112
50
18
4-min walk from Exit D, Prince Edward MTR Station continue reading
Telephone
28666292
Introduction
A popular cafe which provides delicious waffles and muffins. It also serves homemade latte art coffee. continue reading
Opening Hours
Today
12:00 - 22:00
Mon - Sun
12:00 - 22:00
Payment Method
Cash
Number of Seats
14
Other Info
Alcoholic Drinks
Delivery
10% Service Charge
Outdoor Seating
TV Broadcast
Review (182)
Level4 2017-11-14
302 views
其實小妹就九月尾生日既,十一月都仲有生日飯食咁好嫁咩😳😍 呢排唔知係米天氣開始轉涼,日日都好想飲d暖粒粒既咖啡落肚保暖☕️ 適逢轉季表姐想去聯合crazy shopping,我地就揀左位於太子既一間cafe 食飯。上網見到呢間餐廳好有feel🤞🏻 去到門口都無令我地失望,好特別有d Vintage feel。餐廳都幾細,得4-5張枱左右,其中只有3張係坐係decoration前面!所以大家最好打黎book枱喔!由於無諗過餐廳咁少枱,我地無book位,不過都好彩既,雖然係坐門口,但都幾好feel,條街比較靚,所以都唔會話人來人往比人望住曬唔自然。影相仲幾光猛添🤣Menu既style同餐廳interior design 好match😂 咖啡既選擇仲好多添😍😍 岩曬我呢個咖啡控🤤表姐揀左我成日嗌既rose latte🌹,上枱賣相唔錯,嗅落都好香。Latte好多時由於偏多奶,咖啡味都會無咁濃,呢到都ok,有玫瑰既淡香味又唔太甜。我就揀左法式焦糖macchiato,咖啡面面層奶泡,上面落左黃糖再用火槍黃糖,飲落口面少少脆,咖啡味都幾香濃,不太甜👍🏻Main course我地order左truffle pizza,多數野菌pizza底都係用千島醬/白醬做,第一次食茄汁底既野菌pizza! 齋望賣相茹偏少,加上本人就唔係好中癌意食茄汁底既pizza既🤷🏻‍♀️,對佢既first impression就麻麻,點知個味又好好食喎,可能芝士夠多,唔多覺佢個底醬係茄汁🤣 黑松露味唔算好濃,焗完d黑松露會出油,所以pizza都幾油的,會見到少少油係面,不過小妹覺得可以接受。Pizza係薄底,個邊好脆👍🏻👍🏻 兩個入平時食一個pizza會好飽,但食完呢個pizza都ok,唔滯肚。推介大家試下。我地仲嗌左個白酒蜆肉露筍意粉,意粉彈牙口感唔錯,可惜整體味道偏淡,無咩白酒味,同埋有少少太油,建議大家可以試佢d白汁茄汁意粉可能會好味d。小食就嗌左個buffalo Wings,well.. 睇個樣都知佢唔是buffalo Wings啦🤷🏻‍♀️ buffalo wings係有橙紅色既醬係面嫁麻🤷🏻‍♀️ 呢個都唔係既,佢面個d係芝士醬,炸得夠脆既,味道ok,係略嚴入面既肉唔夠味。既然唔係buffalo wings,就無謂改呢個名令人期待佢係buffalo wings既名🤦🏻‍♀️🤣 會失望嫁麻!餐廳整體既感覺同裝修其實唔錯,食物款式唔算特別但味道都可以,兩三個朋友傾計食野都可以坐得耐,咖啡係幾出色的! 如果可以有多d特色既野食其實都係一個唔錯既選擇! continue reading
(The above review is the personal opinion of an user which does not represent OpenRice's point of view.)
鬆餅.窩夫 吃個夠 Featured Review
Level4 2017-09-22
3044 views
之前一早同好姊妹bookmark左要黎呢度試下佢地既厚厚鬆餅,今日終於就到我地兩個中午都off都放假,可以一齊黎食食食兼傾傾傾啦呢度既食物偏向西式,但裝修佈置就富有中國色彩,又幾特别啵!我地兩個都未食lunch,所以食甜品之前都要食返少少咸野黎打個底先既我地睇左一陣,決定先每人要杯飲品同一碟“珍寶帶子墨汁意粉”HKd$108+10%一齊share食(目標明確:要留肚食甜品)飲品方面,我揀左“榛子朱古力”HKd$36+10%,好姊妹就要左杯“焦糖朱古力”HKd$36+10%兩杯既拉花都好靚呀,小熊拉花好可愛,朱古力味濃但唔會過甜而意粉味道都幾香濃,兩隻帶子都勁大隻兼且煮得剛剛好意粉份量都適中,兩個女仔share岩岩好...咁先可以主力食甜品我同好姊妹已經一早揀定自己既心水甜品,決定一人一個再share食:“草莓鬆餅”HKd$78+10%鬆餅即叫即整,等待既期間已經傳黎陣陣蛋香,勁吸引一份有四大塊又厚又香既鬆餅,配埋一粒一粒紅卜卜既士多啤梨同兩球雪糕,未食已經令我地心花怒放之後既“紫薯草莓鬆餅”HKd$88+10%,外型偏似窩夫,而食落都係富有蛋香,感覺實在每一格窩夫鬆餅都有天然實在既紫薯蓉架我地兩個雪糕控秒清三球雪糕都唔夠喉,所以之後仲好放肆咁加錢要多兩球雪糕(每球加8蚊)黎配我地大大份既鬆餅中午時份黎到唔係好爆場,我地唔單止坐得舒服自在,加上店員笑容親切,態度有禮,值得一讚 continue reading
(The above review is the personal opinion of an user which does not represent OpenRice's point of view.)
