16
1
0
| Restaurant: | Tai Po King Restaurant |
|---|---|
| Info: |
To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
6-min walk from Exit A2, Cheung Sha Wan MTR Station
continue reading
Telephone
23808899
Introduction
They serve spicy chicken hotpot and Chinese dishes and also seafood and sashimi. It has its own aquarium in order to ensure the seafood is fresh. The hot pot toppings such as local fresh beef slices for those beef lovers.
continue reading
Opening Hours
Today
17:30 - 02:00
Mon - Sun
17:30 - 02:00
Above information is for reference only. Please check details with the restaurant.
香港人一年四季都鍾意打邊爐，今次同foodie朋友仔黎到長沙灣「大煲皇小廚」，店家喺區內一直人氣高企，晚飯時間全場爆滿，主打新鮮抵食海鮮同十幾款特色鍋底，火鍋配料款式繁多，搞到我哋樣樣都想試吓😆蕃茄薯仔牛腩鍋我同朋友仔都係牛魔王，所以就點咗蕃茄薯仔牛腩鍋同手切牛，鍋底材料勁豐富，有大量蕃茄、薯仔、洋蔥、西芹、秀珍菇同十幾件牛腩，滿滿一大煲嘅食材就知道湯底已經好鮮甜，牛腩用上肋條位置，牛味較濃有嚼勁👍🏻我地留到最後再飲返碗湯，裡面嘅蕃茄同薯仔已經煲到淋晒，再加入稻庭烏冬，製成一碗濃郁嘅蕃茄湯烏冬😋本地特級手切肥牛我地嗌咗一碟小份嘅手切牛，份量十足有成二十幾片👍🏻肉嘅厚薄適中色澤吸引，油脂比例分布均勻，呈現雪花紋路，放入湯底滾幾下啱啱熟口感最好，肉質軟腍牛味濃郁，推介🉐新鮮雞雜坊間嘅火鍋店較少有嘅菜式，雞雜包括雞腸、雞肝、雞心同雞腎，雞腸上帶點脂肪，落湯底煮熟後腸嘅部份爽口脆身，油脂會喺口中爆開，非常好食，雞肝帶點粉粉嘅口感，雞心同雞腎爽口有咬口，內臟愛好者必點😆墨魚滑拼蝦滑推介必點火鍋配料👍🏻👍🏻👍🏻店家手打嘅魚滑同蝦滑，墨魚滑加入蟹籽，味道更鮮味又彈牙，而蝦滑係睇到用上一隻隻新鮮嘅蝦仁剁碎，食落去口感更為豐富，蝦仁粒令蝦滑爽口彈牙，配上蕃茄湯底更加提升鮮味，超水準👍🏻水餃水餃粒粒肥大飽滿，以木耳、筍、豬肉同蝦仁製成，餡料份量足，皮薄而滑溜，裡面充滿湯汁，味道豐富而多層次花刁醉蝦推介👍🏻上枱時啲大蝦仲識郁架，非常新鮮，大蝦會先放入花刁酒中浸透，食落會有淡淡嘅酒香味但又唔會蓋過蝦本身嘅鮮味😋白魚蛋白魚蛋彈牙爽口，鮮味嘅魚蛋係火鍋嘅最佳拍檔📍大煲皇小廚 (長沙灣)長沙灣青山道155-181號天悅廣場地下CA3-CA5號舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️
continue reading
｛食盡長沙灣之港式 — 大煲皇小廚｝————————————————最近好似成日都打邊爐， 唔知大家會唔會睇到悶😂不過呢一間我真係要happy share俾大家！ 呢間位於長沙灣嘅邊爐，並唔係放題任食， 而佢嘅食物質素相當之唔錯！，基本上叫嘅所有嘢食都好滿意😆 🔸 鮮茄豆腐三文魚頭湯底 $128 湯底有成大個三文魚頭連魚鮫， 連埋鮮茄同豆腐一齊煲， 好入味， 成個魚頭俾我清曬😍 同埋唔知點解呢個湯底好似煲到最後都唔會話好油嘅感覺🧐 🔸 本地特級手切肥牛（小） $198 兩個人食一份細嘅肥牛就啱啱好， 肥牛油花分佈均勻，唔會太肥， 薄薄一片輕輕滾5-6秒就食得😋 🔸 美國桶蠔 $180 呢個真係嗌得好好！ 一共有六隻， 隻隻都超大又飽滿🥰， 未煮聞落都好新鮮， 煮完亦都唔會縮水太多，正！ 🔸 脆鯇片 $48 切得好靚而且部位係比較小骨既， 記得唔好煮太耐，咁就爽口又鮮味！ 🔸 流沙芝士獅子狗 $68 一共有八粒， 煮熟之後小心熱， 一咬落去啲芝士會流曬出嚟， 佢係芝士汁唔係拉絲嗰種， 都唔錯嘅 Overall comment: 最近呢個月食咗咁多間打邊爐，發現始終都係 一分前一分貨， 如果追求高質既食物質素， 散嗌始終係最好嘅選擇☝🏻
continue reading
打邊爐既用料好重要,第一次來長沙灣打邊爐,來到大煲皇小廚,一食就食得出係靚料。朋友中意食花膠,我地就叫左個花膠雞魚翅湯底,雞好嫩滑,花膠有咬口,份量多,魚翅既質感又特別d。成bowl湯bowl完後有好香濃既花膠雞味,好味道。我地叫左一碟蝦,就算串起來都見到蝦尾仲識郁,好生猛。叫左一碟本地手切肥牛,肥瘦既分布恰當,食到香濃既牛味,正!南非鮑魚好大隻,原隻上,超彈牙。鮑魚就食得多,咁大隻就真係少見啦!呢間店好正!
