一碗肉燥 (樂富廣場)

Open Now

Now Closed

星期二晚行過樂富試下，人流少不用等位，order 晚餐辣肉燥豬軟骨+宜蘭蔥餅+熱檸檬薏米水，盛惠$66，上菜快，食物溫度夠熱，價錢合理，味道不錯，後生仔哥哥服務一般。

突然間想食台灣野，就去屋企附近依間試下試！裝修唔錯，坐得舒服！用左黃色主色，牆上有好多肉燥卡通幾得意😂主食我叫左麻辣手撕雞拌麵🍜又幾惹味喎👍🏻不過略嫌麵既份量有d少！所以另外我再加左個手抓蔥油餅同手拍青瓜！前者略嫌唔夠蔥香味後者就幾好食，加左d青花椒有麻痺感！本身跟餐都有野飲既，但我就加錢轉左杯伯爵豆乳珍珠奶茶，不過不失，伯爵茶味好似唔太出🤔糖就可以另外自己加幾好！總括性價比都ok ge!

剛買咗個外賣兩個人食，冇諗過台灣菜可以難食到咁…….1）小食餃子同娃娃菜可以有腥味……2) 滷水豬耳係酸架……(我有理由懷疑個滷水豬耳係已經變壞咗，滷水雞翼只得咸同靭）3）個肉燥湯麵個湯係咸到澀味，而個麵條又粗又硬4）鹽酥雞扒肉燥飯以為最正常既嘢食都可以比佢整到個肉燥係咁難食(超咸同勁肥)，剩返嗰塊鹽酥雞扒叫做正常…….5）最後只能夠講個珍珠奶茶同凍檸茶係最正常担白講要劣評再喺度寫食評既呢間餐廳係 第一次……

辣肉燥豬軟骨拌麵。這道料理擁有濃郁的辣味和豐富的口感。辣肉燥的肉末和豬軟骨經過炒煮，肉質鮮嫩彈牙，帶有微辣的香氣。拌入麵條中，每一口都能感受到辣椒醬和豬肉的風味。這道拌麵帶來的辣味和美味絕對能夠讓辣食愛好者欲罷不能。麻辣蕃茄肥牛野菜鍋麵。這道料理結合了辣味、酸味和牛肉的鮮美。麻辣湯底中的麻辣辣椒和蕃茄的酸甜交融，帶來一種獨特的風味體驗。肥牛片在湯中快速煮熟，保持了肉質的嫩滑。加入野菜和麵條，每一口都是一種麻辣鮮香的享受。這道鍋麵絕對能夠滿足喜歡挑戰辣度的人的味蕾。

星期日在樂富找食不易，大多食店到處都多人，這店中午前總是爆滿，原來11:59前落單有八拆。今天叫了三個餐及蚵仔煎都是$180，價錢非常優惠。個人認為，食物賣相不錯，但味道和口感就一般，若正價，回頭指數是零。鹽酥雞扒肉燥飯，雞扒厚厚，都算大塊，味道沒什麼。滷水飯，我選了滷腸及牛肚，滷水味不覺得特別（有些店的滷水令人開胃及好伴飯的），腸的質地太淋，牛肚正常。不過敏銳神經的阿仔話食到內臟臭味。😅還有叫了紅燒牛肉飯，牛肉鹹了點。最失望的是另加的蚵仔煎，切開有四件，每件有一隻蠔。不過整體油膩及過軟淋。只看價錢是抵，但看質素就一般了。

今日偶然路過樂富，見到又有第二位下午茶半價，就入去試下。2點半入到去可以叫野食了，用QR自己落單。 今日超想飲珍珠奶茶，於是叫了左個小食加凍泡沫珍珠奶茶的餐$32，小食選擇都有好幾個，最後揀了（ 炸花枝丸）。 花枝丸黎到。嘩，勁細粒同份量小，只有2粒份量味道還好，味精唔算多，食完唔太口喝。珍珠奶茶糖水分開上，都幾好自己可以控制甜道。台式奶茶都係偏向奶精重，茶味小，珍珠軟熟度適中，味道可以。第二份餐點了 芋泥肉鬆蛋餅（半份）加 蒜香雙色腸，飲品 :熱檸檬桂花薏米特飲 $34台灣腸食落似臘腸同潤腸味蛋餅上邊個汁辣辣地，蛋同蛋皮分開左的，芋泥都夠多，但我覺得同個汁唔夾。還有蛋餅我還是愛鹹多點。飲品比較淡無乜桂花味道66元未計第二份餐半價日，正價$34加$32（半價$16），合共$50總結:食物質素平平，睇埋價錢又合格。始終平均$25元有得食有得飲，仲有位坐㿈冷氣涼，抵到爛!

