德馨苑海鮮酒家

Open Now

Now Closed

復活節假期留港消費，和爸媽及長輩們到蘇屋邨這間德馨苑海鮮酒家飲下午茶，2:00已經門外已經坐滿茶客取票等入座，聽長輩們說這間酒樓一向做街坊生意，味道不錯，又抵食，所以顧客大多是長者為主。我們叫了不少點心，當中「蘿蔔絲大餅」比較特別，真的外脆內軟，而且份量也大，足夠幾個人分享來吃。還有「瑤柱珍珠雞」、「蟹籽燒賣王」、「流沙奶皇包」我也覺得不錯。最後我們六人一共叫了十多款點心，但也只是300多元，即每人50多元，我覺得都好抵食，難怪下午茶時段座無虛席。

今天下午3:16我(下午茶3:30完)去位於蘇屋邨的德興苑海鲜酒家飲下午茶，我咁遲去因為在3:16飲下午茶就有大把枱可以唔使搭枱，不喜歡搭枱因為怕啲公公婆婆向住我們咳因此會染疫。我見有咁多空枱我便對一男一女侍應說我會如過住一樣會光顧超過200元(因為好似那些公公婆婆叫小小嘢食坐成個下午涼泠氣當然要搭枱啦！)，我問侍應可否坐那張2人空枱(我有2人)，2個待應都齊聲說公司規定任何人都要搭枱！其實在此之前曽經試過那間分店經理説過: "不搭枱的話: 走！走！走！" 那麽今次我們祗好搭枱啦。在這裏應該赞一赞坐我們對面的茶客知我們驚全程袛咳過一次，以前的知你們怕會不停向住你咳！因為就夠鐘下午茶完结所以一坐低就馬上叫嘢食，我比咗2張纸待應一，第一張是點心紙，第二張是粉红色午市炒粉麵纸，我選了干炒牛河，過了一會該待應退番張粉红色纸叫我用藍色纸選過干炒牛河，其實她可以在電腦下午茶時段直接入干炒牛河而無須要我再填過！過了再一會她又來説没有河粉，我等到3:50見一款點心都未來便去check單，發覺原來該待應在退粉红色午市炒粉麵纸時連那張點心紙一齊退而沒有通知我們，那麽我明知無用我都去我認為是分店經理的人投訴

已經飲過幾次茶, 包括早茶和下午茶, 價錢平之餘, 點心質素都唔差, 最重要係出嚟嘅點心都係熱辣辣, 唔係好多酒樓做到飲早茶最緊要有孖寶, 有孖寶抵食好多, 10點半至11點半, 燒味飯超級抵食蝦腸有四隻蝦, 皮比較厚而且比較多油, 個人唔太喜歡, 所以認為口感一般啫, 上枱腸粉仲算熱嘅熱辣辣嘅鮮竹卷, 都好味, 小心燙口呀我最喜歡嘅棉花, 索曬啲雞汁, 菇菇都好好味, 夠煙韌, 唔係淋啤啤嗰隻, 至喜歡依個點心鯪魚球有蝦米, 熱辣辣好好味遲咗三分鐘埋單, 過咗十點半, 茶錢冇優惠仲有張彩色點心紙CP值相當高嘅茶樓, 下午茶都好正㗎

前前後後都來過幾次食飯，食物和價錢的性價比都是不錯的，所以這天假日再次跟家人來食晚餐。由於酒樓很受街坊歡迎，特別是假日的話最好預先致電訂檯以保障能夠順利入座了。天氣稍涼，我們先點一煲天麻川芎白芷靈芝燉魚頭湯暖暖身。店員過來為我們分湯，剛打開蓋已經香味撲鼻，味道非常濃郁很夠火喉，帶有多種藥材和肉類的滋潤，特別適合冬天，而煲内也有很多燉得很淋的湯料，喜歡的可以慢慢食當作一道菜式。餐廳每天都有提供不同款式又限量的燉湯，售完即止，有興趣的朋友亦可預先致電查詢並預留湯品。片皮鴨的表現正常，燒鴨不會太肥，味道亦不錯。是次我們點了兩款海鮮。熱辣辣的蒜蓉粉絲蒸特大元貝上面鋪滿大量的蒜蓉和粉絲，而今次的帶子正值當做，無論是面積還是厚度都十分豐滿，甚乎餐廳把帶子打橫切半讓它們較容易熟，肉質軟熟並吸收了蒜蓉、粉絲和豉油的香氣，真是大滿足！另一款海鮮是蒜蓉粉絲蟶子王，相對上比前者沒有那麽澎拜，但是肉質仍然厚滿，蒸煮的熟度剛剛好。花菇鵝掌煲有4至5件，大隻肉厚，唯烹調時間不足令肉質稍硬，需要一些時間來嘴嚼，煲底亦有些厚冬菇和白菜做配菜。最後再點一個冬天必食的古法羊腩煲(附一碟生菜)。印象中羊腩煲的價錢比一般餐廳

