6
2
1
4-min walk from Exit D2, Central MTR Station continue reading
Telephone
23938133
Opening Hours
Today
12:00 - 14:30
18:00 - 22:30
Mon - Sun
12:00 - 14:30
18:00 - 22:30
Payment Methods
Visa Master Cash
Other Info
Alcoholic Drinks
10% Service Charge
Review (11)
Level7 2021-05-03
943 views
嫲婆姑娘近年忙於湊孫,由去年疫情突然緊張後一直未敢與每天正常返工嘅小肥見面,等到今年細佬生月,襯復活節假期情況尚算穩定,即相約午聚,地點揀咗間佢個食家客極力推薦嘅「T8 Japanese Cuisine」。樓上餐廳位於中環蘭桂坊暗斜嘅一間商廈內,以木條綑邊嘅磚牆門面設計明顯走潮派路線。於門外量度體溫時,先望見趣緻嘅招財貓家族。佔用面積全層嘅店子主要分成四個區域,前方右邊為鐵板吧位。前方左邊為壽司吧位,均有師傅喺面前處理及烹煮菜式。而後方嘅兩間房右邊擺出二至四人嘅合併式散座。左邊嗰間可視為私人鐵板燒廂房。以壽司賀壽就梗係訂坐壽司吧啦!席上除咗有自用嘅筷子、餐巾及濕紙巾之外,仲附送一個可重複使用嘅環保口罩套。厚墊椅櫈十分舒適。服務生友善細心,出入座位時會幫忙拉櫈,亦有提供掛鈎擺放隨身物。午市餐牌分鐵板燒及壽司兩類,各有幾款選擇。三人揀咗包有沙律、蒸蛋、十件手握壽司、麵豉湯、漬物及甜品嘅「手握壽司套餐」($418/位)。其實未埋位,已經見到Kingsley師傅忙於處理斤兩十足嘅魚材,不過每件壽司都係續款即場握製及調味。餐墊上有塊濕巾,歡迎貴客傳統地用手進食壽司。全場嘅午餐清一色由沙律作序。沙律所選用嘅蔬菜爽脆清新,混入少量嘅藜麥更覺健康,亮點係巧薄乾身,超級脆卜卜嘅蓮藕片!熱辣辣嘅燉蛋清甜軟滑,輕巧暖胃,襯上別緻嘅碟仔仲有個擺木羮嘅凹位設計,和風味濃。第一件「帆立貝壽司」爽厚得黎有微微韌度,師傅喺面刨上岩鹽,似乎未能提升鮮度,同時更奪走埋原有嘅甜味。小弟建議可以酸性嘅柚子粉末或青檸汁代替岩鹽去提鮮,帆立貝嘅質感應該都可以變得鬆潤啲。論外表或美味程度,整頓之最必選鮮黃艷麗嘅「毛蟹壽司」!以蛋黃醋醃製嘅北海道毛蟹幼嫩鮮濃,頂面加插紫美嘅紫蘇花點綴即倍添清新芳香,食後毫無膩感,滋味無窮!集齊紅橙黃綠嘅「金扇鯛壽司」魚質軟潤,不過同時塗上甜甜嘅秘醬及酸辣嘅蘿蔔蓉,效果就同其色調一樣咁雜亂。製作過程最複雜估計都係由形如一張厚身白紙𠝹花後再燒至捲起嘅「魷魚壽司」,眼見師傅手勢純熟,直令從不入廚嘅小肥大開眼界。灑上淡雪鹽粉嘅魷魚壽司咬落有啲似橡皮糖咁半膠半黏,停留於口腔只有一股強烈嘅咸味,細佬食到咪起雙眼,面部表情確真與被傷口上灑鹽無異。師傅介紹,以醋及鹽醃過嘅節令春子鯛乃日本鯛魚嘅BB,名符其實為「春天之子」,一條可開兩邊並握成兩件壽司。「春子鯛壽司」輕輕燒過,其銀光閃閃嘅魚皮十分香脆,皮層爆出嘅魚肉光滑軟潤,彷彿正道出春天到臨,有意思極!黑邊嘅「鰆魚壽司」肉身雪白柔潤,由於其鮮味較清甜,個人就有少少奇怪為何唔係編排喺前半段食。橙白紋理清晰嘅「甜蝦壽司」質感相當爽脆潤澤,可惜頂面加上烏魚籽就有畫蛇添足之嫌,因壽司所散發出嘅咸魚味未必人人受得落,真心嗰句XO仔直頭覺得反感!「鯖魚壽司」嘅魚味同其色澤一樣濃厚。橙美光亮嘅「海膽壽司」幼嫩滑溜,鮮香濃郁,不過或許係自己俾相熟嘅師傅們竉慣,硬係覺得份量唔夠澎湃咁。長長嘅「大卜口壽司」色澤粉嫩有光澤,入口迅即半溶於舌上,鮮香甜美洋溢口腔!壽司環節結束後,即上惹味脆巧嘅漬物及暖胃嘅麵豉湯。甜品先有招牌蛋蛋孖寶。相中左邊嘅「煎玉子燒」厚潤清香有彈性,而右邊嘅「蒸布甸蛋」則軟滑微甜,各有特色。結尾嘅「紅豆綠茶奶涷」清涼軟滑,可口甜美。只有英文名嘅「T8 Japanese Cuisine」和式嘅間隔不失時代感,室內光線充裕,空間感足,服務生誠懇周到,最重要係衛生意識夠強。中環正常價位嘅午市「手握壽司套餐」質量其實大多不錯,只係有少少參差,部份新穎嘅配搭未必人人啱,壽司款式喺舖排上表演出有點兒雜亂無章,但小弟嘅愚見絕不代表其他人嘅意見,還望大家見諒。 continue reading
