大同老餅家

Open Now

Now Closed

雖然未咁快中秋節 但係時候買定月餅券 每一家舖都有各色各樣既優惠吸引大家去買 我地屋企年年唔一樣 年年都會試唔同既品牌 今年揀到大同老餅家 話哂老字號 應該唔差 今日去到大同 舖頭內好多買月餅券既人 佢仲有現成月餅逐個買都得 但折扣就無咁多了 所以佢個menu有分現買同埋禮券兩款 都幾有彈性丫 有d人買黎送禮 個裝就可以自由配搭同埋即食 我買左兩張券 一張係雙黃白蓮蓉 一張係伍仁金腿月 舖頭仲有好多老餅同小食 我都忍唔到手 買左幾款 有光酥餅啦 原味老婆餅 豆蓉皮蛋酥 蛋黃蓮蓉酥 同埋兩舊馬仔老婆餅甜度適中 外皮軟熟 仲有一份香口感 蛋黃蓮蓉酥酥大大粒蛋黃 正呀 豆蓉皮蛋酥我幾鍾意佢既豆蓉 佢係綠豆蓉黎架 唔太甜 不錯 光酥餅有d人唔鍾意佢gel住個咀同埋太乾 我就好鍾意 大同既光酥餅唔錯 有奶油香 唔係完全無味 好好食 馬仔佢係無nuts個種 簡單最好食 老餅店果然係保持到水準 好期待個兩款月餅呀

係灣仔行利東街嘅時候經過大同，記起蘋果介紹過佢地皮蛋酥，所以買左個嚟試吓。個皮蛋酥頗細，一切開見到個粒皮蛋超級細，有d失望…因為之前係d街坊小舖食過既皮蛋酥d皮蛋都未試過咁細粒…可能一定要買嗰個巨型皮蛋酥先可以試到大同既厲害。另外，買咗老婆餅，個餡唔甜，比較實，冇我鍾意既軟糯感覺。

今年大同月餅可説是超級大失所望。本是hardcore半生粉絲。沒有大同月餅的中秋節就等同沒有過中秋一樣。今年就算有大同月餅，都不可以説有個快樂中秋節。因為根本談不上！因為實在大難食了！蛋黃硬又實！乾噌噌又冇油！白蓮蓉好不到那裏，亦是乾乾的，切開會碎的那種。咁多年來非大同不吃。今年開第一個時以為祇是唔好彩，有一個失水準。點知切第二個時亦是一樣的？！有冇搞錯！正店買的那有會假！所以下年唔會再比機會啦。其實食多對身體都唔好。查看Facebook 大同，原來已經有大批投訴。品質比我的幾盒還要差！恐怖程度簡直嚇人。也不便在此描述。有興趣的自己去查看吧。看來大同今年要做的補救功夫一年都唔知夠唔夠。我已經放棄了！各位唔好話我無warn過Latest Update>> 我帶著沉重嘅心情同埋個幾盒超失望月餅返大同理論。主要想話佢知今年水準何其差，希望佢哋注意吓。拖地的那位樓面阿姐好像見怪不怪。一口便offer比個refund比我響我食淨嗰幾個月餅。No comments on我所講的不滿。二話不說篤計數機退款！對我來說當然好啦。因為我無expect到。但係一次便夠了。下年不會買啦。失望嘅

記得每年中秋依間必定人頭湧湧買月餅,因始終老字號,平時既日子就多數賣麵包老婆餅等傳統中式餅。咁岩今日行過見到就買依包白餅食。食落有d似光蘇餅,但又有d似饅頭,咬落有d煙韌,都算唔錯。

大同老餅家每日有新鮮出爐嘅面包外，仲有好多唔同嘅中式餅，例如：光酥餅，雞仔餅，老婆餅，皮蛋酥等等，每一個都落足料，有重量，夠味道雖然每個人都推薦老婆餅，但係我今次買呢個係白餅，因為傳統白餅唔係日日都有，而且係限量發售，因為做嘅方法同時間都太長，所以唔係成日有。白餅自帶甜味，包面佈滿麵粉，每食一口都會整到成個嘴都白晒，但係實在太好味，我自己通常會一次過食兩個而白餅一袋有7個，賣HK$26，都算抵食啊！