週末放假就會同屋企人一起去飲茶🫖 呢間嘅性價比高，平時都好多人流，早茶都試過要等位。冷氣快的好大，夏天去都會帶多一件外套，因為真係好凍🥶一家三口大概食咗五六個，total就一百出頭，真係好抵。

在這酒樓飲茶就好多次，見到晚飯不用茶錢及加一，所以就去試試，叫了孖宝及菜，牛柳粒。講真味道就一般般了，聖子及魚都覺不太新鮮，牛柳粒d署仔太淋而牛仔粒只是牛肉切片咁又非常咸，最好味就是蝶炒貢菜了及乳鴿。希望日後有改善。

屋邨酒樓，做開街坊生意，價錢較平，不過食物質素差，湯係凍嘅，米粉好硬，食完肚痛，好難消化。亂收費：員工態度惡劣，黑口黑面，尤其係收銀，擅自更改顧客單據價錢，我付款後，發現收多咗，多次爭論下，收銀答應印出單據，最後才發現價格與實際不符，終於揭發此事。但收銀不知悔改，反而聲大夾惡，話不關她的事，是公司責任，拒絕退錢，反而罵番我轉頭，話係收多幾蚊，要求顧客當冇事發生。酒樓衛生環境也差，廁所臭，地毯似多年冇清潔，好多食物碎屑碎骨，影響進餐心情。作為顧客，受到這樣的待遇，非常憤怒，感到非常不開心，因此在網上分享真實經歷，希望大家不要再中伏。

繼上次吃了一間令人氣憤又失望的盤菜，相隔一個星期我們再次挑戰另一間舖頭的盤菜。同樣是到店自取，這個四至六人盤菜價值大概$500中，比上次那款中伏盤菜平$100，還附送兩支醬汁以及一客糯米飯。價錢上好似幾抵食，不知主角盤菜味道如何呢？打開盤菜賣相都不錯，不同的食材放得滿滿、整齊的，都幾吸引。偏向名貴一點的食材例如有乾瑤柱、鮑魚仔，味道都不錯。對於有鵝掌我們都很驚訝，每隻都是大大隻的，除了吸收了醬汁的味道，鵝掌的肉質已燜到軟淋，毫不費力就可以品嚐到軟滑的質感蝦的味道正常，不是很新鮮肉質不爽但可接受；燒味例如有燒鴨、油雞、燒腩仔，份量和味道都可以的；旁邊有些白魚蛋，原本對它的期望不高，但是都吃得出有魚味，不是那些淡而無味，或者整粒都是麵粉的魚蛋；蔬菜方面有西蘭花、冬菇、芋頭、蘿蔔，吸收醬汁的味道十分下飯，亦算豐富。短時間之內我們吃了兩個來自不同舖頭的盤菜，表現高下立見，這間亦有機會回頭。

呢間酒樓已經來過多次，每次都是人山人海，下午茶兩點開始，啲茶客系一點已經排隊囉籌，真係誇張！每張枱唔夠四人或三人，一定要搭枱。講番正題啲食物質系唔差，啲茶味正正常常，下午茶大中小點都系＄13.8 指定燒味飯都係＄22.8 我最欣賞係燒肉飯，啲燒肉皮脆肉嫩，點左芥辣，更加好味！點心，燒賣面頭隻蝦好大隻，食落脆口肉鮮，還有個點心甜品值得我向你們推介（麻糖花生甜薄撐）薄撑內有麻糖/花生/椰絲/薄撑卷起好似蛋卷，非常好味，每次必點！

食物款式多， 樣樣足料大大碟， 服務員殷勤款待，有問必答， 地方舒適寬敞， 整體性價比很高， 值得推薦再來光顧， 今餐大龍躉兩味， 豉汁蒸魚雲 ， 加個超足料燉湯， 還有晚市免茶介免加一， 實在難得

