窩心冰室 (大窩口街市) (Closed)

原本係長期幫襯，次次叫外賣門口個收銀呀姐落單都極度冇禮貌，態度同面口勁差，真係財神都俾佢趕走，其他員工反而態度仲好過佢呢個疑似老闆娘多多聲，以後都唔想再幫襯，就係因為呢個收銀！！幫襯仲要受氣，真係唔知咩道理！

依家撞正疫情嘅關係，呢排好少外出堂食，但原來有好多餐廳都有提供外賣，而且都好多元化。不過如果唔想出去買外賣嘅時候，呢一間窩心冰室就非常適合，只要夠$80 ，員工就可以送外賣到屋企門口，非常方便，送餐速度亦都維持喺15分鐘內。經典特餐：沙嗲牛肉麵轉通粉，味道尚算可以😉沙嗲牛肉肉質唔會太硬同鞋颯颯，不過食完之後需要飲多少少水，因為湯底偏鹹。呢個餐仲會配埋雞扒同沙律，價錢平價之外，份量亦都多，所以非常抵食。下午茶時間仲有好多食物可以喺餐牌上面選擇，額外加通粉都只係需要加$5，所以成個餐都好豐富。

今天同友人去了行山半日遊，回來已經天都黑，立時想搵些美食填吓肚先。見到這間餐室装修都企理，門口餐牌内品種亦少。入内坐下揀了個晚餐孖寶試吓。沙薑雞+蝦乾粉絲。雞是黄油雞，蝦乾同粉絲炒得亦夠乾，有湯、有飯、有飲品，味道亦可以，最可取是佰叁蚊的價錢，夠大衆化，下次都會再來試其他。

今日好鬼熱，懶得落街食下午茶，醒起可以叫下外賣，有次搭lift見過阿叔一盒飯都送上樓，我就好奇問佢，點解唔洗最低消費？佢答我一盒飯都係生意嘛，阿叔都好好禮貌，我下次一次要試下叫！咁頭先試左叫兩個餐好快手，半個鐘內就到！個西多同豬扒包都係熱既！外賣盒送埋上門都無收錢、好味又抵食呀！

新開業冇耐,緊係要黎試下啦,味道好味,價錢合理,唔貴,堂食份量夠! 性價比高,出餐時間都正常,唔會等好耐,座位唔會好迫,眼見乾淨衛生!!!! 下次可以試埋個外賣先!

中午外賣自取午餐，叫左海南雞飯有去骨，等左15分鐘可以接受，店員態度一般。雞好滑，好味。但例湯太鹹，味精好重。新店外賣有9折，非常好。店舖寬敞，唔會好逼。價錢都係一般茶餐廳一樣，冇太貴太平。