Tea台屋

Open Now

Now Closed

啲位超級迫！搭枱都算，隔離位（右邊）過哂界半個位！見到另一邊（左邊）有客走，咪好聲好氣同個侍應講坐過去左邊囉！佢講我就算1秒前落左單，都唔可以轉位，話會搞亂佢喎！落完單有張枱號單俾我，其實同新入黎果位講枱號調轉咋嘛，反正落完單都係會拎返自己張單，唔岩野食都會即刻知，坐隔離姐，有乜問題？哩啲咩服務！？ 啲員工行行企企掛住傾計，好忙咩？又無人mon住個門口！係門口排隊入座俾人打尖都無人知，已經谷鬼氣！哩間野係唔會再幫襯！又貴又唔抵食！唔係黎睇演唱會都唔會專登入黎！等野食等左9個字！只係兩碗米粉！

店員服務態度超差，店內人流比較多，想坐入d位置，該男店員表示唔得，話會亂餐，電腦已經入單了，不會作出任何修改，毫無禮貌，但其實只係落左單一分鐘都冇🙃，以為佢唔幫我改都算啦，好快會有野食上來，點知等左成個鐘都未有野食，但隔離枱遲成10分鐘入嚟，啲野食就勁快就到左，唔知果位男店員係咪有心為難我地呢？好啦，到d野食來到，又勁難食，份量勁少，真係癡鬼線，可一不可再，呢間垃圾餐廳，真係唔會再幫襯，同埋都好期待緊佢幾時執笠😡

2023年11月8日 星期三今日在紅磡午餐時段，在置富都會 「Tea台屋」用膳。此店舖格局及裝修殘缺 燈光昏暗 跟不上時代的餐廳。 敘利亞的風格讓人感到食不安心。此店落單程序是需要客人自行填寫 餐牌的號碼 以及完整的餐飲名字 無疑落後及浪費時間。本人填寫及交回給侍應後。等候了快20分鐘才陸續送上飲品。 飲了第一口後，本人的味蕾彷彿受到了廁所的擁吻一樣 蜂蜜綠茶 此味道 居然由如清潔劑的味道。決定不喝 免得喝進問題飲料。耐心等待後。本人所點選的餐飯 滷豆腐拼煎油雞飯 亦都終於送上。眼看冰冷冇煙的一碟飯。滷豆腐輕如薄片 飯菜的煎油雞也變成了砂礓雞翼已深感中伏，心存僥倖的心理下 對這間店舖 那懷有一絲希望下。 唯有把唯一能吃的白飯都吃完 就頭也不回，埋單離去。本來吃午飯是一件讓人開心的事。 但這間店舖讓我感到無比難過 痛心 這店廚藝完全是侮辱了台式食物的美味 以及對人類吃飯的要求。至此 本人用行動 以身試伏 告誡各位， 請選擇一間 會尊重食物的味道與質素的餐廳。DQLM

紅磡置富都會商場一直都唔多餐廳選擇，今日到咗發現得返呢一間餐廳仲有位，所以決定入去食個午餐。入座後朋友揀左個腸仔肉燥飯，而我揀左個蚵仔麵。本身諗住兩個都唔係炒飯同炒麵，應該好快會出餐。睇返張單我哋落單入機時間係13:01，我朋友比較好彩，個飯等左20分鐘終於出來，20分鐘出餐對比其他餐廳其實已經算耐，但勉強都可以接受。但我個蚵仔麵一直等呀等，同侍應講左幾次佢哋都只係話整緊，最後我一話要取消個餐走人個陣，個麵就出左黎，而睇返自己隻錶個麵係13:47先到，等左45分鐘有多。個麵仲要已經唔係咩特別菜式需要煎炒油炸，都要搞咁耐時間，仲要味道無任何特色，份量都偏少。不論趕唔趕時間，大家覺得一個普通麵等45分鐘先出餐又是否合理？

周天中午去吃，一碗炸鸡饭，本应该很快，但11:38落单，但12:20才上餐，足足等了40多分钟。中午本来没什么人，加我就三四位落单，我有注意到最先落单的那位，也等了30分钟左右。店里就一位服务员，需要跑前跑后，不知道是怎么安排的。味道一般，但没关系，主打速食，应该不慢才对。***工作日如果你赶时间，千万别去。***之前一直有吃他家的炒面系列，但上次去吃品质下降很多，面软软的酸酸的，不像从前，不知是不是换了厨师。