雞扒外脆內嫩好juicy😋，肉燥同小學活力午餐嘅肉醬一樣🤡，打返個勻啦🙏～・・・・・・・・・・・・・・・・・・・・🍛 台式客飯套餐 HK$51.5 (熊貓外賣自取價)・味道：雞扒雖然唔大舊但幾juicy又脆口。不過肉燥就搞唔掂，陣味exactly係小學活力午餐嗰啲肉碎肉醬味-0-🤢但係份量同餸都多嘅，金銀蛋娃娃菜正常，蒜香雙色腸唔夠重味，一般。・口感：雞扒外脆內嫩嘅，飯都飽滿。係個肉燥拖晒後腿TT～・・・・・・・・・・・・・・・・・・・・🤰性價比：中～🤰9衝度：可試～🤰結論：價錢取勝，份量夠足嘅，其實唔係個肉燥拖後腿嘅話，都幾抵食～・・・・・・・・・・・・・・・・・・・・

同朋友做運動之前，諗住去搵個下午茶食少少嘢，行過見到佢裝修好靚同埋冇乜人，所以就入咗去食。俾佢黃色嘅門面同珍珠奶茶裝飾吸引咗地方好闊落，假日下午茶時間都唔會好多人全部都要黃色做主題，公仔都好得意連張餐枱嘅字都好有特色，啡色嘅公仔好似係滷肉飯朋友叫咗個午餐嘅雞扒滷肉飯，肉醬份量剛剛好，炸雞扒唔會好乾，大塊亦好多汁，跟餐仲有一杯薏米檸檬嘅飲料，有嚼口之餘俾機會我食晒啲薏米另外喺下午茶餐叫咗個芝士雞肉煎蛋餅，唔鍾意沙律醬嘅人提醒要叫侍應更改，下午茶來講份量還可以，但係如果男仔食可能會完全唔夠。仲有兩隻跟下午茶餐嘅鍋貼，新鮮整出嚟好夠熱放落口要小心。因為佢係電子落單，如果咁啱係午餐轉下午茶時間系統可能就要等多一陣，電子下單情況都 簡單，仲要有指定選擇有需要都可以叫侍應幫忙，聽朋友講之前有牛肉湯麵，如果佢係長期餐牌就好

抵食咁既價錢，正，茶記－個歺都要$70，這𥚃$64又好食，－句正已經足夠交功課😉😉又寧靜，歺廳佈置簡單又靚，服務又好最特別係有－𠆤可愛logo 食飯特別舒服

突然之間想食台灣嘢本身想去 茶木食 咁啱經過有一間滷肉飯店而且仲要十一點半至十二點落單有八折於是乎 試下呢間嘢呢個時間入去 都冇乜人坐得都算舒服叫咗一個滷肉飯 鹵水拼盤 加 台式奶茶滷肉可以選擇 辣定唔辣最後選擇左辣滷肉同埋糖心蛋都係非常好食仲有佢啲台式酸菜 都係唔錯不過碗飯就真係好細碗呢個台式拼盤我叫咗牛筋同埋豬大腸真係 非常一般個豬大腸非常乾身 鹵水味 完全唔夠而牛筋更加係一啲味道都冇非常淡好失望最後叫咗呢杯奶茶 同茶木嘅奶茶係差唔多感覺都係台式奶粉沖嘅一樣最後8折後，埋單$50.4算係 OK不過正價就真係非常唔值得了

午餐時候，肚餓想食碗飽填包肚，黎到一碗肉燥，人吾多選了一個較靜位置，要用QR code 落單，order 一份鹽酥雞扒+肉燥飯，包一杯凍檸檬桂花薏米水，雞扒大大件鬆脆，入味，我不需要加任何調味粉。56大元冇加一，抵食。

