124
5
1
1-min walk from Exit B3, Mong Kok MTR Station continue reading
All Branches (2)
Telephone
23333258
Introduction
The restaurant offers 90-minutes all -you-can-eat of shabu shabu and offers different beef set, including Kagoshima Wagyu, American SRF Wagyu, etc. There is a self-service area, providing different hot pot ingredients, drinks and desserts. continue reading
Opening Hours
Today
11:30 - 22:00
Mon - Sun
11:30 - 22:00
Payment Methods
Visa Master Cash UnionPay Apple Pay
Other Info
Online Reservation
Wi-Fi
Phone Reservation
Reward Dining Points
About Reward Scheme
Review (141)
星期六同呀媽去咗旺角行街,佢見到「大將」就話好耐無打過邊爐,想食喎🤣。本身以為呢度只係得任食,但原來都有提供午市定量套餐。咁就啱哂啦,起身無耐食唔落咁多嘢。餐廳星期一至日都有供應「60分鐘午市套餐食之放題」,早上11:30至下午16:00入座都OK👌。可能時間尚早,未有太多人食緊。定量套餐包括大將自選湯底 + 一份指定肉類 + 火鍋配料無限添加。餐枱好大張,擺放食物冇難度👍。其實佢亦提供咗個小小木架,以善用枱面空間。第一部份係揀湯底🍲,一人一鍋唔使煩,亦唔使遷就大家,哈哈。我媽揀咗花生沙嗲湯,沙嗲湯係大路之選,佢無平日嗰啲咁重鹹香味,但花生味就幾強🥜。而我就嗌咗藥膳炎鍋,店員落單前已溫馨提示呢個湯底係辣嘅。即使有心理準備嘅情況下,鍋底都比想像中厲害,火紅色一片🌶。辣度幾勁,食唔到咁辣的話,就撇走啲辣油吧。整體係幾惹味,但唔似藥膳,我媽反而鍾意呢個辣湯多啲,哈哈。肉類方面,我哋分別要咗美國嚴選特上牛($138)以及五花肉拼雞腿肉($98)。🥩肉嘅份量幾多,而且夠大塊,唔係任食都有滿足感。牛肉味道算幾濃,而且肥瘦適中。肉以外嘅食材就係可以任食,包括各式各樣嘅蔬菜🥦同丸類🍢,選擇非常繽紛,每樣食一件可能都已經飽咗!個人推介生菜、萵筍、蟹籽丸、墨魚丸同䈓粉等。自取區嘅環境乾淨企理,食物有清晰標籤說明。飲品亦係任飲,枝裝茶同汽水機都有🥤。最後當然唔少得甜品,呢度有雪糕機同可以自己製作窩夫🧇,食嘅同時仲可以玩。🍦雪糕有雲呢拿味同朱古力味,識食一定係食紐紋!窩夫機簡單易用,但店員都好落意幫手㗎。總括嚟講,打邊爐好開心,呀媽話尤其係出街食唔使洗碗仲正🙈,加上呢度配置完善,冷氣充足,抽風力強。如果想食日式火鍋,大將或者幫到你,任食或定量套餐均可。 continue reading
(The above review is the personal opinion of a user which does not represent OpenRice's point of view.)
