甜源居

Open Now

Now Closed

下晝同朋友經過，食完午餐之後想搵個地方食甜品。見到呢間甜品2:00就開門，所以就去咗呢度試吓。佢嘅榴槤同埋芒果河粉係人氣之選，食過好多唔同嘅甜品舖好多芒果都係酸嘅，一係就冇乜芒果味。但係今次嚟到呢度食呢個芒果河粉，芒果係非常之清甜，再加上河粉造型嘅椰子蒟蒻啫喱，又彈牙又爽口，真係好好食，仲有煙靭嘅西米，口感真係一流，份量比較大碗，所以可以兩個人share。我哋仲嗌咗碗，榴槤飄香，榴槤味非常之濃，仲有一舊榴槤嘅果肉，鍾意食榴槤嘅一定要試吓。

嚟到咗Sweetheart Dessert甜源居，第一時間目光就係被呢碗「榴槤湯河」震撼到！食物係眼先食，果然唔同凡響，榴槤味浮喺西米嘅清新之中，每啖都有驚喜，突然間想讚聲「至流」！想不到平平無奇嘅西米，都可以玩出新高度。下一道「雪糕窩夫」更係鬥到我食指大動。朱古力漿筋斗雲噴落去，邊熱邊冰，咁嘅對比，真係啖啖焦香得嚟唔膩口。芒果河粉就更加滋味無窮，芒果同椰汁濃郁得嚟唔攪膩，一上桌已經聞到陣陣果香，好似行雲流水咁滑落肚。「石榴飄香」吸引到我嘅目光，原來唔係平常見到嘅石榴口味，清新得黎又特別，一啖啖石榴香氣過喉，真係消消暑氣又提提神！爸爸嘅「紅豆冰泥」大得驚人，濃稠嘅紅豆味，啖啖都係細嫩紅豆粒，真係豐富過百味雪糕！🥄🍨🍧哂錢又值得，今次食體驗簡直係驚喜連連！甜源居真係有佢嘅「甜」頭，下次一定要叫多啲朋友一齊嚟分享呢個甜蜜旅程！

芒果是一種不會自己吃, 但是加在甜品上沒有抗拒能力的水果. 其水潤及自然果甜是奶類及西米的好拍檔. 這家在西貢的甜品店充滿着歷史的味道, 牆上面都是不同年代明星的合照, 而環境比一般甜品店不同的, 是多了一種田園小屋的舒服感. 點了傳統的楊枝甘露和黑馬王子. 前者的味道平衡度做得不錯, 西柚的苦澀味不明顯, 芒果口感順滑, 甜度自然. 後者是楊枝甘露加上清心丸和黑色與蝌蚪般的小丸子, 清心丸口感煙靭, 小丸子口感卜卜脆, 兩者形成的口感對比令楊枝甘露本身更有層次, 每碗五十多元的價錢並不便宜, 但水準並不差, 作為旅客區的甜品店也算是可以的了.

入西貢行下，小朋友本來話要翻屋企睇電視，跟住一個香蕉船搞掂咗佢好味，河粉好彈，好足料！人均60，但係真係好好好足料，抵食夾大件，行攰咗過黎食下甜品，唔錯嘅選擇！

眼見員工手戴紅色膠手套執枱執垃圾，轉頭伸手到雪糕櫃內用剛才處理垃圾果對紅色手套黎攞雪糕球，其他客人碟雪糕窩夫俾佢對紅色膠手套摸均哂，其實貴店雪糕球原本已經整成一個個球狀，相信都係為左方便提取，其實可以企理衛生地用廚具夾起，而唔係用對處理完嘅垃圾膠手套去攞雪糕球，真心覺得好噁心，不會再幫襯

趁住5月1黃金週有3日連假，其中一日就入左黎西貢閒逛🤩🤩今次志在週圍行下，影下相，食下野🌟🌟行到攰就入左甜源居食糖水🍮🍨🍭，我地一行四人，總共叫左4樣食，再加一個芒果pancake🤤🤤🥭🥭芒果沙冰最值得推介，雖然價錢要78元，但真才實料同口感好綿密，唔會好水，夏天飲實在透心涼！🥭🥭芒果panacke中規中矩，芒果唔酸，皮好薄，但如果啲cream可以相對少番啲就完美了🥭🥭芒果豆腐花，足料但略嫌唔夠甜🍨🍨珍珠棉花糖刨冰，如果椰子味再出啲就好了。總括都值得一去！5樣野食共$280左右

甜源居真係由細食到大，老闆娘和藹可親，非常親切😘😘😘😘😘我的最愛就是芒果沙冰，老闆娘說沙冰加了煉奶，所以非常滑溜，重芒果味由$38 食到$78物超所值🌟🌟🌟🌟🌟推介

今日下午去咗呢間店食甜品，所謂👍🏼店主推介既特色甜品，名<白主公主>，真係令到我眼都向上反🙄。竟然係奶水+兩楷有核山竹+小小意米。九成係奶水。絕對係呃錢之作。職員亦亳無服務可言。絕對不會再幫襯。

