茶一 (Closed)

好耐冇飲過甘難飲既珍珠仙草奶茶$25化學味重 飲吾到奶味茶味似齋用水開粉既奶茶飲左2啖已經冇飲 丟左另一杯士多啤梨奶就ok不過都係煉奶味重d圖好靚 但真心吾係期望過高

店位於炮台山地鐵站對面，地點方便。店內推廣學生可以買一送一，的確對學生們係吸引。即使單杯都係$21-23左右，台式飲品黎講係平。一直未試過，買左兩杯水蜜桃雙Q。係椰果加黑糖珍珠。但水蜜桃綠茶竟然無得調節甜度，本應正尚有甜度竟然可以調到超過100%甜度，甜到入唔不到口，真心會飲到糖尿😂，番到屋企要自行溝水先飲到😂（我放棄左，淨係食珠珠）。我覺得即使係💛店，長遠經營，質素都好緊要，咁先可以留到客人。希望店有待進步。

Wheeee (｡･ω･｡)ﾉ٩(˃̶͈̀௰˂̶͈́) 【小芋圓厚奶　飽肚都照買】之前見到有foodie推介呢杯芋泥小芋圓厚奶🥛咁作為芋泥鮮奶lover嘅我哋就梗係要去試吓啦🤤 嗰日食完晏勁飽都無阻我哋買嚟飲嘅決心！🤣 ～我是Menu～芋泥小芋圓厚奶 $28店員俾杯嘢我哋嘅時候話要搖勻先好飲～ 睇到杯嘢就知點解，因為個杯邊塗滿哂芋泥🤩 個底仲有勁多芋圓粒，真係超級足料！飲落啖啖芋泥，都幾杰🤣 飲落覺得奶味唔算特別香，但就真係好有芋頭味🤤 啲芋圓好煙韌，好有咬口😙 飲到最後都仲有芋泥同芋圓👀 真係令我哋飽上加飽😂😂 呢度嘅芋泥厚奶係真係比其他地方足料🙈～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：茶一 (北角)北角英皇道153號A地下B2號舖

已經好耐無飲珍珠奶茶🧋一嚟好甜二嚟係膠杯但係今日完成咗一件覺得少少叻嘅事要獎勵下自己買咗茉香奶綠加珍珠望落去好似好稀咁，但飲落又唔會少甜少冰通常會淡d，呢杯都唔會，仲有好香茉莉味，最好係珍珠唔會好甜！😋😋有d舖頭用勁多糖煮珍珠，咁杯飲品嗌幾少甜都係返到🙈*大家飲完其實可以洗乾淨個杯拎去回收*好攰嘅時候見到「加油」係會感到安慰

經過見到我最愛嘅芋泥，仲有芋圓，即刻忍唔住買嚟試下！仲要叫咗加大！芋泥小芋圓厚奶($33)第一啖真係嘩！厚奶真係好濃厚，加埋大量芋泥，所以成杯質感都幾杰身，好似食緊一碗糖水咁！加埋做成珍珠形狀嘅芋圓，佔了差不多1/4杯，飲完好似食咗一大碗飯咁飽好滿足呀！

又係要ot的一個工作日，由於lunch食得太油膩夜晚冇咩胃口，但又唔可以唔食野，所以決定試下呢間，每次行過都好想試下，但一直都冇機會試的飲品店對於一個芋圓愛好者，每次經過都會比佢放門口張poster上面個芋泥小芋圓厚奶($33)吸引，於是今次決定試下呢個可能因為我買ge時候已經比較夜，店員話已經冇曬中盃得翻大杯，雖然唔明點解中盃賣曬但大​​杯仲有，但因為太想飲所以都照買一拎到手ge時候有d失望，同poster上面個樣差好遠，望落好普通，但飲落先知真係世界級！芋泥分量好多，飲到最尾依然可以飲到芋泥同芋茸，奶味唔算好濃所以飲完一大杯都唔會太膩，小芋圓分量都好多，軟硬度岩岩好，又咬口得黎又唔會太淋，一杯完全可以用黎當晚餐！下次想食芋圓ge時候一定會再去呢間！

口渴想飲嘢，都係搵間茶飲店買杯嘢飲呢間近叮叮車，交通方便同普遍茶飲一樣主打黑糖珍珠厚奶聲稱每日手炒黑糖最大特色係有唔同口味嘅珍珠厚奶e.g.有黑糖、芋泥、草莓、抹茶等口味價錢介乎$28-$33沖泡時間幾快，3mins即到手揀咗招牌之一嘅草莓珍珠厚奶其實都幾失望攪勻後味道都係過甜奶味似水，並非純奶感杯內嘅珍珠染成粉紅望落的確色澤鮮艷，好吸睛一開始略有虎紋，影相幾靚只係部份珍珠似成餅嘢掉落去奶內，無散開感覺好多珍珠似橡皮糖至於草莓就係敗筆之處似足草莓糖漿+果醬炮製草莓勁軟爛唔知會唔會係草莓果醬入面嘅軟爛草莓唔多次係一粒粒嘅新鮮草莓

======================啱啱睇返album啲相先發現原來我上星期飲咗三次芋泥奶😂😂今日就介紹北角嘅茶一💖------------------------------⭐️芋泥小芋圓厚奶（$28）拎上手就知道好足料🙈牛奶同芋泥blend埋一齊，牛奶香濃郁，質感濃稠👍芋泥份量亦有好多，口感尚算綿密，惟芋香偏弱，芋圓煮得偏腍，欠缺口感，亦無乜味...😥整體嚟講比較似一杯甜牛奶，同expect有啲落差呢😔------------------------------賣相：6.7/10味道：4/10性價比：5/10