今日因為工作緣故要去錦田⁣每次小編都會放工再坐一個站去元朗🤭⁣皆因元朗實在有太多好西食😁👍⁣有一間滷味係必買 遲啲再同大家分享⁣⁣以前食唐餅都係買恆香榮華多⁣但自從2月係荃灣分店食過大同老餅家 嘅老婆餅之後…⁣簡直 驚·為·天·人 咁好食😍⁣⁣今日一場嚟到 緊係要去總店幫襯下啦⁣買左#老婆餅 ($9) 同 蛋黃蓮蓉酥 ($11)⁣食之前 小編放佢地係焗爐焗左幾分鐘⁣香噴噴熱辣辣😚正放左幾個鐘再焗完食都唔會一路食一路散⁣⁣#老婆餅⁣冬瓜蓉淋得嚟又帶少少煙韌，好味道☺⁣#蛋黃蓮蓉酥⁣呢個較遜色，蛋黃乾同實，無油⁣試一次就夠🤗⁣⁣

2019.05.05元朗有好多老餅家~大同餅家便是其中一間~ 原來佢係始於1943年已經喺元朗開舖！今日咁岩經過，又突然間好想食老婆餅，所以跑左入去買左半打老婆餅同屋企人分享~如果你食過另外一家恒x牌，便會發覺2家的老婆餅有甚麼不同之處~簡單來說，大同餅家老婆餅嘅餅皮是超酥的， 鍾意食酥皮蛋撻嘅朋友，一定好鍾意呢個酥皮餅皮~ 而中間嘅餡料係較軟淋嘅糖冬瓜蓉~甜度是適中的~ 建議最好熱食~不過我唔係鍾意食酥皮蛋撻嘅朋友，所以我都係較喜歡吃恒x老婆餅多一些~味覺及喜好每個人不同，我班同事就好like大同嘅老婆餅~有興趣就買返個黎食丫~

親人送來皮蛋酥，大大的，一個已佔了一半盒子。很奇待的一刀切下，已經失望了，因為皮都散開了！用叉拿來吃，酥皮四散，豆蓉都有子薑味，ok 啦，但個皮旦就真係唔合格，皮旦好實，又細，最後一，兩口有陣怪味，又未能跟豆蓉融合，十分分割。我問是那位置的大同，原來是元朗老店！驚訝！怎能如此？比起深水埗那間有名的皮旦酥。今天吃的太不像樣了！失望😞！

近六年，於元朗斷斷續續住了2年多，都沒有買過大同老餅家的老婆餅. 其實一向對中式餅食沒甚興趣，不過最近媽媽看電視節目，正好推介大同的出品，說是用上冬瓜蓉來製作老婆餅，好似幾有水準，故此媽媽買來了老婆餅作為飯後甜品. 原味老婆餅 ($8)購買5個便有紙盒盛載，還附上非常懷舊的手挽紙袋，相當復古~老婆餅外皮帶黃金色，咬下去很酥化，內裡冬瓜蓉不會過甜，而且煙韌有嚼勁，比起以前家人常買的恆香好吃得多，也令我對老婆餅改觀~ (我也估不到原來我都愛吃老婆餅，不過必定要是好吃的我才會想吃)由於個人覺得大同出品幾好，故翌日再到店多買數個回家作下午茶~ 黑芝麻老婆餅 ($8.5)用上黑芝麻蓉的老婆餅，咬下去是淡淡的芝麻香，甜度也是偏低的，也值得一吃!豆沙老婆餅 ($8.5)這款豆沙蓉的則偏甜，個人就不太喜歡~個人覺得如果初次買來吃，不妨選最便宜且最傳統口味的老婆餅，說不定你也會如我般改變口味，會喜歡上中式餅食!

大"大不"同，失去傳統，味道急降，物非所值前幾年買過大同月餅同其他餅，真系好好食咖，當時仲好少賣廣告，無乜分店，現在乜多左，但就無曬傳統味道。今日特別去元朗大同老店買雞仔餅同江蘇餅，以前都是最好的，雖然價錢貴過其他餅店好多，但絕對值得，但現在剛剛相反，以後都吾買。～ 雞仔餅以前系一包幾個細細的，吾同大小，所以一定系人手做，現在一包有四個獨立包裝，大小一致，應該是機器製造吧。打開包裝沒有香味，再咬開也是沒有香味，食落一D南乳味都無啊，師父你去左邊啊？～江蘇餅也是同樣應該機器製造，仲加埋雲尼拿，真系多了一種多餘又不能接受的味道。新時代新作風，吾系我想比咁高價錢去買嘍，搵D遊客啦。

