Sweets House Cha Cha

Open Now

Now Closed

もも季開催！又到白桃當造的季節，美味的白桃甜品紛紛出籠了！Sweet House Cha Cha最有名的是抹茶甜點，這天經過，竟遇上期間限定的日本白桃甜點！店員表示這白桃泡芙($38)每天只限定數份，以日本山梨縣白桃製成，而且即時制作保證新鮮。 無論是外形和價錢都好吸引，當然要試試吧！泡芙內的白桃肉足半個的份量，日本白桃在日本超市從不便宜，這算是非常「佛心」的定價。捧着白桃泡芙一口咬下，不得之了，白桃果肉香甜又Juicy，果肉細嫩又無渣，吉士忌廉泡芙香脆有在吃菠蘿包的感覺， 這家無論是泡芙或是大判燒都做得出色，這白桃泡芙也不會例外。泡芙、大判燒還可以$18配以抹茶飲品，這杯冰抹茶牛奶表現有點失準，抹茶粉下得實在重手，濃得帶點茶澀味道不太討好。這白桃泡芙的美味教人難忘，只可惜店員一再表示，白桃泡芙每天極限量供應， 所以未有有大肆宣傳， 到第二天在銅鑼灣分店已不見其縱蹤影了，能否吃到白桃泡芙就要看運氣了。除了這隱藏限定版以外， 還可以試試白桃軟雪糕。白桃軟雪糕($45)粉紅色外表吸引，淡淡的桃香自然，奶味較果味濃郁，吃着感覺清新， 不過始終都係抹茶系列最好。

#fridayla_shatin⠀⠀⠀⠀⠀⠀⠀⠀⠀⠀⠀⠀⠀⠀⠀頭先同L小姐路過Citysuper，見到呢款最新白桃泡芙😍真係興奮到彈起！⠀⠀⠀⠀⠀⠀⠀⠀⠀⠀⠀⠀⠀⠀⠀事關佢足足有半個咁多，雖然而家白桃開始當造，但價錢都唔平😳😳⠀⠀⠀⠀⠀⠀⠀⠀⠀⠀⠀⠀⠀⠀⠀而呢款日本白桃連泡芙只係賣$38，身為白桃控既L小姐當然第一時間就要試😝😝⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣Sweets House Cha Cha主打日式甜品，其抹茶雪糕和大判燒都深受港人歡迎。此外，其泡芙亦不容錯過，定期會推出新口味，近期就推出日本白桃忌廉泡芙！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣日本白桃忌廉泡芙💲38 (推介👍🏻)💭白桃足足有半個，size係中型桃💭咬落超多汁，而且清甜無渣😱💭呢款泡芙既忌廉就無平時咁多💭所以真係過足白桃癮啊😍😍⠀⠀⠀⠀⠀⠀⠀⠀⠀⠀⠀⠀⠀⠀⠀🔘唔知呢款期間限定做到幾時😳🔘白桃控記得抽時間去試啦！ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀◤ Sweets House Cha Cha ◥ ⠀ ⠀🔹🔹🔹🔹🔹🔹

記得係日本食過白桃味雪糕，好好味雖然cha cha 主攻緑茶市場，但今次出左呢個期間限定，點都想試下香港version 好甜，白桃味亦不突出夏日果種fresh feel 依然係度既

Sweets House Cha Cha的大判燒相信對喜愛吃甜品的人不陌生每次到沙田新城市廣場，指定動作必定是到city super買大！判！燒！Sweets House Cha Cha位於city super內，若用現金支付便需要稍移至city super的counter付錢，再憑票換取。個人會用八達通付款，可以在店舖直接支付。之前嚐過不同口味如紫薯和淨抹茶味但都覺得紅豆抹茶吉士是最合襯最好味！香甜軟綿的紅豆配上細滑抹茶味的吉士，每一啖都在覺得自己置身天堂般大家一定要趁熱吃喔

呢杯迷你黑芝麻雪糕，係咪好的骰、好可愛呢？由於City’Super咁啱做緊promotion，喺Little Mermaid麵包店消費，憑單據去隔離嘅Sweet House Cha Cha，只需$18就可以換迷你黑芝麻雪糕。黑芝麻味道非常濃郁，濃到遮蓋咗雪糕應有嘅奶味。齋聞雪糕都好有芝麻香，而雪糕質感雖感厚實，但滑度依然，一食就知堅料。鍾意食黑芝麻雪糕嘅話，可以直接柯打正常size嘅雪糕，雖然要四十零蚊，但雪糕好高質，值得一試。

復活節第三日假期，來到沙田，經過city super, 見到呢間的雪糕及大判燒好似好好味，仲有期間限定的芒果雪糕及櫻花大判燒，雖然雪糕價錢比較貴， $48， 但見張相好吸引，所以一於買來試下。芒果雪糕個様靚，仲有陣好香芒果香味😍，好清甜，冇任何酸味，非常好。櫻花大判燒個樣都幾靚，我都係被所有櫻花產品吸引，去不到日本，都想在香港吃到櫻花相關產品。咬落好煙忍，好有福餅的口感，餡料有些似紅豆味，幾甜，而朵櫻花就是有陣咸味的，非常特別。吃了呢啲吸睛的甜品，心情特別開心。