💛黃店Hello 大家好🙆🏻‍♀️今次要介紹嘅食物就係位於炮台山！📜”茶一 (北角)📌地址: 北角英皇道153號A地下B2號舖1️⃣ 焦糖牛乳布丁奶茶 $25呢杯野係我飲過最難飲嘅‼️‼️一入口飲唔到奶茶味😫好似飲緊豆腐花咁😥😥😥牛乳同埋奶茶布甸呢個配搭完全唔得🤭🤭啲珍珠又硬😥😥如果唔係因為喺條街太熱都唔會買來飲🤭飲完先知原來呢間出咗名伏😭我喺炮台山返學返左成年都未試過於是有日的起心肝就去咗買來飲😑點知。。。。可以唔使再試 🤭🤫🤫🤫可能其他飲品好好掛🥱🥱KS評分 (5個最高)環境:⭐️⭐️味道:👅抵食指數：💰💰💰💰#kskfoodie #美食推介 #港島區 #炮台山美食 #炮台山黃店 #黃色經濟圈 #港島美食 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodiehk #foodieksk炮台山 #hkig #尋找美食 #美食好推介 #foodpics #852food #相機食先 #黃店 #香港美食指南#hkfoodblog

今日係北角試完按摩椅 行番屋企果陣經炮台山夏天熱死辣辣梗係想飲番杯冰凍既珍珠奶茶岩岩行過見到有間同路既珍珠奶茶鋪以為終於唔洗飲連鎖既奶茶鋪行埋去等左3-4分鐘先有人出現叫左杯黑糖奶蓋珍珠奶茶（$29）果然真係同佢既Slogan相當符合一試難忘呀雖則同路人要支持下，但我都唔想折磨自己黑糖 奶蓋 珍珠 奶茶奶蓋係雪櫃拎出黎一壺野倒出黎無用保鮮紙或蓋蓋好 飲落係是酸的珍珠見佢係個電飯煲拎出黎 痴埋一舊舊 以為落左奶茶會分番開點知飲落似煮左好耐好耐再雪過的奶茶完完全全無茶味 無奶味 無甜味就好似飲緊冰+ 水 + 酸左既奶蓋總結：無下次

嚟到北角嚟㗎，想飲台飲去邊度飲好呢？茶一下一個好選擇，有好多種類嘅台飲選擇，平時飲奶蓋都係配清茶或者奶茶多，今次見有得配抹茶所以就叫咗你試吓，個人認為佢個芝士奶蓋同抹茶都好味，但係配埋一齊就唔係好搭，同埋有啲太漏，所以下次都係飲返芝士奶蓋配清茶，或者就咁飲抹茶🍵

今日女友食完飯突然屎忽痕想飲珍珠奶茶🤣🤣，見到呢間茶一就random去買一杯同佢share一齊飲😛最愛奶蓋嘅我飲咩都緊係要加返個芝士奶蓋啦！😋😋估唔到一飲落口已經好驚喜😍😍😍！佢個芝士奶蓋超香濃，奶茶都好滑，係比較重奶味嗰種，但茶味都算出又唔會澀🥰🥰🥰啲珍珠好重黑糖味份量又超級多，好有咬口啱晒我！可以慢慢咬🤤🤤杯中size都咁大杯飲到好飽呀！而且只係$29非常之抵😍下次經過都要再買！😁😁😁

中午冇人時段路過，叫咗一杯極之簡單嘅凍珍珠奶茶。由落單到我手只係用咗3分鐘時間，未去到街口，杯野啲冰已經溶鬼晒，變成左室溫奶茶。就咁望落杯野，色水已經唔太吸引，行多兩步搵個轉角位篤嚟飲飲啦，室溫唔凍唔熱最難飲，平心而論杯野茶味已經唔夠濃，好淡好淡嗰隻，味道飲落仲有少少怪。咁試下趙幾粒珍珠啦，相關有牙力嘅人，飲多幾口棚牙都要抖抖。佢地啲珍珠Q彈程度，相信可以同能得利橡皮糖媲美。珍珠奶茶我真係飲唔少，呢杯野評分，100分滿分，我相信佢只係得幾分。唔知對面有天仁，見到既話早知比多幾蚊去飲杯凍既913...最後杯野飲左兩啖真係飲唔落，垃圾桶見。相信 肯定無下次

同朋友一齊試左黑糖珍珠鮮奶 同烘焙烏龍奶茶加黑糖珍珠，黑糖珍珠冇黑糖味，唔甜，不過珍珠嘅量都幾多，都夠煙韌，但係烏龍茶味完全冇 ，好似飲緊水好淡味的普通奶茶，有啲失望。不過價錢就唔算貴，而家買嘢飲仲送一個獨立包裝嘅口罩。不過不失

今日嚟咗北角，見到呢間黃店，行行下咁岩又見有d口渴，就嚟支持下。鋪頭細細，但又有文宣同連儂場，抵支持啦！近排唔知點解好鍾意飲芋頭鮮奶，一見到就諗都冇諗即刻叫左杯！一飲落去，芋頭既味道撲鼻而來，好濃郁，超級足料，勁多芋泥！飲落仲有粒粒小芋圓係到，煙煙韌韌好易咬，都好易吸上黎（飲過其他都勁大粒好難吸）不過芋泥就真係得一pat芋泥，建議芋泥可以唔好打到咁泥狀，留返d粒狀既口感，咁就會更加多口感更加好飲！