continue reading
大煲皇小廚 （25/3/2024）今日同朋友去長沙灣做運動，早前另外有個朋友介紹我附近有間火鍋店，最主要係食材新鮮，價錢唔貴，而且淨係湯底都勁多選擇。這間火鍋店叫大煲皇小廚，位於長沙灣青山道155至181號天悅廣場地下CA3-CA5 號舖，港鐵長沙灣站A2出口，行幾分鐘就到，非常方便。店舖內都幾闊落，光猛乾淨，有圓枱有卡位，坐得令人舒服。這間火鍋店足料湯底都有超過二十樣任選，真係想食咩都有，我哋就叫咗皮蛋芫荽清湯，要清湯就主要食返個原味，見到個湯底令人開胃，湯底除咗有皮蛋芫荽外，仲有粟米、豆腐，紅蘿蔔、大大隻菇，馬蹄粒，令到個湯好清香，可以先飲湯後才打火煱，我哋選牛肉真難，樣樣牛肉都好靚，尤其是頂級首設鮮肥牛、本地特級首設肥牛、招牌生牛肉刺身、霜降手設頸背肥牛，望見啲相都想食，但今日得我哋二個人，所以只選其中一樣，點咗本地特級手切肥牛，好有牛肉味，牛肉味又夠濃，厚薄適中，油花好靚，油脂分佈平均，叫份細都夠大夠我哋二人食。而打邊爐叫飲品一定叫啤酒，同邊爐食物好夾。精選火鍋配料亦有好多選擇，我哋叫咗有豬潤、脆鯇片、潮州魚旦、水餃拼雲吞，脆鯇片師傅刀功好好，切得好靚，食得出好新鮮，色水都睇得出，水餃雲吞一碟都有成8隻，水餃雲吞都飽滿，味道唔錯，潮州魚蛋非常爽口，真係好有囗感，而且亦唔細碟，豬潤更冇得彈，潤質鮮嫩，又不用放太耐於湯，成塊豬潤就非常爽滑，亦好有豬味，非常好食。蔬菜煮食配料就叫咗生根、涼瓜片、西洋菜，蔬菜估唔到涼瓜片最好食，爽脆又唔會覺得太苦，而西洋菜就好吸油，可用來健康打邊爐，蔬菜亦好配合肉類來吃，食更多肉當然都要食返啲左菜纖維平衡返下，阻隔下油分吸收。大煲皇小廚值得推薦俾大家，令人食得好滋味，亦好抵食，店員的服務態度都唔錯，我下次都再會去打邊爐外，仲叫埋佐酒小食來喝酒。
continue reading
今天晚上，我和老婆走了过去長沙湾青山道天悦广场地下大煲王小厨晚饭 。掛在门口的红色大招牌，上面写着：创业于20年，就是为了这一锅，可见店主的用心良苦。我们叫了这里的招牌菜，浓汤鸡煲翅锅、一碟本地特级手切肥牛、一碟广岛蠔、蝦滑拼墨魚滑、豆苗和一支嘉士伯啤酒。浓汤鸡煲翅鍋，用料十足，有鱼翅、滑鸡，汤味浓郁，真是可以先喝汤，吃完鱼翅，再打边爐。手切肥牛，都是瘦牛肉，火锅最合适，很好味，容易入口。广岛蚝十分肥美，很好吃。蝦滑拼墨魚滑、更是爽脆，十分彈牙。豆苗更是嫩滑、爽脆。吃火锅时，加上一支冰凍的嘉士伯啤酒，更是没得顶。今晚的火煱，所有的食材，都是超出水準，十分美味。我们十分欣赏这次晚饭的体验，也感谢侍应们的热诚招待。#大煲皇小廚#长沙湾青山道155至181号天悦广场地下CA3至CA5号铺@MAPHK2021
continue reading