譚仔雲南米線 (小西灣廣場)

Open Now

Now Closed

唔知點解譚仔係有一種無法抗拒嘅味道有時係歐洲去旅行食得西餐多會突然好掛住食米線久唔久 我會同同事們一齊食譚仔放題放題意思係要點哂譚仔所有小食例如有尖椒皮蛋 土匪雞翼 蒜泥白肉 樣樣都好惹味呢三樣係必點！！！！！譚仔湯底之中酸辣係食得最「舒服」原因係辣又唔係好大辣嗰隻又可以治下辣癮有時太辛辣食唔到其他嘢 流哂鼻水 食到好辛苦咁就唔好了！！！一人一碗米線再配我最鍾意既墨丸幾碟小食 share 食一杯凍檸茶少冰清哂 認真滿足呢！

今日去譚仔食腩肉米線啊，腩肉嘅份量小西灣嗰間的而且確係多過尖沙咀嗰間好多。今次我食十小辣啊，個湯底一如以往都係好美味嘅，另外叫左杯凍檸茶，價錢43元左右。好滿足的一餐。

兩個人叫個套餐加兩個小食，份量剛好👍🏻👍🏻四川雞翼係雞翼中最辣，不過亦係最好味👍🏻豬耳爽口好味🤤🤤星期一晚上唔需要等位，讚😍環境乾淨舒適👍🏻👍🏻

今晚食完晚餐特別肚餓，想食多個米線，老婆都有同感 所以叫左個套餐share.縱使小西灣開多間三哥，但呢度始終多卡位，坐落真係舒服好多。又有下午茶同儲印花，食慣左就係慣左。不過有時個重慶會突然好咸，有時d阿姐做到嘈底。。

話說我係一個譚仔迷，等左小西灣好耐，終於有譚仔米線。譚仔又平又好食，一個餸都只係加$5或者6蚊，而且好多小食都係必食之選。小西灣間譚仔有好多座位，位置寬敞，空間夠大，一個人坐四人為都唔係問題，而且譚仔姐姐態度好好，我一坐埋去佢就俾咗個餐牌我，仲介紹新開張優惠小食有平。今日要講就係麻辣豬耳，因為唔鍾意食芫荽同葱既關係，每一次都會預先叫走，但今次姐姐竟然主動問我需唔需要或者可能全部都係屋村師奶落嚟做，啲人都特別親切個豬耳好夠凍，而且好入味。如果有時諗唔到食咩餸，叫個豬耳加淨米線都唔錯

每次去親譚仔，都一定會點佢哋嘅青椒皮蛋及蒜泥白肉，青椒皮蛋辣度適中，有好香嘅皮蛋味；而蒜泥白肉，有兩款份量可以選擇，如果兩個人食，建議可以點過大份，大量嘅蒜蓉帶出陣陣蒜香，用嚟配合米線實在一流

譚仔一向都係我中意食既米線店之一，難得平日可以唔洗返工，當然去食返個下午茶呢間譚仔可以話本人去過咁多間入邊坐得最舒服既一間$32蚊可以有2個送加飲品都真係幾抵咁由於價錢平左，米線份量都會少左本人就叫左個魚腐牛丸中辣米線湯底無可奈何係有一種譚仔魔力，麻而辣但唔會好嗆口魚腐係我必點之一，因為佢吸哂湯既精華，好入味牛丸幾爽口彈牙，牛肉味都幾香本身想叫個蒜泥白肉，但礙於豬瘟有d怕怕地，就試過口水雞翼個醬汁同尖椒皮蛋既一樣，少少辣且香麻油味，雞翼有3大隻，佢會切左一半黎浸汁，所以相當入味餐牌⬇⬇總括黎講:下午茶真係幾抵食而且呢間環境舒服，可以慢慢歎

今晚同老婆去咗譚仔食晚餐，點咗過橋米線、蒜泥白肉同青椒皮旦，由於我唔係好食辣，過橋米線點咗清湯底，佢嘅份量夠多，足夠我地兩個食，足料，皮旦同白肉有水準，但對我而言，係有點辣，如果唔食得辣嘅朋友請注意

