你估人人都食奇異籽架！？我一心想飲桃膠茶營養師話奇異籽count脂肪，桃膠係count澱粉質真心唔想食奇異籽囉我雖然默默拎左杯茶，但真係好失望，有被騙既感覺去茶餐廳無餐肉都會問你要餐肉定火腿啦你可唔可以俾人揀走配料呀要啫喱得唔得呀已經唔係第一次，上次買杯白雪薰飛（微甜）番到公司一飲，齋烏龍茶味Whatsapp問番，店員話係淡d問我攪勻未攪到反轉都無白桃同薰衣草味囉早知慳番$6⋯⋯以後過海去尖沙咀都唔會再幫襯灣仔店！

返工附近終於開唇茶喇✨原來用自己杯買仲有平咖😍最鐘意佢地杯月滿花香🌝🌸見到佢地menu 仲寫埋每一杯既卡路里有幾多，對卡減肥既我黎講實在太好🤣👍🏼又養生又低卡😋正！

灣仔電腦城旁邊開了一整排的食店，有熱狗有台式小吃，仲有呢間茶飲 呢間店嘅飲品主打養生嘅食材，大部分飲品都配有桃膠，有啲仲可以選擇奇亞籽或者手工啫喱我揀咗十月殤花，茶底係香片同菊花，我揀咗少甜所以茶味更加突出花旗參味都好足，完全係自己焗花旗參水嘅味道，仲見到一片片花旗參，而唔係用啲好假花旗參糖漿。配料份量十足，佔咗差唔多三份一杯，每一啖都飲到桃膠同埋杞子，好滿足 雖然以台式飲品店嚟睇，$36一杯係有點貴，但以一杯養生足料糖水嚟講，呢個價錢絕對超值

💋飲杯自由柚💋推介指數 ❤️❤️❤️❣️🤍唇茶响灣仔開咗新鋪，位於電腦城地下，隔離仲有熱狗鋪可以買埋外賣！離遠見到大大個banner嘅自己柚，飲品紫色幾吸引、面層有薄荷葉，睇落都透心涼！🍇自己柚 (唇。限定 Seasonal Limited) HKD32 (L)✨利賓納 x 薄荷葉 x 柚子 x 梳打水✨梳打水感覺健康，甜味主要嚟自利賓納，薄荷葉帶點清新嘅感覺，加上柚子帶來口感，唔錯吖❣️.··餐廳：唇茶 (灣仔)地址：灣仔軒尼詩道150號灣仔電腦城地下D1號舖

喺旺角中心好出名嘅唇茶終於開分店開到嚟灣仔啦❗️❗️位於修頓中心嗰邊，地鐵A出口隔離，位置好方便🥰🥰紅葉開花 $32玫瑰、山楂、洛神花、荔枝果茶加桃膠山楂加洛神花簡直絕配，好好飲，而佢比例啱啱好👍🏻👍🏻杯茶有淡淡水果香，畫龍點睛👍🏻👍🏻嚟到唇茶就梗係要事主打嘅桃膠，有養顏嘅功效，啱晒女士美顏，份量多，食到你唔想食整體嚟講質素好好，同旺角嗰邊一模一樣，落到嘅朋友終於可以試吓啦❗️❗️

員工態度好好 飲左杯蘋果有莉 一定會再飲🤤仲有店主好高大靚仔😍地鐵站一出就係 好方便 又近我公司 仲要買夠3杯就送埋上office 真係無唔飲既理由🤣同同事叫左8杯外賣 好快就送到 原本仲以為要等好耐 有d驚喜