大班麵包西餅 (Moved) New Location

咖啡瑞士卷（$20)估唔到大班嘅瑞士卷質素都幾唔錯首先咖啡味香濃☕️蛋糕綿密氣孔細食落濕潤有彈性🍰中間嘅cream香甜唔油膩一卷6件幾好食😋可以一試啊！👍🏻

一個好食嘅長法包已經唔係咁容易找到， 較容易買到嘅係細豬仔法包、軟法包。今日經過觀塘大班餅店，想不到有長法包賣 ; 就買咗一條試下“即食”，外皮好脆好新鮮，內裏鬆軟，有少少嘅鹹味，微微散發出一陣陣麵包嘅香味，意想不到的美食。

"飛甩老土，送大班月餅最好！" 唔知大家記唔記得呢個廣告呢？講起大班，相信好多人都會諗起冰皮月餅. 無他的，因大班在1989年於香港首創了冰皮月餅, 以低脂低卡路里吸引了不少愛美怕肥人士； 而其創新口味亦吸引了不少年青人，所以不久後便被受追捧！今年多得家姐送禮，我又有得食大班的冰皮月餅了！經典綠荳蓉: 我最愛的口味，亦是大班最初出品的口味！用料非常簡單，只用上開邊綠荳煮製而成. 清香的綠荳一啖咬下，馬上入口即溶，甜味適中，加上煙韌皮薄的口感，食完也不覺飽膩.心大軟: 以朱古力做餡料，切開時，裡面還滿裝着流心朱古力呢！看到它，我的心也軟了！朱古力味道夠濃，但相對比較甜.抹茶紅荳: 不知從何是開始抹茶總是與紅荳在一起，但無可否認，他們確是 perfect match. 抹茶餡料用上綠荳蓉而製，帶有綠茶本身少許苦澀味，同時亦吃到綠荳的清香味. 而配上味道較甜的紅荳一起吃，正好將兩者的味道取得一個平衡點. 吃時還會吃到少許紅荳粒喔！流沙芝麻: 黑芝麻類產品一向是我喜愛之一. 相對前三款均以白色冰皮的外表，這個卻做了黑馬王子，就連冰皮也用了黑芝麻粉而製. 流沙芝麻做得很香，不用趁熱食，凍食亦能做

自從大班推出了冰皮月餅後，談起大班很自然會聯想到冰皮，我也差點忘了它還有其它的麵包糕點。說過觀塘比較有實力的店子，也會改地點東山再起，是次大班也加入物華街這個麵包兵家之地。說起物華街，麵包店也真的夠多，不只是梗有一間在左近，而是多得隔兩家就有一間。是次介紹的是這兒的切口很整齊的咖啡瑞士卷，個人喜歡的是要把它放入雪櫃變得硬一點的版本，因為蛋糕吃上去感覺比較實在，而且cream 也變得硬一點的更能感覺到那份甜味，當然那淡淡的咖啡香味也是值得留意。一年只能買一次冰皮，而且神聖的一哥地位不停被美心攻擊，其他時候也應該要找一些令自己生存的款式，未知這款又可不可以打響名堂呢?

經過大班，見到入面d包款色非常少之前都見過有咖啡合桃包，不過見到咁細個又貴，所以冇買，不過想想下，覺得又好想試，因為我係個咖啡癡所以今次買左$8一個我聞落去，咖啡味濃到想死，放係屋企，差不多成個屋都係咖啡味，我覺得今次應該冇買錯掛第二日早餐食先知原來唔係，都幾失望因為食落完全冇咖啡味，只係面頭個層係咖啡皮，食落有點似鮮奶球，脆脆地硬的上面合桃不算多，原來個包身只係普通包，咖啡同合桃都冇，只係外面個層有，所以覺得有點被騙的感覺

情人節將至, 好多西餅鋪都推出節日限定的蛋糕, 大班都唔例外.今次買左個紅色花花既蛋糕賣相都幾好, 中間仲有少少金萡紅色的花其實係草莓味既朱古力, 一打開盒就有好香既草莓味, 就咁食就幾甜, 夾埋下面既朱古力蛋糕食, 朱古力味中和番d甜味就岩岩好.朱古力蛋糕我中間仲有軟心的 朱古力更加濃另外買左個香蕉pancake, 入面d香蕉好甜丫~ 個pancake又夠哂蛋香, 係d cream真係多左d, 食到有d膩大班由裕民坊搬到黎物華街, 睇黎會令到呢條街既麵包西餅戰況更加激烈了