話說今日同左一個中學同學去沙田參觀文化博物館 去睇呢個pixar動畫嘅展覽 咁由於我哋好少去沙田 所以今日臨走之前就去咗沙田新城市廣場嘅citysuper 買車輪餅食 我個中學同學話佢以前讀中大嘅時候成日都嚟食 話想黎回味下 咁當然我都想試吓啦其實呢間 chacha 我之前都有食過但係唔係沙田嘅 而且當時我係食佢嘅綠茶雪糕 對呢一間鋪頭印象都好好架 因為真係好好食 但係今次我揀嘅車輪餅就令我有啲失望我今次叫咗抹茶番茄蘑菇芝士 可能因為我太貪心揀咗呢個最多料嘅餅 但最後出嚟個味道冇乜抹茶味 裏面又唔多料 最重要嘅係佢凍左有啲硬 一啲都唔鬆軟 我覺得好可能係因為呢一款冇乜人揀 所以佢冇乜新鮮整食落得啲芝士味同埋一啖番茄同埋小小蘑菇 下次食車輪餅都係揀返吉士同甜嘅配料算數!

citysuper Cha Cha 期間限定士多啤梨北海道牛奶軟雪糕🍧，如果沒加士多啤梨粉就比較偏向牛奶味多過士多啤梨，但有埋新鮮士多啤梨嚟講，呢個價錢都叫低食嘅😋

試咗個限定北海道南瓜味嘅雪糕，估唔到有意想不到嘅驚喜南瓜味道超重，又唔太甜，38蚊大大杯簡直超值！佢哋仲可以加錢換購各款口味嘅糕餅，我買咗蕃薯同紅豆味，蕃薯嗰款比較有驚喜，紅豆反而甜得滯，但整體都唔錯嘅！

返屋企途中經過City' Super就聞到好香既大判燒味，所以買返一個食下先全部大判燒都係現場製作，更可以睇到製作過程有甜有鹹既大判燒比你選擇，但我個人比較鐘意食甜既仲可以叫套餐，價錢都合理呀我就叫左個抹茶紅豆吉士味，熱辣辣抹茶味濃，吉士香，唯一不足就係紅豆份量較少

同女朋友係沙田食完晚飯，無意中見到sweet house cha cha做緊特濃抹茶軟雪糕既期間優惠。 我地兩個一向對抹茶同無任何抵抗力既，所以就二話不說去買左杯試下。佢地有三種味道選擇: 北海道牛奶，北海道牛奶配抹茶同埋宇治抹茶。而我地就選擇左宇治抹茶。從職員接過杯軟雪糕，第一個感覺係豐富(視覺上)，因為除左有軟雪糕之外，仲有抹茶啫喱同抹茶醬(係一支dropper 裏面，見圖) 。第二個感覺就係都係豐富，因為係口感豐富， 軟雪糕本身已經有抹茶味和口感嫩滑，加埋d濃濃既抹茶醬，將抹茶既味道大大提升。再者，仲有抹茶味既啫喱做埋點綴。呢杯軟雪糕值一百分，唸唸下已經想encore 添。

大熱天時又肚餓，就買個 Cha Cha抺茶套餐食吓，$48蚊有杯抺茶軟雪榚抺茶沙冰，跟一個大判燒，大判燒有幾款餡選擇。抺茶雪榚味道相對尖沙咀名牌抺茶店的相差不大，但價錢就合理得多。而抺茶沙冰就因為冰得滯飲唔出抺茶味。而大判燒就鍾意佢夠多餡。

天氣太熱決定飲返杯抹茶沙冰！！Warabi mochi smoothie $42一杯沙冰加三粒蕨餅！蕨餅真係好好食，咬落去好似糯米慈咁，好有口感。不過沙冰唔算好濃綠茶味，$42略嫌貴了一點。

平時行過citysuper都會心思思想買黎食。平時就食開抹茶雪糕同抹茶吉士大判燒，今次就試下雪糕沙冰💁🏻個set好似比單買會平小小，好似$48❓抹茶雪糕沙冰抹茶雪糕依舊濃滑實正，豐富抹茶味，必定encore。沙冰就冇咩特別了，但夏天黎講，食完好消暑！ ❓抹茶吉士大判燒抹茶吉士呢個配對係冇得輸！可惜今次個大判烤唔夠熱！食落冇甘好味，但抹茶既苦味就仲有，但熱d好味多幾倍！

每次經過都會買個set。個抹茶牛奶軟雪糕好! 非常滑，而且食得出抹茶同牛奶嘅味。一定要order! 至於個紅豆抹茶大判燒，味道還可以啦~ 大判燒裡面嘅紅豆餡都好多，好足料。我個人覺得 order set 比較好，因為食到大判燒&軟雪糕