4人一枱，叫到成枱。除咗點心 ，佢都有好多廚房小食，口水雞，豬腳薑，胡椒豬肚湯之類，食物全部都係街坊酒樓水準。好多人幫襯，代表佢啲嘢都唔太差，價錢其實唔貴，只不過我哋食得太多，四個人埋單三百幾蚊。推介佢嘅燒腩仔同燒賣。燒腩仔唔會太咸，燒賣足料，面頭有隻蝦，豬肉餡料味道唔錯。屋企人就最欣賞佢嘅豬腳薑，唔會甜過龍，入味。炸雲吞比較差啲，入邊完全冇乜餡料，比起我上次去神燈任食嗰粒炸雲吞就差得遠，任食果粒餡料都多過佢。帶子餃，得菜冇乜帶子。服務唔好有期望，職員都係愛理不理。一般街坊酒樓裝修，有一壼滾水放喺枱面俾你自己沖茶。食完自己出去埋單。～報告完畢～

酒樓全年晚市免茶免加一, 一大伙人用膳的確可以慳唔少, 加上小菜價錢合理, 平至$58起, 所以自開張後都成為家人每星期的聚腳點。片皮鴨$138一隻! 有別於一般酒樓採用麼麼皮, 呢到係用類似夾方塊嘅饅頭皮。即使落多咗少少醬汁, 較厚身嘅皮都有中和作用, 無咁鹹。洋蔥煎豬扒洋蔥好稔好甜, 豬扒份量都唔少紅燒豆腐紅燒汁調味適中, 很適合配白飯其他小菜包括小炒王, 蒸肉餅, 清炒油麥菜等等, 雖然係普通家常菜, 但質素都幾高, 份量亦頗大。

屋村酒樓在香港飲食界是獨樹一幟，少有食記論述，或只是劣評滿紙。少時在蘇屋村長大，在以花為名的樓宇穿梭，屋村酒樓與我關係密切，暑假在酒樓內做「樓什」，即侍應助理。重建後的蘇屋村已入伙，商店部分未裝修，此店早已開業。最心急是我，找了舊鄰居來懷舊一番。重建後的蘇屋村仍然是花園山城，鳥語花繁，人少樹多。燕子亭受保育，繪上舊日屋貌，藍天白鴿。最驚喜是櫻桃樓基座被保留。辦事處，白屋亦依舊。荷花樓前荷花秀，海棠樓後綠油油。商場仍然是在「護城河」位置，呈玉帶環腰狀况。不是方形商場，估計場面會冷清。酒樓位於邊緣角落，與當年的百合酒樓一樣，令村外食客稀疏，營運先天不利。屋村酒樓象徵1960年代的公屋村民，困境中仍奮鬥，圍城內有人情。裝修簡單省錢是屋村酒樓第一大特色。天花是省電的偏白圓燈，簡單樸實。門口有接待長檯，主力接做街坊飯局，甚有古味。禮堂有大型電子屏，顯示此店是三店之中的旗艦店，似有雄心。正價餐單多提示有「慢」字，多為蒸點，很細心，貼心。是街坊情？價格低水是是屋村酒樓第一大特色。早茶和下午茶以中點計，是17.8，與正價只相差1元。策略是拉近各時段差異價格，方便村民隨時來openrice開飯。低價顯示

首先是地毯很髒，各種殘渣木屑應有盡有。其次食物味道一言難盡，完美解釋overcook，雖然不求這種檔次酒家特別好味，但比普通更糟糕就是大禍。最後是服務員，問什麼什麼不知道，俗稱一問三不知，只知道吹水，不知道他們內部出現了什麼問題，驟耳聽內容是哪個高層來巡視了，員工就一直說壞話，印象最深刻是：「母親節出咩雙皮奶，你有無問過母親鐘唔鐘意食？」😂😂😂不如吹少陣水，出心出力合作管理好間酒樓啦，唉，都知道管理好困難，是但一層出現左心態唔好既人，就前功盡費，同個政府一樣，呢餐茶真係飲到我感慨萬分

價錢無話平定貴，正正常常，環境亦一樣，無咩特別。但係....野食雖大份，但做法很不用心，很令人失望1. 燒賣皮蒸到「霉」晒，好彩味道正常2. 油雞叉燒瀨粉，肉不另上，雞同叉燒浸到無味，略倒胃口3. 紅油抄手，只隨便加醋加辣椒油就上菜，味道很差，廚師有無搞錯？知唔知咩叫紅油抄手？太令人失望日後真係情願行多少少路去隔離幫襯稻香，雖然會貴啲，無咁大份，但勝在有賣相，睇見都開胃，唔止餵得飽個肚仔，仲精神滿足多多聲