Level4 2021-06-13
0 views
今日應朋友仔邀請去中環蘭貴芳食高級日本料理😉其實點解我用高級來形容,因為無論環境、服務、食材我本人都覺得係一流的享受👍雖然佢嘅餐牌有D特別,只有三個特定餐選擇,但每個餐的款色都多架,而且師傅都好專業,你食完一款才會上下一款菜式,好似返咗去D老家日本餐廳一樣😊價錢真係貴架,不過真心好食枝洒好香好醇前菜都好香口,正D個湯好鮮甜,好滋味極度滿意件拖羅,油脂分佈均勻,顏色又粉嫩,入口即融,十級享受D個食法好特別,又夠創新,視覺效果十足🌹和牛煮得恰到好處!D餐真係豐富,其實耐唔耐豪一次都吾緊要💋 continue reading
(The above review is the personal opinion of a user which does not represent OpenRice's point of view.)
無得去旅行就唯有食吓好嘢獎勵下自己啦!今日請咗日假同個妹去試吓呢間嘅lunch Omakase. 我哋叫咗個$688嘅set,基本上所有食材都好新鮮,最出色嘅包括有熟成嘅Otoru、火炙右口魚裙邊、以及最後嘅海膽飯。熟成大拖羅濃濃魚味入口即溶,好多時右口魚裙邊會有一思揮之不去嘅腥味但呢個魚油好足鮮味一流,個海膽飯温度好好,佢首先用海膽同壽司飯以及海藻攪勻再另放海膽上面。好怕海膽嘅温度大似室温,佢就唔係冰雪feel但keep到陣冷感,好鬼鮮味😋😋唯一一個美中不足就係個蟹肉壽司,調味方面稍為酸咗啲。但成個餐同服務都有90分👍🏼👍🏼服務方面首先有貼心膠口罩套供應,每上一件壽司都會抹乾淨隻大托碟,不斷添茶。👍🏼👍🏼👍🏼 continue reading
(The above review is the personal opinion of a user which does not represent OpenRice's point of view.)
Level1 2021-03-29
683 views
環境不錯靜靜地適合聊天,員工服務也很好,食物質素也很好,午餐價錢比較相宜,晚餐就稍微貴一些,今次叫了一個M9牛套餐,一個海鮮套餐,再加少許單點,整體來說是十分滿意,會再來幫襯 continue reading
(The above review is the personal opinion of a user which does not represent OpenRice's point of view.)
沒想到香港也會有這種操作...整晚只有兩桌客人,open rice的評分也具有極高的誤導性質,應該是買了水軍來操作。目測不到3個月內會倒閉...晚饭menu:一張紙,只有3个set選擇人均1000 到2000 (包含加一)以上價格還沒包含酒水環境:工廠大厦,卻標價香格里拉酒店西餐廳價格。樓底非常矮,如果看著廚師在面前燒鐵板燒,那就需要被後面不可空的空调吹住成晚。餐廳沒人兼有些少異味(並非煮食味)食材:尚算新鮮,但份量極少set dinner最後一道菜是海膽/蟹肉炒飯,但飯多量少,所以哪怕之前吃不飽也會被最後一道菜食死你。食物:偏鹹或偏甜極度不好吃,鮑魚新鮮但overcook牛肉未點調味已經太鹹其他菜很多用胡椒粉,味道統一sorbet水放太多,像吃冰一樣甜品綠茶紅豆餅:7-11一樣味道魚和湯都太腥服務:員工没有經驗,所以嘗試以送口罩或洗手液等方式补偿不足。總結:鐵板燒非常失望,sashimi也不夠冰放久了餐廳必定很快倒閉openrice 無論是menu,環境或價格都是圖文不符。以网上$200人均做標準的話,我果張單就是多吃了10倍! continue reading
(The above review is the personal opinion of a user which does not represent OpenRice's point of view.)