台灣麵

Open Now

Now Closed

今日係星期日朋友要返半晝，所以我約咗佢係佢返工果頭食lunch，問佢有咩推介佢畀咗幾個選擇我，我就揀咗呢間台灣麵。。。 (因為呢幾日旅行癮又起好想去台灣😭😭)去到差唔多一點基本上都全場爆滿，好彩仲有最後一兩張檯👏我地叫左個牛三寶新竹米粉，黑橋香腸，鹵豬耳同埋一杯珍珠奶茶share～牛三寶湯底非常濃郁，牛筋炆得好淋好入味，牛展淋身同唔韌😋個人嚟講好鍾意食正宗新竹米粉😁 爽口彈牙，同其實牌子煮出黎好淋既米粉/煙韌到好膠既好唔同👍👍黑橋腸肥瘦適中 ，唔會好油膩，食多幾舊都唔怕濟～鹵豬耳份量超多！！$36好抵食😂😂 爽口入味～埋單仲唔駛加一，非常抵食👏👏

台灣菜有兩味代表菜，就係牛肉麵同魯肉飯，同食港式野要食燒味一樣。而我見到佢既牛肉麵選擇好多，有傳統常見既，又有D新鮮少見既，由於我係蕃茄控，就叫左個蕃茄湯牛筋腩麵。佢呢到冇魯肉飯，只有肉燥飯，兩者其實分別好大，因為魯肉係有肥肉，食落去口感係唔同。唔知點解HK多數台式餐廳都係得肉燥飯而冇魯肉飯，所以未能一試。希望佢地日後會考慮出魯肉飯。由於見到佢有新菜介紹 - 萬巒豬腳麵，望落去張相都幾吸引，就叫左份，配關廟麵，因為唔知咩來，所以想試下。另外值得一提既係，呢到既人手比例充足，唔會好似有D餐廳，搵人落單都要等。上菜速度都好快，要比個like。蕃茄湯牛筋腩麵 - 個湯好濃蕃茄味，有兩大舊牛腩同一大舊牛筋。如果佢切細上都更好。萬巒豬腳麵 (配關廟麵) - 我完全分唔到關廟麵同米線有咩分別，至於舊豬腳，好足料，配上滷水汁，好惹味。但如果舊肉煮淋D會好D。跟餐+$4可轉台式飲品，叫左台式coffee同杯芽奶茶。冇叫少甜，但杯杯芽奶茶自動少甜，更特顯荼味。杯咖啡都唔錯。埋單$137，食飽飽，ccp值高。

依家有排都無得去台灣旅行，但又好掛住台灣嘅嘢食，今日係香港尋找台灣嘅味道！屋企附近咁啱有間台式餐廳，咁就去試下啦！名叫台灣麵但其實都有飯揀嘅😆！選擇都好多，每樣餸都可以另外揀唔同嘅麵食或飯，選擇上好有彈性，唔錯！講到台灣 鹽酥雞都係一樣幾具代表性嘅嘢食，一定要叫來試下，回味下！所以叫咗個香酥雞扒，而見到乾拌麵又唔知係咩樣又叫咗來試下😆！一上枱已聞到勁香，即刻食指大動🤤！勁大份嘅雞扒，又香又嫩！再加上口感煙韌嘅拌麵，正👍🏻另一個就叫左 香酥雞腿肉燥飯，大大隻雞腿個皮好香脆！每樣份量都好大，食得好飽！

本來一早買好左去台灣既機票，但因為疫症嘅緣故，被迫取消咗去台灣嘅旅程所以我哋就食住台灣野頂下引先餐廳裝修簡約，採光度唔錯Meun選擇亦算幾多種類而且又多款麵質供選擇大大隻炸雞髀🍗表面炸得好香脆，而且唔會太乾身，而且仲食到少少椒鹽嘅味道我選左粗麵，望落比烏冬幼身少少，食落麵條彈牙，但略嫌肉燥欠缺少許肥肉🤣椒鹽排骨分量十足，幾惹味！而且有好多件，咬落幾Juicy。配上新竹米粉好滑身，而且幾爽口，讚！小食花枝丸熱辣辣炸起，好彈牙，加埋味椒鹽好惹味加$4仲可以轉埋台式飲品，呢度有我最鍾意飲嘅椰香奶茶🥤椰味幾香幾濃郁，如果茶味可以更濃啲就更加好

