Read full review
2022-09-26
367 views
一直以來我都係譚仔嘅忠實粉絲,每個星期都要食一次譚仔,真係有莫名嘅吸引力。佢哋嘅辣道同埋湯底真係比起出面嘅米線店更勝一籌,真心無人能敵!平時我多數堂食嘅,因為堂食先可以食到最熱辣辣嘅米線,啱啱煮出嚟一定比放咗一陣更加好食,而且米線唔會癡到一嚿嚿。我就好少會叫外賣返去,今日因為好趕唯有叫外賣返屋企食啦。點知打開蓋真心嬲咗,有冇搞錯啊,啲米線少到咁離譜嘅!一個外賣盒入邊,你裝得個半碗,咁請問你個外賣盒咁大攞嚟做乜㗎,啲米線三啖食晒,同堂食嘅份量簡直係對左半!真係好質疑佢係咪比錯咗少米我,望吓張單又正常啊!價錢你又照加,份量你又不停減,點樣繼續支持呀?!
Post