【九龍城區】【Tea台屋】食過三四次呢間嘢，都真係食咗好耐。雖然好想再食多次，影啲嘢影得全面啲先出 post，但係我真係冇乜動力再食一次。就係咁樣一直都拖住咗，明明呢篇係 1am紅館 系列嘅。然而最近真係完全無稿，侷住寫佢，咁就寫啦。有記錄之下嘅第一次係食晚市 $68 嘅「台灣香腸拼冬菇肉燥飯」，我覺得呢次肯肯定唔係第一次不過搵唔返再之前嗰啲就算啦。因為記得佢個飯都係普普通通，只係啲肉燥都唔難食，勉強可以送晒碗飯，咁都冇咩好講喇。另外叫咗 $32 嘅「脆爆雞翼」三隻，其實就即係炸雞翼，冇咩特別嘢發生喺佢身上，就係好一般好純粹嘅炸雞翼。嘢飲方面，食嗰個咁嘅飯加 $7 飲「鮮奶冬瓜茶」，冇預佢好飲所以普通味道都冇令我失望，咁樣夾埋就 $107。有圖片記錄嘅仲有一次，就係食 $65 嘅「紅燒牛肋條麵」，呢個就比較似我第一次會叫嘅嘢，不過睇返日子係後啲就由佢啦。咁同上次感受唔同，個紅燒牛肋條係整得唔差，可惜僅此而已，紅蘿蔔、豆卜都係令人提唔起勁嘅。飲品方面，今次我叫嗰個好似係要加 $12 先有普通嘢飲，同上次嗰杯特飲唔同。咁我就飲「仙草奶茶」少甜少冰啦，味道都平庸得嚟有啲假，夾埋又剁我 $77

叫個牛肉麵餐 上左飲品之後 就係咁等催左幾次都話整緊其他桌都要cancel 廚房仲要出啲cancel 左既單一肚氣 飲品仲要收正價加一大家趕時間千祈唔好幫襯 伏中之伏永遠black list

因為演唱會去了都會食飯一入到商場湯加，敏華，譚仔甚至上面廣場都爆人，之後落黎台屋最初以為外賣店原來有堂食見不用點等咪等囉雖然檯位有點迫，算啦快閃姐由於唔想食野有2人餐沒叫叫了兩個晚餐湯麵都唔份量細架食食吓侍應見我哋好迫想我哋換位但我哋快食走啦！所以婉拒好意食食下成間餐廳走了8成人（應該都是睇伊健啦）紅燒牛肉麵花枝丸米粉綠茶+珍珠奶茶有水供應，很多人食2人餐唔知好沒食啦！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️Tea 台屋#紅磡 #紅磡置富都會冬菇肉碎蚵仔新竹米粉 $55蚵仔好鮮甜 CP值超高想不到竟然可以用這麼親民的價錢 吃到地道的台灣風味 搞到我都想去台灣轉一圈了選了新竹米粉 很喜歡新竹米粉的口感爽口得來還帶有淡淡的米香味 實在吃得津津有味😙珍珠奶茶 跟餐+$0絕對要大讚這杯珍珠奶茶 茶底不會苦澀 就算叫了少甜也不會失色與奶的味道混合起來特別好味而珍珠的口感亦十分Q彈Encore?Yes 不光好吃 飲料又好喝 重點還要性價比高超滿足的

Tea 台屋炸花枝丸魚蛋新竹米粉+ 茉莉綠茶（無糖）$52今日黎到紅磡置富廣場，經過商場裡的一間台式餐廳，一於進去試一試。今次點了一個炸花枝丸魚蛋米粉，由於米粉店舖是採用新竹米粉所以食落彈牙爽口，湯底不是一般的清湯，夾落見到有幾條的菇，湯底都算係清甜。至於炸花枝丸同炸魚蛋各有三粒，食落熱焫焫，花枝丸味道不是太突出不是很香口，而魚蛋稍為不夠彈牙，加上炸丸不是炸到脆口，整體味道一般至於飲品，叫左杯無糖的茉莉綠茶，綠茶味道不算是香濃，只有淡淡的茉莉味道，味道屬於一般。總結，52$來講真係有點兒昂貴，味道一般，正正常常

唔知點解無左我個食評 唯有再打過啦。今次第一次打食評 我係外賣自取返去公司食我一打開見到咁既色水都已經面有難色，不過心諗算啦，可能相貌不討好姐點知食第一啖已經諗 我係咪應該買過個飯。。我一路都好掙扎打唔打食評 因為好似倒人米咁 但諗到如果真係有下一個食左都會有bad feeling 講下個肉燥飯 其實我唔知食緊乜 首先 個飯好濕好濕 然後個肉燥 真係唔知咩汁黎 好清 然後好大浸蒜味 無啦 無其他味了 姐係好似蒜水加飯 完至於個雞翼 非常咸 不過都好過個飯了珍珠奶茶就無咩特別 會好岩唔鍾意甜既人希望貴公司見到，可以改善下，無人想比左錢食個咁既飯

