稻坊 (Manhattan Mid-town) (Closed)

大家飲茶去得多, 都係蝦餃燒賣.....义燒飽今次寫食評比大家, 我個人覺得, 酒樓今次推"點心併盤" ,  擺件認真  , 特價時段都當" 小點" 點心計. , 真係無敵價! 一個人想嘆下茶, 食多幾款點心 ,過下癮又得........ 仲要係超值

今日去咗美孚到稻坊食晚飯，因為啱季節食長腳蟹。Book位嗰陣時要訂阿拉斯加帝王蟹，如果唔係冇得食。去到一坐低，侍應姐姐就走過來叫你去廚房揀蟹，由於我哋四個大人，侍應姐姐推介咗隻5斤4重，望落去勁大隻，仲心諗食唔食得晒。等咗大半個鐘，隻蟹就黎啦！比起海港，好似仲鮮味一啲，海水味好重，每隻腳都啖啖肉，不過蟹膏就唔係好多，最後都好似唔係好夠食😂之後再叫咗個套餐，有條海魚，加兩個餸。清蒸海虎杉條魚想像中細條，但肉質鮮嫩，蒸得啱啱好。魚香斑腩茄子煲呢個煲幾特別，冇肉碎，感覺好似少咗啲嘢，但配班腩都好特別，茄子比較林，可能因為佢切得薄。黑松露滑蛋炒蝦仁呢個值得一讚，成碟餸好香黑松露味，落咗好多黑松露，令到啲蛋好鹹香。而且啲蝦勁大粒，好足料，啲蝦仲多過啲蛋😂 最後每人要叫咗一碗白飯撈蛋食，正！臨走前妹人叫咗個燕窩燉椰皇，$38都算係咁，雖然細咗啲但係上面勁多燕窩，不過燕窩就鞋鞋地，唔知真定假呢

稻坊新整咗個手點餐link, 完全冇晒點心紙！原本用電話落單冇咩問題，但係一scan 個QR code. 竟然係link 去wechat, 唔係同住老人家，真係即刻想走。就算你唔要我裝wechat. 條link 都係wechat. 個waitress 話可以用手機幫我落單，fine. 但我好想投訴，佢話都係得一個QR Code! 意見表都冇，咁惟有上open rice 投訴！我完全唔想為咗食你碟心而同wechat 有任何關係！😡😡😡😡😡

近期成日喺地鐵站見到稻坊$1隻乳鴿的宣傳，搜尋🔍先知美孚原來有分店。門口設有人體探熱機，探完體溫後，員工就問我地打邊爐 定 叫小菜。本身諗住叫$1隻乳鴿，原來星期1-5先做優惠(今日星期6😫😫) 咁唯有叫半隻燒鵝～❤️「明爐燒鵝皇」(半隻) 第一次見燒鵝咁樣出場，玻璃盤下面擺放蠟燭幾浪漫，但食落原來唔夠熱，微暖，蠟燭根本熱不到個盤😂 ❤️「菠蘿咕嚕肉」 真係半個菠蘿架！超大方！擺盤即刻變得好吸睛！咕嚕肉外脆內軟 ，酸酸甜甜，推介!!另外必叫汽鍋湯❤️勁勁勁足料，鮑魚、雞腳、節瓜等⋯ 清甜，正!! 其餘食物都唔錯！坐得舒服，服務態度好，好適合家庭聚會!!

前排想打邊爐，又行過美孚，試下美孚稻坊。最近市道唔好加上疫情，佢邊爐做緊一百四幾蚊一位，兩個人加埋三百左右，唔貴。至於食物，就真係十分多元化，呢個價錢都有蠔食，同一般任食相比已經好唔錯。仲埋佢仲有龍躉球，雖然我就覺得個龍躉球就只算中規中舉，是頭頭尾尾為主，但計番價錢算係咁。甜食居然有脆皮雪條都幾驚喜，好好食。而且佢放置既自取食物例如丸係放得好乾淨整齊，抵讚! 羊肉同豚肉都新鮮好食。呢個價錢可以話係超值。