2022復活節 long weekend的前１天我姊建議去郊區逛逛，我舉雙手贊成！自駕到西貢碼頭，遊人挺多的，氣氛熱鬧。今天行程豐富：沿海邊逛逛、吹海風、吃海鮮、在碼頭邊的船排買海鮮，開心！盡興而歸，沿海傍街往取車，見到家甜品店，４人一致認為可以為剛才點心+海鮮午餐，補個 happy ending 😍我們點了以下的：#榴槤甘露：看名字就知道是楊枝甘露榴槤版，榴槤、柚子、西米，榴槤味濃，我喜歡！#芝麻糊：我媽媽只吃熱的甜品，本來點淮山杞子燉蘋果，缺貨，就改吃芝麻糊，味道一般般。#木瓜鮮奶：獲我姊高度評價。#朱古力脆脆冰沙：68元/杯，很大１杯，朱古力非常濃郁，但很遲才上，上面３個都吃完才來。

呢間甜品店無論職員態度和食物都非常不能。職員態度簡直係趕客。問佢要杯熱水，佢話水未滾，叫我order 支水。心諗，唔比就算啦，但話水未滾呢個藉口真係好好笑囉！我叫咗個芒果pancake, 好似放咗喺雪櫃幾日咁，個pancake 皮又厚又硬，芒果肉變晒色。我食咗一舊頂唔順，要放棄，埋單走人。呢間甜品店,唔駛錢我都唔會再幫襯。Bad experience ever😠😠😠😠😠😠😠

吃過午餐，在西貢海邊逛一陣，朋友說帶我去吃甜品，給我個驚喜。我就跟著去了。確實有驚喜，榴蓮河粉，很特別的甜品，用椰汁做成的河粉，伴以榴蓮肉，西米，香滑軟糯，是榴蓮食譜的上品，沒選錯。👍但也有驚嚇，吃完榴蓮河粉，又點了個芒果班戟，相比之下相形見絀，首先是太甜，外皮又硬又乾，價錢💰也不便宜，真是得不償失。😅

唔知幾時開始，入西貢除咗食海鮮，另外食甜品己成為不二之選⋯以前好多人鐘意去滿記，而家大部分人已經另外選擇咗甜源居⋯今日分別叫，咗楊枝甘露、木糠布丁、士多啤梨奶凍。味道不過不失，而價錢係西貢叫做合理⋯其實都唔知幾時開始，入西貢已經成為俾人劏嘅一個地方⋯ 😅😅😅

呢餐甜品要特別出post讚！西貢行完山立即衝去食（因為病毒6點後會出嚟）我同個fd睇menu見到有窩夫都想試下喎！😮😮😮點之一試難忘「雪糕窩夫」真係超好味😋即叫即整，等十分鐘到但一上檯😍食緊既芒果河粉都掉低熱辣辣再加朱古力漿🤤食完我地真係覺得好幸福可以改名「幸福窩夫」🥰🥰🥰招牌芒果河粉更加唔使多講…芒果汁睇得出係芒果打成漿再加西米啲河粉係自家製，點解可以咁爽口！我自己都試過整，真係好難較個配方所以都係俾錢嚟食啦！如果河粉椰汁味再濃少少就好啦！超完滿的一餐🥰🥰🥰

西貢糖水夜食完正餐，最岩同朋友食埋糖水作為結尾。右：榴連忘返榴連蓉+紫米+榴連露既組合好夾！口感較好，味道唔算好甜，但榴連味唔算濃左：榴連飄香質地同西米露都夾，口感軟糯，有大大勺榴連蓉！一樣，味道唔算好甜，但榴連味唔算濃芒果河粉（應該係佢地既招牌）分量真係好大碗，係麵碗size！食左正餐既人最好兩個人share一碗。其實唔係真係出面食河粉質地，非糯米粉，係似滑身，淡椰汁蒟蒻製成既粉，爽Q口感，加埋芒果汁食都唔會好’漏‘😋 但可能時令關係，冬天食芒果就唔太香甜，但都還可以。有位朋友唔食榴連 又唔食芒果選擇左中式熱糖水，比西式糖水遜色比較稀，味道淡總結：西式糖水比較出色，選擇好多，味道唔錯！推介！

忘記了係邊位朋仔帶小妹嚟呢間店食甜品，不過，我幫襯咗都真係唔記得幾多次了呢度，見證咗小妹由初戀到失戀。。。哈，重點返返嚟，令我難以忘懷嘅，係呢度嘅炸雪糕呀～～抵食夾大大粒，每次都會係即叫即炸，外脆內軟，雪糕朱古力味濃，試問外面啲甜品舗又點會有咁用心嘅甜品食喎～～所以，差不多一入西貢都會去食其後，我再試佢哋嘅炸香蕉同埋朱古力沙冰，炸香蕉將香蕉嘅香味完全表露無遺而杯朱古力沙冰，飲咗一口之後，小妹心裡面嘅怕肥罪疚感完全輸晒，嗰種粒粒彩色朱古力童年回憶加上濃濃嘅奶香飲到一滴都冇留低甜品能令人提起精神，如果心情唔好嘅時候，食好味嘅嗰種幸福同滿足感，真係好療癒㗎～～大家入西貢行山嘅時候，不妨去試吓丫