188
10
6
6-min walk from Exit B6, Ngau Tau Kok MTR Station; Entrance at Hang Yip Street continue reading
All Branches (3)
Telephone
28667755
69606059
Opening Hours
Today
12:00 - 22:00
Mon - Fri
12:00 - 22:00
Sat - Sun
13:00 - 22:00
Payment Methods
Visa Master AlipayHK Alipay Cash AE UnionPay
Number of Seats
82
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Phone Reservation
Delivery
Catering Service
10% Service Charge
Outdoor Seating
Spot payment
Review (211)
Level4 2021-07-04
499 views
前排去完半億噴水池玩完水行大約10分鐘就到Tapa Room, 原本book左7點但太肚餓6點半就到。捧捧鵝肝一碟有3個波波球,好香滑又咸咸香香加埋外面d開心果碎食好好味,一d肝既羶味都無。蟹肉辣忌廉芝士釀甜紅椒🌶,甜紅椒又甜又林充滿加左忌廉芝士既蟹肉,只有好輕微既辣味,小MJ都搶住食。鵝肝比堅尼三文治🥪,好薄既麵包夾住鵝肝醬再煎,好脆口亦充滿鵝油香但食得多有點油膩。烤煎慢煮西班牙黑毛豬鞍架配些厘醋燒汁伴炸薯粒,豬鞍腍滑多汁調味剛剛好,炸薯粒外脆內粉糯,好好味。西班牙海鮮鍋飯好多料,海鮮都好足料有青口,魷魚🦑,蜆,紅蝦🦐。紅蝦應該係急凍蝦肉質有少許霉但都有d鮮味,飯底粒粒分明香濃有飯焦,先生好欣賞這個飯。炸西班牙油條配朱古力醬🍫,每次去西班牙餐廳都會食既甜品,這裡的Churro比較硬脆,表面裏滿肉桂糖,沾點朱古力醬香甜可口。西班牙肉桂多士配新鮮雜莓🍓🫐,有一件內裡係凍的,餐廳經理主動取消了這個甜品。餐廳職員個個都好nice。今餐除了最尾的甜品外,其餘的都好好味,其實仲有好幾款tapas想食,但今餐已好飽,下次一定會再來😋😋 continue reading
(The above review is the personal opinion of a user which does not represent OpenRice's point of view.)
Level4 2021-04-27
75 views
☕️ 食物:👍🏻👍🏻👍🏻👍🏻 /5💰 價錢:👍🏻👍🏻👍🏻👍🏻 /5🤵🏻 服務:👍🏻👍🏻👍🏻👍🏻 /5🛋 環境:👍🏻👍🏻👍🏻👍🏻 /5西班牙餐廳Tapa Room在銅鑼灣、尖沙咀都有分店,這次我光顧的是觀塘店,位於國際貿易中心地下,正正是讓在職男女來個Happy hour的好地方~ 果然聞名不如見面,在香港初嚐西班牙特色小吃,真的非常有水準 😋 可選擇錯室內或室外的座位,環境也算可以,而最令人窩心的亦包括侍應們的服務態度,值得一讚 👍🏻💋 炸黑毛豬火腿球 ($58)點了一個熱烘烘上檯的炸物,外表炸得很酥脆,餡料芝士味很香濃,有流心的效果,咬下去就是有快感!😍 但老實說,沒有特別嚐到/看到黑毛豬火腿,是我太孤陋寡聞嗎?🙄 Anyway,再配上蘋果蜜糖蛋黃醬,滋味非常~💋 捧捧鵝肝 ($58)再來一客冷盤小吃,看食評的受歡迎榜長期處於頭三位,就點了個招牌棒棒鵝肝!☝🏻一客3件鵝肝捧捧,外表就像一個小圓球,味道的確有點像滿口鵝肝醬的感覺,但味道極濃,質感亦較結實,中間有一小塊鵝肝粒,有雙重口感。再特別配搭起香濃的開心果碎粒,一而再、再而三想吃的感覺從此而來~ 👍🏻 continue reading
(The above review is the personal opinion of a user which does not represent OpenRice's point of view.)
Level4 2021-03-09
4913 views
[精緻的午餐]在觀塘和牛頭角交界,主打吃西班牙菜門口搶眼的霓虹燈與另外的分店一樣,可以做打卡位設有露天同室內座位,設計型格又不失時尚氣息。棒棒鵝肝$78將鵝肝醬揉成波波外班圓圓一點也不像鵝肝,加上香鹹味道,既特別又意想不到檸汁白酒煮蜆 $98蜆肉味道不過不失,算是新鮮,但嫌白酒的味道不太突出,可以再加多強;配合夠忌廉的忌廉芝士餡料口感,微辣的味道令人開胃,蟹肉也好吃。西班牙薯仔蛋餅 $78令人喜愛的味道,切粒薯仔和creamy混合口感豐富,再加上熱呼呼的上桌烤牛肉Prime 肉眼牛扒伴胡椒忌廉汁配薄煎薯餅$𝟭𝟵𝟴 主打以 sharing plates 為主題的西班牙 餐廳,將食物切好,裝飾好賣相比我想像的要好,牛肉半成熟,胡椒忌廉汁配薄煎薯餅 飲品選擇多,想要Sangria,有白亦有紅整體而言,與友人都喜歡這家餐廳,無適氣氛、食物、服務都很好,在疫情下都有消毒物品,貼心! continue reading
(The above review is the personal opinion of a user which does not represent OpenRice's point of view.)
