Video
4-min walk from Exit C, Chai Wan MTR Station
continue reading
Telephone
29654128
Opening Hours
Today
06:00 - 23:00
Mon - Sun
06:00 - 23:00
Above information is for reference only. Please check details with the restaurant.
Recommended Dishes
Signature Dishes
新年前後，又是到處飲食的時候了。這一次，就有柴灣的飲食達人朋友帶路，大伙兒來到地鐵站附近的工業大廈內品嗜美食。地點，就是在泗興大廈內的《泗興食堂》。那天，油煙味同食物的香味充溢著整間餐廳。功夫小菜，撚手小炒，樣樣都吸引，是很 perfect 的香港菜本色。泗興大廈內的《泗興食堂》，好明顯就是一間工廠飯堂。當然，這一類飯堂，是要有朋友在這一棟大廈上班才能帶我們入去品嚐美食啦。然而，晚上的這一個飯堂，絕對是座無虛席。而且來者都是熟客，老闆也同客人打成一片，一起飲啤酒 / 威士忌。餐廳，主打一些香港式的 "了能" 菜。鴛鴦鳳皮甲，用雞皮包住墨魚滑去炸的墨魚餅，在底的就是涼拌青瓜絲拼雞絲拼海蜇絲。從來沒想過，雞皮可以同海鮮配合成為一件美食。墨魚餅夠香，雞皮也帶點脆。而在底的青瓜絲拼雞絲拼海蜇絲，更加像一份沙律。然反來的，是《泗興食堂》的招牌菜，蝦多士了。原隻蝦加上蝦膠一起釀入麵包之中，味道之美，是難以用文字來形容的。當然，呈上來時，那四溢的香味，也是難以用文字來形容的。蜆介鯪魚球，許多年前，我在中環的羅富記吃過。這一道菜式，最最最吸引之處，就是那聞起來會不悅，吃入口卻異常美味的蜆介醬。對比之下，蜆介比不上羅富記的出品，但鯪魚球卻是 ichiban。蝦醬肉眼根絕對是一個 "了能" 菜。肉眼根，是豬扒底部一小塊白色的筋。老闆說，一隻豬只有很少肉眼筋，所以是很難有的。吃入口，感覺是爽爽的，加了蝦醬同豉油，更突然當中的香味，非常特別也非常好味道。黃金豆腐，看似是一般大排檔都可以見到的食物。但端出來的這一份看得出是份外有水準。外層香脆，而且那脆脆的口感覺只是薄薄的，薄薄脆一層之後，就是鮮嫩滑一滑的豆腐了。魚扣煲，是《泗興食堂》 "了能" 菜之一。魚扣，即是魚的胃部。用豉油爆香的魚扣，再加上香蔥放入煲內再爆香，味道奇香，而魚扣也十分之爽脆。味道極美妙。最後，我們點了些飯麵。麵食方面，我們點了一個香味四溢的沙嗲粉絲蝦煲。沒想到，這店連炒粉麵飯都充滿了鑊氣。這一個粉絲蝦，由於加了沙嗲，所以是特別香口的。另一個，也是《泗興食堂》的招牌食品，生炒糯米飯。每一粒飯都入味，而且炒到極乾身，盡吸豉油的米飯，的確是啖啖都有味道。再加上這煲飯超大煲，食唔晒，就不得不帶走回家吃了。這一餐，食材獨特，味道出眾，真的是每一味食品都非常之出色，也非常之 "了能" 。味道好，而且又夠晒港風味的晚飯，食過一次，已經感覺到要返尋味。
continue reading
朋友一向食好嘢，特別介紹泗興。一到達被外觀和裝修嚇親，但上第一道菜，蝦膠煎薄雞皮開始被美食全俘虜了！每道菜都有驚喜，絕對超值的難得美食，一定同朋友去，因為份量很大。讃
continue reading
呢隻炸子雞真係不得了，隻雞本身夠肥美，炸咗之後皮脆肉嫩，一啖咬落去juicy到肉汁橫飛，係必點嘅菜式。蝦多士又係必點嘅，因為都幾大件，所以建議可以兩個人share一件。多士炸得透，又無乜油嗰吓勁。第三個必點嘅就係呢個蔥花臘味煲仔飯，夠香夠乾夠入味，仲要有食得到嘅飯焦，無得彈。呢個就輸人唔輸陣，如果以味道黎講只屬一般。呢度嘅咕嚕肉都唔錯，夠鑊氣，不過如果要同其他餸菜比較就會差少少，真係好想食或者個胃仲有位先考慮叫啦。差d 唔記得呢個魚扣煲，一流，必點。首先如果無熟人攞又邊度會有咁靚嘅魚扣呢？入味惹味。
continue reading
柴灣真係一個好遠嘅地方，如果唔係朋友強烈推介都唔知道喺工廠區嘅呢個位置有一間咁精彩嘅飯堂，仲有一個咁驚喜嘅晚餐。呢碟叫鴛鴦鳳皮甲，其實就係雞皮包住墨魚滑去炸，個底就係涼拌青瓜絲雞絲海蜇絲，先食上面嗰鳳皮甲，然後再撈雲下面嘅海蜇青瓜雞絲再食，雖然係雞皮但係又唔覺得好最惡，外層香脆，入面嘅墨魚滑可以彈性。椒鹽鮑魚隻隻都好大隻，而且啲鮑魚好新鮮好有彈性。薑蔥美國桶蠔煲好惹味，而且啲蠔好肥美。最後叫多碟菜，清炒嘅。
continue reading
美食沙漠中的私房菜平時好多人都會預先訂枱有時候都未必有位連平日去食都多人多熟客幫襯必食的係蝦多士如果假期去記住要預先留蝦多士蝦多士好足料而且好食😋入面全部都係蝦肉同埋蝦膠用心製作👍🏼每日可能會有唔同嘅海鮮或者菜式去到可以問佢呢間私房菜主打每日有新鮮雞依家好少地方會有新鮮雞食同埋佢有唔同嘅煮法可以揀你想食嘅口味之前試過沙薑雞相入面嘅係蔥油雞個人比較鍾意沙薑雞蔥油雞整得唔夠熱所以有啲影響咗炒豆苗好好食唔會老炒得啱啱好推薦豉汁蒸鱔同西蘭花炒鮮魷豉汁蒸鱔推介💖份量都多而且蒸得啱啱好炒聖子聖子好大隻不過份量唔多唔係好推介馬友就有人覺得有啲腥其他人都接受到既呢間係比較地道嘅私房菜仲有好多款式係柴灣住的不妨一試
continue reading