今日去了荃灣行街！我地去到悅來坊行行下就見到！有間好多人的餐廳！所以我們的午餐就決定食e 間！我們兩個人點了蕃茄牛肉麵蕃茄湯底好香濃！牛肉入味又淋滑！肉質真的是入口就容了！🤤😋😋😋麵質爽口彈牙！三寶牛肉麵有牛腩，牛根，牛肚，好入味！牛根好滑好淋！小食炸花枝丸好爽口彈牙！炸得外面脆脆內面軟軟！紅油抄手皮有點厚，汁不夠香辣！黑橋香腸沒有煎香！如果煎一煎會好食d鹽酥雞好好味，大大粒的雞肉！炸得脆脆！😋👍🏻👍🏻

朋友介紹悅來坊商場下面有間抵食台灣菜，環境闊落，好大間，職員仲安排左梳化位俾我地坐，菜單選擇多，我地因為好肚餓所以叫左一碗台灣三寶麵，牛筋好大舊，牛展好厚肉，牛肚好淋，粗麵彈牙，朋友叫左碗鮮茄濃湯牛肉粗麵，好足料，啖啖蕃茄香，無味精，小食叫左鹽酥雞好大舊啖啖肉，正，黑橋台灣腸味道較淡，紅油抄手唔算好油同辣，酥炸花枝丸香脆可口，仲有跟餐飲品加左4蚊叫左杯香芋珍珠奶茶，珍珠好淋，易嚼，香芋味好香濃，朋友就叫左杯凍豆漿大大杯。

在荃灣多年的台灣麵，有點港式茶餐廳feel既台灣菜，種類好多，麵/飯，麵既選擇都有3頁，台麵拉麵都有，仲有雙拼飯同麵都得，選擇困難症之選！-💕台灣紅燒牛肉麵 $61(+$8蜜桃玫瑰花釀)💕椒鹽排骨飯$58-💕 台灣紅燒牛肉麵⭐⭐⭐(3/5)雖然餐牌有寫辣，不過一啲辣都冇，唔食得辣既可以放心叫，牛肉就唔係一塊塊個種，係長條形既，肉質都好腍，份量都有4舊大既， 麵質都有口感。/💕 椒鹽排骨滷肉飯⭐⭐.5(2.5/5)滷肉飯味道略淡，唔會太油膩，排骨口感比較似豬扒多點，不過唔會硬。-環境：6/10服務：7/10好味指數：6/10回頭率：6/10

這間台灣麵有唔少分店，之前已經食過覺得唔錯，今日就同朋友試吓荃灣呢間佢哋嘅選擇認真唔錯，有唔少嘅台灣麵、飯，同小食揀，而且可以一碗揀兩款，仲可以一個麵加一飯咁樣一碗兩食，呢個係滷肉飯加紅燒牛肉麵，滷肉半肥瘦而且唔會太肥，牛肉麵肉質同湯底都唔錯。香辣牛肉麵加豆腐肉燥飯，辣到適中，怕辣嘅朋友都食得到，肉燥飯就夠香。鹵水豬耳，豬耳夠晒鹵水味，而且份量都唔少。鹵水雞翼，同豬耳一樣夠晒入味。海蜇燻蹄，我覺得呢個係必食推介！最後點咗一杯珍珠奶茶，同埋一杯荔枝玉露。

台灣三寶麵🐃🐂🐄平時食開紅燒牛肉麵，今次試下三寶麵啦😆牛筋、牛肚、牛腩都好入味👍🏻不過牛腩就唔夠淋粗麵麵質唔錯，都幾彈牙👍🏻湯底唔濃唔淡，味道剛剛好，好香牛肉味😚香芋珍珠奶茶🥛每次黎台灣麵都必叫😍好好飲😋👍🏻奶茶香滑， 香芋味濃，珍珠彈牙，甜度足夠，不過都可以少甜一點，健康少少💪🏻😬

真係咪講笑, 我第一次食間餐廳係一隻碗可以食到湯麵同埋飯,仲要係台灣料理, 最鍾意肉燥飯同埋牛肉麵,居然可以同時食晒2樣野,真係好特別既餐呀!!就係呢個餐牌,初初睇都不能置信,越睇越吸引不得了。。。魯肉肉燥飯配牛肉麵! 超足料又好食,個牛肉我真係食得返係台中最好味既味道!呢個都係鴛鴦, 個飯有小小不如,係豆腐,睇個樣,你真係點都估唔到嫩滑到不得了!小食一啲都唔小,好好味!豬耳,仲要暖暖的。。好好味呀! 魯水雞翼!!本身餐廳走飲筒,但我都係需要, 始終有珍珠難攪啲樣樣都好足料!! 爆肚了!

