魚米之尊 (Closed)

朋友介紹話呢間食私房菜幾抵食，所以假期就一行十二人去試。其實都知道食私房菜在訂位時係唔會有menu，不過無理由去到現場、食緊，侍應都話唔知！咁就真係出奇！當晚坐低後，有位人兄來同我們介紹點樣叫飲，有咩唔食之類，後來起菜時就就像一般酒樓一碟一碟上，大家自己夾，總括來說，有23碟菜，大概有：素魚、炸豪、草菇葉、鯇魚皮、西蘭花、豉汁魚、煎泰餅、白鳳爪、百葉、田雞腳、炸煆、紅油炒手、蒸蛋白、焗薯、田雞扣、豬頸肉、豉油雞、魚扣、炒飯等等。由於食12、13碟的時候，大部分都係食素、無肉食，同埋每碟份量好少，同隔離6、7人份量差不多，於是同個話事人講，佢話由於佢唔知買料落單那個拍檔買咩料，所以唔知仲有，不過肯定我只係食到一半；到後，上親都大大碟，有翻的肉類。不過我其實唔係想投訴，只係想公平！如果我俾錢係諗住食素，梗係無問題啦，否則碟碟上親都係素，真係有問題！雖然如此，講食物質素，真係一般，不過以咁價錢食到咁多碟，真係幾抵食！我就俾okay！如果能在上每一碟菜都講個名會更加好，因為有時真係唔知炒碟咩！最後，想提提有關方面，如果個女廁可以企理返會好囉！有話我想俾個咸面囉！

朋友介紹話呢間食私房菜幾抵食，所以假期就一行十二人去試。其實都知道食私房菜在訂位時係唔會有menu，不過無理由去到現場、食緊，侍應都話唔知！咁就真係出奇！當晚坐低後，有位人兄來同我們介紹點樣叫飲，有咩唔食之類，後來起菜時就就像一般酒樓一碟一碟上，大家自己夾，總括來說，有23碟菜，大概有：素魚、炸豪、草菇葉、鯇魚皮、西蘭花、豉汁魚、煎泰餅、白鳳爪、百葉、田雞腳、炸煆、紅油炒手、蒸蛋白、焗薯、田雞扣、豬頸肉、豉油雞、魚扣、炒飯等等。由於食12、13碟的時候，大部分都係食素、無肉食，同埋每碟份量好少，同隔離6、7人份量差不多，於是同個話事人講，佢話由於佢唔知買料落單那個拍檔買咩料，所以唔知仲有，不過肯定我只係食到一半；到後，上親都大大碟，有翻的肉類。不過我其實唔係想投訴，只係想公平！如果我俾錢係諗住食素，梗係無問題啦，否則碟碟上親都係素，真係有問題！雖然如此，講食物質素，真係一般，不過以咁價錢食到咁多碟，真係幾抵食！我就俾okay！如果能在上每一碟菜都講個名會更加好，因為有時真係唔知炒碟咩！最後，想提提有關方面，如果個女廁可以企理返會好囉！有話我想俾個咸面囉！

這是我第一次在這兒給評語，多多指教！我去的是旺角分店，朋友介紹！私房菜也．．．這餐廳的食物用料只是普通貨式，甚麼豆腐干、芽菜豬牛雞，但食的是廚房的技巧，口味幾特別，對大食的我是不夠食，好在同枱的全是細食ｏｌ，足以填飽我的胃，埋單位位一百大元，ｏｋ啦！

5:00pm 同2個朋友行旺角想坐下，心血來潮就決定魚米之尊下午餐好多款，$18~25不等食左「吞拿魚奄列餐」$18連一件花生醬多士連熱奶茶(凍飲+$2)味道好普通......下次要再試下米線餐，話哂係招牌菜式，應該會特別D

上堂後，同老婆亂咁行，見到呢間唔知怎的就入左。沙薑雞飯餐- 沙薑雞好味，份量都多。米線餐- 魚湯係有味精，但都唔好味啦，起碼之後我都唔係太口渴。價錢係好太，旺角區喎，很不錯啦。