今日約左朋友行山，為左有氣有力去行山，於是來個一人早餐，見到一碗肉燥有早餐，二話不說就坐下older 個早餐，豬扒蛋公仔麵配凍金香奶茶。豬扒味道不錯，奶茶比平時的港式奶茶少了一份苦澀味，多了一份金香味，真的唔錯，價錢貼地$36，真心抵食，下次要試下台式早餐。

呢間店既裝飾幾得意，門前有個類似巨形珍珠係飲管入面上上落落，所以吸引左我入去細看餐牌，每款下午茶餐價錢連杯檸檬薏米都只係$30左右，非常便宜！每款台式食品都好吸引，真係想叫多幾個試下今次揀左芋泥肉鬆蛋餅（半份）+甜不辣炸豆腐+凍檸檬桂花薏米特飲甜不辣炸豆腐：以為係甜不辣（台式小食，口感煙煙韌韌）配炸豆腐，揾左好耐都只係見到豆腐同酸菜，再睇番餐單既英文版原來甜不辣係形容個醬汁味道 炸豆腐表面唔脆，似食滷豆腐既口感，配上個微甜微辣既醬汁，幾開胃！酸菜就分成細細粒（幾特別好少見呢個形狀），口感爽脆，夠酸同微辣。整體好食！芋泥肉鬆蛋餅：蛋餅外皮煙煙韌韌，內餡芋泥肉鬆份量都算飽滿，一咬都會怕跌餡！芋泥微甜，口感都算綿密。蛋餅上既醬汁都係#甜不辣#，但其實同芋泥肉鬆既甜唔太夾，走汁會更好味！凍檸檬桂花薏米特飲雖然只有一片檸檬，但整杯飲品都有檸檬香味。可惜完全感覺唔到桂花既存在，似係飲緊微甜既檸檬薏米水，感覺幾健康。總括黎講呢個價錢同質素下次會再食！飲品會加錢轉其他試下

呢間餐廳嘅外表好吸引，搶眼嘅黃色，同埋可愛嘅卡通，令人想試一試。今日夜晚六點幾就走咗去食晚餐，所以一啲都唔多人，坐得非常之舒服。我叫咗廚師推介嘅1號餐，好吃鹽酥雞扒同埋肉燥飯，我就揀咗香辣肉燥飯，同埋凍嘅檸檬桂花薏米特飲。另外再加左$8要黑糖脆芋圓。鹽酥雞扒，好脆口，唔油膩，咬好非常好。仲有三種香粉味道可以加，分別係海苔粉、七味粉、梅子粉。但係缺點就係就無咩雞味而杯特飲就好好味，直程想外賣多一杯飲。唔太甜，薏米又可以去水腫，仲有桂花同埋檸檬嘅香味，非常之清新。而黑糖脆芋圓細細粒，啱啱好，唔會太飽，唔太甜，煙煙韌韌，都ok!

噚日晏晝完全無idea想食乜，經過呢間舖見到有豬軟骨肉燥麵，都想食豬軟骨，就行咗入去。見到餐牌，午餐要$62，轉撈麵加$1，心諗都有啲貴喎，但嚟到嘅時候，就再無呢個感覺了。成個餐除咗主菜，仲跟一份蔬菜、一份小食，同埋一杯飲品。蜜汁豬軟骨，往時食嘅通常都係炆，第一次食到炸咗脆漿嘅豬軟骨。雖然個人比較鍾意食焾嘅豬軟骨，不過脆漿唔硬，加返唔少分。金銀蛋娃娃菜，份量比我想像中多，非常足料。鍋貼最初都擔心啲皮會硬到食唔到，食落又OK喎，最重要係唔燶。肉燥麵，不過不失啦。只要唔係太焾夾起無黐住一餅，我已經收貨。飲品要返熱檸檬桂花薏米特飲。我解讀為落咗薏米嘅熱檸水。好多餐廳啲薏米都係硬到食唔到。但呢度嘅薏米夠焾，無呢個問題。成個餐份量唔少，就算係男士都肯定會夠飽，我直情食到頂住。呢個價錢仲無加一，直頭係超值。特別一提，呢間舖頭待應好好招呼，好有禮貌。初初我揀咗一張入口門左手邊嘅枱，點知隔離位個大媽睇片，較到個電話超大聲。之後我要求轉枱，佢哋都好樂意幫忙。我會再去幫襯。