Level4 2017-09-08
860 views
餐廳裝潢中西合璧很特別,店內座位不多,但室外還有酒吧位可坐,侍應招待也不錯。蔖荀溫泉蛋沙律 蘆筍、沙律菜和車厘茄也很新鮮,配上黑醋令吃起來很開胃。茴香白酒煮青口 青口很大隻但不算很鮮味,幸好煮得很嫩口,如果醬汁香滑點會更好。珍寶帶子墨汁意粉 墨汁意粉軟硬適中很煙靭彈牙,醬汁很美味,意粉也很掛汁,帶子真是珍寶size,但可惜鮮味不足。紫薯草莓鬆餅 鬆餅賣相吸引,有蛋香味而且味道不會太甜,每一件鬆餅內都有紫薯,士多啤梨很大粒和很甜,侍應端上桌上時我們沒想過能吃完,但因為很好吃所以我們兩人竟然把整個窩夫消滅了。薑餅人拿鐡 很可愛的薑餅人,咖啡味道濃郁又香滑,造得真的不錯。玫瑰拿鐵 賣相精美,入口濃郁又有香濃的玫瑰味,值得一試。 continue reading
(The above review is the personal opinion of an user which does not represent OpenRice's point of view.)
主打是窩夫 Featured Review
Level4 2017-08-09
2342 views
原本早幾個禮拜已經話黎,但係full Booking...我哋都知嫁喇鋪仔細細約八點鐘黃金時段點會有位啊。咁之後順延個禮拜先有位仲要星期一夜晚先有位。位置路程比想像中嘅近,但係間鋪真係只係坐到四枱客,收幾靚嘅門口中式入到去有吧枱有水晶燈,其實我哋一心係諗住你食窩夫嘅但係聽到個侍應妹妹話冇雪糕果下我哋真係晴天霹靂。咁左好多不切實際嘅方法就係唔好雪糕都食或者自己去買一個cup落去😂叫咗主菜先啦都要醫肚嘅~咁我哋叫咗頭盤:蘆筍溫泉蛋沙律-個沙律汁就冇乜味,蘆筍都唔夠脆,好似成碟都係原味雜菜咁。水牛雞翼-就燒烤醬架啦反而係有劈千島芝士汁咁嘅物體,都脆皮嘅雞翼,有肉唔會太乾。主菜:煙鴨胸pizza,其實我係唔覺得食緊鴨胸嘅,無想像既鞋但冇咗嗰種鴨油酥味🙄 。大粒帶子墨汁意粉-其實都幾欣賞呢間啲意粉可以全部都轉晒墨汁意粉唔加錢,我啲意粉實在煮得太過淋碎晒喇,墨汁意粉係有顏色但係無墨汁味嘅⋯⋯大帶子又真係幾大粒嘅,不過呢就無用油煎封,唔香口面又唔燶既,仲帶有啲冷藏味,個白汁正常味唔會太杰。黑松露菇菇意大利飯,其實我好怕食意大利飯入邊會硬,不過佢呢間完全煮到個樣好似糊仔咁😂有味道有驚喜喎❗️黑松露味幾突出好香,入口creamy,飯無散但又軟。甜品:當然係士多啤梨紫薯窩夫配雪糕-食到咁上下個姐姐話俾我哋聽有個朱古力或雲呢拿雪糕,所以都可以照叫。我哋就揀咗雲呢拿雪糕,個水滴型嘅花花窩夫就呃晒like賣相好可愛😻窩夫都整得脆,蛋香好龍但係就唔覺得有紫薯。如果唔係反轉咗見到紫色薯蓉都完全唔記得咗佢係有紫薯心😅如果佢落多啲糖其實可以吊返個薯味出來會好啲。面頭嗰啲cream唔算多,士多啤梨唔大粒,一粒甜一粒酸😅都明白好難控制佢全部甜。成個甜品品會好甜係幾好味既。飲品:蘋果梳打-梳打水分開上仲有個雪糕球跟住,但係個糖漿唔係好夠所以冇乜味。百香果茶/芒果茶-都係earl grey茶底嘅但係就飲唔出哈哈。埋單每人$190 continue reading
(The above review is the personal opinion of an user which does not represent OpenRice's point of view.)
Level4 2018-06-18
6 views
返完教會, 天口太熱都冇晒胃口, 不過點都要食D野. 之前試過路經呢個cafe, 不過冇開, 今次過黎, 終於有開, 而且得我地一枱客人! 由於要揀一些啱小朋友食既食物,  所以最後叫左一個長通粉 同一份鬆餅!呢間cafe既裝修好有特色! 門外已經好吸睛! 因為用上好復古的用料佈置, 有晒牌坊咁, 好似古裝年代大宅門.店內又有一對大鐵門, 充滿懷舊色彩! 我地點左: (其實食物都煮得幾耐下....)白汁香菇雞柳長通粉 $88白汁味道好夠濃, 入面既雞柳都煮得好腍入味, 不過長通粉就比較硬, 對大人黎講還可以, 但對小朋友黎講就O趙得比較辛苦.但味道黎講, 係好好味既!小朋友勁鐘意! 朱古力香蕉鬆餅 $78鬆餅造得好豐厚, 食落去外脆內軟仲要勁飽肚, 唔似一陣風咁食完就冇, 加入埋朱古力漿黎食, 已經好有滿足感.雪糕球就比較硬, 都好, 可以慢慢食唔洗咁快溶.榛子latte $38個拉花好靚! 味道不甜不淡, 仲有榛子果香, 入口好滑. 唔錯!老公既: 芒果咩冰 (忘記左)冰打得幼細, 味道都唔錯! continue reading
(The above review is the personal opinion of an user which does not represent OpenRice's point of view.)