Level4 2021-03-03
2166 views
之前食過Tapa Room 尖沙咀分店, 印象的確唔錯, 今次試下觀塘區國際貿易中心地下G02號舖。 店內以霓虹燈管做裝飾✨, 當晚我們各選幾款菜式,棒棒鵝肝$104、 薄切炙燒吞拿魚腩$88、薄切慢煮八爪魚$78、 西班牙黑毛豬火腿24個月$87、 烤煎原隻八爪魚腿配西班牙青醬$208、烤煎肉眼牛扒配粉紅胡椒忌廉汁伴薄煎薯餅$218,飲品有Red Sangria$60、白酒三支價錢分別是$350、$450、$520。⭕西班牙黑毛豬火腿24個月🥓~味道可口, 用來送酒一流呀。⭕薄切慢煮八爪魚🐙~口感軟綿, 帶有鮮味。⭕烤煎原隻八爪魚腿配西班牙青醬🐙~八爪魚腿烤至外層焦脆,肉質煙韌有嚼勁,本身已經有鮮味,點埋青醬就更加惹味, 因為太好味 ,我們又點了兩碟添!⭕薄切炙燒吞拿魚腩🥩~炙燒後入口即溶、油香四溢,味道甘香。⭕棒棒鵝肝🍭~精美吸睛的鵝肝, 賣相好似棒棒糖🍭,加入香料搓成球形, 配上開心果碎, 味道更加豐富。 原先一碟有三粒, 因為我們當晚有四個人, 所以加錢要多一粒, 最後因為太好食的關係,我們點了兩碟。⭕烤煎肉眼牛扒配粉紅胡椒忌廉汁伴薄煎薯餅🥩~肉眼牛排五成熟, 粉嫩多汁又軟腍, 面層有紅胡椒和奶油醬, 紅胡椒添加辛辣和果味, 令味道更加層次, 底層有薯餅, 更有 特色。⭕Red Sangria🍹~紅酒加入白蘭地及芬達,令Sangria成為有氣的飲品, 再加上少量生果, 味道更帶甜美。⭕三支白酒🍾~ 唔記得影第一支白酒$350, 味道比較酸,第二支$450甜甜地比較易入口、第三支$520有烤橡木的口感和酸度平衡。Tapa Room 是我近期喜愛的西班牙餐廳, 無論食物和飲品都幾好。👍🏻 continue reading
(The above review is the personal opinion of a user which does not represent OpenRice's point of view.)
Level4 2021-02-22
1637 views
Tapa Room係一間連鎖西班牙酒吧餐廳,之前已經喺尖沙咀店食過,定價走中低檔路線,比香港唔少西班牙餐廳都要平,但Tapas好食賣相亦唔差,一啲都唔輸蝕,朋友喺觀塘返工,知道附近都有Tapa Room,就約朋友周末放工後黎食下傾下。觀塘分店比尖咀分店大,除左室內仲有室外座位,天氣仲未好熱坐喺室外,感覺都幾relax。西班牙菜一定唔少得Tapas同酒,哩度嘅Tapas有分Cold同Hot,每樣都有好多款揀,全部幾十蚊有交易,驚唔夠飽佢地亦有主菜同甜品。一坐低先每人叫杯野飲先,左邊係Pink Pineapple Cooler($58),右邊係Before Sunrise($108/NH, $76/HH),前者係Mocktail,飲倒菠蘿酸甜味,後者係Gin酒做底嘅cocktail,主要用雜莓溝成,甜甜地好易入口,唔會有藥水味。Cold Cut Platter($88) - 哩個拼盤有西班牙火腿、芝士同紅酒燴梨,細細份,兩三個人要黎餸酒就最啱。火腿鹹度適中,燴梨甜甜地,芝士口感比較硬,唔會好滯。蟹肉及辣忌廉芝士釀烤甜紅椒($98) - 哩道係Cold Tapas,大大隻甜紅椒入面釀滿左蟹肉,因為加左辣忌廉所以口感creamy得黎帶少少辣味,味道唔錯。鵝肝比堅尼三文治($78) - 三文治烘得好香脆,麵包唔會太厚,中間夾左鵝肝,食倒鵝肝鹹香味之餘,又冇平時嘅煎鵝肝咁油膩。巴塞隆拿式烤紅蝦($88) - 紅蝦一客有五大隻,烤到香噴噴,上面仲放左好多香料,蝦肉結實唔霉。西班牙海鮮焗飯($188) - 焗飯係二人份量,雖然唔係好大份,但上面鋪滿左唔同海鮮,有魷魚同紅蝦、青口、大蜆各四隻,非常足料。焗飯係用海鮮湯煮成,所以本身已經有調味,軟硬亦適中。Tapas喺西班牙當地好多時都只係買酒送嘅免費小菜,味道雖然唔差,但大部份賣相都好普通,反而唔及香港嘅西班牙餐廳咁精緻,不過有辣有唔辣,喺香港嘅西班牙餐廳飲酒加食野,食得飽人嘅人均消費四五百蚊走唔甩,而Tapa Room人均三百幾蚊已經可以飲飽食醉確係幾抵。 continue reading
(The above review is the personal opinion of a user which does not represent OpenRice's point of view.)