家裡大大小小老老幼幼都很喜歡食4王月餅的，久聞這是元朗老店舖，早排更有電視介紹這間老店店舖，看到當時電視播出的這家用的蛋黃是又圓又大挺吸引的，家裡人看到都叫我去買回來一齊吃，我心想太遠了吧，但最後我今年還是專程走一轉元朗去買月餅，首先舖員的態度是很一般的一般的，不過沒關係因為這是香港專有特色，我已經習慣，買回家後大家都急不及待切來吃了，一切開只看到2隻大蛋黃在，家人即刻問我店員是否拿錯了給我，我說不會吧，包裝袋上都有個4字，之後我仔細找，原來另外2個黃是超級迷你的，好像是鵪鶉蛋黃而且蛋黃不是圓的，是扁扁的被壓在底部，蛋黃都擠在底部的邊緣基本很難看得出來這隻是蛋黃，而且顏色很暗很乾很結實很難吃，不仔細看真的看不出來是蛋黃，因為都壓在餅底底部跟餅底顏色差不多，我們都直接丟掉，我們全家簇都不會再光顧，別的東西也看不得會好吃，所以對這家老店舖絕對失望

每次經過元朗嘅大同都會買皮蛋酥同豆沙酥，每次買都是微熱的，但依然好好味😝返到屋企可以用微波爐叮熱食，好正㗎😍今次例外我嘗試買馬仔試吓，$32 八件馬仔，為到$4 一件，價錢不算太貴，與出邊其他鋪頭比較，價錢沒有太大分別在旁邊寫晒成份返到家啊仔忍唔住不斷食，小朋友就一定好鍾意食，甜甜地，又容易咬😆今次買咗雞蛋糕同馬仔一包雞蛋糕有五件，剛剛食咗一件了，味道不太甜，雞蛋味道就非常重，咬落都好軟身，可能是剛剛買回來，所以較為新鮮

上次路經屯門站既分店，店員好心提示「老婆餅」未熱，都會問我介唔介意。但今日到元朗大同分行 明明見住老婆餅熱辣辣新鮮出爐 諗住會比個熱既黎 點知出到門口摸上手 「凍既」 ... 可能係我唔識食 鐘意熱食喇我會幫襯番 係因為好記得過往買既都係熱辣辣..、好好食.... 依家「負哂分」 好失望.... 有時一分錢 一分貨 $8/件老婆餅 ，客人錢都俾左，但食唔番「質素」 咁真係好不值囉.... 另外多買了件$21/皮蛋酥 ... 又是凍的.... 唔知味道如何... 但「凍」已經大打折扣 超失望😞

一屋月餅仲買月餅😂😂無辦法，鬼叫老人家唔會識欣賞現今咁新潮嘅月餅😂😂 我親愛嘅爸爸，最愛的，始終係古老味道嘅<五仁月餅>~ 而佢覺得最好食嘅，係<大同月餅>~甚麼冰皮月餅、雪糕月餅、咖啡月餅、雲尼拿月餅，爸爸話呢D明明係甜品，點解叫月餅😂😂😂而普通月餅，美心月餅、奇華月餅，佢覺得唔啱食~惟一係我自家製嘅奶黃月餅，佢先覺得好少少 (我懷疑係因為我😌😂😂)今次買<五仁金腿月>，一盒折實價$378，平均每個$94.5，相比其他傳統月餅，老實說，佢嘅價錢算高，而會定此價格，確係夠膽量。事實上，大同的月餅做法與一般大眾連鎖店賣的確有不同。今時今日，它的月餅依舊是在香港製造及用傳統方式。依舊是早一個月便開始加班製餅。縱然有機器幫忙倒模，搓、拍、壓、捏等包餅、甚至焗餅工序都由人手研製，某些款式依舊用人手敲模。而賣的，是最傳統的月餅：伍仁月、豆沙月、南棗月、蓮蓉月。當中伍仁月，是大同的招牌月餅。其實伍仁月是蓮蓉月出現之前最主流的月餅餡料，可以加糖冬瓜、冰肉做成甜月；亦可以加金腿、蠔豉、臘腸做成鹹月。近年不少餅家復興伍仁月，於大同而言卻是做了幾十年的尋常款

The local folk legends on the origin of this affectionately named "Wife cake" range from the respectable street vendor to support his family to an aggrieved husband commemorating his wife who sold herself to slavery. Whichever sob story you want to believe in, this local comfort treat hits the spot when hunger pangs draw you in to the smell and sight of golden brown pastries neatly arranged on stacked trays. Tai Tong bakery is a long established Hong Kong bakery from 1943 and can be found inside