Video
Opening Hours
Mon - Sat
12:00 - 14:30
18:00 - 23:00
Above information is for reference only. Please check details with the restaurant.
Signature Dishes
係亞士厘道行左好幾間食店，最後解定去樓上居酒屋一試 ~雖然唔係啲咩高級日本料理，但出品都幾好，服務倘算殷勤，而且閒日唔會太多食客，坐得舒服、燈光柔和、氣氛溫暖，同三五知已把酒談歡係個幾好既選擇。叫左支 500ml 既櫻山清酒飲，HKD290。侍應攞住一盤酒杯比我地揀，而且款款不同，只得一隻，我就揀左隻圓點花紋既。一向櫻山清酒甜味夠重，入口容易，凍飲好清新。免費前菜沙律，點海鮮醬食加呢，有紅蘿蔔、西芹、青瓜同椰菜，都可以啦。如果採用啲較多水份既蔬菜同埋溫度凍啲好醒神好多。胡麻鮮蕃茄，一係 menu 度見到即刻想食，好多地方都有供應，酸酸甜甜又多汁，好開胃既前菜小吃。日本廣島蠔烏冬煱，全晚最滿意既一道菜，用熱辣辣既鐵鍋捧上，嚥靭滑溜口感既鳥冬，一食便知係手打烏冬，雖則未必係師父即日自家制，不過真係非常好味。日本醬油湯底加上大蒜、紹菜、什菇同唐好菜，好鮮甜。廣島蠔鮮嫰多汁又 creamy，濃郁鮮蠔味充滿整個口腔，好正。手打烏冬加埋依個熱辣辣既湯底，實在太好味，連食兩大碗，朋友仔只食得一碗，so sorry 啊。細刺生併盤，雖唔講得係非常美味鮮甜，但已經好好的了，百多元港紙乍。有帶子、牡丹蝦、魷魚、章魚、海膽、劍魚、三文魚，七種。帶子滿意啦，都有啲甜味；牡丹蝦呎碼略細，新鮮度同口感未能逹標；魷魚夠爽夠腍口；章魚太咸，個人不太欣賞；劍魚反而幾好，軟棉棉，跟其他餐廳啲索索聲既口感完全唔同，讚；三文魚一般；海膽最正，好鮮味，配紫菜卷住食，好香甜呀 ﹗牡丹蝦略厭 size 細左啲，個人比較喜歡大蝦，口感會更爽更膠，正呀。帶子如用上珍寶就更好喇，甜到無可想像。魷魚切片比切絲既口感會更好，依家切絲就食唔到鮮魷魚既黏口同爽脆感。我想相信如果有如此質量，價錢貴一點都無問題啦。魚籽軍艦，大大粒魚籽，味甘甜，咬落卜卜脆，好有魚油香味，好味。燒雞心，有唔係即燒，只係反熱之厭，因為只係微暖，唔係熱辣辣，口感有點乾、有點硬，同我係其他食店食開既爽嫰彈牙又多汁完全唔同。燒明太子釀雞中翼，唔太喜歡明太子既味道，而且雞翼都燒得太乾，無肉汁。如果用雞肝、鵝肝、豬肝、豬肉碎、門鱔魚春或門鱔肝，味道會更鮮、更出眾。三文魚手卷，三文魚條夠鮮甜，都可以啦。如果加入青瓜條、牛油果或蟹籽，口感同味道會豐富好多喎，依家有啲美中不足同有啲 dry 既感覺。依餐兩個人埋單 HKD807，合理價錢，唔算太貴，滿意又食得開心既一餐。
continue reading
要上樓的居酒屋，樓底很高，檯子不會擺得密麻麻，坐滿卅人亦不迫夾。偏廳以珠廉相隔，街景與燭光相伴，浪漫好氣氛，說悄悄話必有意思，同街的八王子及京世，就少了這點隱秘氣氛了。試過餐前小吃野菜沙律，蘸自家調味麵豉吃，正宗不過，之後又試了北海道白粟米，他們說是刺身，不作加熱，營養無流失，味道亦特別甜美多汁，不用柴火，環保又健康。更多新店試菜分享＠惡男新居http://hk.myblog.yahoo.com/yahitemboy/article?mid=110
continue reading
亞士厘道太多食肆了,見此店是新開,午市又無加一服務費,便約同事一起試新野.第一次來, 試了”牛肉煮蛋飯及稻庭湯烏冬套餐”, $50都幾值價. 牛肉不是肥牛,雞蛋的生熟程度剛剛好,蛋白可以滑到一吮入口. 烏冬亦煙韌,連麵豉湯也很足料,不止豆腐咁簡單.此新店都幾值得試,因為service好兼冷氣猛.
continue reading
本身係燒鳥亭常客嘅我﹐今次有被呢間新店吸引呢! 位置幾方便 好容易揾!小店容納嘅人唔多﹐間隔幾o岩開private party, 食物方面都幾有創意﹐唔會覺得同另外食串燒嘅店一模一樣口味試左好多款平時都比較少叫嘅串燒﹐其中一樣係免治肉串﹐釀入軟骨 質感豐富 唔會散收收﹐可惜好多款都唔記得影相...下次啦正體而言 係一間好值得試嘅新店﹐service好﹐waiter對食物knowledge高!唯獨係sashimi方面要加於改善!
continue reading