Level4 2021-05-17
913 views
2021年5月9日 星期日又到左星期日,終於可以唔使咁早起身,一於訓到自然醒,再同老婆慢慢搭車出旺角行下街、搵嘢食今日去到旺角T.O.P.呢一個商場,有好多潮流玩意同服飾賣,啱晒時下嘅年青人,而地庫就有個美食廣場,提供好多餐廳俾人選擇,咁啱我哋行到去又餓餓地,所以就選擇左呢一間餐廳餐廳提供午市60分鐘放題同90分鐘任食放題,由於我哋見到價錢好似相差唔太多,加上又想慢慢咁食,所以最後我哋選擇咗90分鐘美國SRF和牛放題,覺得價錢都唔算太貴,又可以包左大部份食物,除咗澳洲和牛點完餐之後就可以出去自助區食嘢食,見到每一款食物都有放上膠蓋,感覺乾淨好多,而且蔬菜都有唔少選擇,連比較少見到嘅秋葵都有添至於另一邊嘅自助區就放滿咗唔同嘅丸類同樽裝飲品,一般大路嘅丸類都有提供,甚至一啲未見過嘅丸,就好似芝士豆腐燒同大將軍丸等等,所以我哋每樣都拎少少試下醬汁方面都一樣有個區域可以自行調配醬汁,當中比較特別嘅醬汁有味噌芝麻汁同柚子昆布汁,個人覺得味增芝麻汁比起普通嘅芝麻汁味道更加濃烈,建議配肉類一齊食,至於柚子昆布汁味道偏酸,可以配蔬菜或者丸類另外仲有自助汽水機可以任飲汽水,仲可以一杯裏面有唔同嘅味道,個人比較鍾意雪碧溝芬達加柚子汁,味道唔會咁死甜,會多咗橙同柚子味甜品方面都完全唔需要擔心,因為見到有自助雪糕機同窩夫機,可以整完窩夫之後上面再加雪糕,應該啱晒小朋友等咗大約5分鐘左右,湯底就嚟到,我要嘅係花生沙嗲湯,嚟到嘅時候已經有好濃郁嘅沙嗲味,仲見到有好多花生碎係裡面,淥熟食物之後唔需要點其他調味料都已經好夠味至於老婆就要左五日市豚骨湯,佢話有好重豬骨味,湯底係奶白色,飲落去鹹鹹地幾夠味肉類方面當然要試下美國SRF和牛,見到紋理脂肪分布好平均,而且切得好薄,所以淥大約一分鐘左右已經熟晒,食落口充滿牛肉味,同普通肥牛真係好唔同,唔係全部肥膏黎仲有特選雞腿肉同五花肉,兩款肉都仍然保持新鮮,雞腿肉整熟左之後keep住好嫩滑,唔會韌最後埋單每人$250左右,已經飽到晚餐都唔想食 continue reading
(The above review is the personal opinion of a user which does not represent OpenRice's point of view.)
Level4 2021-05-05
736 views
上星期五終於結束忙碌的一週,所以相約朋友一起食火鍋放題,之前聽聞這間和牛質素不錯,就選了最貴的澳洲和牛餐😍果然沒有選擇錯!——————————🔹湯底朋友和我分別叫了壽喜燒和蕃茄濃湯,最令人驚喜的是蕃茄濃湯,真的超級濃郁,甜甜帶微酸的味道最適合打邊爐,食到最後一樣有很香蕃茄味,不會覺得膩👍🏼 而壽喜燒一直是我打邊爐湯底的首選,但煮過和牛和其他配料後,就開始有點膩🙈可能這裏的鍋偏細,很快煮到冇乜湯,就油油的😆🔸澳洲和牛我們選擇的澳洲和牛餐,可以選擇所有肉類,而澳洲和牛絕不能錯過,油花分佈非常靚,油分很多,食起嚟牛味充足,冇得彈👍🏼SRF和牛相對冇咁多油脂,但牛味都好夠😍所以這兩款牛肉order好多碟😋特別欣賞這裏的牛肉切得很薄,每碟只有四五片,唔怕食唔晒做大晒鬼😚🔹配料 (丸類/蔬菜)這裏的蔬菜和丸類款式都有不少,大概有二十幾款,最喜歡的是黑椒牛丸,有很香黑椒味和牛肉味,不是街邊貨色!大家來這裏食記住叫呀📣而丸類和蔬菜refill速度很快,夠晒新鮮。🔸窩夫🧇這裏有窩夫🧇可以自己整&配搭醬料,開心又好玩!暫時未見過其他火鍋店有😚朋友幫手整,望落似模似樣😍食起來有蛋香味,但欠缺外脆內軟的口感🙈而雪糕有雲呢拿和朱古力味,與窩夫一齊食,好正😋 continue reading
(The above review is the personal opinion of a user which does not represent OpenRice's point of view.)
