10
3
5
4-min walk from Exit B2, Sai Ying Pun MTR Station
continue reading
Telephone
25599519
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
Signature Dishes
今天突然很想吃墨西哥菜，所以就吃Google Maps上找到的這家墨西哥菜，我點了一個墨西哥捲餅是烤牛肉起司口味的原本我以為會不夠，但是他一卷很大吃一個我就覺得很飽了他旁邊有附莎莎醬可以一起吃很解膩 很讚
continue reading
每次係中上環都想食D平時較少食到既異國菜🗺️ 之前睇到食評介紹呢間Taco就食下做Lunch☀️ 簡單黎講中了伏🌝 Taco suppose係墨西哥既平民食物🇲🇽 份量少正常男仔胃口一定唔夠飽💸 而且雖然係平民食物 但係用料無誠意 座位唔乾淨 非常不推薦👎🏻⭐️ Baja Fish Taco 🐟餡料係炸魚乾爭爭感覺唔新鮮🙂 雖然醬料好多 有Sour Cream Guacamole🥑同埋Pico de Gallo🌶️ 但係問題全部都係現成既調味醬 無層次無誠意至於醬料溝埋一齊係唔和諧的😠
continue reading
墨西哥菜對香港人嚟講比較出名都離不開Nachos同Tacos, 呢間小店都有提供, 不過今次就主力食Tacos叫咗2款Taco, 每款預設2件啱哂2個人分享(左) Dodger Stadium Taco 芝士牛肉片墨西哥餡餅用咗炒香薄片肉眼牛肉, 加埋芝士配牛肉本身已經係不敗嘅組合, 夾埋洋蔥同羅馬生菜解膩(右) North Hollywood Taco 泰式烤雞墨西哥餡餅泰式烤雞加上青瓜絲、椰菜、蕃茄同埋沙嗲花生椰子醬, 好有食緊泰式沙嗲串感覺, 用墨西哥薄餅tortilla代替印度薄餅NaanMonster Taquitos (6pcs) 勁量墨西哥捲夾餅 原本想再多叫幾款taco試試, 見到捲夾餅(Taquitos)有2件同6件叫, 6件monster級別仲有特別多材料就試試佢, 一樣都係用tortilla, 不過就捲住慢煮手撕豬肉, 上面加上大量芝士、牛油果蓉、sour cream同醃墨西哥辣椒, 相當複雜嗁惹味, 下面仲有豆泥, 拎起芝士仲會拉絲, 超滿足試埋墨西哥啤酒, 除咗Corona仲有Pacifico Clara, Pilsner style平易近人易入口另外佢哋仲有好款辣醬可以加, 試啱仲可以買走, 個人覺得就算係XXXTRA都唔算好辣, 整體都係偏酸, 反而El Yucateco嘅black有啲smoky同bbq味有驚喜
continue reading
突然間好想食墨西哥菜！於是就揀咗呢間西環喱間開業多年既墨西哥菜老店外賣，其實呢間taco都食過好多次嫁喇，不過今次食外賣就稍微有啲失望，可能因為外賣嘅關係啲粟米片凍咗就冇咁好食😌牛油果醬好清新，好健康，脆片就一般，可能擺得太耐淋左，加上本身個脆片冇乜味，所以唔算好特別，如果有埋芝士應該會好食好多！卷餅給有驚喜既，估唔到入面原來係手斯豬肉飯，豬肉飯再加捲餅令到成個感覺好Heavy，但係個味道係好食嘅！個辣豬肉醃得好惹味！不過豬肉量唔多😂薄餅落咗好多芝士、牛肉、雞蛋去整，再用咗好薄嘅餅底去焗，所以食起嚟好脆口好好食！因為外賣嘅關係個脆片已經淋左…唔算好脆，不過醬汁佢都落咗好多俾我哋，但係我覺得同出面食嘅nacho好大分別，佢唔係用牛肉豬肉去焗，佢係落咗牛油果醬同埋豌豆醬（沙沙醬）所以令到成個nacho嘅味道好淡口，再加上本身個脆片又冇咩味，成個感覺完全唔似一款配啤酒嘅小食，只能夠講係一個好健康嘅nacho，如果呢個價錢少少肉都冇真係唔係好值囉….牛肉煎得幾香口，少少辣加埋洋蔥成個感覺幾好食嘅！加上夾餅個皮烤到啱啱好食落去好煙韌唔錯
continue reading
Taco Chaca 係一間墨西哥菜快餐小店，主要都似係做外賣居多，一路坐喺度食野外賣 APP 嘅朋友係不停出出入入駱驛不絕，無他， 佢嘅定位係比較平民嘅路線，亦正正係我鍾意呢度嘅原因，比較享受 Tacos 係一種街頭美食，就好似我地唔會去餐廳食雞蛋仔。 當然， 亦有好多餐廳成功將 Tacos 變化成為主菜式，只係青菜蘿蔔，各有所好，無話邊樣好啲。嚟食墨西哥野梗係飲返個墨西哥啤酒先，Pacifico Cara 係墨西哥大廠Grupo Modelo 出品，說到 Grupo Modelo 最多人識佢地嘅出品，當然就係 Corona Extra，Pacifico Cara 都係類似嘅墨西哥啤味道，比較淡，容易入口。今次嚟食揀左兩款未食過嘅 Tacos ，Dodger Stadium Taco ，佢將少少美式三文治嘅元素加左落個 Tacos 度，有芝士、牛肉眼扒、洋蔥、生菜同醬汁， 食落幾正無想像中咁濃味，但係就無想像中咁 fusion 嘅。 顧名思義就係向美職棒球隊 LA Dodger 球場賣嘅 Tacos 致敬，但事實應該係無乜關係，因為 Dodger球場嘅 Tacos 係經常轉款。另一款就叫左泰式烤雞 Tacos，有烤雞、青瓜、椰菜、蕃茄同沙嗲花生椰子醬。 呢個幾有驚喜，好似食緊泰式雞串燒咁嘅味，變做Tacos同埋啲 salsa 都好夾，係大啖大啖轟嘅好味道。介紹返佢點餐位隔離有好多辣醬客人係可以拎嚟試，特別推介 El Yucateco 呢個墨西哥品牌嘅辣醬，佢有三款唔同口味，Salsa 就帶多啲酸味，XXXTRA 就辣啲（但唔係真係好辣，米線小辣辣過佢），Black 辣度同XXXTRA 差唔多但係就再帶啲煙燻味幾特別，我最鍾意就係 Black 我覺同濃味嘅肉夾啲多啲層次。本身想再叫多啲 Tacos，但係見嚟親都剩係食Tacos不如試一樣未食過啦，見佢餐牌上有樣野叫做Taquitos 於是就叫嚟試下，有驚喜喎～ 佢係將啲手撕豬肉放入個 Taco Shell 度，跟住拎去炸，再加芝士、牛油果醬、酸忌廉、莎莎醬、辣椒，下面就鋪左啲豆泥， 成條拎起好似春卷咁，好脆，好似食緊放大版嘅 Nachos 咁。佢個牛脷 Tacos 都好食，不過今次真係飽飽喇～ 下次要再返嚟食先得~
continue reading