星期日晚上我在 「新蒲崗」食完晚飯之後，本來在「鑽石山站」乘搭港鐵前往「黃埔」，然後想直接從「黃埔」徒步前往「紅磡」裡面的商場「置富都會」，購買外賣台式飲品「水蜜桃紅茶」。我的星期日目標台式手調飲品店「Tea台屋」，「Tea台屋」本來也都有廚房製作和提供台式食品，不過我在晚餐裡面已經食完「牛腩」，所以只選擇享用外賣自取兼且「少冰」「水蜜桃紅茶」就夠了。「Tea台屋」製造的外賣自取「少冰」凍「水蜜桃紅茶」飲品，「水蜜桃紅茶」裡面的「水蜜桃」甜味算是頗為明顯，只要在享用「水蜜桃紅茶」飲品之前，把飲品完全搖勻就飲到「水蜜桃」的甜味。「Tea台屋」冰凍「水蜜桃紅茶」飲品的表面，泛起了一層泡沫，泡沫應該就是來自食店廚房店員，在手調攪拌製作「水蜜桃紅茶」飲品時，「水蜜桃」糖漿跟紅茶互撞之下而產生出來。雖然我已經在付款購票的時候，事先向「Tea台屋」店員要求為冰凍「水蜜桃紅茶」飲品去除大部分冰塊，結果我打開「少冰」「水蜜桃紅茶」飲品杯蓋，發現飲品的表面還剩下少許冰塊。所以我最初從「Tea台屋」新鮮製作而成的冰凍「少冰」「水蜜桃紅茶」飲品裡面喝到甜味，然而「水蜜桃紅茶」的甜味最後在所難免地，隨著冰塊融

今日在置富都會商場搵地方食午餐，見有間台式料理餐廳，即時入去試試叫了一份酥炸雞球拼青瓜飯$58，炸雞球非常香脆可口，醃得好入味，雖然外面炸到好乾身，仍然保留著豐富嘅肉汁，加埋又爽口又清甜嘅青瓜，食晒成碗飯，好満足跟餐免費奉送一杯台式珍珠奶茶，茶味夠香濃，珍珠煮到軟硬適中，咬落好有口感🥤

8點幾黎到置富商埸 完全冇人 超級靜仲要得返幾間食肆有開起冇選擇嘅情況下 揀咗依間台灣野入去得2枱客 (連埋我)餐牌選擇一般 不過唔算吸引點咗個蟹肉濃蕃茄湯米線 ($58)樣子都okay 嘅 起碼望落正常米線份量多 食飽 麵質就唔算好食 滑身不過冇咬口? 冇乜質感有幾條娃娃菜 少少冬菇 2個豆卜 啲豆卜好難食 好硬 又冇乜豆腐味😶依個係蟹肉做餸 但係蟹肉得幾條絲咁... 其餘都係蟹柳... 仲要蟹柳連仿蟹柳味都冇 淋到爛曬 完全唔知自己食緊乜👎🏻湯底就可以嘅 幾濃蕃茄味 又好似有真蕃茄粒🍅米線索湯 味道還可以-味道起台灣野入面真係比下去服務一般 係得個waitress好啲 收銀個男人態度已經唔好 有面色環境麻麻 可能因為成個商場都好殘舊咁?衞生唔好 啲餐具放起枱櫃到俾人自己拉出黎拎 萬一上家打咗個哈啑或者摸完放返入去...啲菌就俾下家食曬價錢又唔平...貴過一般好食嘅台式連鎖餐廳 明明蟹肉都係呃人嘅 蟹柳平咁多 仲有加一😾超唔抵食!建議冇特別 唔好黎依個商場 再唔係行遠少少去黃埔 多好多平靚正野食

最愛台式食品 🤣今次叫左外賣香蒜肉碎柯仔炒飯 份量足夠 👍再加杯珍珠奶茶 係每次必選的 唔會太甜 而且走冰 味道剛剛好 價錢正常 呢區黎講 差唔多啦 幫親過幾次 員工都非常nice 今次因疫情所以叫左外賣 期待下次再堂食 再慢慢品嚐台式午餐😝