呢間o野我成日去食私房菜，真係幾正喎，我好中意頭盤果個涼伴魚皮，仲有辢子蚝，魚湯，魚香茄子雞...。食私方菜都好正，不过佢\d野就唔係d咩貴o野，但係四五個人去都食都幾多款架，都幾好味，不过一時時啦，有時食都飽死，有時都未飽佢\就停菜。總括來講, 一人比$105食到咁多款，都抵啦！d野仲幾好味！幾個人去吹下水仲可以坐好耐....。不过有少少嘈囉！

服務態度十個差丫唔該一、個伙計成盤野飲倒落我個身度! 咁你咁淋完我, 正常唔係大排檔我都expect 你點都會做番少少野作補償啦~ 我唔係話貪你個少少錢, 但係你咁做會令人覺得你有誠意d lor! Even 你唔小心淋到我, 我都會覺得你service ok, 會再幫襯~ 但係呢度個經理(果個應該唔係老闆), 我問佢, 你打算點~ 佢淨係叫我拎番洗衫錢去佢地度claim 番~ 咁我直接講話想佢張單折番當補償~ 跟住佢即刻卸晒落個伙記度! 話你想我點先, 我折俾你條數都係落番個伙計度ga wo! 卸到佢丫…二、我地有成廿幾人去, 早幾個鐘我地打去book 位啦, 佢都話無問題, 只要我地唔好再無啦啦加人同埋accept 到逼少少就得~ 咁我地都ok啦～　但係我地無諗過要坐成晚都無咩到肚lor ~ 由８點坐到１０點都只係飲左個湯同黎左４碟～　如果4個人咁食法都應該ok, 會飽~ 但係十幾個人share 4碟, 基本上係一人一啖, 好似試菜咁, 尤其是佢碟菜的size 同人地2 個人的size 係一樣~ 跟住一路坐到12 點幾都keep 住係坐勁耐先黎一碟, 唔催都唔黎咁! 跟住咪問個經理點

食物都可以, 其實都唔記得食過乜, 廿款裡面有4至5個餸係我地覺得"唔, 呢個好味!" 尤其係最後個桂花糕!(老闆仲送多一碟), 其他就冇乜印象.不過上菜的次序好奇特, 一冷一熱, 以為都應該食完, 點知仲有成四五個未上, 真係幾多!整體算唔錯啦, 我地十個人, 食下傾下, 坐得幾舒服, 其中有人認識那位肥老闆, 所以招呼唔錯. (不用受氣, 哈!)但其他伙計就好迷茫, 問佢碟餸係乜都唔知, 次次都要去問人..

上星期日，打完波和朋友去食，因為朋友說去那就去吧，雖然經常見到這間食店，但就從來沒有想過試！好...先講，環境都不錯，都坐得舒服！再講食物，我們四個人叫了不同的下午茶餐，其實講食物質素和價錢我覺得不錯，我自己點了火腿通粉+奶油多+煎蛋+凍飲的餐，$18真的很超值，但講到服務真的不屑一提！首先客人對自己點選的餐有改動不算有問題，我是消費者我絕對有權這樣做，但該位落單的女仕應，我差點想給好一記耳光，由於我對牛油有抗拒，所以我叫她走牛油，奶油多變成奶多，另外煎蛋變炒蛋，但她聽到竟然對我說：嘩..你咁多野轉呀。一臉不悅的樣子，然後到我的朋友說的時候，她竟然又說：唔好講住，我咪寫好呀。我們真係"頂"了一聲，今時今日這樣的服務態度算怎樣，做得那麼不高興就不要做吧！一間餐廳不是食物質素及價錢好就可以，服務態度都很重要，我一定不會再光顧這間那麼有禮貌的食店！