其實幫襯左好幾年以前ok staff 是 nice 的, 遺下電話翌日可以取回除台式特色飲品大多數是用粉沖晚上食客不多今次無食炸脾肉燥飯。叫左個椒鹽排骨同芒果蘆薈上菜是煎到極亁的無味豬扒, 没有椒鹽味是我吃過最難食的豬我的飲品是很甜的糖漿, 比開粉好少少友人叫户頭奶茶仍是粉沖的staff 落錯単比經理鬧左好耐果位員工全餐係我地後面個位嘆氣埋單係攞單出去cashier 另開有兩張單經理收錯貴果張好彩比我地發現blacklist 無下次

通常朝早覺好餓時,想食一份大大的早餐,都會想起這間位於悅來酒店B1的台灣麵,雖然叫台灣麵,但早餐食物的配搭,都加咗香港特色,飲品選擇就多台灣茶品。這份雞扒加雪菜肉絲米粉,塊雞扒就真係好大塊,係即炸,熱辣辣,皮脆肉嫩,味道都好夠,雪菜米粉,好大碗,但米粉就較粗"鞋",整體嚟講,都ok

約咗朋友食飯，由於朋友揸車關係，大半個荃灣，想搵個車位搵極都搵唔到位突然間醒起不如試下悅來酒店地牢商場度食嘢啦，嗰度都有好多食肆由於太肚餓嘅關係唔記得影個餐單，二人餐好抵食198又有一碟涼拌三拼我哋加咗一碟 滷水豬腸坐緊特價38上菜速度都幾快十分鐘到啲嘢已經出曬我哋點少食點左 滷豬耳 滷雞腎主菜我哋就叫咗臺灣牛肉配兩個肉燥面滷豬耳同滷鴨腎分量非常多佢仲有 一碟肉燥油菜198 真係覺得幾抵食仲包兩杯冷熱飲品另外呢個位置有啲小插曲幸好佢唔係喺我啲野食入面出現

食台灣菜總離不開牛肉麵同滷肉飯, 今次呢間台灣麵就一次過滿足晒我兩個願望啦。呢款雙排雙格餐, 有十幾個選擇任你配搭, 我就揀咗兩大經典, 紅燒牛肉麵同滷肉蛋肉燥飯($68)。呢嚿極具份量嘅肥豬肉驚喜十足, 食落肉質扎實, 加上一層厚厚脂肪, 再配上一口珍珠飯, 呢仲享受, 邪惡一點又何防。紅燒牛肉麵, 湯底比較清淡, 辣度輕微, 牛展同樣大大塊, 好足料。朋友點嘅咗雞脾新竹米粉併牛肉麵, 雞皮炸成金黃色, 賣相不錯, 新竹米粉口感幼細, 軟硬適中。鳳爪配海蜇 $60 無骨鳳爪十分脆口, 海蜇口感爽彈, 配上酸辣醬汁, 十分開胃。紅油抄手 $42 (6粒)餛飩餡料飽滿, 紅油唔多, 麻辣感不太明顯。

聽到佢個名係叫做台灣麵，以為剩係得台灣麵食啦，點知入到去一睇個Menu之後發覺原來有勁多種類選擇，亦都唔止台灣麵咁簡單，真係好似乜都有得你食，但係餐廳個名叫得台灣麵，我梗係食返台灣麵㗎啦，我就叫咗一碗麻辣牛筋腩麵，一碗椒鹽排骨麵，而佢面嘅種類都有幾款選擇我哋就揀咗平時比較少食嘅關廟麵，小食就叫咗個醉雞翼拼海蜇，飲品就梗係叫返正宗嘅珍珠奶茶啦，而朋友就叫咗藍蝶花台式飲品，嘢食一嚟到我哋就聞到勁香麻辣味，但係佢唔係話好辣，只係有少少辣味去點綴一下，所以唔食得辣嘅朋友呢碗麻辣牛筋腩麵都應該冇問題，而佢啲牛筋腩炆到好林好林，另外一碗嘅椒鹽排骨麵，顧名思義即係豬扒啦，豬扒整得好香，亦都好林，唔會乾身，而小食嘅醉雞翼肉質比較硬身，可能係要用酒調製嘅關係啦，海蜇個份量非常之多亦都好好味，最緊要係價錢非常之親民，而嘢食味道又不錯，值得推薦。