今日有啲趕時間，唔想花精神時間諗食啲咩，就決定去老地方「譚仔雲南米線」醫飽個肚。可能過咗午餐高峰時間，所以都唔使等位就可以直入，譚仔阿姐嘅特色口音廣東話，落單倍感親切。我點了一客雞肉米線、重慶三小辣。湯底依舊麻辣香口，飲兩啖很刺激，但飲得出的味精稍為重手，因為飲完有小小口渴。雞肉比較鞋口，但份量都幾多，算係幾飽肚同足料。米線算係幾出色，因為索晒湯底啲麻辣味，同時又煮得唔太林，適中。總括來說，水準算係保持到，OK啦。

有時就係無啦啦會想食譚仔。做完運動之後, 就想去譚仔食番碗重慶麻辣米線一如以往呢間舖頭好準時開門, 亦都好準時閂門。我就叫咗個重慶三小辣雞肉走韭菜。我覺得譚仔同三哥嘅分別就係, 譚仔係好食過三哥。同埋啲姐姐 係比較有禮貌分量好大碗, 就算做完運動都食唔曬。質質素唔錯, 因為米線呢十分嫩口, 雞肉好滑, 份量都好多。唯一嘅缺點就係價錢越黎越貴。34蚊一碗麵。以前20蚊樓下兩餸連嘢飲。 凍飲唔洗加錢。到而家真係貴咗好多喇

難得放假又咁耐冇食米線，一於搵譚仔整碗嚟食先。譚仔最大賣點係咩？除咗米線，仲有就係譚仔呀姐喇🙎🙎🙎一如以往叫咗“碗基肉勿演蕃茄湯底山小辣”。雞肉墨丸蕃茄湯底中辣 $43譚仔嘅蕃茄湯底真係有蕃茄肉，米線比轉款之前彈牙，最敗北係啲雞肉轉咗做雞條碎，完全冇晒咬口🙀🙀btw ，成碗米線酸酸辣辣，係幾開胃嘅。不過作為大食之人嘅要留意一下，碗嘢份量唔算多。大食嘅手足可以單拖試試個過橋米線套餐，包棒住個肚走

區內多間粉麵食肆，個人最喜愛吃譚仔三哥雲南米線，有五款湯底選擇，我唔食得辣，但又喜歡，於是就叫了最少辣的湯底，雞肉嫩滑👍，腩肉不太肥👍，米線又可選擇減少份量，不浪費，下午茶餐最抵食👍

呢排日日收工都好夜，米線控當然要食返個譚仔慰勞一下🍴周圍都有譚仔分店，唯獨小西灣呢間最得本人歡心，因為坐得舒服，而且味道質素穩定同岩我心意😂本人例牌--腩肉中辣米線(走芽菜)湯底味道適中，麻而痺辣😋，而佢既辣味真係獨有，出邊的確食唔返同埋呢間既辣度都好穩定，試過有d分店既中辣=小辣😂唔夠辣既會唔過癮腩肉肥瘦分明，不過有d切得較厚😪，冇咁易吸湯米線呢間煮得軟硬適中且吸湯力高😋，試過有d分店會煮得好淋，一夾就爛咁總括黎講:譚仔好似有種魔力，會食上癮咁，而且呢到外賣會將湯同米線分開👍唔會將米線浸到淋哂🍳🍴味道: 7.5/10👩👨服務: 7/10🏠💺環境: 7/10💰💸抵食: 7.5/10總消費: $35 (1人)

雖然星期六休息，但總覺得比返工作嘅日子還要忙！未食早餐，又未食lunch，餓到打曬鼓😑 趁仔仔打完波，同佢一齊去譚仔食米線我比較愛食米線，意粉等多於食飯，加上堅肚餓，譚仔正切合醫肚嘅需要以九秒九速度揾位坐， 可能未夠一點鐘嘅關係，仲有很多座位叫了雜醬加雞肉米線(十小辣🌶)原本也擔心十小辣仔仔未必食到，但我嘅擔心未免多餘，見他食得津津有味，仲好得戚咁話: 唔覺得辣喎 他還要添食呢！幸好米線份量也好多，同仔仔share食一碗我也夠飽肚 仔仔很鐘意食炸醬，而我每次來譚仔，必定會點雞肉，個人認為雞肉夠滑易入口，雖然譚仔米線未必是我認為最no.1米線，但若然肚餓又就腳的，還是會再來幫襯

每次黎到小西灣商場，都仲意到譚仔呢度吃野，每次都仲意叫最大碗最多餸最多料既米線。價格唔算貴，大大碗五十幾蚊，里邊既料非常多，一碗足够两個人。清湯底既味道唔錯，抵死！