稻坊係稻香嘅升級版，如果屋企人家常便飯都係一個好嘅選擇，乳豬、炸子雞同樣皮簿，又脆皮又肉嫩，條老虎斑蒸到剛剛好可以骨肉分離好滑，其他普通小菜味道恰到好處不會油膩，除咗佢樓下嘅家傳滬曉係我飯堂之外呢間就係第二選擇

稻坊美孚寶輪街1號曼克頓山商場(曼坊)1樓102舖今日星期日約好晒同班親戚食飯，順便提早慶祝父親節，因為怕下星期食太多人啦，哈哈…一開始已經決定左食中式野，因為屋企有老人家，最後決定黎呢間係美孚曼克頓山商場既<稻坊>。我地BOOK 左位6:30，都唔算太full 大約坐左6成人到啦，不過慢慢開始都愈黎愈多人啦。見到酒樓呢期做緊推廣阿拉斯加帝皇蟹，望落好似好正咁，堂食$228/斤，大家都心郁郁想試下，一於豪一豪佢，最後就揀左一隻5斤重既帝皇蟹。待應送到黎既時候，大家都嘩然，真係好大隻個蟹蓋好似塊面咁大，蟹腳同蟹鉗都幾粗下，大家都好滿足。除左主菜帝皇蟹之外，我地都叫左其他既小菜都唔錯，下次有機會都會再黎幫襯。

最近稻香又有一蚊雞優惠 同埋 阿拉斯加長腳蟹$188.8/斤我地星期五夜晚6:30pm去到都已經坐滿晒人我地專登嚟食一蚊雞兩個人就可以叫一隻 我地8個人叫左3隻 🤤🤭見到啲雞真係好興奮仲要真係唔細隻 皮又脆 肉又嫩 勁多肉汁 😍 係出面食俾市價都未必食到衣個質素拎住隻雞髀啖啖肉食得超爽! 😋每隻雞仲會有幾塊蝦片送個阿拉斯加長腳蟹 我哋叫咗凍食因為會鮮甜啲隻蟹超巨型 用鉸剪剪開之後攞蟹肉出嚟 成條蟹棒同隻碟一樣咁長😱😱😱成隻蟹$980 8個人食每人一隻腳都已經超滿足 仲要有勁多蟹膏同埋汁 撈白飯超正不過優惠只適用於平日6-8:30pm (太晏去可能會賣曬) 同埋唔知優惠做到幾時呢

稻香集團每年都推出$1一隻雞，每兩人可點一隻。點了$1雞，比往年的要大隻，我們三人吃也足夠有餘。這雞原隻上，店家提供剪刀和一次性手套，由顧客自行分吃。皮脆肉嫩，味道又好，這雞真好吃。三人中有人是乳鴿控，所以雖有燒雞，仍點了一隻紅燒乳鴿。這乳鴿肉厚肉汁豐富，味道也好，$38一隻，抵吃。可惜吃的時候皮已不脆，為何皮已不脆，這和服務有關，下文再述。黑松露滑蛋炒蝦球：黑松露香，炒蛋滑，蝦球大，蝦肉也爽彈，不過整體來說有點過鹹。汽鍋海中寶：這湯味道不錯，而且湯料很豐富，有鮑魚、瘦肉、雞肉、雞腳等， $18一份真的很超值。本來覺得這酒樓的環境也算不錯，但是我們去了女廁一趟，觀感就大打折扣。女厠入口有水不停滴下，店家用一個盤子接水，一些廁格地面很濕，令人覺得衛生欠佳。此外，這兒明顯人手不足，特別我們坐在房間內，很多時候都找不到，要自行走出大廳找。上文提及吃乳鴿的時候，皮已不脆，就是因為上乳鴿時沒有附上喼汁和淮鹽，我們先後請三個侍應拿取，都沒給我們，結果是我自己走到廚房出菜口那邊拿的，結果乳鴿也變涼了，皮也不脆了。總括來說，這晚的菜品質素是不錯的，因為在做推廣，價錢也很親民，但環境和服務方面有很大的改