t.O.P不嬲都出名有好多好嘢食,又新潮嘅玩意🥰🥰我同男朋友放咗工,嚟到旺角行街,行完T.O.P就落咗地庫嘅food court睇吓有咩食🥳🥳🥳望就望到有呢間日式火鍋放題,外表睇落好似幾好味咁😜😜就入去試吓啦!一入到去地方都幾闊落幾好坐🤗🤗外表都幾乾淨!同男朋友各人都叫咗一個美國SRF和牛套餐,裏面有齊先牛,雞,豬,有齊晒我哋要食嘅嘢!🥳🥳佢都有幾多湯底可以選擇,我就叫咗佢哋最出名嘅蕃茄海老湯🥳🥳一上到黎除咗個色好蕃茄之外,仲有浸浸嘅蝦味!真係唔係講笑!😍😍😍😍男朋友就叫咗佢哋搵一個辣嘅湯底:藥膳炎鍋🙆🏻‍♀️🙆🏻‍♀️睇個樣都真係好辣🤯🤯有好多辣椒喺面🤯🤯但食落又唔係真係辣到傻😙😙😙食到少少辣嘅朋友都可以試!🤗嚟到佢哋主打嘅牛肉!呢一個餐最貴嘅就係美國srf 和牛!(唔好問我係咩嚟,我都唔知🤪)上到碟又真係幾靚,脂肪分布好平均🥰🥰好似雪花咁,但又唔會好肥🥰🥰🥰值得一提嘅係佢嘅雞肉,估唔到咁滑,大家一定要試吓!店舖可以提供嘅蔬菜放題雖然選擇唔算好多,但樣樣都係我嘅最愛😍😍非常夠食!而最特別嘅係呢間舖頭可以試吓玩自製窩夫!😍😍加埋任針嘅雪糕機簡直一流🥰🥰🥰 continue reading
(The above review is the personal opinion of a user which does not represent OpenRice's point of view.)
後疫情時代使一人一鍋更普及,今次就來到位於旺角T.O.P This is Our Place地庫的大將任飲任食打邊爐。簡約淡雅的原木系裝潢散發和風禪意,卡位座位夠寬敞,坐得舒服。晚市放題限時90分鐘,這次我就選了最頂級的澳洲和牛放題套餐 $258,星期六、日及公眾假期每位 +$10。一人一鍋的好處就是可隨自己喜好選擇湯底,毋須刻意遷就而叫鴛鴦湯底,也不用擔心別人灼煮自己不喜愛的食品而破壞了整鍋湯的味道。醬料區有椰子芫茜汁、韭菜醬油、味噌芝麻汁、柚子昆布、黑麻油及日本京蔥辣油。雞白湯色澤奶白,味道不會過鹹而蓋過食材的原味。完熟蕃茄海老濃湯酸甜又開胃,還可自行於火鍋自助區另加蕃茄,更加真材實料。一坐低侍應就會奉上澳洲和牛、五花肉及特選雞腿肉。澳洲和牛肉質細嫩富油香,就算不小心放在鍋內過久,也不會令牛肉變得過韌。除了澳洲和牛之外,還可任選美國SRF和牛、美國嚴選極上牛及美國極上牛。特選雞腿肉甚有驚喜,滑嫩不鞋口,沒有絲毫雪味。自助吧有多種丸類及蔬菜自由選擇。丸類款式繁多,包括大將軍丸、濃芝豆腐燒、明太子魚餅、芝士丸、芝士腸、魚蛋、龍蝦丸、仿海膽包心丸、鳴門卷、黑椒牛丸、芥末魚籽丸、貢丸、迷你竹輪卷、年糕及年糕福袋。打邊爐的其中一個好處就是可以比平時出街食飯,食到更多蔬菜類。年糕褔袋以腐皮裝載著QQ年糕,口感煙韌且有彈性。明太子魚餅一咬開湧出creamy 內餡,突出明太子獨有的鹹鮮味。芝士丸一咬開滿溢芝士流心,芝味無窮。平時吃火鍋放題比較少見日本葛粉,煮熟後變得清澈透明且Q軟有勁。還有高纖低脂的蒟蒻供應,口感QQ又可吸收湯底精華。自助雪糕機有雲呢拿、朱古力及混合口味三款選擇。可以自己加配料於軟雪糕上,滿足甜品慾望。自製窩夫可以加入不同配料D.I.Y,有得玩又有得食。飲品都是無限量供應,備有自助汽水機可自斟自飲。除了汽水之外,還有鴻褔堂支裝飲品。 continue reading
(The above review is the personal opinion of a user which does not represent OpenRice's point of view.)