我地觀塘職訓同學會10個人去食~ 2男8女~ 已經食到好飽時啲菜仍然不斷咁上~ 我地差啲要求個侍應唔好再上~ 跟住老細走出黎問:『做乜食剩咁多野呀?』~ 因為啲菜多到都唔記得食咗幾多款~ 咁我地咪反問個老細:『你上咗幾多款菜呀?』~ 咁佢就去睇吓張單~ 跟住話:『車~ 21個款之嘛~ 咁都食唔晒? 你地兩個男仔點做架?』~ 咁我唯有同佢認錯~ 同佢講聲對唔住囉~ 費事激嬲佢又整幾兩,三款菜黎~ 真係會飽死人架~ >.<雖然唔係名貴野~ 但105蚊有21款菜又免加一~ 而且碟碟熱辣辣(除咗冷盤囉)~ 味道都ok~ 你重想點? 老細說:『菜既多少係視乎人數而定~ 2個人去食至少有11款架~ 多啲人咪多幾款囉~』至於冇得點菜咩? 人地特色黎架嘛~ 唔洗諗食啲乜~ 其實都幾好吖~ 唔洗煩嘛~ 另外~ 女侍應的確係冇咩笑容~ 不過男侍應都幾攪笑吓~ 或者我地女仔多啦~總括黎講ok架!!

尋晚同朋友9個人第一次去這店去食私房菜, 大家都不太滿意~1. 女仕應全程黑面對待, 態度惡劣!!2. 環境很擠迫和嘈吵3. 食物全部都很細碟, 好像試菜般, 每人只可食到一啖4. 沒有menu, 我地係完全唔知佢會有d乜野食or 有幾多碟野食5. 所有菜都只是一些廉價的東西, 如炸豆腐, 魚旦片, 通菜, 蕃茄湯~最貴都係得個個一人一隻的扇貝大家食完都唔飽!! 但好在的係飲品係任飲~真係飲都飲飽！！另外啤酒一支要成＄３５好唔抵!!雖然$105位唔係貴, 但我我覺得我地9個人埋單都要成一千蚊, 咁不如俾多少少去酒樓食一圍海鮮餐會仲化算~真係做一次水魚就夠啦, 我地係唔會再去第2次!!

今個星期,我同bf想去試下呢間的午餐，去到的時間是2:00，餐廳有一半客，個女waiter叫我地坐兩人枱，我地羅住兩個背囊，想坐得舒服些，同個waiter講可否坐四人枱，個女waiter話個張係四人枱，唔得，跟住我地同個肥老細講，佢話一陣可能有人客就要轉，我地話無問題。點知個老細呢到我地張枱，叫我地坐入近窗的位，我地話一陣有人客先轉，跟住佢話(仲要黑面，好兇個樣)：「我地唔做你的生意!!」跟住我地走。呢間野簡直不知所胃，態度勁差，以後一定唔會再去，以及幫佢宣揚d禁差的服務態度！

黎ｄ度食lunch巳經係第三次lunch一個set有米線有奶油多有餐茶真係幾抵奶油多真係好香脆，魚湯比魚米家濃，lunch set 係可以揀三款餸，加凍奶茶，成set先係HKD28不過抵還抵，侍應既服務真係差到冇人有好似今日咁我叫個侍應寫野佢講野勁細聲，都唔知佢問乜我"吓"一聲，跟住佢語氣勁差咁將佢之前講既野重覆一次！係佢自己講得細聲，重要咁惡死！就算野食就好味都係咁話，冇人想去服務勁差既地方食野囉！唔該有關高層睇下大家既評語，改善下員工質素啦！

可能我好好彩我去四至五次都無預到其他人所講的問題私房菜: 100元十幾樣野食drink 任飲服務態度: 並不是什麼杉杉有禮奴才咁款

食物: 單純魚湯+米線,不過味道還可以.服務: 差到不行那天我和老婆去,店裡人不多,空位多的是,我們當然想坐個卡位啦!之後那個肥老闆說卡位要4個人才可以坐,我見那些卡位都放了"留座"的牌,心想"ok啦!有人留位,沒辦法!"那個阿姐過來要我們點餐,哇~~~態度非常差!!上菜好像用飛的,超大聲.之後因為有一大堆客黎,要我們換檯,最搞笑是要換到一開始我們要求坐的卡位,我老婆就問她:"那張卡位檯不是要4個人才可以坐的嗎??"之後她都沒出聲,只是拿走個"留座"牌就給我們坐(哇~~~原來個"留座"牌是假耶)我覺得他們只重視那些熟客和來團聚的客人,一兩位的客人他們根本不在乎!!這樣的服務態度不如去大排檔,搞不好還比這家好!!