琴日收工，就約左朋友去美孚傾野順便食晚飯。行到去曼克頓山商場，發現左原來稻坊有任食，咁就入左去試下。坐低後就比左個QR Code 我地用黎點食物。用手機落單真係好快就送上食物，落完後 2-3分鐘就送到，真係幾神速。另外佢都有得比你用紙點菜，不過時間就耐好多，要大約要10-15分鐘。職員還說，手機點菜的食物種類會多一點，應該是有新食品加入Apps 比重印菜單易吧。先去拿醬油，種類不多，麻油，香菜都沒有，這個是有點失望。點了鴛鴦湯底 (應該是清湯和沙爹)，湯底就有點差，又不能說很差，應該是很一般，清湯就像清水加一些菜，下次再幫親就試其他湯底。整體食物方面都是Ok 合格的．羊肉片肥牛講番食物方面，種類很多，海鮮都很多，不過肥牛就有點差(這個價錢差不多吧)，羊肉片好一點，鮮牛肉都還可以。雪糕，雪條，汽水種類不算多，不過都算不錯的。總結這餐算是合格的。

家門口最近的茶樓，因為近！之前經常來，從早茶、午餐、下午茶到晚餐，平均每星期6、7次！現在比較少來，原因是服務差：1)漏單情況嚴重，晚餐尤其差，晚市未推出火鍋放題之前，我們來吃晚餐，一般點４個菜，總有１個菜漏單，吹4、5欠次才來；2)入座安排差！明明有位，硬要安排搭枱，而且坐得比較擠！3)經常推消，月餅、糉、年糕、盤菜，幫１個買，會湧來2、3服務員！食物方面，比較好的點心：#蝦餃皇#香煎蝦米腸#香草芝士大蝦球烏冬底#糯米卷#蒜蓉蝦春卷晚市比較好的小菜：#吊燒雞#貴妃雞#清蒸沙巴龍躉#惠州梅菜蒸菜芯#海味雜菜煲

改了放題火鍋價錢可以接受，食物質素較普通酒樓好，自助區食物多選擇，但五六日公眾假期日子去用膳時間較短，只有2小時用膳，平日多半小時，但這酒樓女服務員態度同服務真的超級超級差，D阿姐服務員很喜歡串客人，而且枱上空碟堆積如山是沒有人會主動過來收碟的，你每次都要主動叫阿姐收碟，D阿姐就會黑住臉來收😒，其實每年都只是會去一次兩次，因為服務真的很差，如果服務有改善也會多去，因為地點也方便揸車人士，對服務沒有什麼要求人士的可以一試！

20:37中分別叫的所有食物約15至20分鐘後送到，但沒有海鮮送到包括蠔，帆立貝，蜆，蝦，雞子。9點15分終於等到食物，期間詢問左2次店員先有，點的食物質素中等，而自助區較多丸量，食物種類感覺不多，食物平均每次等15-20分鐘以上，價錢約200$一位

長腳蟹挺來了，今天跟家人一起來品嚐晚市人很多，除了特意來食蟹的，也有來打邊爐，坐無虛席預約了6點半，人齊就入座長腳蟹要預定，斤兩到時選最後選了一隻5斤2，4個人吃蒸蟹需時，小菜先上因為蟹選了斤兩較大的，所以小菜就只點了幾個，免得吃不玩最愛的咕嚕肉，好吃藕餅我沒有吃，但家人說略嫌太油清蒸鮑魚是晚特價，$88/4隻，比咕嚕肉還便宜再來一個炒清菜，還有是晚例湯不斷看著別桌的蟹都上檯，等了一陣，我們的蟹也上桌了好滿足

中午1點同屋企人到美孚稻坊飲茶，一行三人因為大家都減肥所以唔算叫太多野。第一個叫咗個蒸龍躉藜麥飯，起初以為會好似其他酒樓咁用竹籠連荷葉底蒸，但原來只係用個砂煲上，龍躉合共有七八件，份量合理而且算新鮮，四條菜心可以切返短啲會比較好，飯底有少少乾，但可接受。另外叫咗個蒸流沙包，賣相係一個卡通人物，算係幾有心思，上嘅時候熱辣辣，搣開食嘅時候奶黃唔算太流沙似普通奶皇包，不過都幾好食。仲有叫咗個蒸棗茸糕，上嘅時候都係熱辣辣，紅棗味好香，但個人認為甜左少少。整體而言，作為美孚街坊一個月至少到飲茶一次，呢度飲茶同埋晚飯都唔錯，係值得推介嘅家聚好地方！